2
1
1
以上資料只供參考, 請與餐廳確認詳情
招牌菜
平一條友番工食飯，又唔想食貴野，肯定係頹去茶餐廳。(雖然今日有朋友放假特別過來陪我食晏)叫左個回鍋肉碟頭飯，有例湯。肉算軟身 ，唔係食梗香口膠菜好爽身，而且好多，，不過醬汁既味道，得個咸字入面又有種怪怪地既味，唔似肉汁味，真係麻麻😅而且太多汁，建議大家唔好叫d個飯，好在朋友碟炒粉ok，，，我d碟都食唔哂。
繼續閱讀
有啲嘢要同表哥交收，所以返完教會就過去一趟深水埗，因為都有唔少親戚住哩區，所以都會久唔久過嚟，不過每次嚟就每次都會睇到有啲變化，香港真喺變得好急。過開嚟，就順便一齊食埋晏，話食晏，傾吓傾吓都去到下午茶時間。表哥表嫂最常去嘅，就喺佢哋樓下嘅「太子小廚餐廳」，貪間嘢就腳，反正佢哋對食無要求。「太子」喺間街坊茶記兼小廚，早午就早餐、常餐、午餐、碟頭飯……，夜晚就時令小菜、風味小炒……，由於店家縮咗入順寧道內街，所以都少有生客。環境頗「屈質」，卡位、圓枱拍到密一密，如果坐滿，恐嚇都無乜路行。不過，茶記依啲生意仔，面對食材貴、人工貴、租金仲貴，擺多一、兩張枱做多少少生意，都要體諒吓嘅，況且，嚟得茶記都唔喺「食環境」架啦！下午茶餐牌，除有經濟抵食嘅中式炒粉麵餐（款款$26）、西式下午茶餐（$27）及自選百搭粉麵餐（即喺車仔麵餐，$25兩餸，$28三餸）外，最鍾意佢為包餐同撈公仔麵餐改嘅名，前者叫包你好運餐（$20），後者叫撈得好掂餐（$28），夠抵死、夠幽默，想嚟開運就不妨點依兩款餐，不過小弟就唔信依家嘢嘅，凡事隨遇而安啦！所有下午茶餐都包啡茶，改凍飲都喺加$2。魚柳包原來喺表姪女嘅心水，雖然只喺賣$20一份嘅包餐，但睇落個魚柳包製作唔馬虎，長形餐包底面、內籠都烘過，包內夾有生菜同蕃茄，加少少沙律醬，主角就喺塊吉列魚柳。雖然無試過，但觀乎賣相，以及睇表姪女個滿意樣，應該都唔錯。我哋幾個成人當正餐，當然要點啲飽肚少少嘅嘢啦，中式炒粉麵餐就最啱我哋，連餐飲都喺賣$26，不過先旨聲明，份量比正價碟頭炒粉麵少約兩成左右，唔嫌選擇少，仍然划算到極。楊洲炒飯所食嘅3個炒粉麵中，以依個楊洲炒飯最唔得，一來料少，主要得幾粒火腿；二來感覺炒得俹簁，啲飯粒無期望喺金鑲銀，但就似幾片蛋絲就咁兜落啲飯度，啲飯粒好似無炒過咁！乾炒叉燒意最好食嘅一碟，意粉炒得均勻入味，其實都只喺豉油味，但就爽身唔油，又夠香，餸料至少明碼實價睇到幾舊叉燒。乾炒牛河牛河都唔太差，跟乾炒叉燒意比，只喺油咗啲，河粉無話炒到碎濕濕，牛肉亦比想像多，需知依家牛肉賣得幾貴，唔好忘記個乾炒牛河連餐飲先收你$26咋！餐飲表姪女要熱華田，表嫂就要熱檸茶，我同表哥不約而同都要奶茶，無他嘅，奶茶始終都喺茶記出品好，穩膽之選囉！經濟實惠嘅下午茶餐，令附近街坊有多個慳錢選擇，所以見隔離枱個阿叔都帶埋個孫嚟食，小店自有其存在價值！俾個笑佢，希望佢繼續晌小區中為人民服務。
繼續閱讀
當在大X樂, 美X等連鎖快餐店吃早餐動輒也要廿多元的情況下, 在有侍應將食物捧往你面前的茶餐廳用餐, 顯得更便宜.太子小廚的早餐套餐只需要$20(凍飲加$2)就有一碗湯粉麵, 一塊牛油厚多士, 兩件如餐肉炒蛋(有多款任選)再加一杯飲品, 吃一份早餐已可以飽肚至不用吃午餐.麵質吃落不像外面時常吃到的大光麵, 當然不會是出前一丁, 不知道是甚麼牌子. 吃落比大光麵稍為差一些, 沙嗲牛肉質素普通.套餐有餐肉, 火腿, 煙肉, 紅腸, 腸仔, 炸魚柳, 煎蛋, 炒蛋中任選兩款. 在美X, 大X樂吃一份魚柳早餐, 沒有湯粉麵也已經要$22. 既然魚柳成本比較貴, 當然我選擇了炸魚柳, 另外選了餐肉. 魚柳當然不是甚麼大X樂推介的南冰洋魚柳之類, 但肉質也不是"霉"的一種, 吃得過. 餐肉是罐頭貨, 差也不會差得那裏, 這裏也可以將餐肉煎得香口.在通脹肆虐下, 外面大多茶餐廳, 已經將凍檸茶的檸檬減至4片, 甚至3片. 這裏的凍檸茶檸檬還可繼續保持有5片, 難能可貴.見有一些顧客選擇吃午餐的梅菜蒸鯇魚, 鯇魚件上桌時很大件, 看來不錯.
繼續閱讀
17-02-2007(六) 3人亂打亂撞同屋企人黎左呢度食,好唔掂又唔抵食,冇樣好食果度慘,豬骨煲$80....d豬骨冇咬口,冇得啜,又冇肉,湯底只係有奶白色,但冇豬骨味,連味精都冇乜,唔知係咪加左花奶,d栗米細舊得好緊要,未食過咁差..秀珍菇,靈芝菇,魚片,生蠔,田雞每碟$18秀珍菇,靈芝菇份量超少魚片ok生蠔有四隻,滾左一陣已經變左蠔豉,仲有陣電油味,要吐番出黎田雞一早(湯)定,又係唔新鮮貴花蚌$48 每人滾左一件都冇再食,好un,我未見過雪白色ge貴花蚌,上枱時都覺得有問題,諗住試下啦,點知..肥牛(大) $88 唔好食,都唔知佢比邊個部位估唔到收咁ge價錢居然冇樣野好食埋單仲收多我地一碟錢,老板有d古惑.要小心,我話好似叫左5碟佢check都冇check就話咁計我5碟,我就唔信做老板可以咁求其人客話幾多就幾多,好彩我地有計過自己叫左幾多碟野姐,走ge時候我地個肚好似冇食過野咁,唉~~~$306
繼續閱讀