今日想食邊爐.行過幾間..見呢間寫住送海鮮船...大個poster係門口..隻船有蜆﹐生蠔﹐象拔蚌﹐蝦﹐瀨尿蝦﹐紅花蟹, 等等..我第一時間睇下張野有無寫住“圖片只供參考” 無wor..咁好啦.問清楚個侍應..係咪有圖片咁既海鮮船送佢話係﹗
入到去..坐低..佢地好熱烈地叫我地黎個雜錦先..我見人地個雜錦係好多菜同公仔麵...死都唔要..幾個人問我..其他食物一露唔上..等左本個鐘, 有個好心既呀姐 叫xx 慈先幫我追下單,,中間問左2次個海鮮船都話黎緊..
枱枱都噪啦...個個都追問海鮮船..點知個叫羅x紅幾女侍應...好大聲地話無海鮮船呀~無呀~送晒啦今晚﹗我聽到格離枱躁爆話﹕唔係話﹗ 我地最早到...未見過有人有海鮮船﹐ 跟住果位大姐回應﹕全日都無呀﹗
我即刻答嘴話﹕無你就唔好擺個牌出黎啦﹗我問過樓面話有我先入黎架﹗緊住佢即閃! 然後開始有人叫經理出黎...出場啦...

呢位4眼哥哥..話有有有...等陣..跟住d人仲躁...有又話無..時有時無...跟住轉頭成個鐘都無...又有人問...成場鼓躁...佢先話有架啦...點知出到黎...係一條斬件魚...一枱一條﹗
我話﹕我唔係要魚wor..佢話﹕今日無晒海鮮la.我話咁呀...比$叫得唔得..佢即話有.我話﹕下﹗﹗你有齊晒隻船上面海線,,但要比$另叫﹗船就無﹗好啦我覺得有欺騙之嫌..我唔食la.我唔比$架...佢兇我話無得唔比﹗一定要比..discount都無.後來我話.你地咁樣做生意好蠢..我實會上facebook話比人知...轉頭佢死死氣走黎話我送碟珊瑚蚌比你...我心諗你送我都唔敢食..答佢是但...碟野黎到...都唔知個樣幾衰...得4塊添﹗

後來我都比$.費事.
想講...食物唔掂唔係重點..肥牛得肥糕, 所有肉係萬年雪肉, 菜爛晒, 唔緊要...態度唔得都唔緊要...唔好咁樣呃人入黎...講真$90一人唔送船都得..做好少少其打野食都ok.唔係當人地係白痴下麻﹖

]剛過去的星期天，到白田邨探過老人家後就駕車到深水埗吃晚飯。
家人早幾天到京都打牌，見到有超值優惠，＄５一兩波士頓龍蝦，就提議來此嘗嘗。
時近六時半，未見太多人，被經理安排坐在魚缸附近的位置。多得經理，讓我看透這家酒樓不老實的經營手法。
一心打算來吃龍蝦，走到魚缸前想要選龍蝦之時，有位四眼侍應走過來。

四眼侍應：呢ｄ係波士頓龍蝦，做緊５蚊一兩，一隻大約斤四．．冇乜肉架。拿．．呢隻就唔同喇（帶我地去第二個缸），呢ｄ係本地龍蝦，又大隻又多肉，１９蚊一兩．．抵食過波士頓龍蝦。
家人：咁貴？咁算啦．．．唔食喇。
四眼侍應：咁試唔試下象拔蚌，好大隻架．．．出面起碼要四百蚊，而家收你＄３８０．．．炒又得，灼又得（下刪幾十字）
家人：算啦算啦．．．咁唔要喇．．．

行返位ｏ個時聽到四眼侍應：混吉．．＃＄＠％＃％＠＃＄

好反感．．．係咪你ｐｒｏｍｏ完我就要食先？

跟住叫小菜．．．好清淡．．．淡而無味。牛腩硬過紙皮。最令人憤怒係隻片皮鴨．．．放左ｏ係廚房門口差唔多二十分鐘都冇人起皮，ｄ侍應ｏ係到無事忙，企ｏ係到睇電視都唔肯郁手．．．最後又係ｏ個個四眼侍應起皮．．．上檯仲講句：趁熱食
我真係唔知俾咩反應．．．笑？
皮唔脆．．．而且已經凍哂．．．連跟上的麼麼都凍埋．．．似食凍食。

食食下飯又見到有人去魚缸到想要波士頓龍蝦，阿叔依舊同ｏ個位客人講返同一樣的話，推薦＄１９兩的本地龍蝦．．．．

俾我感覺，呢間酒樓似用途５一兩龍蝦黎做招徠，呃人上黎食飯。十分唔老實．．．食物質素同服務態度一樣咁差。下次一定唔會再黎。

友人發現長沙灣有間抵食又ok既火鍋！為食既我緊係唔放過啦

尼兩日又凍左，最o岩打邊爐

入到去，接待員就問我地等唔等8:30優惠，話仲有兩個字姐，我地緊係等啦！平D呀嗎

就立刻帶位入去坐住先，等到八點半就可以叫湯底，一到八點半，侍應就即刻問我地要
咩湯底，服務效率其高

鴛鴦湯底 - 清湯無乜味，有D馬蹄，豆腐，生菜。沙嗲湯唔香，唔濃，重花生味，面頭有勁多油！

打邊爐送一隻海洋船，隻船絕不欺場！有新鮮蝦，花蟹仔，瀨尿蝦，土魷，鮮魷，魚片等等（睇相就知啦）全是新鮮的！吃得出個鮮味！

叫左 - 鱔片 - 好大碟，有十幾片左右，唔似得其他任飲任食既酒樓咁俾一兩塊你就算，新鮮，好肥，好有有鱔既魚油，同友人掃左三碟！

鴕鳥肉 - 普通，有幾塊咬唔到！

雞肉 - 都幾滑，但都係普通！

豬頸肉 - 好正，有肉香，肥瘦剛好，好爽口

栗米 - 好甜啊

紫菜 - 友人大力推介，唔係友人叫，我唔會特別去叫紫菜黎食，跟友人教我（綠）既方法，將塊紫菜放落個火鍋匙上，（綠）三秒就食得，食到一種紫菜既海水鹽鮮味！
一食就上癮！

菜，芝士腸，金菇等等大路野 - 一樣，佢地係咩味就係咩味！

肥牛 - 小妹以戒牛，無食，友人話唔un，又唔會過肥，適中！

魚片，骨腩 - 因佢無話係脆的，唔腥，骨腩比魚片出色！因食得出骨腩新鮮過魚片

熟食：

春吞，咸水角，饅頭，炒河粉，珍珠雞 - 都幾多野食但我一樣都無試！sorry！因吸引唔到我！

甜品：

紅豆沙，綠豆沙，紀子桂花糕 - 一早就想食個桂花榚，但我遲左去拎，我去拎時無晒試唔到tim，

啤酒 - 大陸啤，汽水，百事&七喜！有竹蔗茅根&酸梅湯 - 我試了酸梅湯，個味似蘋果加葡萄既果汁，但帶少少酸，都唔錯！

服務態度都幾好，常換碟！唔錯！

兩個人結賑都係$172！勁抵啊！

又多野食，仲要個食物質素唔差！每人都係七十幾蚊左右（8:30時段）

七十幾蚊幾價錢，有咁既質素，味道我會俾4分的！

希望個質素會keep到！一定有下次的！

放Lunch既時候..唔知食咩好!!
最後我,阿Ling同埋2個同學揀左去飲茶
e間酒樓係我第2次去嫁.
估唔到今次會咁黑仔囉!!!!

我地同平時一樣都係叫蝦餃,燒賣,鳳爪等等個d..
初初黎個炒米粉,粥都幾口味,
但之後黎既個鳳爪就有問題啦,
食落去好似冇咩野,但聞落去有陣"縮"味!!

再之後個籠蝦餃仲離譜...有隻野"痴"住左死左@@"
叫左d樓面過黎睇..
佢竟然問我地.."係唔係岩岩飛係度嫁??"
之後又話佢地理唔到e d事,黑色衫個d經理先理到..
我地叫左個樓面幫我地去經理黎..
但隔左好耐都未黎..唔知佢去左邊搵(.\/.)
咁我地就搵過第2個樓面...咁岩有個經理經行過.
個樓面就同經理講"個幾個靚女話有隻野係野食度wor"
明明係有隻野係野食度,講到係我地"痴"上去咁
真係好離譜lo!!!!!!
最後經理幫我地cancel左碟野.

今日人日, 出街食飯飲茶

一行四人, 食左以下既點心

咸水角, 夠熱, 又多料
三色糕, 年糕最煙UN, 芋頭糕都香口
XO醬煎蘿卜燃, 幾有蘿卜味, 但未煎夠
咸菜豬肚湯, 份量多, 但欠少少胡椒味
鳳爪, OK啦,
叉燒包, 呢個只係一般
馬拉糕, 好味

總共叫了十一個點心, 連茶芥加一$209
因為新春期間按正價收費
如果平日來飲, 價錢會更經濟

招呼方面, OK啦, 起碼加水夠快

晚飯差到家人忍唔住開口同部長鬧交，
服務、衛生、食物水準都...唉~唔好提喇。

以前在附近讀書，好多時候會到京都酒樓隔離的京都餐廳開餐，間中也會來京都酒樓一吃。隨住京都餐廳的結業，自己亦畢業，對京都的名字已愈來愈陌生。是次在機緣巧合的情況下，再嚐京都的點心。

三人行，沒有點炒粉麵，只叫點心。魷魚、雞扎、火腿炒米粉、胡椒豬肚和水晶糕。以屋村酒樓來計，點心算可以，雞扎和火腿炒米粉都好對辦。不過，服務就十分差勁。雖說是屋村酒樓，但也不可接受。侍應只顧著招呼熟客，對我們這些生客視而不見。揚手點菜，明明是看見的也不理會，反而走過去和熟客傾計。斟水當然更咪使旨意，忍不住自己去斟。

雖則是屋村酒樓，食物不算差，價錢亦平，但基本服務懇請做足。

很多很多年沒有去長沙灣的地方，平日去街也只會在港島區、尖沙嘴，旺角也是少去，更不用說西九龍那邊。發覺自己走的地方也很狹窄，對於長沙灣的食肆，只從OR處知道有松記糖水，其他的都不懂了。今次來到長沙灣飲茶很有大鄉里出城的感覺。

1)豆苗餃
又幾多嫩嫩的豆苗噃，可惜不太熱，粉果皮都幾煙韌。
2)蒸馬拉糕
蒸得夠鬆軟，啎會腍，味道淡淡，食質感多過食味道。
3)灌湯餃
灌湯餃當然要一盅一子，清湯夠熱又夠清，似乎找不到味精的蹤影。肉餡頗足料，餃皮好幼滑。
5)炸春卷
都算脆的，不過酒樓的煎炸點心大多數都早已煎炸好，結果是啎夠熱。

叉燒包，鳳爪及金錢肚都毋食，難以置評。平日下午時段小點由$4.8起，真係幾平。點心算係幾好，路過的可以一試。機緣巧合，到此一遊，不知相會在何時。