39
30
16
營業時間
今日營業
07:30 - 16:00
17:30 - 22:30
星期一至日
07:30 - 16:00
17:30 - 22:30
*到店外賣供應時間: 22:00
以上資料只供參考, 請與餐廳確認詳情
招牌菜
食家推介
想平令正食到中菜就要來位於元朗廣場3樓既潮館啦,佢地晚市3重奏好抵食 咖,有肉,有菜,仲有埋海鮮都係$198,樣樣都大大碟2個人食唔晒要打包, 因為今日係星期三,所以今日有豉汁蒸羅非魚,沙薑雞,濃湯魚肚浸時蔬,樣樣都幾好味道,同埋佢地每日都唔同菜式十分好ㄚ,唔洗日日諗食咩啦。
繼續閱讀
稻香集團旗下嘅潮館不嬲都幾抵食，食品質素都唔錯，今晚又去睇吓有乜嘢新菜式。餐牌介紹黃金炸蝦球同粟子炆雞，就每樣叫一碟。再加碟滷水鵝同蠔仔肉碎粥，兩個人食都幾夠飽。炸蝦球用鮮蝦切碎同搓球，再落鑊炸到金黃色，出嚟時仲香噴噴。粟子炆雞就好足料，粟子好冧，雞炆得好香，不過累嫌獻汁重手咗少少。滷水鵝片好入味，就算下面墊碟嘅豆腐都好滑。蠔仔粥話就話係一碗，不過閒閒哋可以分6小碗，蠔仔份量唔小，粥底普通。不過咁嘅價錢有呢個質素都唔錯。
繼續閱讀
想食滷水鵝, 潮州菜酒樓一定會有, 元朗廣場呢間潮館飲茶好平, 今次試下晚市豆腐煲: 熱辣辣豆腐好好食, 煲得入味又濕潤. 唔錯唔錯!蠔仔肉碎粥:後悔叫佐一窩, 太多, 一碗應該都够食, 味道不過不失.滷水鵝: 入黎就係為佐滷水鵝, 鵝肉嫩滑, 味道香濃, 好食, 個底仲有好多豆腐, 都幾抵食
繼續閱讀
經過幾次 次次都好多人應該唔錯 已經想試吓本身當天食壽司郎 但太多人臨時轉食潮館餐廳有不同套餐優惠晚市三重奏更加星期一至日都有當日星期四 本身order晚市三重奏侍應話滷水拼盤轉左沙薑雞半隻但散叫滷水拼盤就有 感覺有點不老實{普寧豆醬煮沙猛$68}侍應放上枱的一刻 我同佢講冇叫呢個餸佢話係普寧豆醬煮沙猛雖然圖文不符 但出奇地好食魚大條 厚肉 蘿蔔炆得淋 味道又好下次都會食{XO醬韭菜椰菜$62}有鑊氣 少少辣 仲有芋頭絲{上湯波士龍蝦伊麵+沙薑雞半隻$298}龍蝦唔算大隻 不過多肉肥美 而且好新鮮 肉質爽口 伊麵亦炆得入味 想加底😂(唔知得唔得) 估唔到咁大隻雞不過無咩雞味 靠沙薑汁吊味{滷水拼盤$95}以呢個價錢 仲要係商場食 份量算多所有滷味都入味 必叫之選📍潮館 (元朗廣場) (元朗)元朗青山公路249-251號元朗廣場3樓333-340號舖
繼續閱讀
元朗廣場嘅一間新式酒樓，裝修得好新潮，座位較為闊落，每張檯旁邊仲有一個自動嘅煲水機，確保食客隨時隨地都有熱水沖茶飲，個設計真係好有心思。而且就係用手機自助落單，真係幾科技化。食物質素都唔錯，腸粉、蝦餃、粉果類嘅精點都係皮薄餡靚，蝦餃餡大大粒，用料十足。炸物類就即叫即炸，上到咗熱騰騰而且好脆，雖然感覺上有油膩咗啲，但係都可以接受。佢有一個比較得意嘅冬菇包，成個外型真係好似冬菇咁，餡料係素冬菇餡，菇味香濃鹹鹹地，食落都唔錯。價錢方面都唔貴，各類優惠加埋，每碟飾物大概$20至$25左右，不過茶位就$12一位，略為高，應該係佢部智能熱水機既關係。
繼續閱讀