係銅鑼灣比較少食dinner,行了一陣,終於都決定食韓燒了~
咁o岩又差唔多接近宵夜時段,正!!

9:15排隊等拎飛,9:30正式入座~

入到去,見到好多熟食,甜品都多過好多韓燒

雞翼,牛肉,牛仔骨,肥牛: 呢幾樣我覺得最好食~

另外,甜品+生果都不錯~雪糕值得推介!!

我會比80分!!!

本來諗住高高興興咁去celebrate father's day..
一早reserve 定位..
講定話要u 型個隻枱有2個爐燒..
點知去到都係無..
俾d 外藉菲律賓姐姐坐左...
咁我bk 台黎做咩?

5個人要用一個爐..
仲要係張四方枱再加張chair 係出面..
4個人一個爐都ok..
但試問5個人係一個方枱度點食呀?
同d waitress 講加多一個爐得唔得..
個個都勁求其咁話"無呀..今日父親節..無呀我地好多bking"..
完全無諗過睇下可唔可以俾到一個好d 既方法我地..
最後緊係無食啦..

漢和, 你係平,
但服務態度都好緊要架..

順帶一提, 如果想靜靜地星期日食韓燒既人..
要諗諗先..因為有8成都係菲律賓姐姐..
唔係歧視, 只係佢地多數都好多人一台..
會好嘈...

明天有一天假期
lunch 到causeway bay 搵野食
好好好好想食korean bbq !!!
好早睇中左呢間,今日就去啦!!!
都幾難搵下 要先到屈臣士行入,3樓就見到的啦

去到,個價錢嚇死我
$68一位任食
食到3:30!
真係唔錯,而且好多野食呢!

涼菜乜款都有,最緊要有我最愛既芽菜
飲品有豆漿和酸梅湯
甜品有涼粉,豆花,
有老火湯,人參雞湯
salad!!!!!!
而bbq方面,基本食開的牛,羊,雞,腸仔,紅腸均有!!!仲有其他
仲有sushi ,我知道 dinner有salmon sashimi tim!

整體黎講都好好食呀
因為這裡很便宜,所以有不少學生支持呢,不過繁忙時間會迫你搭台

不過呢到有小小唔好.就係冇咁乾淨.......有d plate 係好sticky !! ><
同埋地下好油嫁

燒完成身都好大煙味呢
不過一定飽死 滿足

2天前我同兩個朋友食左一個小時多...
未夠鐘就有個女人衝過來要我地埋單，
跟住當然係拎$，
點知佢好快咁就過到來收錢(過程唔洗1分鐘)
正當我地飲緊淡水既時候…
果兩個女人(餐廳員工)就同我地講：「你地夠鐘喇喎!!!」
當佢講完e句話，
佢地就即刻拉車過黎收哂我地d野…
連飲埋杯野既時間都唔俾,真係實在好過份…
感覺上係趕客走…
加上外面得2、3個客等緊…
跟住去同個籃衫經理既人理論
個經理比我地既感覺係俾人罵慣既感覺...
下次應該唔會再去…
總結：一間好既食肆除在要有食物質素外，最重要既係服務態度囉！

我同兩個朋友食左一個小時多...

當我那兩個朋友離開位置拎野食
即有個女人衝過來要我埋單
過了幾分鐘她行過黎講左句：「未得呀?!!!」
(我心諗：未夠鐘埋乜鬼單...)
之後諗住放低錢之後繼續食
點知佢再過黎收錢好快咁找錢
跟住好快講左：「你地夠鐘喇喎!!!」
o個時我同朋友呆左,
最衰無記得幾時入去
但都唔係講完呢句
即刻同佢個同事拉車過黎收哂我地d野嘛
連飲埋杯野既時間都唔俾, 想點呀!!!!
又想人地走, 但又成個身位阻住人
最後我同另一個朋友覺得好火,
同個貌似經理既人理論
反而覺得o個個人超氣定神
好明顯係俾人罵慣...

呢d咁既店鋪
食物好又點,
我地係黎諗住享愛成個餐膳
家下佢擺到明係趕客囉
俾錢買難受, 我下次唔會黎呀!!!!!

第一次食午市自助, 平時通常食晚市...

其實食物同晚市都好似差唔多, 不過午市無三文魚刺身...

有好多款肉選擇, 味道醃得都唔錯:
羊: 最好食, 我覺得
牛肉: 都好食
雞翼: 第三好食
豬扒: 都好好味
墨魚仔: 一般
牛舌: OK
肥牛: 一般, 超肥呀
雞脾肉: 一般, 唔係好有咖喱味
火腿: 好味
紅腸: 好味過三寶飯果D, 因為燒過, 哈哈
脆皮腸: 塊皮燒完變硬皮腸
蟹柳: 外皮燒到脆, 好味
(另有幾樣海鮮我無試)
矮瓜: 要燒好耐, 燒到淋哂, 先至好味
鮮菇: 都要燒一段時間, 都係好好味

飲品任飲:
酸梅湯: 一貫的好味
(我無試豆漿, 因為聽人講話唔係咁好味)

熟食都有好多:
炸三文魚(皮): 好多油, 我再燒一燒先至食, 好味D
秋刀魚: 燒完再食都係一般
餃子: 燒一燒, 幾好味
蘿蔔糕: 我食新拎出黎果D, 好好味, 好皮炸到脆卜卜
炸饅頭: 出奇地好味, 不過淨係出左一次, 無得添食
鹵水雞翼: 自己燒無咁嬲
豆腐, 豬紅, 豬腸: 一般
燒賣: 仲差過7-11

沙律: 我鍾意自己加沙律醬好味D, 佢地整好果D沙律唔係咁好味
粟米, 提子乾, 菠蘿粒: 幾好
菠菜: 好味
西瓜: 都幾甜

紅荳沙: 唔係咁好
雪糕: 朱古力味好味過雲呢拿多好多, 朱古力味入面有一粒粒朱古力粒

試完上面所列, 我已經好飽...
味道又唔錯...
所以真係好抵!
相對黎講我覺得抵過晚市, 因為每人差幾十蚊就係差左D三文魚剌身, 晚市食又唔覺得特別好...

仲有午市可以食耐D, 我地食左3個鐘, 都無人摧我地走, 係我地自己要走

服務一般啦

同場好多賓賓

之前已經好想好想食韓燒,只因為無錢既關係,今次,終於
係小妹生平中第一次食韓燒好幸福呢!!!
我同朋友大約五點半左加就已經去左食喇!!入到去當然好少人喇,
跟住入到去有人帶我地去坐,因為對五風口位,所以就轉位!!,坐既位置都好方便拎野食
第一次食既我,當然拎左好多熟食先,見到有好多熟食簡,有年糕,煎堆,蘿白糕,炸曼頭,豆沙鍋餅,煎餅,又有好多菜牙,甜品,種類真係好多好多,
生野就已經睇到我眼花,但我一向吾鐘意食豬肉,所以夾左牛肉,羊肉同一d腸類金古燒,,食到最尾,緊係食雪糕喇,!!我覺得d野食全部都好正,而且又多選擇,不錯不錯

7點半前埋單只係108一位咋

通常食開午餐，今次都係首次食晚餐。

一行五人韓燒，兩小時任食食到好飽。
燒肉類
牛舌，呢個必食！]雖然唔係厚厚既牛舌，但以呢個價錢黎講算好了。
雞扒，雞翼，其實差唔多味，因為用同一醃料。
魚柳，好強烈既檸檬味-_-辟腥都唔洗咁呀......
羊肉，新舊羊肉撈埋一齊，又紅又黑咁。而且有Ｄ好碎，落左鐵板燒燒下縮到唔見左
肥牛，呢個好食，肥牛真係夠肥，燒起上黎好香

熟食類
三文魚，應該用細粒黎形容佢，尚算新鮮，而且好快又出第２輪，唔會放得好耐。
韓式野菜炒粉絲，呢個係熟食中我最鍾意食，個人喜好。
大豆芽菜，前菜，貪佢爽口ja~不過摵走根部會更好。
牛油炒椰菜，ｄ菜唔會黃禁禁咁，食肉食滯左，不妨一試。
餃子，唔食都得！

甜品類
雪糕，必食，雲里拿味香，朱古力味有少少朱古力碎，食過多會苦。
豆腐花，都算滑。
水果，通常都係西瓜，甜。

服務態度一般，因入座計時方面唔清晰，店員冇耐性解釋，語氣重好差tim。埋完單諗住去埋洗手間先走，得返一位朋友等。竟然有店員問：你重唔走？
唉，咁樣同ｄ客講野，明趕客。

今日係我生日,諗住食五月花但係冇位,所以食 漢和! 8:00入到佢話可以有個半鐘食,但係未到9:00己經要埋單!!仲要未食完逼人走!!係咪一爆場就趕人走!!咩服務態度!!!

一月八號晚同個朋友係銅鑼灣搵位食飯，朋友話韓國野好唔好，我話掂，手機版openrice有呢間野，我地又近，朋友打電話去問，朋友問:我地兩位e家上泥，有冇位？對方有個女仔話:有o既有o既，上泥啦！
好！信佢，上到去電梯口，人山人海，我朋友上前問櫃面女仔: 我地頭先打過電話上泥我地兩位，e家有冇位。跟住女仔聽到，黑口黑面，望左我地一眼，頗為衰格地比左張飛我地仲講；二到四位係冇訂位o既。

我地兩個聽完，火都泥埋，即走！

我唔清楚接電話果個係咪就係呢個女仔定係另有其人，不過要等位又唔係電話話比我地知，淨係叫我地上去，上到去D人個樣又D咁o既服務，點解香港食肆服務會咁差呢？

同友人一起去食韓燒
等9:30 $98既自助韓燒
因為今日冬至,所以沒有什麼人排隊
好快就入得啦^^

前2日走去問下有無得book枱,
點知個waitress問我幾多位
我就答4位啦
跟住佢就: [ 無wo,無得訂架wo! ]....(哇...甘都有架)

好啦入到去食左2個幾鐘(9:30-12:15),都幾抵
d野食都ok啦
都幾多款式,有d款無哂又好快甘加番~
可任飲豆漿同酸梅湯~
重有soft drink都係$10 兩枝,都幾抵呀
豬同雞都幾好食,
食多d三文魚刺身,幾好食
不過呢三文魚壽司就唔好食啦,因為d 飯勁硬

by the way,
d 湯有味精,唔好飲甘多!
三文魚扒好多骨,食個時要小心d!!
食完韓燒記得食下生果下火,都幾

重有呀d serviece真係mama地

同埋個toilet有d dirty,我都唔敢去
所以我食完就同友人衝去世貿去toilet


整體而言,
一大班人一齊都ok架,因為真係幾抵
比起其他幾間依間叫最好架啦
d 野食既款式又幾多,
係service 同hygiene 比較差


p.s.其實燒金菇幾好食,我食左好多,大家可以試下

星期日两個人唔使等位, 唔错
食咗兩個鐘 (8-10PM) 無催人走, 唔错
換新燒鐵板 兩次都有求必應, 服務OK呀


食物方面
泡菜偏甜, 幾開胃
牛羊豬肉 調味幾好, 只係太薄, 好易燒過龍, 變牛/羊/豬肉乾
雞扒最好, 夠厚身, 正
魚柳出奇地好, 應該係石班, 無雪味, 推介
菇類亦有汁/調味, 唔會太乾, OK
甜品就相對失色, 如果雪糕多D味道揀就perfect喇

細妹生日，她想食韓國燒烤，於是選擇了附近的漢和，六點四十五分已經人齊，於是可以入去，部長不紤地說你們可以吃個半鍾。裏面的裝修也不錯，但座位太細，他們分配給我們的四人位，怎樣看都像二人位置，問他們可否轉位，他們怎樣也不容許，位置的地下上佈满油，他們則給我們轉往另一個一樣的卡位。雖然很無耐，但生日的雅興就不會因此打消，我們開始拿未西吃，放滿了枱，肉食種類很多，有羊、豬、牛等，但則開始燒的時候，我突然發覺身邊有些東西才動，細看原來是甲由，我們都跳了起身，這時個部長，特別好的對我們說，換張五人枱給我們，我心想你早些給我們換枱，我想就不會發生這些事。
講食物種類和質素，其實沒有甚麼好說，一般燒烤店有的他們都有，前食有泡菜，好似係六種，也有糕點、沙律和人茲雞湯，我媽啺了兩碗，之後就說，好似加了太多調味，令她好口湯。也有雪糕，豬腳、蝦等。
雖然裝修也不錯，食物朼多，但衛生真的很差，因換了枱後，我見到一隻蟻，心想算了，加上，雖然吃是吃了很多肉，但沒有很滿足的感覺，可能和平日吃的餸菜差不多，沒有巧手小菜，對我來說，都是因為貪平才會選擇此間，但以後我都唔會再來。

第一次吃過漢和後念念不忘
昨晚終於有機會再試
但完全失望而回
食物退步了!!

星期六晚上9點半到達
人很多, 原來9:30pm後$98一位
(以前只知11pm後$88)
但沒得多久就入座了
還是老樣子, 拿食物要排隊= =
一口氣拿了很多就開始燒
但所有肉的味道都是same n heavy flavor
上次念念不忘的牛扒, 今次只吃了一轉就放棄
太咸, 口感又差
一小碟三文魚食到有5塊魚鱗!!!!!!!!
放棄!!!!
上次吃了4轉的好味chocolate icecream
今次完全失蹤, 只有一隻cheap cheap vanilla

但要讚的是service
waitress態度挺好
什麼也沒說就幫我們收了食剩2大碟的肉
我們要求換塊新既燒野食"蓋"也沒問題

雖然很便宜很抵吃
但這樣的quality, 不會再來了

限時不要緊，但因為要排隊拿食物，真的超多人，所以又浪費了一些時間，最後未真正吃完便需要離場了.....吃了多次韓燒第一次要排隊拿食物，很難理解，希望安排上可做得更好......至於食物不錯，一向在旺角吃的，已經覺得漢和的食物不錯，銅鑼灣店也沒有令人失望......