2010年1月3日 ( 2 ) 宵夜

民豐是荃灣區的老字號，這裡出品一向不錯，

今天下午在荃灣經過這裡，也是人山人海，

最後買了一盒 ( 麻蓉湯圓 )，晚上吃過飯後，

然後煲來吃，麻蓉味頗濃，湯圓皮咬口微微煙韌

，非常好吃，大家都讚好。

下午果餐已經食到無哂QUOTA,
經過民豐又忍唔住想試試呢度D甜點喎,
只係要左一個花生糯米糍,
本來想企埋一二邊KO佢,但見好多粉咁,
絕可能會食到一身一面一咀都係....
終於都係番到屋企先食,
放左大半日都無咩變質.

個皮夠軟又煙韌,
花生餡食落好香但唔會太甜!
好味!

民豐一間區內頗具人氣的店舖，吃過這裡的餃子也不少了。

今天光顧這裡的荼果。


眉豆茶果：餡料是眉豆，麵粉皮很特別，雖然切開時易黏著

刀，但不易黐牙，吃起來時，粉皮有咬口而煙靱，配合五

香粉味也不錯。

芝麻湯圓:

芝麻- 黑芝麻餡，好有芝麻味！

湯圓- 湯圓皮夠煙韌。

只係需要$20 有 25粒 ，都算抵！

如果湯圓大粒D，就更加好啦！

本想買一些雲吞及湯丸, 但是人山人海, 條隊大約有20人, 排出店舖外, 不想排隊, 所以, 只買了二個蘿蔔茶果.

蘿蔔茶果@$2.5: 白雪雪, 熱騰騰, 內裡有很多白蘿蔔, 很香蘿蔔味, 調味料有鹽和胡椒粉, 糯米皮煙煙韌韌, 做得很好.

茶果面塗上了很多油, 算油膩.

可能有味精的關係, 吃後很口渴.

對上一次食係大約七月，上次食就覺得個皮厚得過份，收尾的地方實在厚到差唔多咬不下。
事隔三個月再試試水準如何。
回復先前的水準喎！
皮又薄又滑，包住好豐滿的餡料。
韮菜豬肉餃中的韮菜同豬肉比例均勻，亦唔會有好肥肉。
味道調得幾好，唔會太咸。

今日(26-10-2009 Mon)同男友睇完戲,行經呢o度,再次話佢知呢o度o既韭菜餅同糯米糍係好好食,於是買畀佢試.

今次買o左$2.50一個o既豆沙糯米糍同韭菜餅並$9.00.韭菜餅係熱辣辣o架,返到屋企,即同男友先試香噴噴o既韭菜餅,男友話真係好好味,不過食唔夠一半就覺得漏啦,雖然唔多豬肉,但餅皮吸晒啲油,就漏啦.而今次餅皮比我07年食時厚啲.(真係好耐冇食喇.當時食評:http://www.openrice.com/restaurant/commentdetail.htm?commentid=1864061)
味道: 3.5分

而豆沙糯米糍呢,未食依然嗅到佢o既糯米粉香味,食落,豆沙唔太甜且好細滑,糯米皮煙韌,唔乾又軟熟,,keep到水準,果然冇介紹錯畀男友.不過最好食o既花生糯米糍賣晒,唯有下次有機會再買畀男友試啦.
味道: 5分

至於標題上o既’變o左’,唔係指食物,而係二姐o既態度,唔知係咪生意太好,態度變得冇咁好,高竇.叫佢兩聲都唔應你,咁我唯有照講,要一個豆沙糯米糍同一件韭菜餅,佢都係唔應我就執,但就執件豆沙茶粿,既然佢唔應我,我都唯有扮唔知係咪執畀我,都照講唔係茶粿而係糯米糍,果然,佢係執o緊畀我,佢就入返個糯米糍落袋.然後去入件韭菜餅,之後只拎件韭菜餅行返o黎畀我,收$9.00.

咁豆沙糯米糍呢?我行出去時,見到有個膠袋裝住件o野,我就拎起佢,果然係我件豆沙糯米糍.呢位亞姐真係唔掂,令我幾失望.

如果唔係亞姐態度唔好,好肯定仍然會畀個笑面囉.

入正題~~~~
買廣東冬菇鮮蝦水餃~~
25蚊15隻都ok個幾一隻~
皮都薄係收尾個度會厚左有d韌
料幾多~唔算太多味精
每隻都有一隻蝦仁既份量度la~~
幾彈牙頗新鮮~~冬菇幾入味
同埋有d肥豬肉好香~~

不過cashier個度如果有效率少少會好d= =
唔好蝦細路!

禽日去開荃灣做野, 之前都聽過話呢間野啲水餃雲吞好食, 咪行開入去買黎試吓!

但行度入去買咗盒細既鮮蝦菜肉雲吞, 但後來又買多咗一個茶果同一盒芝麻湯圓..真胃食! 個茶果我出到門口巳經咬黎食, 係咸同啲蘿蔔味都好重, 我最鐘意都係個糯米皮! 另外番到屋企煮咗個雲吞同湯圓食, 個雲吞蝦肉同菜肉都好新鮮, 個皮唔係太厚! 而個湯圓同個茶果一樣, 個糯米皮勁好! 果芝麻餡唔係好多, 加上厚厚既皮味道剛好! 個雲吞24, 湯圓 20, 茶果2.5

AUG 11, 2009 (TUE) LUNCH

冬菇菜肉餛飩 (1盒15隻) $22
我好鍾意呢度D嘢去得好快，天天賣完就無，係日日新鮮人手包的，所以每次都會見到D嬸嬸好忙咁喺度包呀包呀包！
跟菜肉餛飩相比，加咗冬菇就變得好有咬口，係用上海雲吞皮的，餡裡有3多，冬菇多、菜多&肉多，味道仲好鮮，肉汁由皮裡流出嚟好香，正！

呢度馳名的仲有湯圓&日式拉麵都好出色！

成日都見到呢間人山人海架，不過佢 d 餃又真係 ok嘅~~
食過好多款，韮菜、白菜都唔錯，菜肉比例唔錯，味道亦調得幾好，但間中都會過咸~
我反而幾鍾意食佢 d 鮮蝦雲吞，蝦幾鮮同爽，但又唔同粉麵舖果 d，幾特別~~不過要試就要早點買，好多時我放工去已經賣晒！
我最鍾意食佢嘅韮菜餅，大大塊，又平，食一塊已經可以當個 lunch~~
豆腐花都唔錯，幾滑又香豆味~~
冬天打邊爐買佢，我 d fds 都話~~ 讚！

大概半年前食過，水準都算唔錯，但事隔半年，估唔到而家嘅水準係咁
買了韮菜豬肉餃，菜肉雲吞同埋冬菇豬肉餃。
三者餡料都好多，味道好濃郁，肥肉不多。
不過皮實在實在太太太太太厚！
皮已經夠厚，所以當餃皮摺起來收尾的地方實在厚到差唔多咬不下。
如果皮的厚度能改善一下，口感定必更好！

經常放工都經過此店, lee 度好多野食買ka.
有面la.有糕點, 有餃la, 有湯圓...
我最多時買來吃的就是燒賣,
絕對唔同街邊一串一串..又有雪味, 又唔新鮮個d,
係絕對新鮮..好彈牙..勁好味呢, 11蚊一包, 買完之後放在雪櫃幾日都ok
不過記住要買定支甜士油係屋企, 到時加埋落d 燒賣到先一絕呢!

另外我還想推介一下, 蘿蔔糕,,佢有買煎及煎好的, 係有一條條蘿蔔係入面,
煎好的一件件, 厚身, $4.5一件..未煎既就一大件..12蚊到..可以買回家蒸都方便..

日期：2009-06-06

在"民豐粉麵行"(荃灣)買了"菜肉餛飩"($19~15隻)和"豆沙糯米糍"($5~2個)。在家用"家樂牌雞湯粒"做湯底，將餛飩煮10分鐘。


1.菜肉餛飩---正宗上海式餛飩，內餡是白菜和豬肉。餛飩皮較廣東式餛飩厚，口感帶彈性而不韌。內餡份量不多，菜肉鮮味，鹹味適中。


2.豆沙糯米糍---糯米糍蠻大個，糯米皮較厚，口感軟糯煙韌。豆沙餡份量多，豆沙幼滑，豆香十足，甜味適中。

今天路過荃灣街市街,發現超級多人在民豐買野,又去襯熱鬧.

入到去,見到d麵插住個牌,話自己工場做,心郁郁買了蛋麵(25伩斤),蝦子麵(30伩斤)同魚蓉麵(25伩斤)各半斤.因為啊姐實在太忙,在等買野時,見到勁多人買水餃同雲吞,於是又各買了細盒試試.

第二日,煮咗蝦子麵,餃同雲吞試. 蝦子麵好彈牙,一d梘水味都無,30伩貨仔算唔錯. d餃同雲吞的皮都好厚. 因菜比肉多,所以d餃同雲吞都好爽口,一d都唔膩. 兩者中,菜肉雲吞口感同味道都比韮菜餃優勝...

之後食過第二間的餃,d皮都係咁厚. 係為咗唔散,所以麵皮要厚d?