This is the first time i tried this restaurant, the decor looks good, the company seemed to have put in most effort into the appearance of the restaurant. It serves a wide range of food including ramen, steaks, baked rice, salads, and even hotpot.

We ordered 2 baked rice, a fillet and the hotpot. The 2 baked rice are served in metal pots, not ceramic ones as you would expect for a "baked rice". The fillet is too salty in my opinion. The hotpot actually tastes good, but it takes a lot of time to cook the food because the cooker is not strong enough.

The decor of this place gave it a high-class feeling with white sofas and glass hanging lightings, but the customer service here is really bottom class. The dinners we ordered came with soups, and we have to repeat at least 3 times that we wanted "russian borsh" instead of "cream soup", before the waitress can hear and note down correctly what we wanted. We spoke each word in Cantonese clearly each time. It just gave me the feeling that she isn't listening, and not using her brains when taking orders.

Worst of all is when she took us the ketchup. She just put down the ketchup and then immediately turned her back to us! She didn't say a word, and just stood there next to our table, what the hell is wrong with her!? I hate this kind of impoliteness...

The hotpot is the best value for money I think. After we finished the food, we asked them to turn off the cooker, but somehow none of the staffs know how to do it properly, they just throw a piece of wet cloth directly over the fire---

在荃灣看電影前，貪快貪方便去了珊瑚堡晚飯。

之前在大埔試過，知道質素大約去到邊，但原來荃灣店更差！

已經俾足一個小時去食這餐晚飯，但點完食物，等了很久什麼都沒有上，連水都冇杯！乾啃了麵包，嗯，我不太喜歡食硬包呢！而且食到成張枱都是麵包碎。

隔離枱的情侶應該都是趕看電影的，見他們催了兩次主菜都未上，我們都順手一齊催。但等了起碼二十分鐘才到，見這樣的情況，我們還是早早先點餐飲穩陣。

食物質素真的強差人意，七成西冷都好硬，好在鐵板上都算夠熱，但真的要費盡九牛二虎之力才切得開呢。

而居然是碟上的 T 骨呢，真的好大塊..... 骨! 又是一個字.... 硬!

好在有100元現金卷，但仍然要補六十幾蚊! 一百六十幾蚊食這質素的食物，好似貴咗小小喎!

好在，我們食到一半就埋定單，都趕得切準時入場!

份量少

埋單埋好耐

叫埋單叫左五次都冇人黎

等左足足15分鐘

最後由一個態度好差既侍應生, 囉左張手寫單, 叫我地「自己去出面埋」

(張手寫單仲唔清唔楚, order左 d 乜又睇唔明佢寫乜, 銀碼都冇)

離晒譜, 不嬲食開都係侍應過黎餐抬埋單

又唔早講, 要我地呆坐15分鐘先講...

去到所謂既收銀, 成條學生長龍o係度排隊等俾錢

一來我地趕番工, 二來冇理由要我地混埋入班學生入面一齊戇居居咁等呀!?

永不光顧!

收到Openrice送贈o既電視’復仇’o既戲飛(先多謝openrice),就約男友28-8-2009 Fri睇.6:20pm o黎到荃灣廣場,同男友一齊食個晚飯先.

男友話去紅螞蟻鋸扒,上到o黎2樓,見到呢間,於是都係唔搵紅螞蟻,而且話7點知落單就有75折,咁就試呢間啦.

女侍應即問我o地想坐卡位定窗口位,男友答窗口位.咁我o地點o野食,唔使諗喇,叫個$268.00o既二人套餐啦.有:

1. 餐湯和餐包
同男友一紅一白,我飲忌廉湯,湯唔滑,算杰身,味道淡,普通茶餐廳水準,有啲失望.
味道: 2.5分
而餐包,竟然係脆皮,真係好脆,同翠華o既差唔多,食到一枱都係碎.
味道: 4分

2.雜果沙律
沙律份量唔少,有羅馬菜,蟹柳.生果有蕃茄,哈蜜瓜,水蜜桃,西瓜同橙,而竟然有龍眼添.

所有材料都好新鮮同鮮甜,尤其是蟹柳,唔似平價蟹柳,蟹肉味好濃,近乎北海道長腳蟹,水蜜桃雖然應該係開罐頭,但可能隔好o左水,好好味.而哈蜜瓜係爽口清甜,呢個沙律真係好有驚喜.
味道: 4.8分

3 美國安格斯肉眼牛扒
男友話要七成熟配薯菜,同要蒜蓉汁,佢同焗天使麵一齊到o黎.件扒大大件,可惜凍o左.口感夠腍,但冇厘味道,唔怪得畀咁多咁濃味o既蒜蓉汁啦.但薯條就新鮮熱辣,兼夠鹹,好味.
味道: 3.9分

4. 粟米焗蟹腳雞扒天使麵
呢個熱辣辣,雞扒早已被切開一件件,雞扒煎得香脆,但畸鹹.天使麵好腍,芝士份量o岩o岩好蓋住啲麵,當食到最後時,就因為唔夠而淡茂茂,冇味道.男友要落辣椒仔食埋啲麵.蟹腳同食沙律o個啲一樣,不過呢個就係熱食,但仍食到蟹o既鮮味.
味道: 3.5分

5. 甜品－藍莓芝士餅
最後送上o既甜品係兩件藍莓芝士餅,o係飽o既情況下食埋佢,藍莓清清淡淡,芝士餅質地軟硬適中.
味道: 4分

服務:
唔多收o野,我o地食完個飽同飲埋啲湯後,主菜陸續咁上,但都唔收個籃同碗.食到七七八八時,先至o黎收o野.但上甜品時又唔會另外畀支叉.

不過,叫佢o地後,反應都算快.

環境:
好靚好舒服.

有coupon,才會o黎食吓。
下午茶,食左燒汁牛扒意粉餐,餐湯:紅湯,creamy既紅湯,令人感覺更味精!
牛扒好大塊,又係俾疏打粉醃到腍腍,無乜牛肉味。意粉軟硬度,有點彈牙,出色噃。
食緊途中,見到餐牌介紹+$19有意大利芝士蛋糕,有點興趣,諗住走去,搵搵蛋糕櫃,侍應見我周圍望,問,有咩可幫忙,當我講之際,佢竟然係齋問完,個人走左去!!!?咁都得!?Service可想而知!
蜜糖黑芝麻厚多士,極失望!應該話,雖然唔期望點吸引,但都唔好dry到咁吖!?首先,何來「厚」多士!?然後,醬又薄到好似pet左少少,監硬掃暈佢咁,無牛油底,dry到,自己o係屋企食都好食過佢!不過,芝麻醬有燒烘過既香味,是一讚的(可惜份量太點到即止)。
係咪分店問題!?老公說,杯咖啡,無o係香港仔飲o個杯咁好飲喎!
用裝潢,來拉高價錢,其實食物質素,真係好多茶記好過佢好多!

近排食過最差的餐廳
1.餐包勁硬
2.個湯勁淡
3."安格斯"竟然有渣...
4.D蝦冇味又唔新鮮
5.好耐冇聽過人講嘅一句說話:"凍飲加兩蚊"
6.咖啡係即溶...仲衰過大家樂
7.侍應極不知所謂,金毛戴耳環仲要大大聲講粗口

總括嚟講呢間野真係垃圾，一定唔會再去!!

下午茶叫左吞拿魚三文治. 同張相差好遠!
面包冇烘過, 吞拿魚太濕. 仲差過便利店d三文治. 食左一舊就冇食
一個用一分鐘都整到O既三文治都等左三四個字
星洲炒米一般, 加冬菇怪怪地
咖啡奶茶最OK. 幾香.

d侍應好似飛仔, 不過都唔係問題. 佢地係完全冇禮貌的
叫埋單仲要講埋唔該, 竟然比佢睥!
找錢找個兩蚊同碎到冇得再碎的一蚊散紙
荃灣廣場咁多選擇, 一定唔再去呢間!

尋晚同太太行街, 本來都諗住返屋企食. 但係大家都肚餓, 所以就決定是旦搵間餐廳. 見之前獎門人送佢哋嘅贈卷, 未試吓囉.

入到去:
環境 - 都算 Okay, 同一般餐廳無分別. 不過不失
服務會 - 態度都算 Okay, 成班後生仔女, 所以無諗過佢哋會有咩特別好 Service. 見佢無落錯單就算. 而且都有提醒我特價唔可以用 HSBC Card 10% Discount. 但係佢數口就差啲. 話如果我想用 Discount, 就幫我落正價, 但係正價 $7x , Discount 後都要 $$6x, 但係特價就 $42. 我更係唔要用 Discount 啦!!!

講返食物:
餐前麭就細細舊, 唔軟

餐湯就唔濃, 但唔難入口

主菜:
我太太叫咗個"鐵板西冷", 七成熟. 嚟到就變全熟. 落汁時, 連少少 "咋咋" 聲都無?!?! 一係塊板唔熱, 一係就放咗好耐先俾我哋, 所以塊板就凍, 扒就熟.

我本來想試個鵝肝肉眼扒. 因為我實在太愛鵝肝. 但係我太太就強烈叫我唔好試, 費事失望. 所以就改咗個"鮑汁豬手飯". 隻豬手都 Okay 大, 但無味, 嚟汁都唔夠味, 飯就細咗啲. 但係真係唔好味 (唔難食, 但唔好食), 所以都無食哂.

飲品:
就叫咗 - 凍朱古力同熱咖啡. 凍朱古力就一睇就知水溝粉, 因為上檯時杯底都仲見有粉. 熱咖啡就一般.

大致上以 $50 幾蚊一個人連湯同飲品, 真係唔可以要求太多. 所以我俾 Okay!

有次行過見到佢個晚餐餐牌印出來好似幾豐富咁 , 就走入去食啦, 點知D侍應個個當D客係鬼咁 , 最好睇佢地唔到, 搵好耐至有人落合order , 加上我上次係用另銀行的信用卡優惠券 , 落order時問佢佢就話用得 , 落了之後要搵另一個侍應走埋嚟話唔得, 要選擇貴好多嗰款晚餐至得, 咁都算喇, 仲要仲要人地要A , 佢就覆係B , 最後都仲係要上錯 , 要薯菜就變成意粉, 連要檸茶都變埋奶茶, 同佢講佢俾錯, 佢仲要好唔高興咁 , 真係唔知係咩態度 , 就算d嘢中規中舉唔係太差, 不過d侍應個個都係咁嘅態度 , 都已經夠令我幫襯一次就夠, 唔會再有下次, 希望珊瑚堡啲高層安排d訓練俾啲侍應啦。

在公司抽獎中左呢間連鎖餐廳$200現金券, 知道口碑麻麻, 好難至約到朋友來此晚飯; 終於1月22日有人肯來食, 依家補返食評.....

間店好大, 座位半full, 裝修一般但仍都算舒適同乾淨!
現金券只可order"主餐牌"內的餐或食品, 當然不及晚餐或其他精選餐咁抵, 都算啦!
朋友散叫了黑椒汁牛扒跟意粉($78), 自己叫了蒜汁鵝肝豬扒餐跟意粉($118);

餐湯及包都被朋友吃了, 看賣相一般;
兩個main course送來, 牛扒意粉賣相亦是一般, 朋友說味道普通, 食完都唔飽;
鵝肝餐呢? 條狀的鵝肝(?), 只有手指公咁大, 仲可以在碟上碌來碌去? 係個餐的主打喎!!!
鵝肝一向給我的印象是高級食品, 貴價野! 以前在自助餐食過真係好好味, 來呢度竟然係"街邊魚蛋"feel, 食落又無"入口即溶"的感覺, 嘥料!
豬扒同意粉亦只係快餐店質素! 件扒無味, 只係靠d汁......
餐飲叫了奶茶, 及不上茶餐廳!

埋單$21x, 減去200每人唔使$10, 都值既!
但食物咁既質素, 原價要收人$110/人? 無理由知我有現金券就做差d卦?
所以消費一項我要寫返$110/人, 唔係有人睇到10蚊一餐, 就會以為好抵......

The food is OK for the prices paid, but the service is really lousy. We went there at around 2pm on Sunday, a bit late for lunch and quite a few tables were aready vacated. A young male server came to take our order with very cold and impolite attitude - sulky face, stained teeth, look-dirty hair. After we order, the bread came without butter. We asked for hot water at least for 3 times and it was at last served but looked unwillingly; we asked for toothpick and it never came; we asked for the bill and it did not come after 5 minustes. So we just took the money to the counter and leave not one cent of tips!

The Cafe Lagoon we went before was in Whampoa, which offered good service and good food. But this one in Tsuen Wan Plaza, we will NEVER visit again.

If the boss of Cafe Lagoon really want to develop into a chain restaurant business, I suggest he needs to pay more effort in staff training and not just food and price!

與朋友到了荃灣廣場的珊瑚堡吃飯。
以為店子很小，入內後才發現別有洞天呢。
嗯，這裡午市彷彿成了學生飯堂啊。

大家也點了忌廉湯。
其實平時都會喝羅宋湯，因為喜歡豐富的蔬菜。
而幸好這不是以往喝過的死鹹的稀湯，不過只有可憐的數顆粟米啊。
至於那餐包，略嫌底部硬了少許。

朋友點了肉醬意粉，而我則點了鮮茄焗豬扒飯。
味道不錯的焗飯，豬扒早已切條，汁料夠多，也是炒飯底啊。

繁忙的午市過後，餐廳寧靜得很。
坐在舒適的沙發上聊天，聽著熟悉的流行曲，愜意非常。
後來，我們這邊的位置更關燈了，讓人更想入睡啊。
嗯嗯，是聊天的好地方呢!^^

第一次到訪珊瑚堡
唔知到水準如何, 只知門面裝修不裕
今日終於一試
結果未如理想,更大失所望

餐廳環境雖然不裕
但係可能缺乏清潔
所以D梳化都幾污糟

坐下開始睇MENU
圖中食物都幾吸引
點咗以下幾款

意大利火腿蒜茸包(類以咁啦)
羅宋湯
咖哩羊腩(配飯)
紐西蘭肉眼扒

意大利火腿蒜茸包(類以咁啦)
冇蒜茸味, 冇牛油味, 唔知D火腿茸去咗邊

羅宋湯
果然係紅湯, 好紅... 但係完全冇番茄既鮮味
飲到有茄膏味, 點解會咁既?
隨湯附送餐包, 真係唔應該送比人
基本上個包你熟既
但係個包心完全唔熟, 點食呢?

紐西蘭肉眼扒
嘩... 好經典既牛扒... 本人覺得仲衰過茶餐廳既水準
鬆肉粉奄爆咗舊肉眼扒, 但係又奄得唔均勻
食的有D好似塊爛布, 有D就韌到痴線
薯條熱就幾熱, 但係又係韌既,即係又唔新鮮
D伴菜焯熟就算, 炒都唔炒吓, 乜炒吓好辛苦咩
蒜汁鹹得太過份, 完全唔覺得自已食緊牛扒

咖哩羊腩(配飯)
一食就知係現成咖哩粉開既
咖哩汁傑到爆, 冇味, 唔香, 鹹都唔鹹
羊腩一早用水焯熟咗先放落D咖哩到上色
羊腩又唔入味, 又羶, 又韌... 唔明點解可以囉上枱
D飯好濕, 再加埋D咖哩就好似pat糊仔咁

總括黎講
MENU D 相, 絕對唔可信
相片同實物差勁遠
絕對不可作準
餐廳水準極差, 環境污糟
服務平平

本人應該唔會再去
除非餐廳作出極大改善
否則不去也罷

午餐的粉麪份量實在少, 吃完後閒逛不久後, 肚子又咕咕響. 行經此店, 見門口的下午茶餐牌價錢實在太吸引, 於是便走進去一試.
點了門口所列出的油沾厚多士($10) 和西多士($12), 另外點了tiramisu. 可是不久後, 侍應卻跟我們說所有tiramisu和芝士蛋糕已經售罄, 只好多點一份厚多士.
油沾厚多士和西多士味道都只是一般, 厚多士只是微脆, 牛油的份量不均匀, 一份多, 一份少; 西多士也欠缺蛋香. 反而餐茶份量十足, 很大杯! 奶茶又比咖啡好, 味道較濃; 咖啡則較淡且帶苦, 認真麻麻.
不過, 在餐廳內, 以這個比快餐店還要平的價錢吃到下午茶, 要求不能太高, 總的來說還是很抵吃的!

上星期五 早放
因為有同學有60蚊的優惠
所以去呢度食野啦
入到去 環境唔錯啦
睇左陣menu 就叫餐

我舉一舉手 我見到有個waiter 見到我
但佢竟然扮咩都睇唔到
我再舉 佢先好勉強甘行過黎
up晒d餐 我就叫佢可唔可以覆多次
佢就eeoo甘講
我真係火都黎埋 我地好勉強甘笑住
佢就話好好笑咩
我地覺得好無奈

d野食好快送上黎
味道一般
點知最過份係佢送上黎果3個餐
錯晒! 我地要飯lor!個waiter真係

最後 同桌的同學發現我地無餐包
其實我地都唔打算要
叫個另一個waiter俾返我地
點知一去無回頭
最後埋單個陣
我地望一望我地張台同nearby的台
我地一杯水都無 !!!!!!
甘都要加1 都唔知佢的服務係邊