這是期望和結果的問題。永遠都是期望越大失望越大，反而沒有期望卻有驚喜。

濱海街在鰂魚涌地鐵站附近，五分鐘以內的路程，但和一街之鄰有名的太古坊建築群相比，難免顯得破落殘舊黯然失色。至於此店，除了「湯飽皇」三字比較光鮮，其內約可容納二十人左右，其他陳設不必講究。

事緣妹妹某天經過，試過其紅袖抄手，對此的「豉油」讚不絕口，她本想再試此處的「叉子燒餅」，怎知老闆娘謂「叉子燒餅」只夜市供應？！特意一家四口晚上來訪。

紅袖抄手 $30果然！素不好辣，此味道剛好，冶味！就如食叮叮燒賣的豉油不可太鹹或太辣，不然就會搶了味道，這個豉油果然非常好

甜酸骨 $55沒有多少骨，反而啖啖肉，一點也不油膩，甜和酸的比例剛好

糟溜魚片 $60濃郁的糟溜香，白滑的魚片，一咬有淡淡的桂花香

湯包 $30比小籠包稍大，有油紙墊底，可原隻夾起，皮薄，多汁，又不似一般小籠包油膩，果然是湯包皇

叉子燒餅 $78配了一個木耳湯，其實是一個餐有四人份量。叫了季豆肉未，一定要趁熱食，芝麻香，燒餅脆，內夾豆和肉，非常好！

蜜汁火腿 $62小小失望。期望是蜜汁配鹹火腿，肥配瘦的組合，入口即溶的蜜汁火肪，味道可以，但這個太柴皮了！

高力豆沙 $30熱辣辣香噴噴的！豆沙甜味剛好，非常完滿的結束

店員都是有傾有講，很有家庭式經營的味道，已經不是講究服務，是人情味。

就如回家，就不會介意桌椅的陳舊，是情懷。

曾幾何時, 每星期都必到湯飽皇最少1次, 不知從何時開始, 完全忘記了它的存在, 原來它仍然在老地方守候著...12:45前埋單有9折... 午市客飯 $38, 包豆漿及酸辣湯... 午市碟頭飯 $32, 包豆漿... 轉菜飯 +$3... 都是那17款菜, 只是客飯的餸會與白飯分開上...酸辣湯
-- 真的又酸又辣, 但沒有香味, 不好喝...涼瓜排骨
-- 醬汁味道很怪, 像中式牛柳的燒汁, 但不香不甜... 涼瓜很軟腍, 沒有苦味, 排骨肉腍得有點過火... 蕃茄炒蛋
-- 酸酸甜甜的, 應該是用鮮茄炒蛋, 下了很多糖... 蛋花不滑, 沒有蛋味, 分子料理嗎?!! 熱豆漿
-- 全餐最正常, 豆味略淡, 甜度高...

9折後只是$66, 相當便宜, 難怪座位那麼狹窄, 味道那麼奇怪, 仍然人山人海, 門外站滿等位及等外賣的人...

.

26th June, 2012

見到依間評分唔錯, 又經過鰂魚涌於是同朋友去食個lunch

地點上都幾近太古坊, 但可能因為係街市附近所以比教少人行過去, 12:20 一去到就已經有位, 收銀店員一見到有人係出面就好有禮貌問幾多位

因為lunch 時間, 都要同其他人share 台坐, 入面環境都算舒服乾淨

因為第一次入去食, 見到有個2人餐$78 幾抵咁, 有上海湯包, 蒸素菜餃 同大滷拉麵, 再送兩杯山渣茶 (但點餐時店員話可以免費轉豆漿都得)

等左陣我諗大慨2,3 分鐘大滷拉麵 同我地叫既豆漿同山渣茶就黎左一黎到已經有陣好香既麻油味

上面相片係我地忍唔住食左一每人一碗後既情況, d料都好多, 拉麵好滑幾有咬勁, 個湯幾清幾好飲, 食哂d麵d湯汁都比我當湯入埋, 我朋友話個湯似碗仔翅既湯?!

當食到一半度 上海湯包同 蒸素菜餃都一齊黎

豆漿就都飲到有豆味 (本人鐘意有d豆味既豆漿) 夠凍甜味岩岩好

山渣茶就真係有d淡, 好似溝水咁, 同埋好似唔夠凍蒸素菜餃 幾得意, 咬落去幾軟, 食到有波菜味咁上海湯包聽講係招牌黎, 的確幾好味, 皮都幾通透, 可能因為夠新鮮夾起佢果陣都冇話會穿左流走哂d肉汁

但咬落去冇想像中咁多肉汁, 整體黎講都算好食

提外話, 係果頭工作係度食lunch 都唔錯, 我見有幾多種類客飯選擇, 都係$32

是次很晚才吃晚飯
~2100

廚房好像也要收爐了
但店員仍很熱情的招待我們　很好吃
湯很甜
羊肉味很重
怕羶的人應該會不喜歡
可是吃羊肉就是要吃羶的嘛~即叫即蒸
很多汁
體積也不小
（較小籠包大多了）

總結為
很值得支持的小店!

羊肉拉麵湯底濃郁滾熱辣，麵條是自家拉的，羊肉夠羶。但街坊小店的質素不定，有時湯底會淡了一點。另外因為羊拉的湯太搶，建議食左湯飽先，否則會覺得湯飽的上湯淡如水。

食完麵行出英皇道，天寒地凍，但有一股暖流湧上心，好正。

今日同屋企人食飯,近近地係呢度食下算啦

叫左好多野食,又粉皮,小龍包,肉丁,回鍋肉,春卷,粗炒

仲有幾樣唔記得

粉皮爽又彈牙,味道咸咸地,係我既口味囉,我最憎O個D雞C粉皮,通常都好難食,呢度個粉皮係炒嫁

小龍包就正常啦,都幾多湯汁,但係我分唔到好唔好食,因為好似間間都差唔多

肉丁夠濃味,咸咸地甜甜地幾好味,用來撈飯就爽

回鍋肉都OK,但係無咩肉同埋唔夠SPICY,可以再SPICY D!

春卷無咩特別

粗炒可以不試,唔夠濃味喔,D麵又唔粗-O-

加埋先400蚊,抵食

之前喺到食過二次晏，覺得都幾好食，而且價錢公道，於是星期日晚拉隊嚟試下。一共七人，叫咗個六個餐($528)，因為大食關係，重加咗半隻山東燒雞，同一個叉子燒餅餐。六人餐份量幾足，如果冇記錯計計埋埋有八樣嘢。三冷盤有醉雞、拍黃瓜同海蜇，每樣水準唔錯，特別係醉雞酒味夠香，而雞肉亦頗嫩滑。松子魚個汁甜酸平衡剛好，魚亦唔會炸得過火；雲吞雞份量足，湯亦頗鮮。有一味芙蓉菜卷係用菜葉包住蛋白，煮熟再打個獻，因為太飽冇食到，但見到都幾花功夫。湯包因為得六只所以我冇食，但有食過嘅話幾好，個湯汁夠鮮。有xo醬蛋白炒飯，有少少辣，十分惹味，飯亦炒得好功夫，不油而粒粒分明，我自己食咗成半碟，所以好飽。甜品係高力豆沙，因為唔食甜品所以唔知味道，但同枱人都話好。個餐六個人食份量應好足。

山東燒雞好食，個汁嘅蒜味夠香而唔會太搶，雞肉亦保持到唔鞋，水準作。而叉子燒餅上碟時熱辣辣，表面充滿芝麻，芝麻香味再加埋肉絲嘅味道，個個話好食。而隨餐嘅酸辣湯就好一般。

呢間小店食品水準唔錯而有誠意，而且價錢公道。招呼就好家庭式；地方企理乾淨但細，最大張枱只剛坐到七個人，一家人普通食飯都係幾好嘅選擇。

係呢區工作,所以平均一星期都有一日黎呢度食
飯係比較硬,但係撇除呢樣野,味道都可以
獅子頭舊肉會比其他上海菜館細
涼瓜比較爽口(可能唔夠熟),但勝在夠苦(本人喜歡冇飛水)
滑蛋蝦仁如果用平常午餐角度來看尚可
擔擔麵個湯幾足料
仲有D特價飯天天新款
以為食宧唔夠飽,但係原來都幾夠份量
客飯午餐$31包餐飲,豆漿(冷或熱),生渣茶(冷)或菊花雪梨茶(冷)
菊花雪梨茶冇乜雪梨味,但係都喜歡
天氣最凍個幾日所以餐飲都有熱
阿姐招乎幾好,可能見得我地多所以都就更加好傾

再闖濱海街, 今次試湯飽皇客飯套餐,客飯套餐包括: 一碗飯+一碟餸+酸辣湯+飲品一杯

我點了:
一碗飯 - 不夠熱, 比較硬, 不好吃
獅子頭 - 幾好吃, 算是整個餐中最好的部份, 有肉味有咬感
酸辣湯 - 材料頗多,有香菇絲、旬絲、蛋絲及肉絲, 筆者喜歡辣, 可是, 這酸辣湯太多胡椒粉, 更沒有酸的味道, 感覺不太好, 過多胡椒是它最大的敗筆
山渣茶 - 很有溝水的感覺, 太淡可能我應該試試這裡的飽點, 客飯套餐可能未能試出真正的水準。

比較少在這區吃東西，看見這裏的食評都很正面，家人們對上海菜沒有抗拒，故此也來試試。
上海湯飽：與傳統的小籠包差不多，包內盛著豐富的肉汁，真的要小心吃，自己忘了這點，一口咬下去，肉汁四濺，都有點狼狽。
火腿津白：四五塊火腿（中式的那款）放在津白上，然後淋上芡汁，津白清甜，火腿略咸，我們因不太欣賞多芡汁，這是美中不足的地方。
大鹵麵：有蛋花、木耳、腩肉等，但最欣賞的是麵，扁扁的麵身，煮得剛剛好，有爽的口感，眾人皆讚。
雜錦鍋巴：叫這道菜主要是想試鍋巴，有三個選擇，蕃茄蝦仁、酸辣湯和雜錦，最後我們選了雜錦，但因為是很濃的芡汁感覺，所以有點失望，如果是酸辣湯可能會好些。雜錦有蝦仁、雜菜、粟米仔，都算清新，比我們想像的內臟雜會應該會健康些。
蒸銀絲卷：不錯，雖然有點飽，但單單吃它，不加上其他餸同吃都很好吃。
葱爆牛肉：這是廚師推介，大葱不太多，與牛肉互相配合，牛肉香口和不UN，真的不錯。
义子燒餅：一客兩件，然後切開兩半，外表有芝麻，皮薄香脆，再配上葱爆牛肉，冇得頂。
蒸素餃：大大隻，一口咬下去，香軟滿足，也是不錯的餃子。
菊花雪梨水很清新，感覺叫人舒服，又不太甜。

整晚都只有我們這一枱，不知道與週六是否有關，因為在隔鄰的食肆也是甚少客人；店內也沒有電視機，因此我們在十分寧靜的環境下享受我們的晚餐。並且在短短的一小時內，遇著店內不同的員工，在點菜時他們都給予我們不少意見，態度親切，猶如自家人一樣，吃得開心，坐得舒服，足夠矣！