情人節剛好是年初一,所以不如早D去慶祝,:

前菜,唔錯
(鵝肝多士)勁好食,不過比較貴
便當好靚,好少在香港可以看到,當然各方都好細緻..好味道
魚生好新鮮
七成佐賀牛,非常好食,好鮮嫩
鐡板炒飯非常香脆可口
當然重有好好味的生果和芝麻雪糕啦啦隊

食物：
一分錢，一分貨，食材本身亦非常新鮮。大廚一流的技術，再於烹調前了解客人的要求，自然就能做出配合閣下的味道。

環境：
餐廳分為幾個區域，享用鐵板燒晚餐後，我們就轉移到窗口卡位，在輕鬆的氣氛下吃甜品及coffee & tea

服務：
廚師：一對一的細心服務，他既會主動和客人聊天，亦會在適當時候走開，讓客人有私人空間用餐。既親切，又不會影響與友人用膳既興致。

服務員：無時無刻都留意我們用餐的進度及需要，非常體貼﹗

後記：當普遍的日式餐廳食物質素相同的時候，就要比較服務和環境。這間餐廳的食物價錢和質素是絕對成正比，所以不在此討論。比起同類價錢的餐廳，它的氣氛、環境和服務是暫時我覺得最好的﹗希望大家都有機會親身感受到。

既是慶祝友人生日，也是讓自己從收拾新居中放假，聖誕假期的最後一天，與友人去和三昧品嚐嚮往已久的鐵板燒宴!
　
被安排進簡單又充滿和風的鐵板燒位，才驚覺座位真的如斯有限，難怪以往數次提早1-2天訂位不成功啦!此店師傅相信經過精心挑選，除了技巧純熟，烹煮食物火候了得，連外型也不差，看得人份外高興。
　
午餐的選擇也不少，貪心每樣也想試，就點了一個business set lunch for 2($480)，內容覆蓋各式海鮮及肉類，穿和服的女侍也因應柯打，很快執起所需調味、道具。開始鐵板燒以前，先送來清新開胃的胡麻汁蕃茄沙律，然後食物徐而不緩的慢慢上場：
　
鵝肝-煎至金黃色的鵝肝十分肥美，外脆內嫩之餘，鵝油更緩緩流出，吃來甘香馥郁、感覺曼妙，明知製作過程殘忍，卻無法不為它深深折服!另外墊底的多士又是香脆不得了，除了索飽油份的部分，我將之全部吞進肚了!
　
清酒煮蜆-食畢鵝肝，以鍚紙包置於鐵板燒的煮蜆剛好上檯了，鮮活的蜆隻非常肥美，以清酒煮後肉質越發鮮甜，平日不好此味的我也覺得甚美味!
　
北海道帶子及大蝦-本來套餐是二者選一款，不過店方也可以安排每樣一半，讓食客試更多。燒過北海道帶子仍有濃濃鮮味，質感滑，好吃；燒過的大蝦則鮮香又爽脆，兩款都是水準之作，不需額外醬汁配搭，已經十分滋味。有點不捨將蝦頭讓給壽星，據說也很美味呢!
　
日本豚肉生薑燒-半肥瘦日本豚肉，加薑茸炒香後以薄餅皮卷起食用，帶有淡淡薑味也幾好食的!
　
美國牛肉薄燒-按要求做到五成熟，仍呈粉紅色的牛肉香嫩有牛味，中間夾有蒜粒更是增加風味，又是滿意。
　
南非鮑魚-套餐的海鮮/肉類至此已經完滿結束，但見鄰桌吃得暢快，與友人又貪心額外追加了兩隻($100@)。身體巨大的鮑魚上檯時仍在呼吸，新鮮度滿分，只見師傅氣定神閒將之慢慢固定、燒熟、加調味，又純熟的去除內臟(因我們要求不吃內臟，其實食客也可以選擇要的)，一會成品就上碟了。燒起的鮑魚質感豐厚、鮮香彈牙，點少量檸檬汁最為美味!
　
炒飯-食到尾段，師傅開始認真的打蛋炒飯，只見成品的炒飯十分飽滿、粒粒分明又夠鑊氣，雖然我麻麻好米飯，也得讚它確實有水準。漬物及麵鼓湯也跟隨炒飯上檯，漬物無特別不提，麵鼓湯則加入不少蘿蔔片，味道特清不會過咸，幾討好的!
　
炒菜及蘑菇-全餐壓軸的鐵板燒，清爽可口，是個滿意的結尾。
　
完成鐵板燒後，由女侍帶領轉到咖啡廳就坐，在更清靜清新的環境享受餐後咖啡/雪糕。我選的熱咖啡香濃甘醇，水準逼近UCC，我只嫌店方用上凍牛奶，稍稍影響了咖啡熱度；朋友要的朋友的凍檸水應該是正常水準。
　
問題來了：原來此店咖啡/茶及雪糕是二選一的，但我訂位時已講明會外帶心太軟(和三昧沒有甜品)，讓廚房襯以雪糕奉上的?!結果，店方免費將雪糕送上，並在心太軟上點上蠟燭，為友人製造了小小生日驚喜；心太軟其實只是樓下SOGO Beard Papa的出品，朱古力幾濃的，配以美味的綠茶同芝麻雪糕，都算是個完滿甜品句號~
　
很愉快盡興的一頓，寄期友人聖誕+生日+新年快樂，新一年健康快樂，日日有食神!!
　
更多相可見：http://hk.myblog.yahoo.com/gourmet-yan/article?mid=14553

Lunch Set 1: $238
鵝肝 - 連麵包食,正
牛舌 - 唔肥, No Good
美國牛厚燒 - 望落冇雪花, 不過食落都唔差

Lunch Set 2: $218
大蝦 - 勁多膏, 超正, 個頭都脆
銀雪魚 - 魚肉 OK, 魚皮唔脆, No Good
美國牛厚燒 - 不過蒜片唔係即煎

仲有前菜,炒飯,炒菜

原本我係應該去備長食既......但一直搵唔到間舖,又接近兩點,
不如去試我其一目標既和三昧啦,反正@Sogo隔離都唔算好難去,
兼且Sogo下面間北海咁多人@@"

首先係叫左呢個雞既SukiYaki,D雞一D都唔鞋,
粉條同金菇索晒汁好送飯* 係個麵豉湯暖左少少*雖則都好飲,
同埋菜的確好多*

之後係後來補上既蒸蛋,滑就唔在講囉,上面既一層湯汁都唔錯*

原本係有紅豆糕既,但賣晒,
咪送多一球雪糕俾我,我估應該係Milk Top貨......
綠茶好抹茶味夠Creamy,豆腐就正常貨色*

服務方面初時覺得有點慢,但後來既專業都補返一d分數。

友人最近申請了和三昧的九折咭,所以呢排嚟多咗.

鐵板燒味道和動作同樣精彩, 但很熱氣, 所以我比較喜歡吃和食, 而且和食的座位寛敞, 梳化高, 坐得舒服, 又有開揚景觀,令人心曠神怡.

午餐有多款選擇，由百幾蚊到三百幾蚊.

兩個人吃午餐, 我選擇了和三昧定食, 友人選擇了吉烈豬扒定食.

我的和三昩定食有沙律﹑漬物﹑茶碗蒸, 剌身﹑壽司﹑天婦羅﹑喬麥麵/ 烏冬﹑咖啡/雪糕。
沙律: 菜很新鮮, 但成本較高的沙律菜較少, 生菜為主.
漬物: 魔芋很煙韌﹑味道不錯
茶碗蒸: 蛋滑嫩, 荀絲很多, 但味道偏咸, 加上欠缺冬菇和銀杏, 有點失望.
壽司: 很肥美, 整個套餐我最欣賞的一部份
剌身: 新鮮, ok
天婦羅: 粉漿很薄, 熱騰騰, 好食
喬麥麵: 滑溜溜, 好食
雪糕: 我選擇了紅豆雪糕, 紅豆很多, 很足料
奉送的草餅物體味道很古怪, 我提議送埋咖啡較實際, 能令客人有完美的感覺

友人嘗試吉烈豬扒定食: 麵包糠不夠脆, 加上欠缺芝麻, 温度和時間又欠少少,還是丼吉豬x專門店的吉烈豬扒最好食和香口 .

今日客人不多, 上菜不用久等, 侍應也自動自覺地加茶, 希望這種服務態度持續下去.

所謂貴野平食o既意思即係參考左"開飯"意見, 唔揀夜晚咁貴o既時辰食, 專登放半日假請朋友食鐵板燒慶生。早上10點半左右打去訂枱, 訂即日下午2點鐘, 無難度~
位於sogo隔離o既東角中心, 唔難搵~
1.45pm上到去, 等一等佢地執枱, 跟住行入去時見到都仲係幾旺場喎。

景觀...其實位於銅鑼灣, 都唔好旨意有靚景啦, open view算係咁啦, 雖然都望到勁多高樓大廈, 哈~
打開餐牌, 由於呢次係朋友o既第一次鐵板燒, 所以我由得佢揀餐, 佢揀左午餐: 一人餐之 "和三昧厚燒澳洲和牛", 價錢呢...$420.... 其實真係好根據你揀咩牛肉架, 最平係美國牛, 澳洲牛比美國牛貴成倍架, 仲有個日本佐賀牛, 仲貴多澳洲和牛幾十蚊...~_~
我就揀左"鮑魚餐薄燒美國牛" $290, 感覺唔算好貴呀, 因為有生歐歐鮑魚喎~哈~

揀完餐, 咁佢會幫你戴圍裙仔, 跟住比個開胃沙律你, 都幾好味。
跟住就慢慢逐件逐鐵板啦~
"和三昧厚燒澳洲和牛" 有銀雪魚, 北海道帶子或大蝦, 澳洲厚和牛
"鮑魚餐薄燒美國牛" 有銀雪魚, 鮑魚, 美國薄牛肉
一人餐跟味噌湯同炒飯, 仲有後尾可以揀雪糕或茶

睇住師傅手起剷落咁, 真係幾得意, 但係可能係lunch, 感覺氣氛久奉, 比起3年前o係黃埔間和光, 呢度好似貴得o黎, 味道普通...

可能我地唔識食牛, 感覺美國同澳洲好似無乜分別, 只係唔同在厚燒同薄燒咋....
炒飯呢... 可能期望大掛, 好似比想像中無咁好味。
仲有呢, 個師傅無乜同我地講野, 其實我地想佢介紹下d野架... 嗚...
同埋我地一個叫左一個餐, 咁但係最尾個師傅都係會幫你地將d野分開晒2件比客人share 食。

成日去Sony Showroom都唔覺意搭升降機見過呢度o既門口, 成日都會好奇諗o係果度望返落去銅鑼灣會係點o既景象呢? 今次終於有機會做坐上客.

入左去, 真係一個高級餐廳o既格調. 空間感極強, 位與位之間好多空間, 而且張檯都超級大.

餐廳分開"和食"同埋"鐵板燒", 今次係去食和食. 由坐位望出去, 環境算係比較特別. 由呢個高度望返落銅鑼灣, 感覺十分有趣.

呢間野叫和三味, 餐廳名稱可能代表o係呢度食一餐張單o既價錢係"和味"x3吧.

因為叫左Sukiyaki套餐, 所以佢在檯面準備定多一對筷子同醬油. 第一味上o既係前菜, 味道一般啦, 冇乜印象. 第二道菜就係刺身拼盤. 樣樣都好好食, 當然最好食係入口即溶的TORO.
第三味係焗蠔/燒魚任選. 我地每樣要一款. 個蠔ok, 條魚勁多骨, 唔識食!! 跟住就上天婦羅, 呢味我覺得水準好高, 好正.

跟住就上主菜啦, 牛肉鍋!! 侍應會o係你面前製作個鍋, 先爆香d 配菜. 牛真係入口即溶, 好正.

最後一味, 都係入口即溶的雪糕.

呢間野呢, 我評為環境比食物好o既餐廳. 可能香港o既日式食肆實在太普遍, 在香港食日本野實在太流行. o係香港食到有水準o既和食都唔會太貴, 感覺同和民差唔多. 但係價錢就"和三味". 有人話鐵板燒好味好多, 唔知仲會唔會食多次呢?

友人宴客. 前兩星期先到松菱吃過鐵板燒
今次來此吃刺物sushi及小量牛肉.
點了
1. 凍豆腐沙律 豆腐滑溜 讚.
2. 鷹鯛活魚刺身 不錯,因我喜歡白魚肉, 但未算驚天地泣鬼神. 可吃可不吃, 魚身期後被經理取走煮湯. 不錯
3.軟殼蟹卷, 加上大粒的三文魚子, 層次豐富.
4.壽司拼盤16-17件 有toro, 不過不失, 三文魚整體唔掂, 可省.
5.北海道海膽刺身, 鮮美好吃. 如果來碗白飯撈食更佳.
6.燒三文魚頭. 讚. 油多極肥美,魚皮炸得脆. 好吃
7.再來3客 甜蝦 油甘魚三文魚壽司. 正常味道不甚突出.
8.網燒m8澳洲牛, 卷著蔥/蒜片一起吃. 不錯. 但欠濃牛味 可推介
9.和三味純生sake. 頗純味道清新. 可試.
整體價錢略貴.但也是晚間常價. 我會再來.

因為5月時在Sogo 買野得到Coupon , (滿500 可減240 )才會來這裏吃
這間的價錢不是我們一向的選擇

價錢和樓層一樣的高
位於22樓,餐廳很靜
完全感受不了銅鑼灣的煩囂
能以最放鬆的心情去享受 , 一樂也

除了師傅在表演外, 其他食客也没有大聲高談闊論
令時常丁點小事都大呼小叫的我也略為收歛

一坐下就看到師傅為隔離客人泡制龍蝦
未點菜己經大飽眼幅了
看到他把龍蝦打横一分為二 , 一陣輕煙,
熟練的起殼, 然後上碟,乾淨利落.
對師傅立刻好有信心

兩個人合共叫了一個一人份量的響螺牛肉厚燒套餐
我們選了最經濟的美國牛肉
$590
再加一,
輕易過$500大關

套餐包括有
1前菜
2日本響螺
3法國鵝肝
4北海道貝柱
5美國牛肉厚燒
沙律
炒飯
麵豉湯
芝麻雪糕
餐飲


1前菜
奶油味同湯味都好重 , 有海鮮同菇類 , 鮮甜可口

2日本響螺
肉切到很薄ok ,燒出來幾爽口

之後隔咗好耐才燒響螺的肉藏
以前係未食過，　原來幾似潤的味道

3法國鵝肝

在眾多菜中對此期望最高,因為同多士一齊泡制
配搭新鮮,很想知道會有什麼火花

與多士同煎,但是味道依然未超越我7年前M Kitchen 食的...
可能超越唔到記錄 , 不是不好吃, 只是有點失望
後來發現塊多士係唔預你吃的?
真的嗎??? 索完油就唔食, 好奢侈啊!!!

4北海道貝柱
今晚最高榮譽非佢莫屬
實在太大隻了,有手掌的SIZE咁大
SIZE 和鮮味同時擁有，
一淡放入口，成口都擠滿帶子味
冇咩調味料，　監都唔重手
係真係原汁原味。
再加上厚身，　一咬落去，　就好多汁出　，好難忘
己經切細咗, 但依然係大過你平時食開的，　食完口水繼續流

5美國牛肉厚燒

精髓並不是塊牛肉, 而係那些蒜片
可能我己經時時在家吃美國牛肉,
己經食到慣晒,
要大比數好食先會有興奮的感覺

那些蒜片我還用來伴後來上碟的炒飯
真係鐘意到不得了. MISS U SO MUCH

沙律
冇咩特別

炒飯
留意相片, 粒粒分明!
隔了一個月,
都很印象難忘
在整餐飯當中地位相當重要
理由很簡單 , 飽肚

芝麻雪糕
男友食完一淡
立刻發出一聲很驚訝的 嘩
反嚇我一跳
試完, 明白點解佢有個咁嘅反應
細心留意
應該有加D炒過的芝麻, 所以好香
雖知道通常熱的食物才容昜聞到香味
雪糕涷冰冰, 都聞到香味, 好唔簡單
完全冇諗過甜品佢地都做到咁好
好過出面專做甜品
唔怪得其他食評話呢間都唔算貴啦

餐飲
我地叫了涷咖啡 , 有水準
好飲過UCC

後記:
隔離客人叫了好多海鮮
我們還可以搭單免費欣賞,白酒煮蜆的特技
火光熊熊 , 好富娛樂性.

我們的師傅好友善 , 仲好斯文 , 臨離開 前都好有禮貌講聲
燒前都會盡量配合我們的進度,
仲有詳細的解釋
佢的體貼為今餐生色不少

一定會再來, 但會食午餐 ,因為會更加抵

可能是Father's Day前夕，五日前Book都要1:45才有位，我哋準時到達，但要2:00才安排入坐，等位時巳睇過 menu，一坐低就立刻order，要3 份銀鱈魚、蝦、US牛厚切 ($210) 和 3份鵝肝、牛脷、US牛厚切 ($230)。
首先嚟個salad，味道OK，跟住厨師已準備好食物，先煎銀鱈魚和鵝肝+麵包，麵包很快就煎好，鵝肝也煎得金黃，試吓鵝肝多士先，味道不錯呢，都算外脆內軟啦，跟住是蝦，都幾新鮮有蝦味。銀鱈魚都好味，但煎脆D就更好嘞，牛脷就一般啦，韌咗D，牛要medium rare，煎得不錯，好味。炒飯很好味，夠乾身，正！通常炒菜都喺用芽菜，但今次喺油麥菜+菇喎，又幾好味喎。
當我哋食完後，waiter帶我哋去另一邊飲 coffee or 食 ice cream。
今餐都幾滿意！

感覺上我好像已經很久很久沒有回家吃晚飯了…突然心血來潮…星期五晚約爸爸明天吃午餐…想帶他去吃些他未試過的好東西…所以我把他帶到這裡…其實從我第一次來這裡午餐之後…一直都很想帶爸爸來…只是一直找不著時間…或者是我自己太沒良心了…嗚~

本來想訂一點的…只是全滿了…只有一點半這個時間…只好先留著看看…因為爸爸午飯後要上班…而鐵板燒又不能趕著吃的…心裡七上八落的…幸好當天早上店方打電話來說可以改成一點…

我讓爸爸選他喜歡吃的東西…當我們討論好到底要叫什麼套餐的時候…忽然看到有一個二人商務午餐…商務二人午餐裡面有大蝦…帆立貝…鵝肝…清酒煮蜆…牛肉薄燒和赤豚生薑燒….都是爸爸想試的東西…所以把心一橫就選了這個套餐…最可惜的是…..沒有銀鱈魚…噢~我最愛的銀鱈魚…

店員細心的為我和爸爸帶上圍巾…爸爸是第一次吃鐵板燒會帶圍巾…覺得很有趣…哈~接著就來了沙律…沙律是新鮮的生菜和蕃茄配上日式芝麻醬…酸酸甜甜的帶點芝麻香…非常開胃…

我還是第一次看到鐵板師傅是女的…不知道手勢如何…但人就挺親切的…會跟我們談談天…首先來的是鵝肝多士…其實我不太喜歡吃鵝肝的了…不過爸爸想試就沒辦法啦…確實那件鵝肝是煎得很甘香…口感軟滑而且無筋…但我就是吃的時候心裡覺得不舒服…連爸爸也讚不絕口…~

其後的大蝦和帆立貝都很鮮美…蝦肉尤其爽口彈牙…帆立貝大大粒的讓人感覺很滿足…我還是第一次看到在鐵板上煮蜆…師傅將一塊銀色的錫紙摺成一個小容器…加上牛油, 洋蔥和大吟釀清酒…然後加上四隻大蜆…熊熊烈火在檯上燃燒…真的可以當作表演來看…~我本身不喝酒的…怕苦…這個清酒煮蜆的酒在煮過後頗易入口…但當然我喝了半碗湯之後也覺得臉有少許熱…蜆肉很肥而且鮮味…只得兩隻有點不夠呢…

第一次來和三昧的時候…同時嚐到了厚燒和薄燒牛…總覺得厚燒牛有點靭…所以往後我都只點薄燒的…裡面包著蒜和蔥…非常美味…一眨眼就吃完了…最後的赤豚生薑燒…師傅說是新出品…是先把薄薄的豚肉煮熟…加上洋蔥和姜汁快炒…然後用一塊薄薄的…像是春卷皮的東西….把豚肉包成一個長方形卷…再壓實略煎…接著切成四小塊…師傅提醒說裡面的饀料很熱…我不怕熱的但也差點燙到呢...豚肉不錯…只是配上姜汁後…整個餡有點兒酸…我不太喜歡了…所以對我而言…味道只屬一般…~

粒粒分明的炒飯當然少不了…爸爸吃後也大讚炒得好…炒菜方面呢…現在全換了野菌和油麥菜…其實我還是比較喜歡吃芽菜了…因為芽菜加了黑胡椒炒的很有風味…而且我本身不太好油麥菜…相反炒野菌味道不錯…

每一次那碗炒飯都是吃不完...不過幼滑香濃的綠茶雪糕不得不吃....這頓什餐差不多吃了個多小時...爸爸因為要趕著上班~不然可以兩父女再多坐一會兒呢~看到爸爸如此滿足...我也感到很快樂呢...

係呢間餐廳食過好多次lunch, 多數都係點和食併盤 or 鐵板燒set. 百幾蚊一位, 食物質素+環境都幾滿意. yummi

今次吃食晚飯 因朋友唔食怕熱氣鐵板燒, 點左美國牛肉shabu shabu二人set 但都幾失望, 因牛肉係冇味ge, 湯又太清, 份量又少, 連我咁細食都唔夠, 牛肉得十大片, 再加菜, 豆腐, 烏冬... 對我黎講, 其實都幾好味, 但唔夠香濃lor, 好似太清淡

夜晚好似再少人d, 如果坐window seat, 好好坐好舒服, 情侶約會/朋友聚舊係唔錯ge選擇, 埋單三百幾蚊位, 咁ge quality, 都係貴左少少 不過最重要係食番佢最出名ge鐵板燒啦!!

This is a belated birthday lunch for my dear *who is paying* and I promise to eat again when I get back to work.

We had the executive lunch for 2 at $480, incl. meat, seafood, rice, veggie, dessert, miso soup ... not bad it sounds, right?

First came with the salad, the ingredients are fresh and the sesame sauce matches.

Then, it is the chef's showtime!
We had the goose liver with toast. Not a big fan of the fatty thingy, so it was a better accompany with the carbohydrates and the oil squeezed in the toast as well. Not bad. After that, we had the scallop and prawn, um ... the flavor is good yet it will be better to have more. By the way, the prawn head is yummy. Then it came my most favorite, the clam with sake. The sake has involved the essence of the clam, while the clam itself was juicy-filled with sake as well. After that is the meat session, We had the pork wrap with onions, the beef *medium raw as asked* and the toast with symbol. The pork wrap was the best among, the wrapping tasted strong and it is served hot with smoke coming out even it has been kept for a period *because I ate too slow lol*. For the beef, it was not too fat and just so-so to me. And the toast, nothing special. Eventually came the fried rice, really good with carrots and green onion, the rice itself was kept dry. Had to ask for a spoon to clear the bowl as it was hard to grab with chopsticks. Yet, I did not mind it put more sauce into the rice. The veggie and mushroom were good, in particular the mushroom as there was lots of pepper *that I am a big fan of pepper and spice* The teppanyaki was well-done overall.

Then we went to another table for coffee or dessert, For sure I had a nice cup of coffee, it would look more professional if they served hot cream. As I was a Jap coffee fan, the cup was still nice for me. For my dear's green tea ice-cream, it was not bad as it was a super creamy-flavor ice-cream.

Also, there was a big compliment to the chef when the customer of the same table asked why the clam was disposed, he claimed that the clam got sand and he gave us a new one. The chef was kind to have responded to our same table with all sorts of questions with a smile, and he was polite and friendly to us as well. The overall service was incredible.

沙律很新鮮，鵝肝很美味，夾面包一流。所有海鮮都好新鮮好味，廚師亦很專業，能夠分出客人的人數分量。廚師泡製所有佷物都在你面前，感覺好專業，廚師又唔太鍾意傾計的。呢度既炒飯估唔到咁好味，真係食一碗係完全唔夠的！總之都好味啦！但係價錢就好似貴左dd啦.