約了朋友在這裡飲下午茶, 兩點後點心和炒粉麵特價, 兩點九入場也有一半客, 給安排在走廊邊的二人小枱. 不知道特價食物也很大件之下, 剔了:
煎腸粉, 山竹牛肉, 虾餃, 燒賣, 棉花雞, 干炒牛河.
煎腸粉: 沒有幾何米味, 和合益泰的差很遠, 大碟也沒用, 吃不完.
山竹牛肉: 有小孩拳頭那麼大, 不過內有異物, 很鹹.
虾餃: 皮很韌, 緊黏著底紙, 用力時弄破了皮, 饀散得一籠都是, 味道ok, 但虾是切碎的, 何解不原隻?
燒賣: 是最鹹的一樣, 不得了, 吃不下咽.
棉花雞: 發得不透, 還有糠味.
干炒牛河: 是最好味的一樣色香味都很好, 不過郤逃不過這食制的通病, 太油.
所以整體來說, 還是要給喊臉. 雖然特價抵食夾大件, 不過不好吃, 幾平也無用.

話說我同男朋友兩點幾先食完lunch....
但係7:45pm要睇戲.....本來諗住食完大榮華先睇戲嘅行程都打算取消....
但係6pm嘅時候....又無咩做....我哋特登去九龍灣就係諗住食奶皇馬拉糕.....
所以就決定去到有位就食，無位就算~
去到門口已經好多人坐咗喺度等位，但係都問一問啦~~~
結果....兩個人就有位，仲要係最後一張枱~~~ 咁無計啦，整定要我哋入去食~~~

雖然我哋話就話唔肚餓，但係睇住份menu樣樣都想食......= =
最後都叫咗蠔砵，南乳酥炸生蠔，盤菜豬肉同必點嘅奶皇馬拉糕~~~(每樣$55)
但係食呢啲餸又點可以唔食飯呢~~~咁都叫咗兩碗豬油撈飯~
不過並唔係我哋想食豬油，只係只有叫豬油撈飯嗰個飯先係用砵仔蒸，
普通白飯就係用飯碗裝~~~

蠔砵
好多蠔仔，蠔味好濃~~~
啲蛋同粉絲都好好味，不過幾飽吓~~

南乳酥炸生蠔
一碟好多蠔~~~另跟一碟南乳汁~~~
點唔點都好好味~~~鍾意食蠔嘅會超滿足~~~
個皮唔會太厚，薄薄一層脆卜卜~~

盤菜豬肉
啲豬肉真係太肥喇~~~雖然豬肉係肥先好食啫~~~
都唔使無肉吓嘛.....= = 同埋面頭啲豬肉其實得幾片，下面全部都係芋頭......
以我哋咁飽嘅狀態，真係食唔落.....

奶皇馬拉糕
真係每次食都100分，軟冧冧，暖粒粒~~~好滿足唷~~~^o^
但係由於實實在在太飽嘅關係，食剩一半要拎走~~~

嗰度仲做緊ice啤酒特價，$18/3支細樽裝再加送一罐~~~

10月1月15日（星期五）晚，是晚檸茶兄相約看電影，之前當然約埋一起吃晚飯，地點選擇在九龍灣的「大榮華」。約七時許，儘管我比茶兄早一點到，取了飛後仍要等上約四十五分鐘才有檯，這時女友剛好收工，還趕得上一起吃飯。等到茶兄友人也來到，我們便先行點菜，邊吃邊等，但萬萬想不到這裡的上菜速度非常驚人，落單後不消五分鐘全數菜餚已悉數上檯。

五味雞（一隻）幾乎是吃圍村菜必點的食物，但全檯人吃了也分不出有哪五味，感覺上似豉油雞多一點；雞肉尚算軟滑卻雞味欠奉，不過份量頗多；芥蘭炒臘味有幾塊肥膏臘肉和兩、三片臘腸和潤腸，芥蘭很翠綠，不過整碟菜頗油膩；乾隆一品豆腐原來是漁香肉鬆炸豆腐粒，不過送飯不錯；砂鍋紅酒燴牛仔骨很入味，雖然吃不到有紅酒味和牛仔肉頗韌；豬油撈飯又是一項“親親膽固醇”的“壯舉”，在香噴噴的砵仔飯上，下些頭抽豉油和豬油撈勻吃，其實是享受整個過程多於味覺，坦白說，我實在吃不到豬油的香味；奶皇馬拉糕應是整頓晚飯的主角，上檯時新鮮蒸起，入口香綿軟熟，真的嚐到蛋香和奶皇的味道，四人都同聲讚好，還將其中一件留給因工作而來不到吃晚飯的食友太公。

此店雖然地方不細，但檯與檯之間的距離頗窄，坐得頗迫，幸好服務尚算勤快，埋單時還會放個『多謝惠顧』牌，以之識別，真是有趣。

提早做冬,一家人帶埋長輩去食,
平日都好多人,
幾年之前去過元朗,記得食物平平無奇,
但係馬拉糕真係好食!

本想叫$58x個餐,內有好多款食物,
但寫明一碗碗,而不是一碟碟,咁唔知有幾大份量,
怕會太少份量,於是散叫,

魚腸焗蛋,唔係個人心水,少食.
蠔砵,好!
5味雞,正!
牛仔骨,ok; 但唔係圍村菜bor......

最後是我堅持要點的馬拉糕,
竟然是收晒所有碟, 換埋碟才準備,
等左好耐先到,原來係即叫即蒸,
真係好正, 雖然$52是好到

比之前得龍酒樓好太多,上次又貴但好普遍

服務大致都好,係一個束馬尾的阿姐特別差!
催我地落茶, 收碟咩都黑面!
其餘都幾好,又有笑容!

其實所有食物都好好食!
但少少味道偏咸,清淡一點更好!

好耐都冇去大榮華食飯, 於是上星期六同男友去左食晚飯。

我地叫左炸子雞, 味道唔錯. 仲有叫左佢既招牌"豬油撈飯", 依然好味。

仲有當然唔少得係佢既"馬拉糕", 好香好鬆化, 2個人食8件馬拉糕, 雖然好飽, 但都要食!

即將要離開工作了數天的公司，放工後在附近吃晚報來作紀念，哈哈。

話說想吃豬油撈飯，所以順理成章來了大榮華。

六點半一放工就去拿位，可能是平日，不用等，非常好。等男友來了就點菜。都知道這裡的份量驚人，所以只點了五味雞和牛仔骨，另加豬油撈飯。

五味雞的份量真是超多，但我不太吃得出味道。牛仔骨反而不錯，又入味。最吸引的莫過於是豬油撈飯，雖然是不健康，不過偶一為之也不為過。

飯後還有糖水，真的大滿足了。

要開始新工作了，我想有更多我挑戰等著我，也是我整整一個月都沒寫食評我原因。

朋友生日飯局, 地點由主人家來選, 可能看得電視多, 所以地點就選在這裡. 只有三人未能訂檯, 那只好早一點到. 大約六時半到來已有八成在座, 受捧程度真令人驚訝, 被安排靠牆邊坐, 雖人多熱鬧, 但也不至於嘈吵

普遍小炒都只是賣幾十元, 除圍村茶外, 其他的菜式選擇也不少, 早前午市吃過令人回味的五味雞, 雖想再吃的衝動, 但選擇多的是就試試其他吧

上湯波士頓龍蝦 - 這兒食物普遍只是幾十元, 龍蝦每只祇賣$160, 算是貴價貨, 另加伊麵底也是要$20, 朋友生日當然要豪一豪, 兼且標榜有成20兩重, 那有不吃的道理. 來到瓦煲還滋滋作嚮, 但打開蓋卻心知不妙, 一陣膿味隨著飄來, 由落單至送到也不需十分鐘, 很明顯是趕著出菜而用過猛火所致, 龍蝦看上去也幾足兩, 龍蝦肉彈牙結實, 簡單的煮法應已很不錯, 但這刻卻有點兒大殺風景

金沙焗海蝦 - 膽固醇雖高, 但耐不耐就會有心癮很想吃這個, 鹹蛋皇下得太少, 所以能掛在蝦身上的不多, 而蝦身也炸得不夠香脆, 失望之作

頭抽薑蔥干煎魚雲 - 個人估計招牌頭抽菜式應不賴, 所以本不太愛干煎也要了個來試, 魚雲煎得比想像中還要乾身, 魚肉不多, 招牌頭抽也不覺特別出色

鮑魚汁炆鵝掌 - 反而這個卻不錯, 鵝掌炆得夠腍, 花菇也夠厚, 加上鮑汁來扣, 香濃味美

其實這裡出名的是圍村菜, 而這夜可能是叫錯了菜式吧, 每樣都總不太合心意. 但雖然如此, 但總有點心有不甘, 下次一定要叫準圍村菜來試試真章

今日上午11:30到, 第一次食, 覺得有d街坊酒樓feel, 無侍應帶位, 自己搵位坐. 2人叫了5款點心, 食評如下:

1) 小食: 檻欖油香草煙燻蠔 $38, 有8隻, 味道ok, 有煙燻味及算有"蜜汁", 但邊位有點硬, 及有點油膩, 少食為佳.
2) 切肉燒賣: 十分期待的切肉, 算彈牙
3) 雞絲粉卷: 豉油好味, 3條肥大粉卷, 肉質亦佳
4) 胡椒豬肚湯: 整體味道ok., 頗大碗, 內有腐皮及幾粒白果, 豬肚亦算"林", 但湯完全無胡椒味, 又無咸菜, 同潮式的胡椒豬肚湯相差甚遠.
5) 蜆芥鯪魚球: 皮有點炸米粉, 賣相好靚, 但一食就怕怕--> 皮凍了及超硬, 特別係d炸米粉累事, 全部 "林"晒, 好難食!! 碟蜆芥醬亦無咩味, 魚肉有骨, 千萬唔好叫

環境ok, 冷氣夠凍, 但舊酒樓feel. 點心款式不多, 請客免問, 一般飲茶午餐尚可. 都係去德褔間美心皇宮或翠苑穩陣些.

一心諗住大榮華，衰極都有個譜，但點知......

1. 食物偏鹹，仲要唔好食。特別係個「舊」不知所謂的小籠包，根本唔係用小籠包皮，難食到嘔！

2. 假日唔出腸粉，唔緊要，但請d侍應講聲呀！若我唔問，就一直等。但一問之下，佢地竟然好快答我︰「今日無腸粉。」..................擺明一早知唔出腸粉啦，仲落咩單呀！點做野架！離晒大譜！

3. 拎我張點心卡去蓋印無問題，但吸完係咪應該比返個客呢？放左係沖茶的枱度就算，你吸左d乜我地都唔知架啦！果位某某女副部長仲理直氣壯咁話︰「你可以check單呀，我地冇厄你架！」家陣e d係咩服務態度黎架！

無謂浪費我的時間再寫落去喇！極度失望 + 氣忿！

今天10月1日, 我們一家出街吃飯為做節, 中秋節, 但千揀萬揀, 揀了第二次幫襯的大榮華 , 我們(六人)叫了以下的餸:
1, 粉絲什菜煲, OK啦
2, 鮑汁炆鵝掌, 比什菜煲還差, 小OK
3, 乳豬拼盤, 有乳豬, 有雞, 有燒排骨, 三樣都麻麻地, 似快餐店貨式
4, 薑葱魚雲, 魚雲OK, 葱吾夠香, 有啲生添
5, 糯米飯, 太多油, 小咸
6, 沙薑鹽焗雞, 點菜時以為是白切雞, 點知完來是炸雞件, 細細件細細件, 偏咸, 無雞味, 仲叫了 一隻, 一個字"慘", 要打包, 留番明日下午煮公麵
7, 豬油飯, 是我們第一次吃, 幾香, 無想像咁油咁肥, 好彩$9, OK
8, 梅菜扣肉, 全晚最差, 好咸, 餸白飯都咸, 吃了最多一半
9, 馬拉糕, 全晚最好吃的

總結, 多味精, 好咸, 食完口喝, 我們喝了好多杯水, 回家後再飲凍嘢解渴
共$609

牛仔骨,蝦,都好好味..

豬油撈飯有風味..

其他一般般,有D似住家菜...

價錢差不多樣樣餸都一樣.....$52

有D就好似唔抵食.....

今晚應約過來九龍區晚飯飯局，一行六人來到鼎鼎大名的大榮華九龍灣分店一嘗圍村菜。

大榮華為一般酒樓格局，佔用商場二樓全層，雖牌頭表明「圍村菜」，但裝修陳設均為新派酒樓形式，只在牆上及屏風位置加點圍村有關的相片而已。

食物方面，這裡大致為一般中式酒家菜單，但卻加入一些圍村特有菜式。我們特意來到這裡，當然要試一試圍村菜，最後六個人點了夠八個人吃的「即食迷你九大簋」套餐，店員還即時把我們的小碗換上傳統的「雞公碗」哩。

香茜燒米鴨：賣相及味道就如一般酒樓燒鴨，但鴨肉嫩滑，汁料也夠香濃，不錯。
圍頭五味雞：味道與豉油雞類近，但沒有豉油雞般過份味重，把雞味全遮蓋；而且雞肉也夠滑，雖然吃不出那「五味」，但卻很好。
白水浸烏頭：整條烏頭以油鹽水浸熟，簡單配以薑蔥及椒絲，味道比一般的檸檬蒸烏頭更佳。
盆菜豬肉：就是芋頭炆扣肉。扣肉半肥瘦，炆得很香很稔，但略嫌份量較少；反而芋頭卻充足，如果可以再煮綿些會更好。
陳皮豆豉蝦：中蝦連殼以豆豉及椒絲香煎，蝦不算特別新鮮，但卻煎得很香脆，可整隻蝦連殼吞下。個人覺得是九大簋中最好的一道。
雜錦炒菜絲：生菜絲粉絲雞蛋絲炒成滿滿一碗，賣相並不吸引，而且味道也很淡，似忘了加鹽哩。
時菜鯪魚球：鯪魚球及小棠菜灼熟後以蠔汁回鑊。鯪魚球大大粒，但味道只屬一般，不甚突出吧。
蠔油炆北菇：生菜扣北菇，同樣以蠔油作汁料。北菇很大隻，份量十足，比鯪魚球做得出色。
糖醋酥肉青：名字很特別，但上檯原來只是菠蘿生炒骨之流，不過卻做得不錯，肉塊夠鬆脆，味道微酸，很開胃。
奶王馬拉糕：吃過迷你九大簋，甜品為馬拉糕。最初以為是一般酒樓包點籠的大小，但上檯才知是平時的四倍！ 馬拉糕蒸得熱騰騰，香甜鬆軟，水準絕對蓋過之前的九大簋吧。
麥米粥：除了甜品，還有糖水，選了麥米粥。糖水味道中規中矩，不太甜，也不差。

整個九大簋就像是把圍村的盆菜分拆上檯吧，菜式簡單也合乎圍村菜的規律。由於九大簋的份量足夠八人用，所以我們個個也吃得捧腹，整桶白飯也只能消耗少量，看見白飯旁的豬油樽及頭抽，雖想一試但卻怕油膩，惟有等待下次有否機會再來一試吧。

縱觀食物質素不算非常突出，但也不差。但由於「大榮華」這個名字太響，變相覺得有點名過於實的感覺。未到過的朋友一試無妨，但最好以光顧一間普通的中式酒樓感覺會較好，以免期望過高吧。

從元朗至九龍灣大榮華光顧無數次，喜歡她的奶皇馬拉糕，食飽之後仍然可以吞下兩件馬拉糕，是胃部彈性空間夠大滿足對甜品的渴求！

白飯或豬油撈飯任君選擇，小菜每款$52，平均計算也算抵食。

燒腩肉:肥瘦均勻，配合芥辣食，很開胃，腩皮不夠脆。

五味雞:啖啖肉，原隻雞連頭上碗，豉油顏色色澤鮮明，食過就知其肉其實不入味。

燒米鴨:食鴨好過食雞，鴨有烤過香味，肉身較薄，點些甜醬食有另一番味道。

煎生蝦:這個很惹味，送上台即聞到一陣陣香味，可以買辣椒豉油煎自家製也食到差不多的效果。

九肚魚:過厚的麵粉炸成，食多件嫌多，但椒鹽味道很香脆可口兼無油份很乾身。

砵仔焗魚腸:這道菜少酒樓有得食，本人喜歡食這款菜，蛋多過魚腸，用來配飯好“正”。

砵仔焗蠔:蠔仔細細隻，沒有失望，期望之內，好香口好味呀。

豉椒炒班球:好多油，極之油膩，碟底的油可以番炒菜，只有五至六塊魚，每塊魚都沾了生粉爆過不算厚粉皮，豆豉只作色澤魚塊完全沒有豆豉味，魚塊爽口。

甜品:絶不能錯過奶皇包，個人認為水晶奶皇包皮較厚(好厚呀)，蓮容壽包蓮容很甜，糖水麥米粥或紅豆沙或綠豆沙或芝麻糊是奉送的，芝麻試過一次從今不用再這間，非自家磨製芝麻糊不食，唯有選擇紅豆沙，可是豆還豆水還水，完全沒有豆沙感本人選紅豆沙，可是豆還豆沙還沙，完全沒有紅豆沙的賣相。

若想週末食飯差不多要一個月前訂位，訂位分6:30及8:30兩轉，walk-in 就要5:45pm到取位。

食過幾次大榮華了, 都係叫d 例牌菜, 保持到水準, 不過今次我地預早訂左個冬瓜盅, 真材實料, 我地12 人每人分到 2-3碗. 真係好耐都無見過咁大既冬瓜. 其實如果識叫餐牌以外既菜,會有意外既收獲.

大冬瓜盅 : $280 要預訂.

約左舊同事去九龍灣食大榮華！打電話來book 唔到位！爆左！
但係walk in 唔駛等就入去啦！

其實九龍灣同元朗d 食物水準差不多，幾好食！
而且九龍灣d 餸菜多d tim！多一張紙點tim！
可惜無得食冬瓜盅，因為要訂！
服務都唔錯！叫人即應，可能係星期一唔太忙的關係！

除左相片餸外，都有叫例牌 豬油撈飯，奶王馬拉糕，鴛鴦水晶飽 <--
八餸一羹加2甜點，都係100度...
正！