港鐵荃灣站 B1 出口, 步行約1分鐘
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
最近譚仔因為雙十一而做緊promotion，喺佢社交平台度見到有一個叫做雙椒相遇二人餐，價錢唔算特別平，要$150。但係見佢個二人餐係同望月合作，食完個二人餐會送四件好有特色嘅蝴蝶酥，分別係土匪雞翼味同埋10小辣麻辣味，都真係幾有噱頭。本身個餐兩個人食，其實都非常之豐富，包括：1碗煳椒肉骨湯米線配黑胡椒豬扒及老油條1碗兩餸麻辣湯米線1碟湖南土匪雞翼 (小)1碟青瓜1碟雲耳2杯冷熱飲品送🌶「譚仔三哥對望月蝴蝶酥」一盒嗰碗新嘅煳椒肉骨湯米線配黑胡椒豬扒好好食，不過比較啱食得辣嘅人，因為佢嘅辣嘅程度大約等於平時嘅三小辣。呢個二人餐除咗喺社交平台度見到之外就唔係好見三哥有特別做promotion，喺餐廳入邊都見唔到有相關嘅poster，所以如果真係去食，有機會可能要show返個社交平台俾啲職員睇。
繼續閱讀
唔講唔知原來新推出嘅米線食材油揚、鵪鶉蛋同京白菜係同步日本推出嘅食材，我全都要叫咗個油揚、京白菜 、鵪鶉蛋糊辣三餸米線食，佢話油揚好索湯，京白菜爽甜，鵪鶉蛋就彈牙潤滑。我叫埋新推出嘅鴛鴦哈蜜瓜爆珠梳打，入口哈蜜瓜清爽解辣，赤肉哈密瓜爆珠QQ 有咬口。
繼續閱讀
23-1-2022(Sun)同老公買餸前食妟,由於我唔肚餓但老公餓,最好就係食車仔麵,想去素悅軒(https://www.openrice.com/zh/hongkong/r-%E7%B4%A0%E6%82%85%E8%BB%92-%E8%8D%83%E7%81%A3-%E6%B8%AF%E5%BC%8F-%E7%84%A1%E8%82%89%E9%A4%90%E5%96%AE-r173776)食,但應該未開門,咁不如譚仔,我哋嚟到都未多人,坐低睇完menu,我要咗$32.00嘅米線,要腐皮,加$5.00要豬膶唔辣清湯,加$2.00轉扭紋薯粉,同$9.00嘅熱檸水.老公要$43.00嘅香辣回鍋肉蝦仁炆米線,加$5.00要金菇,揀5小辣,同樣要$9.00嘅熱檸水.熱檸水有幾片檸檬,但澀.味道:1分我嗰碗米線先到,先食豬膶,薄切,唔係脆口嗰隻,口感係粉,味道係甘.我食兩片,其他俾晒想食豬膶嘅老公.而腐皮OK冇問題,扭紋薯粉有啲煙韌唔會過腍,老公就話淡湯甜,我覺得OK冇問題.味道:3分老公嘅香辣回鍋肉蝦仁炆米線到嚟,蝦仁真係有3隻,我食一片回鍋肉,唔辣,但金菇辣,可能金菇嗦咗辣汁.老公話譚仔嘅乾米線麻麻,都係湯米線好啲.味道:2分抵食係2.8分上次食評係2021年10月14日刊登嘅呢篇: https://www.openrice.com/zh/hongkong/review/menu%E6%9C%83%E8%BD%89-e4196868
繼續閱讀
細細個就鍾意睇蠟筆小新，之前譚仔就聯名蠟筆小新推出一系列小禮物，近排更加推出回鍋肉蝦仁炆米。作為蠟筆小新嘅粉絲當然要去譚仔朝下聖，試下呢個回鍋肉蝦仁炆米，再叫多份經典小食蒜泥白肉。蒜泥白肉真係到譚仔必叫，好好食。不過食完真係要盡快刷牙，次次食完太太都話我口臭。回鍋肉蝦仁炆米味道唔錯，啲米線唔會太諗，口感唔錯。叫咗中辣呢個辣度啱啱好。四十幾蚊啲米線D餸唔會太多，但係啲撈麵醬好夠味，而且份量多好夠飽，呢個價錢嚟講真係好抵食。
繼續閱讀
星期日下午3點左右到既，一坐底旁邊個食客就不停咁嘈話等左好耐都無野食，原來漏左單，我以為個單別事件，點知到我點完又係漏單，因為旁邊另一個食客比我遲點單，都比我先到。最後我叫左個店員（戴眼鏡的），可能係店長，比教醒目樣。佢問完我掂左咩之後即刻走去收銀處問本來幫我落單個阿姐有無落單，我遠遠聽到戴眼鏡既店員同收銀處店員講佢根本無出單，好似係唔識用系統。大家再來要小心，最後戴眼鏡既女店員點餐，佢會主動問客人有無點餐，做事主動。
繼續閱讀