一上黎開飯SEARCH下東大門3隻大字
竟然SHOW到既係124個人比好評,得幾廿個人比劣評
我想知道比好評既人係唔係完完全全係對食同環境係無要求?

首先本人其實對食唔係有太多要求
可以令到本人念念不忘既只有太好同太差
而呢間東大門就真係差到極點

因為朋友生日所以一行7人黎到呢度食野
一上去其實個感覺唔差
我同朋友坐張長台有2個爐諗住4個人一齊叫野食,另外3個叫野食
諗住比2張單佢地入
點知個阿叔話 "你地食左先啦D野食咪SHARE住先唔夠先再嗌啦,等陣食唔哂既話浪費呀"
雖然我明白佢既苦心
但係已經預左係2張單, 1張單係4個人既份量,1張單係3個人既份量
佢死都唔肯幫我地入埋另一張單
其實呢個都唔算好大問題

點食物個時, 驚覺 "哇, 乜咁少野揀既!?"
原全唔係老吹, 因為我地去個段時間係宵夜時間9點鐘開始 108一個人
晚餐時間128唔包野飲
咁我不如轉去漢洋苑啦,熟食多你十幾碟, 生既又多你十幾碟, 有時仲要有埋壽司TIM!!

今日重點: 叫左碟咖哩角, 佢黎左一碟, 得1舊咖哩角, 無錯你無睇錯, 係一舊咖哩角
仲要係已經放到凍哂食落去係軟身, 真係比佢激到著燈
叫一碟西瓜得3舊, 近乎粉紅色既西瓜你見過未, 一D血色都無, 咁我不如飲多幾啖
水!

唉 仲有大把野未打出黎
都係等間野自生自滅啦, 樓下D師兄仲有大把野數臭呢間野呀!

韓燒本人都食過好多次, 依間都係第一次...
係旺角 walk-in 入都預左等喇... 不過30分鐘都可以接受既!!!
食物方面 : 種類唔多, 一般應該有既都有.. 都ok 既... 不過唔包野飲
食物味道 : 無論係豬 . 牛 . 雞... 都好似用同一樣調味料咁
環境方面 : 座位夠晒寬闊, 係張檯細左少少, 地方清潔~good

整體黎講 : 一般 . 不過不失. 可以接受.....

昨天時間關係, 所以到了附近的餐館打算趕快吃個午飯了事
可惜為了一時之快而做了錯誤的選擇

我們要了一份3餸碟仔飯, 係牛排骨, 雞肉, 豬扒
首先, 那個小菜是任選兩款, 我要了 泡菜, 白菜仔
吃下去已知道是味精貨色, 不提也罷

主菜份量尚可, 但烤得乾身已冇肉汁, 牛排骨有一半以上是肥豬肉, 唉...
最差竟然是用上隔夜飯 ...

糖水有腐竹蛋, 涼粉, 酸梅湯, 我不幸選了酸梅湯, 二個字 - 糖水, 喝了兩口已不能再喝...

其實旺角仲有好多選擇

一個人去旺角辦事, 想食韓國菜, 上open rice得知此家評語不俗, 於是在午巿時幫趁.

一上到去, 無乜人, 可能我是過了午巿的繁忙時間吧. 操帶鄉音廣東話侍應給我坐大卡位, 有電視睇, 給我menu, 包2款前菜set lunch全不過$40. 可惜我喉嚨痛不能吃燒烤, 也沒有地道的石鍋飯, 我便點了秋刀魚定食.

味道唔錯, 份量十足, 雖然餐廳給你的感覺像茶餐廳多個韓國菜館, 但侍應招呼唔錯, 可能當時無乜人吧?

結論: 想要正宗, 要作他選; 想要平及熱鬧, 此店不錯

話說生日唔想再食日式放題...揀左食韓燒....今次試左東大門...真係好唔得..
唔得在少款...叫2 round已經可以食晒佢既款式...但記住你係未飽架..
食黎食去都係個幾款...好鬼無癮...
*食過各大韓燒既都知道...任食梗係食黎食去都係個d野架啦...
但少極人地都幾十款丫...佢係10款樓下

收費方面...唔包野飲....要韓國辣椒醬另收錢...只可以免費換板一次...再換板之後另收錢...

服務勁差...呀姐成日趕住晒...
想食都唔好揀呢間...為你自己個銀包著想...


唯一好食d既係西瓜同腐竹糖水..
但177蚊食碗糖水加西瓜...你話係咪搵笨...

其實我5系今日去食. 不過一直都5記得寫返"
不過我發誓, 真系以後都5會再去.
無影相不過我想講賣相5算吸引囉"

本人好鍾意韓國菜, 亦食過5算少
呢間野之前食過1次D野食好普通, 完全無特別"
同其他韓燒的餐廳都差5多, 更甚有D無人地甘好食
勝在價錢都叫ACCEPTABLE, 份量都OK
系D人真系服務態度夠哂差
間野嘈, 我地咪大聲D叫人
D侍應好野到明明聽到望左過黎, 都可以扮睇5到掂行掂過, 認真犀利

過左1排有另外個FD又話想食韓燒, 諗住系MK近近地就去多次
怕無位打電話去BOOK位, 有個女人聽電話, 話你黎就有位架啦, 仲冷笑左聲
OK啦, 甘我地咪8點照去
去到又同我地講要等
同佢講左勁耐, 打哂電話黎BOOK你又話5使, 結果黎到你又要我等??!!
有無搞笑D?
個個系度推卸責任, 呢個話5系佢聽電話5知, 果個又話無可能5使BOOK位
佢話同我地講5使BOOK位果個系白痴喎
最後竟然仲質疑我地系咪打錯電話??!!
果個男人話5系佢聽電話佢咩都5知, 話搵聽電話果個黎
最後仲搵個呀嬸黎同我嘈, 果個呀嬸仲衰, 大聲夾惡, 死口5認講過5使BOOK位
結果我地嘈完一輪都費事食

總之以後都5會再黎! 亦會叫D FD咪去!
野又5系特別好食, 服務態度差到無輪, 侍應講野無D禮貌
OVERALL間野好垃圾

今晚去桌東大門食韓國燒烤，東大門好多都系四人以上既台，很多客都系兩個人，占住張四人台，其實有兩個位就用唔到，但又唔可以share一個爐，我地8點左右到，都等左45分鐘有多。

我地叫左個四人餐，有牛肉，猪肉，鶏肉，魷魚同蝦，一D小菜當然唔小得，四百幾蚊。

小菜無咩特別，不過不失。肉類系主打，但系我覺得系水平之下。可能做自助餐爲主，以量取勝，肉腌得唔好味，好馬夫。而且肉的質地都非常一般。

食物價錢唔算貴，只系特別多其它收費，又服務費，又收10蚊一碟辣椒醬油，烤盤燒黑換一個要收11蚊，總之其它項目收成百蚊，好似有D取巧。

其實而家除左巨龜莊、新羅寶….總之唔洗自己烤既韓館,先至會去。但老公話呢間東大門唔錯。是但啦,橫掂今餐醉翁之意不在食。
Early dinner未有人客,我地叫左四人餐,有basic豬、牛、雞。仲有牛肋骨、魷魚、四隻蝦。四碗大、白蘿蔔湯、前菜(阿姐捧住九款,叫我地揀六款,準備揀之際,佢又話,俾八碟你地喇,之後o個一碟,唉….唔爭在俾埋喇),hehe...所以我地有九碟前菜。
前菜無乜什麼標緻,多數都係菜類。
肉類,好欣賞佢,切薄片。香港人個性急,無耐性慢慢燒,燒得耐又燶晒。薄片肉,放落去烤板上,睇住佢熟,好快可以拎返上黎,又唔會燶,啱啱好。
最好食係牛肋骨,同埋中蝦。牛肋骨好有牛香,不過有幾件韌；蝦係中size,燒完仲有成隻肉食,又新鮮。
以前食過「漢和」、「漢陽」,真的怕怕那朕油煙味。估唔到旺角上樓韓烤....我諗係靠烤爐側邊氣窿散味卦,都做得幾好。叫餐都抵食。
p.s. 酸梅湯OK,有酸梅味,沒有死甜。腐竹蛋糖水,味道似模似樣,不過好杰,感覺怪怪地。

大除夕
果然係同朋友出黎慶祝慶祝啦~

朋友都希望食韓燒,我又看見這裡的評級也不錯...都想試試...
但除夕多數已訂位..於是小筆在同伴約定時間早一點上來..希望可以掽掽運氣...

六時半來到....空置的位置很多
由於同伴還沒來到的關係..於是領了籌...
當時才發現,原來早一點到是有著數的!
拿到了大號桌子的202號(前方就只有201號,還要是訂座的)..真幸運....

七時半....人們都逼在一條小通道內等候位置(當時已經滿座,而有的朋友還沒到)
直到8時半左右才有位置.....

待客的態度也不錯...雖然面對鼓譟的客人.仍然冷靜面前...
(樓上曾所說的201號客人,雖然訂座了也沒有位置,當時感到十分不滿,最後得到了調停)


食物實在一般...
小筆極不推薦秋刀魚跟八爪魚...不能入口....
其他的也達到可以接受或以上水平.....

如需要換鐵板,要先關爐10分鐘才可替換..而且只可以免費幫你換一次..
所以也不建議各位換板...

由於飲品要另加錢,所以我們都不叫飲品..
最後結賬時每位只需付163元左右...價錢方面還可以接受....

第二次吃這個午餐韓烤了，很開心。

點的當然是最抵吃的燒烤一人餐﹗前菜選了芽菜﹑大豆芽﹑白菜和魚片，前三者很爽口香甜，還帶著麻油香，又開胃又吃到爽爽聲，爽﹗上次吃這個魚片很淋劈劈，今次正常返，有咬口的，我還是喜歡將它放在烤爐上熱一熱才吃，更加香口。

肉類就選了石斑魚﹑雞肉﹑牛肉和魷魚鬚，可能是我們手勢問題，而且個爐較了細火都好猛力，很多肉塊烤一陣就變得燶又乾，石斑魚比上次吃到的薄左，以雞肉就最好食，因為它是最厚的，烤成品都保持到肉滑嫩的，魷魚鬚每條都很長很肥大，牛肉是薄切大塊的那種。除魚柳是原味外，其他肉的醃味都是一樣。

配套的蘿蔔湯清甜，但面頭那層油不算薄，白飯就煮得較淋了，最後的腐竹雞蛋絲糖水足料用，而且是少少甜，非常岩我，之但係離奇在有層油響面…

這個小小餐，既可滿足燒烤慾望，又不用一味吃太多肉入肚，是個不錯的餐飲選擇哦。

今日同友人一齊去東大門食野.................
首先今次係第一次去.....................
因為放工所以遲到......但當我一坐底.......友人A,B&C已經開始話呢度咩野食到無
咁我就拎起左張黃色點菜紙............上面有熟食有燒烤用料同打邊爐用料
一開始叫左個春卷.................凍既.....隔夜既=.=......唉....之後再試蔥油餅........又凍又多油唉失望..............一見熟食唔多得就叫D野黎燒下.........
點知.............得雞牛豬......選擇唔多就算啦.............燒到咁上下
最不知所謂既四樣野...............韓燒正常會燒焦左個架.....會有人換的........點知兩小時內只能免費換一次.......之後每一換都要比$11 不知所謂此其一
換個架要呆等20分鐘先比換....又話有煙....又話唔想煙到旁邊D客(大佬...食果兩個鐘....無左20分鐘....無野呀,仲有呀我地旁邊到無客...我都唔知佢點攪ga)不之所謂此其二
又叫任食....哈哈...就唔比你任飲.......每位坐底既客人先比$11茶錢...........唔飲又唔得
比茶錢無問題呀......但係茶有怪味.............不之所謂此其三
之後再看餐牌.........真係咩都要錢.......無油加$11.....要辣椒就加$11.....換個蓋又$11.....
飲汽水又加一........無服務又加一...............
總之我未試過韓燒係咁ga lor.....食水深

總括而言,比貴D食好D,無問題;比貴D揀少D食少D飲少D,大問題....
你地有權唔信.....親身經驗....忠告..
(聚會場所這麼多,偏偏揀錯這一個,食水太深無奈何,辛苦賺錢浪費啊!)

可能因為唔係假期既關係,,,等位等左五分鐘就有位,,,Lucky,,,
一行四人行完波鞋街已經勁肚餓,,,一坐低即刻剔野食,,,
值得一讚既係食物都幾快就黎到...而且仲有d熟食可供選擇,,,
所以我地可以邊食邊燒黎等食,,,^^
而且食物質素都算幾好,,,
有兩個熱心既待應教我地點燒先唔會咁易燶and整燶塊板,,,
因為換板要等10分鐘><
食到有少少飽意我地就換板,順便當中場休息ma,,,haha^^
最後真係要讚一讚個西瓜,,,好好味,,,
而且d桌間開晒,,好似有間房仔咁,,有私人空間,,,


P.S 其實唯一缺點係夜左既話有d食物會無左,,such as 蠔,,,
但好欣賞食完都無油凐味,,,整體而言,,,8分

如果大家想約埋三五知己親朋戚友同至愛開開咁食番餐，我勸你都係唔好揀呢間野...

不過，如果你想貼錢買難受，呢間野一定係首選！誠意推介！

尋晚..第一次來...真係大開眼界

呢間野服務特色：
1. 限食兩個鐘，同你準確計時，8:05PM入席，9:50PM已經好主動咁隊張單要你埋單，效率一流！
2.員工服務態度富有特色：1. 無故黑面; 2.講野大聲;3.收錢唔講多謝... 最有特色莫過於當一個擬似管工級別的中年男人晌隊完張單俾我地0既時候，佢企晌我地張枱旁邊大大聲吩咐佢0既下屬要準時熄我地個爐(其實佢吩咐下屬準時熄爐係冇問題，問題係佢大大聲晌我地旁邊講，事實上同趕我地走有咩分別？當我地晌10:15PM左右走0既時候，仲見到有最少四成座位係吉0既...有必要咁冇禮貌咁趕客走嗎？就算係想趕客走都可以有禮貌0的卦？！)
3.最富特色莫過於只限免費換一次鐵板，要換的話仲要熄爐等10分鐘！晌其他韓燒店簡直聞所未聞....嘩！原來話限食兩小時1小時50分鐘！

至於食物..冇咩特別，種類比漢和苑少一半！

下次都係去番漢和苑！

暑假最後一天
媽媽提議去吃韓燒
於是到旺角東大門

其實要評韓燒的食物是很不切實際的
因為燒的時間絕對會影響食物味道
但我出馬, 燒出來的食物當然好味! 哈哈

午市時人不多
所以招呼也較為周到

燒的食物有:
牛肉, 肥牛, 雞肉, 豬肉, 石斑, 鱔
燒的我不多作評論了
其實大多都很好吃
只是豬肉經常燒得太韌

kimchi方面大多數也偏咸
上次我吃過的, 很好吃的魚仔今次沒有
白飯是用珍珠米
飯味就沒有了,但是口感十足
蘿白湯很甜
媽媽說味道不錯但我不太喜歡
腐竹雞蛋糖水找不到雞蛋,
因為份量很少而且顏色跟腐竹很相似
但整體來說味道是不錯的

食物就說過了, 我比較想談的是座位
其實座位讓人蠻不舒適
因為腳不能伸
一伸便會頂到爐底

衛生方面, 油煙全部向下抽走
吃完之後不會感到「一頭煙」
但看著那可怕的爐底
使人扣了不少分數
果然有些東西, 眼不見為乾淨

4人埋單也只是$38.5, 抵食吧!

食物:選擇小,而且一般,個鴕鳥肉都唔知咩黎,一生中最難食o既鴕鳥肉,,牛肉ok,個西瓜幾好.....系咁多
服務:服務生態度麻麻,唔知系咪公司定得多呢d太多規矩,成日比人投訴,個個面黑黑咁,人多安排差,十一個人得兩個爐,座得好迫,而且燒o既時間一樣,.....同服務生反映,佢話公司規矩....我邊講佢邊走,要出動經理先肯加多個張枱同個爐........
燶左只可換爐面一次再換要自行比錢換,個爐面ok唔太易燶,這個可接受.但換爐面要關火等十分鐘先可以換..........佢又話公司規矩,要等吸走油煙先換得.........二個鐘食咁都要呃你十分鐘,就系咁成班人停晒手系到十分鐘等換爐.......咁奇珍O既解釋~~呢我比十個"珍"
重有廿分鐘已隊張單過來話通知你...................咁壓迫性好強,~~唉