使用Facebook登入
|  | ||||||
vs
|
食家評語
首位提交食評的食家:
Gourmet KC 共 100 食評， 正顯示第 1 至 15 篇食評
|
 3天前今天午飯時間試下, 去到一定要返個雞扒飯吸引 要成四十多元好貴 不過貴貴都要試下 但飯只是少少 雞扒都不是好大件 只是用比較特別的方法cook 推介美食: 榮式燒雞扒
評分: 味道 3 環境 2 服務 2 衛生 2 抵食 2
|
 2010-07-16
今日午餐終於有機會試下, 去到被個"雞扒鰻魚飯"餐牌所吸引, 價錢雖然是$46, 比其他飯都要貴, 但睇相有成半條鰻魚跟, 應該值得試試. 點知碟飯來到, 鰻魚只得一細切  , 份量好比超市一件鰻魚壽司, 簡直係貨不對辦.同個老板娘投訴, 答案竟然是 "來貨問題, 係咁架喇, 無得換" $46 食碟咁既飯, 簡直有被騙的感覺  ! 只怪中午生意太好了, 老板娘開始要趕客.
評分: 味道 3 環境 3 服務 1 衛生 3 抵食 1
|
差
 2010-06-17下午茶時段跟經 " 榮式燒雞扒 ", 因天黑黑快將下大雨, 就走進"榮式" 來個下午茶躲一躲吧 ! 點了下午茶的燒雞扒飽連凍鴛鴦 - $26, 可能是閒日下午 4:00 關係吧 ! 全店祗有我一個客人. 包用坑紋爐略略燒過, 熱得來又帶點脆  包內沒有花巧, 祗有番茄 / 青瓜和雞扒, 靈魂所在的雞扒果然名不虛傳, 需比較薄身但卻是 長長的一塊, 雞扒燒得外皮香脆, 再在面層塗上帶點甜味 的秘製醬汁, 一口咬下, 雞扒外脆內滑又帶肉汁, 這塊簡單 雞扒絕對令這包生色不少 凍鴛鴦有茶味有啡味無酸味, 但奶再少一點比較好, 飲下口沒酸味已經比很多茶餐廳出色了, 現今很多茶記的啡和茶都帶酸的, 飲 2 口已提不起勁飲下去  走時見到門外有部貨 van, 司機正把一盤盤閹製好的雞扒送進廚房, 想這店的雞扒應是交指定的工場閹製吧 !
評分: 味道 4 環境 3 服務 3 衛生 3 抵食 3
|
2010-06-16
 「榮式燒雞扒」早已有不少娛樂圈中人和報章雜誌介紹過，說它的雞扒與別不同，非常好味！而且一經品題，店子紅起來後，更加開多了幾間分店，近的就在這店隔鄰的一條街----蘭杜街，遠的就連屯門時代廣場都有（開頭還以為它厲害到連銅鑼灣時代廣場都大展鴻圖添，原來只係美麗的誤會 ），但自已一直都未有試過。這天剛好有事要來灣仔，於是來到這間打出名堂來的總店一試這裡的有名燒雞扒。這間總店的地方的確十分細小，加上最裡面的兩張檯面上都擺放了發泡膠盒和外賣餐具等物品，沒有用來做生意，可想而之在午飯時的繁忙時間，這裡一定坐滿客人。幸好這天故意揀了下午茶時間才來食遲來的午餐，加上是週末，所以人客不多，還可以拍到一張讓這店子看來地方比較闊落的照片呢！來到這兒，當然無理由唔叫燒雞扒啦！唔講唔知，這裡的雙拼雞扒飯都有不少配搭可以揀，那些別名還大玩食字，非常有心思。好似「雞藕天成」咁，原來就係燒雞扒同煎藕餅雙拼，「雞同鴨講」呢？就係燒雞扒同燒滷水鴨胸雙拼，「藕遇羅鰻」就係燒鰻魚同煎藕餅雙拼。唔知「日理鰻雞」同「豬蓮迫合」你地又估唔估到呢？雖然都知你地會估到架啦，都開估啦！咪就係燒鰻魚拼燒雞扒同豬扒拼藕餅囉。呢度餐牌裡面仲有兩個得意嘅名「跟紅頂白」同「火拼阿粟（阿叔？）」，今次唔開估啦，唔知聰明嘅你又估唔估到呢？ 因為在openrice裡見到食評裡面話d自家製藕餅都唔錯，所以今次幫襯就叫左「雞藕天成」，看看是不是真係一個好配搭啦！原來呢個「雞藕天成」的藕餅就有兩大塊，燒雞扒就只係得一件，不過都幾大件。淋上秘製蔥油醬油汁和配菜的白飯味道十足，自家製的藕餅煎得也好，香口得來不會過燶，咬下去的感覺唔錯，藕粒與豬肉餡口感層次分明，至於身為主角的雞扒，外皮脆得來裡面的雞肉都算幾嫩，加上醬汁一起吃，果然不錯 。至於飲品方面，凍奶茶同檸茶的味道就ok啦，話晒唔係主打嘛，正常發揮，唔係太甜、太淡就可以啦，不能苛求。埋單計數，這一餐水準不俗的午餐，不收加一，連埋凍飲都只不過是$38，以這裡的招牌菜的水準，特別係相比起某d價錢收得貴但係又無乜特別甚至唔好食嘅食店，都可算係物超所值，難怪連出名嘴尖的阿蘇都盛讚，唔少明星藝人都有來幫襯，仲開左幾間分店，大展拳腳啦！以這裡的招牌菜質素加上頗為經濟相宜的價格，無理由唔掂嘅！推介美食: 雞藕天成，燒雞扒
評分: 味道 4 環境 3 服務 3 衛生 3 抵食 4
|
2010-06-03今日同男朋友出灣仔, 上網搵定灣仔有咩好食, 見到呢間咁多人讚好, 一定要黎試下!  燒雞扒包 - 感覺有o的似澳門豬扒包~ 塊雞扒比平時出面食既薄少少, 不過就大塊o的~ 燒得好香~ 最緊要係雞皮唔會好厚好肥, 連平時唔食雞皮既我都連皮食~ 榮式燒雞扒拼藕餅飯 - 雞扒好食就已經唔駛再多講, 藕餅都唔錯~ 好厚, 煎得好香脆~ 裡面加左馬蹄粒(我估係)好爽口~好彩下午茶時間唔駛排隊~ 雖然呢度地點偏僻左o的, 但食物真係唔錯~ 下次有機會仲想試下佢既豬頸肉~ 推介美食: 榮式燒雞扒,藕餅
評分: 味道 5 環境 4 服務 3 衛生 4 抵食 4
|
2010-05-17因為等待，所以變得好冇胃口，所以同事叫到去「榮式」，本宮都冇say no... 其實本宮唔係唔鍾意食「榮式」，只係因為唔知點解次次食完「榮式」，本宮都好胃痛，所以盡可能都唔食「榮式」。 去o左間舊鋪，發覺佢裝修o左... 乾淨o左~ 本宮叫o左雞藕天成，即係雞扒同蓮藕餅飯，薄薄o既雞扒，好似已經冇以前咁好食，因為食唔到燒味，今日已經唔係凍，但係一o黎到竟然唔係熱，只係暖，又叫人耐心等待 (又係等待!!)，出到o黎只係俾人覺得係燒定o既!! 而蓮藕餅，亦都係以前咁，而家整到好厚，只係食到豬肉同蓮藕，一d香味到食唔到... 最大獲就係... 本宮食完都係胃痛... 又胃痛，又要等待... 唉~~~~~ http://hk.myblog.yahoo.com/ultrabearhk/article?mid=536
評分: 味道 3 環境 3 服務 2 衛生 2 抵食 3
|
2010-04-30識我者皆明白我係100%食肉獸，真係食少一日都有D提唔起勁，所以一塊好肉對我黎講實在太重要(如同我能量之來源) 肉之中我最愛雞  ，佢實在能做出多種風味，千變萬化！雞藕天成：今次試了榮式的燒雞扒，結果係好滿足，雞燒得剛好，唔同BBQ果D，無甘熱氣，但依然美味，我仲試左藕餅，水準亦佳，個組合名仲好特別，呢餐合格 P.S.一星期後食左銅鑼灣果間分店，味道好像差DD~ 推介美食: 雞藕天成
評分: 味道 4 環境 3 服務 3 衛生 4 抵食 4
|
2010-04-16
終於的起心肝去試！去到門口，發現人山人海既陣容，但幸好不消一會，我同朋友就被安排入坐，可能因兩個人易找位…店內既空間唔大，坐位較窄，我地被安排坐係入面由士多房改裝既位置，唔太焗同唔污糟，可以接受，但坐位太迫既關係，好容易出現背貼背情況！ 既然人地專攻燒雞扒，你唔食佢招牌菜就讚 / 批評佢，好似無咩說服力！所以同朋友都決定叫榮式燒雞扒飯。 榮式燒雞扒飯: 兩塊薄薄有皮無骨既燒雞扒，配少許炒什菜、薑蓉 & 飯。雞扒品質可以，唔係話好滑，但一D都唔"un"，雞扒邊既皮燒到脆身，但中間既雞皮就唔脆，可能燒既過程令一部分雞油流失，雞皮唔太厚，所以唔會太濟口或太溜。雞扒味道可以，但未至於好有驚喜。配飯個汁既味道就似日式燒汁加黑椒汁甘樣，ok無特別。 雖然望落送好似多過飯甘，但因雞扒較薄，所以成碟飯既份量ok，唔過多或過少。 但食第一啖雞扒要小心，因即燒關係，熱到辣咀既雞汁會必出黎！後記：食完都唔覺，下奏三點幾朋友就發現呢個飯既味精都幾犀利！不過我係味精怪，我又ok, 無影響！嘻嘻 總括而言：平均水準可以，但唔係太amazing呢，不過值得encore！如果你期望唔過高的話, 你既滿足感會高d lor！
評分: 味道 3 環境 2 服務 3 衛生 3 抵食 4
|
2010-04-07一次跟朋友去食,等位等左成20分鐘 有少少燥，不過d waiter都幫你落單先 但入到去.雖然好迫下.但係望到個飯 d雞扒好香..食落有少少甜..個飯仲有薑蓉 好好味,個汁送飯都一流 但我叫的老水雞翼飯中,,雞翼好大隻 幾入味,,但唔太有印象 推介美食: 雞扒飯,榮式燒雞扒
評分: 味道 4 環境 3 服務 4 衛生 3 抵食 3
|
2010-03-18My friend brought me here when I first moved to HK in FEB. 2009. I was amazed and totally speechless by how tasty their grilled chicken was. However, since they have remodeled this store and re-opened, the grilled chicken tastes no where as good as it was before. First of all, they do not grill it the original way. They seem to use one of those press-down, george foreman - like, grills. As a result, the chicken and service is alot faster than before, but the chicken lacks the tender, juicy meat, and the great crispy skin. I was also served a chicken that was sitting around for a while. Do any of you guys know which store serves the grill chicken like it was made a few years ago? I know the one on Anton Street, Wan Chai is not much better. The Causeway store doesn't serve good grilled chicken, but it is the best store for the the deep fried pork chops. Although the last time I went, the deep fried pork chops were no where near as good as they were 6 months ago. I don't know what's happening to these stores. It seems like the food quality of the 2 wan chai stores and 1 causeway bay store is going downhill in the last 6 months. 評分: 味道 2 環境 3 服務 3 衛生 3 抵食 2
|
2010-02-05黎緊既日子將會成日經過灣仔轉車返學, 決定invade哂灣仔既美食! 而我開學後既第一站 -- 榮式燒雞扒 見呢日幾肚餓, 想食d飽肚d既野, 又見呢間野係openrice幾好評,決定一試 去到既時候已經過午飯時候, 但店舖仲係人山人海! 一坐低,諗都無諗就叫左個招牌餐 - 榮式燒雞扒併蓮藕餅飯 個餐估唔到上得好快... 好肚餓, 先試蓮藕餅,材料幾足,有d肉,冬菇, 幾香! 再試塊招牌雞扒,d燒汁做得唔錯,雞肉同皮唔會連住,d雞肉都幾滑! 但係美中不足既係d雞扒同蓮藕餅都唔夠熱!
評分: 味道 4 環境 3 服務 4 衛生 4 抵食 3
|
2010-01-29裝修後第一次惠顧, 得到以下結論： 亂糟糟， d位又窄又迫, 地下污糟, 等等等等等...等位就預咗, 但連食都要等...真係攪笑d咯....又漏單.仲以為用電腦會好d...... 態度真係有待改善!!!!
|
2010-01-03一直都想到這間遠近馳名的燒雞朳店吃飯，昨天終於有時間一試，店鋪已新裝修，與之前大大不同。食物方面，叫了一客燒雞朳豬頸肉飯、及一客蓮藕餅飯，味道可以，但不算是傳聞中的一試難忘。 推介美食: 燒雞朳飯
評分: 味道 3 環境 3 服務 2 衛生 3 抵食 2
|
2010-01-02睇完openrice食評, 今晚同女朋友特登搭$2電車落灣仔食佢ge燒雞扒. 叫左一個燒雞扒+豬頸肉飯, 同一個燒雞扒+番茄肉醬飯. 燒雞扒, 有坑紋, 睇得出真係燒出黎, 皮與肉之間係零脂肪! 因為脂肪已經化為肉汁, 再混合埋佢ge祕制燒汁, 一口咬落去, 好似上左天堂一樣, 唔捨得翻落黎. 總之一句, 真係好食到唔捨得請!!! 一定會encore再encore! 推介美食: 所有配搭燒雞扒ge餐
評分: 味道 5 環境 4 服務 5 衛生 4 抵食 4
|
Fat b1 (非會員) |
2009-12-15見咁多人話好食.. 今日lunch 去左試.. 叫左雞扒+ 豬頸肉... 有點名過其實既感覺.. 完全唔覺雞扒有咩特別，一d味都無... 同茶餐廳差不多.. 最重要係件雞扒同豬頸肉都係凍冰冰.... 應該唔會係煮左係度放得耐而凍, 因為有好多人慕名而來, 見佢都做唔切... 咁即係因為煮得唔熟而凍冰冰啦.. 唉.. 唔會再有第二次..
評分: 味道 1 環境 1 服務 2 衛生 2 抵食 1
|