0
2
6
港鐵坑口站 A1 出口, 步行約2分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
本來冇諗過寫食評, 不過見到太多負評, 有少少想為佢評理. 其實我之前都因為太多負評所以冇食過,周圍都勁長龍, 得越棧唔洗等. 就入去試吓. 一貫連鎖式集團做法, 服務好一般, 因為侍應太少又開始多客, 見佢哋好忙. 我哋叫了生牛肉湯河同香茅豬扒撈檬. 好快就上枱, 生牛肉好碎, 不過碗湯夠熱大大碗, 味道幾好. 豬扒撈檬有花生炸乾蔥配料, 豬扒亦炸得幾好, 唔油膩. 加$ 8 加碗菜, 味道正常. 呢度環境ok, 食物ok又飽肚, 唔洗加一. 2個人埋單$100 都唔洗, 我覺得可以喎.
繼續閱讀
今次係我第一次來食，亦係第一次食到咁谷氣而down app寫評論！點餐時，周圍啲侍應都懶懶閒咁，舉極手都唔過來，直到要叫埋出聲先慢慢走過來。過到來之後，個樣仲好唔耐煩，完全唔想同我地點野食咁。叫野嗰陣唔過來，之後有個fd(原本3人坐4人抬)去左廁所，先有個staff走來話“你係咪一個人？不如坐去隔離張枱會‘舒服’啲”。唔係呀？2個人對住坐都以為我搭枱？冇野呀嘛？食緊野，聽到隔離枱叫野食，侍應大聲同個客講，“冇汽水啦，飲凍檸茶啦！”。依加你叫定個客叫呀，咁嘅態度做生意嘅，不知所謂！食物方面，依間野d野食坐底$50，但份量比其他餐廳少，好彩質素仲有少少，不過以依個價來講完全唔值，平返一半就合理好多 (態度咁差，冇加一算係咁)。仲有佢雖然有特飲，同埋只加$4，但大半都係冇得賣，所以都真係要飲凍檸茶。所以成個過程真係好痛苦，承受住劣質服務態度、貴而少而味道普通嘅餐，我真係以後都唔敢再來食。
繼續閱讀
自問試過很多間不同分店的越棧當然是覺得不錯才繼續幫襯今日來到坑口分店在門外沒有waitor (在其他越棧分店從未發生)當自己走到入去時，waitor見到你都扮見唔到算喇自己招呼自己吧入到去其實只有兩枱客一枱食完但未走另一枱就食緊我們點了兩個下午茶餐誰知等了十五分鐘仍未有(食慣越棧當然知大概等幾耐)同waitor講，waitor話整緊心諗: 成間鋪淨係整我們兩份，要等咁耐嗎？心裡真的很不爽！食物終於在下單後二十分鐘才到生牛肉河和香茅豬扒金邊粉，加兩杯凍檸樂。評下食物啦！先是生牛肉河，湯底好香半生熟的牛肉大致上有四塊，牛肉數目如果多d會更好食落去半生熟的牛肉都尚算嫩滑，佢仲有其他配菜例如係莞茜同芽菜，仲會有少少生洋蔥因此其實食落去都幾香口的，望落去都幾靚幾開胃至於河粉的份量唔算多，而且唔夠滑身，仲有少少過淋的感覺不過佢個湯底不錯，應該係牛骨湯底，好濃郁牛香味，成碗野最值錢係個湯底！另一個香茅豬扒金邊粉湯底又好明顯比較淡豬扒三至四小件肉身都係算嫩滑無雪藏味，係嫌佢個份量真係少左d配料其實同生牛河的不多，金邊粉亦係太淋唔得爽口份量亦係比較少係我們食野其間waitor肆無忌憚很大聲傾計例如: 明天掛8號，我返呢間我咪蝕哂？／俾我放星期五啦？／等等等等其實我真心覺得，員工傾計是很正常但都唔好係食客面前大大聲聲咁講，完全無職業操守到俾錢結賬，食客要行去門口結賬當時我們由坐位行去收銀處，waitor是看到的，但完全無理會我們行到收銀處，卻是無人在這裡收錢要我叫左幾聲：「唔該！收錢，唔該！收錢」才有一位waitor私私然行過來唉！這裡的服務真的非常差，完全唔似做生意！做食客都食到一肚氣！
繼續閱讀
見有人評論這食店, 有感而發, 所以也寫出自己見聞. 因為鄰近屋企及冇乜要求, 所以光顧過幾次。不過就從未見過服務如此差的食店, 從開張到現在, 服務態度都堅守如一-----差劣, 侍應無論高级低级肥瘦都是黑口黑面, 態度惡劣. 進入食店,不要期望有什麼服務, 如果有人主動理會落單, 已經走運了. 每當送上食物時, 總會聽到"不是我的, 我係要......." 上星期下午茶時段, 全場不超過10個客, 竟然都有3 張枱是落錯單(當然我也不能幸免), 但她們例牌否認自己出錯, 推卸責任, 員工之間”零”溝通, 好一臉"唔關我事,係咁架喇"! 有次客人要ㄧ杯“滾水”, 送來的是凍水, 所以客人重新要求話係要“熱滾水”, 㸃知個伙記話“呢杯都係滾水, 不過凍咗之嘛” 總之她們永遠是對的, 最錯是你入來幫襯 ! 最經典一次, 有兩個侍應竟然在店內互相大聲指罵, 粗口橫飛, 全場食客為之側目. 至於食物方面, 非常一般普通, 每次水準都不一, 所㸃的香茅豬扒撈檬, 每次配料都有多多少少唔同, 今次豬扒炸到好乾好乾, 味道比之前更咸, 要不斷飲水解渴, 可能幾十蚊個下午茶, 水準係差唔多掛! 唔知其他同名的食店, 服務及食物質素又如何?
繼續閱讀
每天都會路過此店, 但是看見店內燈光昏暗人客也不多....所以一直都沒有光顧過!!上兩個星期五的晚飯時間, 剛好遇著好幾間餐廳都大排長龍,,,只是這一家沒有人~那就儘管試試吧!!結果....真是讓人非常失望~我終於都明白沒人光顧的原因了!!!首先......店內空位很多, 門外也沒有其他的客人,,,,,但是也要我們站了5分鐘才能安排座位,,,,店員的態度也是很惡劣的~點餐的時候才說沒有凍飲, 也算了...下單情況混亂, 不停送錯食物到別的桌子.....我點的是香茅豬扒.....河粉是完整一餅的, 湯底很淡, 不夠熱~自己用筷子弄很久才能把河粉弄散開**香茅豬扒, 乾到像豬肉乾!!老公點的生牛肉湯河牛肉卻是全熟的...這一家餐廳真是非常差~不會再光顧!!
繼續閱讀