4
7
3
港鐵天水圍站 C 出口, 步行約7分鐘
繼續閱讀
營業時間
星期一至日
07:00 - 23:30
以上資料只供參考, 請與餐廳確認詳情
同屋企人飲茶，所以嚟到呢間位於天水圍天耀廣場嘅《聯邦皇宮》。味菜火鴨絲炆鴛鴦米 ($62) - 鴛鴦米即是粉絲加米粉。味菜味道可以，不過個火鴨絲又嚡又冇味，而且有陣“up”味，比湯渣還要難食，而且個炆米味道淡，不温不火，都唔知想點咁。蜜汁叉燒腸 (大點$26.8) - 三條腸粉，只有放面中間嗰條比較多叉燒，另外嗰兩條冇乜餡。不個一啖咬落去，就覺得好彩冇乜餡，因爲D叉燒亦係又嚡又冇味，感覺唔知隔咗幾多晚，腸粉皮好厚，當然亦係毫無米香味。潮州蒸粉果 (中點$23.8) - 粉果皮非常厚，口感腍pat pat、餡料係大量嘅沙葛，只有一粒好細嘅花生，同一粒好細嘅蝦米，成個粉果一啲都唔香口，粉果皮又好難食，係我人生中食到“最難食嘅潮州粉果”，沒有之一。沙爹金錢肚 (優點$35) - 呢個味道正常少少，唔係太差，不過同好食都仲有一段距離。豉汁蒸鳳爪 (中點$23.8) - 淡，唔夠味！睇顏色都知。煎釀尖椒 (中點$23.8) - 魚肉太厚，將啲魚肉煎熟嘅時候，尖椒本身已經煮得過火。睇相都知。鮮蝦炸雲吞 (中點$23.8) - 以前都嚟過呢間酒樓飲茶，之前嘅鮮蝦炸雲吞比較大隻，而且以前啲嘢食味道喺OK嘅，但而家改用呢種細細隻嘅竹碟仔，size比以前細左好多，當然炸雲吞及入邊嘅蝦亦明顯比以前細隻。三個人連茶錢($10/位)及加一埋單$274，感覺上已經唔係平，用料更明顯將貨就價，啲嘢又難食，所以整體感覺就係又貴又難食。
繼續閱讀
見佢下午茶時段、大中小點都只係$15.8，同朋友家人去敘敘談天說地真係幾好既下午茶時段去 一樣多人 勝在吾洗等位又吾洗搭枱見到一個特式廚點係脆皮蜜瓜奶，其實賣相真係吾值$22 吾知點解標左4件會送多件所以如果五件既話，都值得一試既！ 感覺有d新奇 好似食緊炸鮮奶既，點埋側邊附帶既糖 ，都吾差不過試一次就夠了講到茶樓必食既，離不開係燒賣啦！本人非常愛食燒賣，而且真係估佢吾到咼！呢個燒賣出奇地令我覺得好好食！同其他茶樓既味係吾同！吾知點解食到d帶子味？？？可能我味覺有問題，但真係好食(食剩兩粒先記得影相，抱歉了)因為呢個燒賣，令我會再去食既原因因為發覺以前好興既流沙奶黃包，已經吾係周圍都有，見佢寫住必食人氣流沙包，即時叫左，點知真係根本無流沙！仲要無攤凍，一放落枱即刻打開睇下真係相當失望，另外點左個鮮蝦菜苗餃，真係食吾出有蝦，得堆菜苗同蒜頭？？仲要精點，認真吾抵啊！不過好彩，仲有叉燒腸粉同xo炒蘿蔔糕補翻數腸粉皮幾滑！另外xo炒蘿蔔糕都係回頭食物真係幾好食，份量剛好，價錢$15.8都係值既
繼續閱讀
每日工作好少時間陪爸媽，今日放假就陪爸媽去飲茶，實在太耐無去過飲茶，反正天耀商埸裝修完都無去過，改左聨拜酒樓就去試試。午市BB鴿套餐好似幾掋食，就叫左一個BB鴿加豉汁蒸鳳爪和時菜鯪魚球點心套餐，仲叫左燒南仔飯和切鷄飯，還叫左水晶鮮蝦餃、鮮蝦菜苗餃、鮮竹牛肉球和蟹子燒賣皇。燒南仔望落唔錯，肥瘦均勻，味道唔太鹹，肉質唔會好實，都算幾好。切雞完全唔掂，無雞味又靭，我地只食左兩舊就無再食，雖然係浪費，但真係難食到食唔落。BB乳鴿唔香脆，味道麻麻地。其它點心都係麻麻地，所以下次再去飲茶，寧願去遠D飲好過。
繼續閱讀
天水圍黎黎去去都係果幾間大型連鎖酒樓，想飲餐茶都無咩選擇平時去開銀座彩逸食到厭哂，呢日就同媽咪試下天耀呢間聯邦～十一點九去到，過左早茶時間唔洗等位直入，而且唔洗搭枱價錢都合理，小點15.8，中點18.8。上枱溫熱，但表面無乜蜜汁，唔夠香口。餡料唔多，叉燒多數係筋位，口感麻麻，酥皮厚身偏硬，唔鬆化京式原來指包既手法～賣相似菜肉包。包皮尚算鬆軟，但餡料好少，包身佔左七成，叉燒同樣麻麻，似係燒臘部啲頭頭尾尾。蝦餃皮薄餡滿，原隻鮮蝦好新鮮爽彈，唔係用蝦蓉而且醃料加左麻油，食到微微麻油香。腸粉煎得香口、唔會太油，粉皮薄身唔糊，如果多啲蝦米口感會更好。臨尾嗌多個飽肚粉麵～～～蝦球同樣表現幾好，新鮮爽口彈牙，整體中規中矩，伊麵幾軟稔，湯汁唔會過鹹，菜心鮮嫩無渣。
繼續閱讀
同家人黎飲茶，環境ok, 但係點心實在麻麻! 鮮蝦菜苗餃淡茂茂，南瓜紅豆餅凍咗先攞出黎，皮好厚好難食!春捲炸粉太多，鳳爪唔知翻煮咗幾次，淋唒冇唒味! 准山雞札個准山仲生既~其他普通唯一好食係乳鴿~ 仲有腸粉都唔錯~
繼續閱讀