曾經,兩個人齊齊搵地方hea, 開開心心share , 而家要獨自一個人. 係緣盡?!

嘗試好努力去令自己enjoy alone . 仍然喜歡周圍搵地方hea, 獨處既最好地方應該都係coffee shop . 已經唔係第一次黎, 好鍾意呢類型既小店, 而我既夢想亦都係開一間同類型休閒店. 由主攻包餅拓展多一間隔兩個舖位既coffee shop, 食品質素當然有一定水準, 最鍾意佢個roll cake , 軟棉棉的. 同坊間餅店死實的卷旦真係差好遠.

上次黎食, 食左個不知名既( 應該係甜品 ) 見賣相有d 法國風情, 硬硬得, 又凍凍的, 雖然店員在碟子上用士多啤利汁加了點色彩, 但始終唔能夠為佢加分. 另點了flat white . 無拉花圗案, 是次單獨初體驗實在失敗, 不過雖然係咁, 仍然無損我再去既雅興, 今次, 做完義工, 又漫無目的行到此店, 本身想過海去覓食, 但係那刻仍然提唔起一個人游蕩咁遠既情趣,
今次, 揀左cappuccino ( 肯定有拉花) 另外要專登行過兩間舖位去買一個牛角包帶過去,
牛角包無咩特別( 不過都肯幫我翻一翻熱) , 反而係店員服務要讚一讚, 態度親切有禮, 響我在坐期間, 佢都好有禮拜地為客人take order , 其實除左跟單之外, 所有野都一腳踢, 沖咖啡, 洗碗碟, 捧餐, 收搭, 無一不曉, 相信佢亦都係一位資深barista, 百忙中亦不忙為客人送上每杯各異既拉花圖案, 而且亦不時提點新手員工要注意既地方. 抵讚!
席間, 見到隔離點左carbonara 同all day breakfast , 賣相極為討好, 心唸下一次都要試一下, 不過要衝破一個人要消滅整份餐, 無人同你share 另一種食物, 真係有d 難度.!

見門外張貼左張請見習咖啡師既notice . 寫明part time or full time 都歡迎, 為免太唐突幫襯完即刻走去應徽, 所以決定相隔一段時間再打電話去問, 初步回覆似乎part time 都唔係咁受歡迎, 但係實情係我真係好有興趣去學沖咖啡, 當然會兼顧其他範疇, 主要係想一邊學一邊有機會實習, 為未來開設自己既小店舖路.

以前中學喺喇沙讀書嘅時候，差唔多日日都喺九龍城食嘢。上咗大學出咗嚟做嘢，因為唔再住喺果頭，九龍城又唔近地鐵，好少去喇。

上個星期六放假，陪媽咪去九龍城排隊睇中醫。一早去到都要排成兩個鐘，拾埋藥都中午喇。媽咪話無咩胃口，揀咗去 Ceres 果間 cafe。以前成日去 Ceres 麫包店，果時九龍城得佢一間賣高級西式麫包，最鍾意 garlic baguette，仲有買朱古力熊仔包俾妹妹食。佢個老闆好親力親為，差不多去親都見到佢。

無去一排，應該麫包店做得好，喺附近開間小 cafe。地方唔大，坐得10個人左右，不過感覺都幾舒服。我哋先叫咗 green tea 同 banana smoothie。Smoothie 用香蕉即打，無化學味。飲嘢都算幾多選擇，價錢都唔算貴。媽咪只叫咗個 cesar salad，夠新鮮，但係對我嘅話份量就少咗啲，對女士就剛好！我叫咗白汁煙肉意粉。Take order 個女仔走入廚放煑嘅，整得好慢但仲係有啲手忙腳亂... 味道呢？同我自己喺屋企煑嘅無咩分別，大家明啦，哈哈。Cafe 依邊都有啲蛋糕，不過選擇少啲。我叫咗最普通嘅黑森林，食落 cream 好重，無咩酒香，差咗啲。媽咪話唔要又要，最終喺麫包店果邊要咗件 blueberry cheesecake。件餅偏實，無咩 cheese 嘅香味，好一般。Ceres cafe 水準一般，勝在坐得舒服。依類 cafe 喺九龍城唔多，都值得支持嘅。一直覺得 Ceres 嘅麫包好過蛋糕好多。或者老闆可以諗下熱辣辣出爐麫包加新鮮 butter and jam 同咖啡，應該仲吸引！

13/12/2012(星期四)

和同事放工後，決定往九龍城一帶走走，吃吃東西。

第三站：Ceres Boulangerie et Patisserie

我是一個很愛吃麵包的人，尤其是一些外國麵包，1X 歲時，曾逗留德國數月，差不多每天以不同的麵包作主糧，很懷念那些年快樂無憂的日子。

Ceres 是一間有名氣的法國人氣麵包店，是次來到九龍城，理必買袋麵包回家去。Ceres 門口。蛋糕櫃，蛋糕外型設計得很吸引。最後，我買了一袋麥麵包。邊逛街，邊吃了一塊，很香的麥味，麵包亦夠軟，很美味！其餘的則留待第二天早餐再吃。

最鐘意Ceres出品嘅麥包，無論黑麥抑或裸麥，都係咁香麥味，好實在的，
比A-1 Bakery或其他連鎖大集團嘅真材實料得多，唔係混上好多白麵粉或者染色黎魚目混珠。
當然價錢相對較高。
質素有時同價錢都係成正比嘅，兩者只能二選一。

不過甜品就真係咪搞喇。

忘了名字，Raspberry味嘅cake見到寫住Chef推薦，諗住應該無衰掛。
點知。唉。
呢度麵包出色，但甜品失色。
層層相間分別有紅莓啫喱，椰絲，同埋最底一層白色類似忌廉+芝士嘅混合物....
整個味道就是說不出來的怪。

Tiramisu絕對不對辦嘅Tiramisu。
最上層係一陀好似放咗好耐而硬咗嘅cream。
入面嘅cheese位滑溜度一般但味道都夠，奇就奇在Tiramisu竟加上巧克力醬（十分討厭）都算喇，
杯嘅最底係大量水汪汪嘅咖啡味液體，一攪就成杯野溝稀晒。
發生緊咩事啊？呢杯真係Tiramisu？！

Mango cake（類似..)蛋糕口感有啲乾，白色嗰層唔係幼軟嘅ceram而係硬實嘅糖霜，格格不入。

黑麥紅豆芝士包咁啱撞正新鮮出爐，當然要親熱食。
外皮脆，內鬆軟；但外皮得有過硬了，要幾吃力去咬。
食到中間，熱辣辣微溶嘅芝士粒加上保留顆粒有口感嘅紅豆蓉，好味道。
第一次食呢個配搭，幾新鮮，可以encone啊。

Rosemary Focaccia可以話係Focaccia之最。
比Little Mermaid Bakery嘅出品好太多了。
料多（蕃茄乾，橄欖，香草etc..），橄欖以及香草味香濃，麵包外層富適量油脂，口感煙韌，推薦！
真係香到一路行街攞住佢都會聞到！
加上價格合理，17蚊幾大個。對比Ceres其他包算係平。
好多Bakery出品嘅Focaccia都太唔似樣喇！

蜂蜜方包方包就有點失色了。完全食唔出蜂蜜味何在。
但勝在包身鬆軟得黎有彈性。

大福豆沙包粒粒紅豆蓉配上軟滑忌廉，加上包身輕盈軟熟，唔錯。
值得一說嘅係Ceres用嘅忌廉好出色（食過Roll cake就知）。甜度較低，輕幼香滑，清新不膩，讚。

p.s.唔知點解呢度嘅麥包全部都勁大個，一個人食實有剩，好浪費。
如果有mini size或者切半個賣就好了。
成日想買，但就因為佢嘅king size而卻步。

p.s.2 本來想俾笑臉，話晒係我最喜歡嘅bakery之一，但一諗起甜品...內心好掙扎。

今日又嚟咗九龍城, 走時買件西餅返家做下午茶先! 之前嚟呢間店通常都係買包包食, 好正! 遇啱邊款包出爐就買嗰款實無錯的, 上次食咗個多位讚好的蘋果祼麥包, 上上次食嘅係黑麥包, 再上上上次好似係黃梅合桃麥包, 都係見邊款出買邊款, 所以都係暖暖的、香香的、脆脆的、大大個的、包內物料豐富的。。。廿零至三十零蚊, 好吃!

今次買的餅, 看似不錯, 價錢偏貴, 因件餅比飯盒還要貴呢, 藍莓芝士要36元, 拿破侖39元, size 略小, 好吃的話...不成問題! 但我覺得最多係: ["都OK 啦"...咁囉...!] 拿破侖, 不是不香, 不是不脆, 說不出那裡不好, 但不是我那杯茶! 藍莓芝士餅, 食落質感都幾厚身, 少少味, 不濃烈, 藍莓醬又是少少的, 不濃但又不是那種"濃淡相宜"的感覺, 所以評價我只給: [一般! 此店的麵包比西餅好吃!] 咁囉。。。 再嚟都會買麵包食!

打算回家的途中，在一條毫不起眼的街道裡，被我發現了一具有法國氣息的麵包西餅店！單單是站在門外，已覺是一間走高級路線的麵包西餅店，甫進店內，擺設更覺高檔，環境優雅，氣氛清靜，就如走進另一世界似的。售賣種類：大部分的麵包都是份量很大，價格大約$20-$40左右(不便宜呢)，另外，售有西餅蛋糕、曲奇、蝴蝶酥等等。
少到這種高級麵包店，都不知選哪款好，但又不想買份量很大的麵包，而且難得經過，當然不能空手而回，最少也要買一件滿足自己。逛了幾圈，赫然發現有售賣豆沙包，是我至愛的口味，不用多想，就決定買一件大福豆沙包($13)回家品嚐。拿到收銀櫃，負責收銀的女店員用以柔和的聲線有禮貌地問顧客「仲有冇其它野想要」 ，由此可見，服務細心有禮。而另一位男店員則是負責控制切片機，當有顧客購買份量很大的麵包時，才會即時切開，十分講求衛生！女店員快速地把麵包放進透明膠袋裡，動作乾淨俐落，果然有高級麵包店的服務質素，值得一讚！只從麵包表面看來，完全看不出是豆沙包。淺咬一口，包身味道鹹香有致，口感煙煙韌韌，在外層撒上一層麵粉，除了增加其麵包的外觀和美感之餘，亦為麵包添多一份麵粉香。雖然大福豆沙包外型稍為細小，但內裡卻蘊藏著極多的餡料。除了用上不可缺少的紅豆餡外，同時加入了甜滋滋的忌廉令味道與口感顯得豐富有層次。紅豆餡帶有完整紅豆粒，富嚼勁，甜度適中，吃來不會過於甜膩，討人歡心。至於，忌廉方面，味道不比紅豆餡遜色，兩者互相達至平衡，味道非常搭調，很好的配合。

初嚐第一次，味道、用料、選材配調皆不錯，惟價錢略貴，但一試無妨！

遲左放工 , 夜晚又要食自己 , 最好就係先黎食左下午茶 ,
夜晚肚餓先再o係屋企摷野食 , 咁就可以慳返晚飯錢喇 ~

行到過黎九龍城 , 例牌周圍逛下 , 然後隨意入左黎呢間面包店其實都入過黎好多次 , 但呢度 d 包多數係大大個麥包法包之類
好少機會好似今日咁有咁多個裝面包買 , 所以我揀左兩個試下1. Pestro 醬煙肉包~ 紐紋狀o既面粉圍成一個圓 , 紋路間有著清香o既 Pestro 醬味道只係好似食緊香草面包 , 莫講係煙肉碎 , 連味都唔覺 ,
真係唔係幾知點解要賣 $ 16 咁貴 , 可能我唔識欣賞個意式醬2. 蘋果丹麥酥~ 呢個只可以叫做蘋果丹麥條 , 因為佢無丹麥酥o既酥脆 只係好似普通面包舖既丹麥條咁 , 少少牛油味 , 煙韌有嚼口
咬下係見到一層層酥皮 , 不過好實淨 , 不輕易跌下 亦表示佢並不鬆化 , 蘋果醬偏甜 , 幸果肉帶酸味且爽口 ,
蘋果下有少量吉士醬 , 香甜卻不怎軟滑 , 整體也是一般而已

## $ 30 兩個唔特別美味o既面包 , 實在太唔抵喇 ,
係咪因為我揀錯面包呢 ?? 我見除左面包仲有好多蛋糕同埋精緻o既西餅 , 價錢偏貴 , 搵日心血來潮買黎試下先

Blue Berry Cheese Cake
　　的確唔錯！！如視佢為ＰＵＲＥ　ＣＨＥＥＳＥ　ＣＡＫＥ。
　　事實如此，蛋糕咪道濃厚，真係芝士有芝士味，但沒什麼藍莓味。

P.S期待下次再食><

Have been addicted to 2 of Ceres' products: Apple Rye Bread and Roll Cake!

Apple Rye Bread $37
Full of the aroma of cinnamon and apple!
the bread itself is soft, the fruity apple and crunchy walnut pieces bring more texture to the bread.

Roll Cake $17.5 per slice / $86 Whole
Extremely soft, almost melts on your lips!
The whipped cream is light and milky.
A simple roll cake but is definitely the best roll cake I have ever tried!

在Ceres光顧過不下數次，發覺不同麵包/cake的水準各異，好吃與否真的要看彩數。

（一）蘋果祼麥包第一次試吃就是此店的招牌－－蘋果祼麥包。
此大包（份量很大～）雖賣相平平，但在帶回家的路程中已聞到它傳來的陣陣麥味和肉桂香，倒是挺吸引。
第一口先試純麵包，外皮微脆且帶韌勁，而麵包內裡的組織結實，不是鬆軟的那種，頗有口感。
麥味足。

接著是蘋果肉。味道酸甜軟稔，似蘋果蓉。
麵包因加上蘋果肉而變得濕潤，使本身過份厚重結實的祼麥麵包吃起來不會乾巴巴。
配上份量不少的提子乾和核桃，集軟、硬、酸、甜於一身，不錯。

但本人最喜歡的反而是麵包香濃的肉桂味！
相信肉桂粉下得非常重手，所以很能滿足我的重口味

整體而言水準不錯，但尚未能達到鎮店之寶的級數。

（二）Orange butter cake　＆　Lemon Madeleine 第一次來的時候，因時間尚早，很多包和蛋糕仍未出爐，故手癢買了它們。
Lemon Madeleine完全過甜，加上檸檬味不足；
Orange butter cake則略為過甜，蛋糕組織太鬆散，吃一口便快要碎掉。

（三）Roll cake看樣子平平無奇，放在蛋糕櫃內壓根兒不會被我注意到。
選上它是因為眾多開飯網食家的好評。

結果非常驚喜！
愛上了這小小一片，沒塗上豔亮色彩、身穿華麗衣裳，僅以雪白淡黃的自然妝容示人，看似平凡但內裡非凡的Roll cake！
淡黃的蛋糕十分軟綿鬆化，幾乎比一般蛋糕鬆軟十倍，讚！
雪白的忌廉輕柔味淡，不存在死甜問題；
份量相對較少，雖不會出現吃cream多於吃蛋糕以致濟膩之況，但還是宜增加忌廉的份量，更能滿足味蕾。

最後，對此Roll cake的總結是：柔軟輕盈。
用來形容蛋糕可能很奇怪吧，但吃罷感覺舒服，腦中不期然出現此詞。
把它拿上手可是輕飄飄的喔～！
大推！

（四）Chestnut with honey pear完全是錯誤之選。
因為本人不愛巧克力，驟眼看到名字覺得吸引，沒看仔細，買下便後悔了。
上層是栗子蓉，下面則以糖漬梨和巧克力蛋糕層層相間。
跳過巧克力蛋糕不嚐，栗子蓉夠soft、不硬實；
一顆顆、呈粒狀的糖漬梨味清甜、有水份，皆属水準之內。

另外，沒拍照的亦嚐過軟忌廉芝士包和香蕉核桃全麥鬆餅。
軟忌廉芝士包：
cream cheese份量絕不吝嗇，比美x大集團的多得驚人。
但太多反成為扣分之處，太膩了，連我這個甜怪也吃不消。

香蕉核桃全麥鬆餅：
全麥鬆餅口感略乾，一般；
香蕉很少，核桃份量還可以，最奇怪的是沒標示出來的提子乾份量最多、反成了主角。

下次要試的款式還有什麼呢～