66
8
11
港鐵尖沙咀/尖東站 L4 出口, 步行約2分鐘
繼續閱讀
營業時間
星期一至日
12:30 - 15:00
18:00 - 23:30
以上資料只供參考, 請與餐廳確認詳情
食家推介
從來唔寫食評，但經驗實在太差！34度，這裏嚴重缺乏冷氣，雖然開風扇但都冇用！食物差，魚生勉強可以，壽司很差，羊扒燒焦，燒魚又怪怪地，招呼慢。最正常係杯雪糕！冇試其他食物。仲有，呢度冇廁所
繼續閱讀
唔想食咁多凍野，所以叫左少少刺身。甜蝦都幾大隻下，蝦肉爽口。油甘魚係厚切，魚肉肥美甘香。帶子都好好食，好多水份，粒粒都好甜。放題當然唔少得炸物，芝麻雞翼夠哂香脆，仲有榴連炸彈都夠哂流心，個榴蓮味都好足。依度仲有個好特別既炸蓮藕夾肉，有兩片蓮藕片夾住豬肉粒再炸，蓮藕爽脆，味道帶甜，豬肉粒有陣陣醬油味，都不錯。燒物既雞軟骨同牛舌好正，雞軟骨粒粒都夠哂脆，而牛舌就有陣燒烤既香味。秋葵燒得剛剛好，入面仲有水份流出。每人都有一客雪糕，雪糕竟然有häagen-dazs 同mõvenpick!好開心！häagen-dazs 既士多啤梨乳酪味同mõvenpick既朱古力味都好好食！
繼續閱讀
今晚係尖沙咀食左個靚放題。滿屋質素又真係唔錯。叫左個刺身。好快就上菜。好新鮮既刺身，三文魚勁厚切，其他刺身都係。好鮮甜。最鍾意食到新鮮刺身個種爽口多水份既感覺。白松露吞拿壽司，見到個色澤已經知好新鮮。吞拿魚係多水份既，白松露既香味同吞拿魚一齊食好好味。黑松露牡丹蝦壽司既蝦好爽口。全部海鮮都新鮮。好抵食。叫左個羊架同埋沙拉骨。羊架入口脂肪同肉分佈均勻，好滑。燒得好，香料狗，提升羊肉既甜味。手卷上邊既海鮮份量都好足，見到個海膽就知，大大塊海膽係上邊。而且入口冇陣石油味，鮮甜味係同日本食既有得fight。好好味既放題，下次返尋味！
繼續閱讀
朋友岩岩系台灣反黎 太耐無見 想搵個餐廳一邊食一邊傾下計 佢住尖沙咀所以近近地 就揀放題餐廳 貪佢多野食又可以坐兩小時。入到去 座位坐得比較狹窄 但同樣野食先系重點嘛 order紙有吾同種類 剌身 壽司 空運壽司 卷物 手卷軍艦 火炙 炸物 串燒 燒物 一品料理 主食 天婦 小食 和風料理 可以比食客有更多選擇黑松露牧丹蝦壽司：依款壽司 我叫左好多次 原因系因為蝦身好爽口 而且帶有鮮味上面有一少撮既黑松露 食落有黑松露味 味道特別！香芒花之戀：甘岩又系有黑松露系面 另外有一舊芒果肉 中間有沙律醬 芒果令花之戀更加fresh 芒果味道開胃 但不太酸 令到食落去 感覺吾會太濟！芝士軟殼蟹卷：頂部有少量蟹子 增加口感 軟殼蟹為林身 食落吾會太漏！鹽燒海蝦：叫左好多黎食海蝦燒到岩岩好 吾系死蝦黎！咬落去依然爽口 仲要無黑色既蝦腸添！燒雞軟骨：個人覺得太過咸身 可能落得太多鹽。天婦羅蝦：蝦身同樣好爽品 外皮炸到金黃色 而且炸得鬆化！大家可以試下喔！焗廣島蠔：系有菇同蟹柳 下身有廣島蠔 蠔身並不腥 真是另類的焗蠔！刺身：三文魚刺身 切得尚算厚身 所以有口感 味道鮮味！甜蝦刺身 又叫左好多 因為好爽口 鮮甜 絕無腥味！日本玉子刺身甜身 不錯！鮑魚片刺身 個人覺得帶點點腥 但朋友吾覺腥！希靈魚刺身 吾腥 由於切得比正常為厚 大大增加口感！赤貝刺身 好爽口！中呑拿魚腩刺身 切得同樣厚身 味道一般！芝麻雞翼：炸得好香口 又脆身！咬入去帶有肉汁 要推介比大家食！Haagen-Dazs 雪糕：每位食位只有一杯，揀左朱古力味 估吾到有貴價雪糕 正！
繼續閱讀
今日約左一班朋友係尖沙咀食飯，有人提議食放題，好耐之前已經試過滿屋既放題覺得質素唔錯，見價錢又ok就決定食呢間啦。由於我地係閒日早場食既關係，餐廳比較少人，所以我地次次叫完野之後啲野食都好快黎到。刺身刺身既選擇都幾多，一黎到就見到刺身好厚身，色澤好靚。見張紙無得揀三文魚腩，但黎到既刺身盤竟然有幾塊好肥美既三文魚腩，入口即溶，唔通係廚師私人醒我地既？其他刺身都不過不失，好新鮮同肥美，我地都叫左兩三round。海膽手卷手卷一如以往既放題都係迷你size，飯唔多，唔會驚太飽。但海膽既份量都就幾多下，一見到覺得好驚喜。海膽無腥臭味，味道鮮甜。櫻花蝦三文魚卷櫻花蝦好脆口，帶少少甜味。三文魚片都幾新鮮，個卷入面有玉子，蟹柳同青瓜，食落去口感豐富，都幾得意。焗廣島蠔醬汁真係好多，鋪滿成隻焗蠔既面。重點係唔點單止醬多，隻蠔都幾大隻。紫心香芋丸，芝士年糕全部炸物都係即叫即炸，熱辣辣，入口香脆。食落又唔會感覺太油膩，算係不過不失。鹽燒海蝦海蝦好大隻，咬落去肉質好紮實有嚼勁，仲好入味，有淡淡鹹香，唔錯。燒有機鮮菠蘿幾有水準，聞落有好香既火炙味，咬落去又juicy又甜，又再忍唔住encore左。除左出面既自助甜品櫃，每人仲可以要一杯movenpick/häagen-dazs既雪糕做甜品，非常滿足呀。另外成餐飯都無漏過單，好滿意。
繼續閱讀