2
2
1
以上資料只供參考, 請與餐廳確認詳情
一推開口, 見到韓國人老闆圍埋三五知己食响門口張枱食韓燒,然後用韓文打聲招呼, 好韓國FEEL呀!!!預先奉上枱面既前菜, 可以話成晚餐最好食!!真係韓式泡菜囉!!餐廳正播韓星演唱會, 連店內都張貼住,佢地既海報頓時又真係好似去左異地旅行食韓餐, 梗係會一堆小碟行頭排列住...一開抽油煙機, 佢會有一D嗡嗡聲, 耳朵有點難受香港食開既辛辣麵, 加左蜆之後,要$5X幾蚊一碗, 好似貴D喎!!以上呢幾張相, 就係我當晚點既韓燒拼盤味道樣樣都幾麻麻地...牛肉豬肉都無乜味菇類又唔太新鮮!!好似去番本地港式韓燒店, 仲岩胃口D不過勝在佢服務真係好好, 全程由服務員服侍整個韓燒過程夾埋响食碟度, 要乜有乜...非常周到 不時佢地仲會傾吓講吓, 都愉快既
繼續閱讀
無意中係網上見到呢間新開韓燒~韓風大熱~基本上每間韓國餐廳必會大排長龍~難得呢間可以BOOK~所以就黎一試~~~七點到達餐廳~除了有3位侍應, 沒有其他食客~泡菜幾好食~但剪得好碎~洋蔥就一般~叫了個2人海鮮拼盤店員會幫我地燒~我同朋友就繼續傾計等食物熟就可以~~~海鮮份量算大~但每一樣也是沒有味道的~~要靠醬汁及芝士才有點味道~另外還叫了五花腩同牛舌~牛舌店員燒得過熟~五花腩不過不失~五花腩訪附送的蘑菇卻有驚喜~好香菇味~到最後...埋單~約8:45走人餐廳依然沒有其他客人~~~~完全係2人包場韓燒~~~~傾計時其實有點尷尬..店員比客人多....@@!未知是因為地點偏遠還是餐廳宣傳不足?食物質數不過不失與其他在TST的韓燒比...其實差唔多~如果唔想浪費時間排隊可以考慮一試松喜~
繼續閱讀
上星期食的，又世界盃又忙，今晚訓唔著可寫下野分享下:個老友話黎過識左老闆，要encore,咪吹雞lor.約好哂先無聊睇食評 好似窄窄地bor...但老友堅持叫我放心，唔好食佢請，(我心諗係咪成張單先)，唉好一餐唔好一餐啦，唔係比女人㸃就係比老友點架喇，當日係平日九點開波D人分批到共十人，一張大檯兩爐地方不太逼，尚可接受，男女待應也有招呼，會介紹你食乜，又怕你叫得太多食唔哂，較棘又會提你，配菜無限加,全程幫你燒哂，只需等食及飲，見佢地真係好熟手同埋都幾忙得4,5個人，檯檯都要招呼，連韓國老闆呀Kim都親自招呼客人燒肉有D唔好意思，好親切，介紹公司logo原來用個女BB相來design, 名叫金松喜，松喜BB Cute, 有料到，老闆又不時過黎"乾杯"傾下計，D酒飲極都仲有，最後成一點先走，第日又遲到. 之後check返單，可能係熟客，計少左我地好多啤酒，起碼共飲40枝，仲食左好多野，又送湯我地飲，毎人$400唔洗，合理如5星full服務有Heart 比5粒星食物款唔多但都幾精，份量也不小,4星因為冇限時，一班好朋友有食有飲，地方感覺舒服，5星，因都醉醉地 所以有D都冇影，食物睇相介紹啦!提議:加多D燒及熟食款式，及照顧返唔食得棘既客人，汽水果汁較貴，成30蚊，不過我冇飲唔關我事，hehe..門口整個ashtray啦，通地都係煙頭，哈哈！溫馨提示:早段7,8點成日full及後段有booking可能得2-2.5hours用膳，如想盡慶，book9:30後，待應冇噤忙，招呼好D，又可坐耐D
繼續閱讀
剛剛去完韓國旅行，好懷念仼何韓式食品，另一半亦好sweet話生日同我食韓燒，我當然開心啦，於是上網揾資料，揾咗幾間，其中一間係「松喜」，又見好似寫得好好咁，於是試吓，因為冇預先訂位，擔心晚餐時段會多人，所以早小小6點去食，去到冇人等位亦冇其他客人, 好快有得食.只見餐牌種類唔太多, 但一心都係想食韓燒, 所以叫咗兩款豬, 因為掛住韓國炸雞, 所以亦叫咗一款烤雞.食完成餐韓燒都要個半鐘, 到走依然一個客都冇, 只係門口有D人坐係門口, 我問個侍應點解佢哋要係門口等位, 佢話嗰D係朋友, 唔係等位, 咁真係冇客啦, 我覺得似係做枚囉.五花豬腩肉 : 好薄一片, 只得4片, 完全冇味, 只有雪味, 重要係未解凍, 一塊塊好硬, 韓式辛辣烤雞: D雞多咗D醬汁整到D雞淋晒, 好難食味汁薄切五花腩肉 : 又係薄到風都吹得起, 不過呢款話晒係(味汁), 總算有D味
繼續閱讀
友人極力推介這間近Austin站新開的韓燒，決定一試。店員快速安排下，基本上我們不用等位，很快便入內座下。店內氣氛環境一流，鐵筒桌子﹑懷舊燈飾，even 抽油煙管 都非常metal，加上韓國大熱MV無限放送，身在其中彷如置身於韓國街頭的地道烤肉店。同行朋友在韓國生活了一年，她也說其環境佈置勾起她在韓國生活的點點滴滴，可見老闆在裝潢上的成功。身處於韓國味濃的環境內，食慾亦隨之大增。另外，想盛讚一下。燒烤最怕是回家後成身油煙味，但這間餐廳想得周到，大大條活動式抽油煙柱對著烤爐，什麼油煙也快速被吸走，看來我的擔憂是多餘。我把外套脫下，準備投入備吃狀態，正想著該如何把外套和手袋置處時，細心的店員提我們可放在椅子內。我們座著的椅子竟是儲物椅子，把私人物品放進去，既不怕弄髒又不怕遺失，真是開心大發現，別出心裁之作！點菜時，對著menu內的圖片，很吸引，每一個都想點，完全無從入手......靚女經理和藹非常，她根據我們喜好，推介了一些食物，我們隨即order。好快first course 海鮮併盤呈現眼前，件件都king size，望見colour都知新鮮，我們流口水了！說時遲那時快，店員開爐，更動手幫我們烤食物(無錯！原來這裡是可以「翹埋手等食」！)，海鮮配上秘製醬汁(紅色那個)，灑上芝士碎，閒時翻一翻，wow~ 香噴噴～等待期間，我們唯有吃住泡菜同啤啤佢啦。泡菜有refill，整晚我吃了好多，多到都覺得不好意思～哈哈。酒精方面都多選擇，除了Hite啤酒外，都有韓國米酒﹑1664 ﹑Somersby Apple Cider等。而我們選了Hite！火熱韓燒配冰凍韓啤，正！另外我都喝了一罐韓國雪梨汁，清甜果汁配粒粒果肉，口感豐富。轉眼間，扇貝﹑帶子都吃得了！秘製醬汁微辣，帶出海鮮鮮甜，燒出來更為惹味，再鋪上軟芝士，食指大動。鲭魚燒到出魚油後，再反轉燒一燒，沾上鮮窄檸檬汁，熱騰騰入口，味道如何，不用多說吧。之後我們還點了五花腩（豬）和雜菌併盤。初初點五花腩時，都擔心會否太肥膩和油淋淋，但上碟後又發覺跟豬扒差不多，油脂分佈平均，熟透進口後非常juicy美味。至於那些一個個排球一樣的菇仔，店員說要反轉來燒，待菇內出現一泡水時，就差不多熟透。我們把這堆菇仔放在爐旁，感覺像伴碟，好可愛。但我對其味道卻沒有期望，心想來韓燒，主力都是吃肉，菜類都是side dish，而且「排球菇」賣相白雪雪，感覺淡而無味。可是，當我把一個滿盛菇汁的菇仔往嘴裡送時，卻有驚喜，滿口香甜濃郁的菇汁伴隨爽滑菇肉，這種美味又是另一個層次，吃過就明喇！再來是期待的牛肋骨，有兩款的。一款有醃汁，另一款則沒有醃，原汁原味。我們先點了有醃料的，因太好吃，再追加一份沒有醃過的試試，各有特色，但個人口味較喜歡有醃過的。Order一份牛肋骨，卻幾碟上桌(心理上感覺很抵＝P），主要的牛肋骨外，又有三格醬料﹑醃芽菜，仲有一小盤生菜葉。原來是讓客人自製生菜包，吃法多多。是晚「韓風」滿滿，快樂時光過得特別快，吃飽喝醉過後，發現友人推介的這間餐館的確沒有令我失望。我們三人約定兩個星期後再來光顧，因為環境佈置﹑氣氛﹑食物種類﹑味道﹑員工服務等實在太難忘，我們決定要一試再試。
繼續閱讀