大時大節出去吃飯,東西味道選擇都一定沒多好,
所以父親節當然也不會正日外出慶祝。
早3天打電話去訂桌。當日比預定的時間早到,
我一個人坐著整張大桌,等待家人前來,
侍應先生問了我叫什麼茶,幫我倒茶後,
就到別處忙,讓我靜靜的坐。

趁還有人未到,先叫了個油鹽水雞腳吃著,
味道仍然沒變,但..怎樣份量好像少了?!
人齊上菜,叫了當然之選的金牌乳豬,粟米斑塊和生菜煲,本想吃燒鵝,
但沒貨呢,下次大概要先訂下來吧!於是改叫了乳鴿。
再叫了例湯和蠔仔菜脯蛋。
先上湯料,西湯菜不算多,但瘦肉及豬骨倒不少,沾醬油好吃!
湯有點少油,沒加味精但仍清甜。
鹵水乳鴿入味肉嫩,但原來2隻的份量也不少!
水準仍在的有粟米斑塊及0者0者生菜煲,
意想不到的是蠔仔菜脯蛋,蠔仔不算多,但菜脯不少,
滿口蛋都可以吃到有咸香的菜脯,吃下不少飯。
家人吃的米粉竟然有火腿在上面,估它不到!
最後上的是乳豬,嗯,今天的有點油,但皮仍然很脆,
夠熱,再配上冰凍的啤酒,最高!! (也最肥)

全店爆滿,但侍應們服務態度不錯,也很醒目,
手腳也快,幫我換了2次碟。

爸爸節快樂!

4個人﹐ 點了乳豬﹐ 生炒骨﹐ 豉油皇炒麵﹐ 柚皮﹐ 鵝腸﹐ 生菜煲。

乳豬係最好。我遲到﹐ 朋友留起比我﹐ 依然脆。

鵝腸﹐ 好明顯係雪野﹐ 無味。

生炒骨﹐ 一上檯﹐ 酸味撲鼻而來。 但入口﹐ 無肉味﹐ 無調味。$88有搶錢既感覺

生菜煲﹐ 得半煲﹐ 鹹到每人食兩條就停手。

柚皮無食﹐ 炒麵ok。

食物無特別 ﹐環境同價錢唔成正比﹐ 應該唔會再0黎。

可能有人見到個標題會好奇怪！點解有人會將新斗記評得咁差！還請各位聽我細細道來。
上星期日同屋企人補祝母親節，於是就去左新斗記，光顧新斗記都有4、5年了，雖然距離上次都有一年，但對佢地都好有信心，是日點了以下菜式；

1. 乳豬 - OK 一貫水準
2. 豉椒炒蟶子王 - 差勁差
蟶子$33/隻，我叫了9隻，點知上枱時居然大兜亂，D蟶子又細隻，D肉跣晒出泥，究竟有冇9隻都成問題！都算喇！蟶子炒到又老又"鞋"，嘩老細！你冇嘢呀！$33隻蟶子，你畀D咁野我！
3. 牛油焗龍虾伊麵底 - 絕頂難食
到個龍虾喇，上枱時個樣都好正常，但係一食就出事喇！D龍虾"梅"嘅，重有D臭臭地咁味，而D伊麵仲超咸，咸到有D"乸"脷，到最後龍虾同伊麵都食剩一半！呢個龍虾伊麵盛惠$496，$496畀D咁嘅質素嘅食物人食，"新斗記" 你仲有冇良心o架！
4. 粟米斑塊 - OK, as usual
5. 泥鯭粥 - 不過不失
6. 生炒排骨 - OK，不過排骨肥左D
7. 啫啫生菜煲 - 成餐飯至正呢個，所以極速食晒
8. 薑汁芥蘭 - OK！
9. 豉油王炒麵 - 不過不失！

服務 - 老實講，認真麻麻！可能我哋冇點D貴野，個仕應點點吓菜都未點完就走開，好似好唔耐煩咁！

結論 - 就算有人請我食，我都唔會再去喇！呢餐飯9個人，$2000，唔係錢o既問題，係態度嘅問題，服務差、食物質素又差！！點可以說服自己再幫襯呀！

今日的晚餐來到新斗記開餐,由於是周未的關係,店鋪門口已經是人山人海,就算訂着枱既人客也難免等一陣,因為實在太旺太多人.奈性不足的客人千萬不要周末前來用餐,為免影響心情,好彩我地4人可於訂枱時間取得餐抬,需然不是本店內,而在傍邊一道暗門後的小房間內,今次可以清靜地用餐!

喜歡這裏的菜式重住家味,何為住家味?就是用心製作,精選材料的味道.

皮蛋酸薑:糖心皮蛋.喜歡皮蛋黃入口糊糊的感覺,薑是自家制,酸甜度剛好,入口沒有那股沖口的化學酸味兒.

鹵水乳鴿:乳鴿肉嫰少肥膏,鹵汁同樣咸甜適中,而且當中的香料味也不會太搶,樣樣都剛剛好.

雞蓉粟米湯:雞蓉太碎太少,而且不太喜歡這種糊糊的口感.

豉油王鵝腸:鵝腸爽口,其實這道菜的主角是豉油汁,甜而不咸的豉油汁撈牙菜食一流,下次真係要叫店家俾多些牙菜來撈.

粟米斑塊:分開斑塊與粟米汁上枱是這裏的特色,确保斑塊不會因為汁液而變得唔脆口,這裏的粟釆斑塊外脆內軟,即係話用新鮮魚肉製作.點會唔係no 1好食呢?!

咕嚕肉:最愛這道菜,炸到又脆又香的肉塊,咬落肉汁四溢,配上酸酸甜甜的醬汁一流,喜歡這裏的甜酸汁,一點都不搶味,這種酸入口舒服.

乳豬:幾乎每枱都有一碟,外皮燒得超脆,唔乾又有肉香味.這種味道一吃就知是新鮮燒出來的,功夫菜,好味!

煎蝦碌:都係呢句,這裏的菜式咸度剛好,蝦肉的鮮甜味才能品嚐得到.

啫啫生菜煲:一道好有聲勢的菜式,可惜蝦醬不是我的"飛佛"......

值得一提的是這裏飯後的甜品紅豆沙.不!因該叫紅豆糊,用料超足,,啖啖都係棉棉的微甜小赤豆,再加上蓮子,百合,做得傳统,正宗.比美好多糖水舖.

吃到用心去做的小菜,但週未的繁忙令到這裏失去親切的招代,感覺搬上樓的斗記依然大排檔Feel......菜式好味,待應大老粗!!!

一年一度嘅師傅誕雖然剛剛過左, 但一班好友亦一早約實師傅於上星期六晚食飯慶祝, 攪左一個好友齊賀師傅誕嘅飯局, 而地點就揀左呢間食店! 坦白講呢間食店個大名就聽得多, 但師傅就從來都未試過, 既然如此, 師傅當然留定個肚食餐飽啦!

睇下個時間, 斷估師傅都冇遲到, 應該算準時添, 不過去到已經見到一眾好友們都到左, 似乎佢地比師傅還要心急, 哈哈! 人未齊時, 當然係嗒番兩杯嘅最佳時間喇, 於是師傅就攞左兩枝紅酒出黎飲, 值得一提呢間食店係冇開瓶費, 所以自備美酒係冇問題嘅! 人齊後當然就要柯打野食啦, 好彩席間有食神嫂負責發板, 令一眾好友可以忘掉呢個難題! 最後柯打左咩, 師傅當然唔知啦, 但呢一刻食飽後當然可以一次過講晒出黎!

一行十三人, 柯打左豉椒炒花甲, 豉油炒鵝腸, 蝦子柚皮, 金牌即燒乳豬, 泥鯭粥, 蠔仔菜脯炒蛋, 豉油王炒麵, 啫啫生菜煲, 鹽燒茄子, 川椒雞球, 生炒肉排, 干炒牛河! 道道菜式看出來平平無奇, 食落後先知咩一回事!

第一道菜登場係豉椒炒花甲, 舉杯過後當然係起筷, 好友們真係俾面一定要師傅剪綵, 如果唔係師傅相信大家一定守禮拜; 師傅當然不敢怠慢, 以免阻礙大家食野嘛, 就等師傅講講豉椒炒花甲先, 花甲新鮮大隻, 賣相一流, 入口後發覺肉身鮮甜爽口, 冇沙, 而豉椒味亦唔會太濃, 所以食到有豉椒嗰種惹味亦冇減低花甲本身嘅鮮甜味, 作為第一道菜, 水準真的不錯; 接住落黎係豉油王鵝腸, 一碟大排檔甚至茶餐廳都可以食到嘅餸菜, 看似平平無奇, 但入口發覺又一高水準, 鵝腸係非常之爽口, 一d韌都冇, 而伴碟炒嘅銀芽, 爽口得黎冇腥味, 而豉油炒亦唔會過咸, 味道洽到好處, 唔需要用味菜黎炒亦能釣起味道, 真係好正, 唯一可惜係師傅不能多吃!

蝦子柚皮係一道師傅平時唔會柯打亦唔會試嘅菜式, 但食神嫂話值得一試, 所以師傅亦有一試, 柚皮本身炆得好腍, 亦唔會有少少苦澀味, 蝦子亦算香, 入口絕對唔會抗拒, 但算師傅唔識欣賞, 不過亦唔反感; 金牌即燒乳豬係呢間食店嘅名菜之一, 絕對係必食之選, 乳豬燒得好靚, 而乳豬皮亦片得好薄, 入口卜卜聲, 香脆之餘亦一d都唔油膩, 真係超正, 絕對係必食; 泥鯭粥一鍋, 聞一聞少少腥味都冇, 唔講都唔知係泥鯭粥, 而入口發覺粥底好綿, 肉裡嘅泥鯭拆晒骨, 泥鯭肉頗鮮甜, 唔鞋口, 師傅真係好耐冇食過咁正嘅泥鯭粥喇, 掂呀!

蠔仔菜脯炒蛋嘅菜脯份量唔會太多, 但蠔仔就略嫌少d, 蛋就炒得非常滑, 香而不油, 不錯; 豉油王炒麵亦係食神嫂推介嘅另一菜式, 麵炒得香之餘亦唔覺油膩, 唔需要用咩配料, 淨係芽菜同韮王, 加上豉油就能炒得出咁香咁爽嘅麵, 冇得頂; 啫啫生菜煲賣相好得, 生菜鮮綠, 望埋去已經知道生菜會好爽口, 而蝦醬味真係好香, 不過師傅冇食到呢道菜, 所以不便評論!

鹽燒茄子望埋去還以為係玉子豆腐, 但入口後師傅還以為真係食緊玉子豆腐, 鹽燒真的香口, 但茄子絕對唔似茄子, 茄子鬆軟滑身, 非常可口; 川椒雞球整道菜並冇咩特別, 相信大家純粹想食, 不過師傅覺得雞球比較咸, 所以扣少少分; 生炒肉排嘅醋酸味唔會太勁, 所以入口酸酸甜甜, 極開胃, 加上肉掛係半肥瘦, 亦都炸得鬆脆, 而且骨唔多, 對於師傅呢d懶人, 呢下真係加分架; 最後係干炒牛河, 干炒牛河反而一般, 唔算特別吸引師傅, 加上食到有少少燶味, 可幸燶味唔會太勁, 接受到啦!

總括黎講食物質素絕對高水準, 環境亦算舒服, 如果個冷氣可以開大少少會更好, 服務態度不錯, 價錢應該係接受到, 雖然師傅唔需要比, 但亦大概知道十二位, 每位百四蚊到啦; 是次晚餐師傅真的非常開心, 笑臉當然走唔甩啦, 如果有機會師傅還是想再黎多一次, 淨係隻乳豬已經值回票價啦!

師傅亦想籍住呢個機會向當晚招呼嘅侍應送上萬二分嘅謝意, 皆因全晚一個人任勞任怨, 面不改容, 而且態度係非常之友善, 嗰種態度嗰種專業實在值得表揚, 好友們對呢位哥仔無一不讚, 而呢位哥仔嘅名字叫 “阿寶”! 最後師傅衷心多謝一班好友嘅安排, 令師傅有一餐非常開心, 美味而滿足嘅晚飯, “多謝您們”!

食物雖好, 但服務態度欠佳

經理落單口黑面黑, 侍應飛碟, 傳菜由頭頂遞過。

訂位時已告之八時需要還檯, 我們準時到達, 食物以光速送到, 令我懷疑自己是否置身於快餐店,七時十五分, 檯上還剩下數碟菜, 侍應急不及待問我們要不要打包, 侍應大哥, 我們還未吃完, 交檯時間又未到, 你催甚麼呢? 經理及侍應的態度和行為令我懷疑這是否酒樓的策略。

記得第一次幫襯是十多年前還在佐敦道那邊的新兜記,初次見識到原來蘇眉可以拆肉做粟米魚柳,拆肉的泥鯭粥可以是這麼鮮甜!當然價錢亦絕不便宜,多年前搬來上址後一直也未有再來, 因為外面同類的選擇更多.這夜和長輩拜年後來了晚飯.
沙参玉竹山班魚湯----沒有味精的感覺,湯的顏色清澈不混濁,味道鮮甜.
乳豬例牌----先不論價錢,乳豬上檯時顏色看來已偏淡,咬下去時皮依然是脆但温度是冰凍的!中層的脂肪已除去,只剩下肉質粗嚡及咸的瘦肉,其實一客六件也嫌多.
鹵水乳鴿----體型頗大應該已超齡!(不應叫乳鴿吧!),肉質尚算嫩滑,雖然鹵水汁味道略咸但已是最好的一樣!
窩貼小棠菜----外觀看來炸得非常出色!表層酥脆但中間的墨魚膠毫不彈牙,質感軟淋淋比普通酒樓推車仔的煎墨魚餅更差.夾起墊底的吸油紙可看見已在滴油.
生炒糯米飯----不是蒸完先炒很難會做出如此軟爛及濕的效果!
對這裡的服務態度很有意見,來到門口問知客有無位,冷冷一句回答無訂就無.正準備轉身離去時碰見應該是這裡熟客的友人,知客態度立即變臉並安排坐位.其它員工的不滿全寫在臉上,落柯打時單未寫完侍應不發一言已自行離開,埋單時長輩還主動給予豐厚小費,但換來一聲多謝也沒有,經理態度也並非友善類型.

金牌即燒乳豬 $108 <例牌>，只得 6 片。
因為去掉皮下的脂肪，所以皮很薄，很脆口，因此卻少了一份乳豬香，不過，因為是即燒，都值得一試。
若然你想看一看燒豬情景，地下透明玻璃門外可看到師傅不斷在燒，而且師傅會向你報以微笑。
啫啫芥蘭煲，不知是蝦醬太多，還是廚師忘記收火，超......鹹！$52，不值，只得幾條菜。
豉油皇炒麵 $58
麵炒得不錯，可借太鹹。
6 人共 $499

於那個不夠禮貌的侍應通知之下，糖水已送完.......真的？亦或是要看消費多少呢？
這是一間中上食府，若然以這價錢，以這樣的食物水準計，那只可以給予 <普通> 為評價。

當然這處都是值得大家一試。

香港人出外吃飯，食客和食肆已忘記了訂位吃飯的意義......訂位的意義就是準時到達，向櫃位報到，之後入座開飯去也，要等候一會如十至十五分鐘，可以接受，否則就不是訂位而是等位。
如要入座律，不理會先前訂位客人的"柯打"，總之見人就收，以量為先，如我和老友們準時到達，我們差不多等了45分鐘，問知客小姐何時有位就總是說現在人多.............喂！老友，這情況我還以為自已身在旺角茶樓等位飲茶..............做量的飯店，好極有限......！
到了入座點菜，老友發版，都只是點了普通菜式，不足為題，只評所謂金牌燒乳豬和柚皮，前者言過其實，要好的話應該是很久以前的事了，現在版本送上飯桌就心知不妙，最重要的豬皮竟呈向上彎曲狀，這乳豬肯定是已燒好後斬件再放了一段時間，再吃乳豬肉，肉質還可以但表面微暖，內裡卻是涼的而且有雪味..........後者柚皮口感如同嚼蠟，既沒有柚皮的香味也沒有柚皮的口感，唯是賣相還可以.....
等了四十五分鐘吃如此質量，不直、不直.......

今次係第二次嚟新斗記，星期日比起上次星期四嚟冇乜分別，一樣都係咁旺。

我地一家五人book咗6:30pm, 遲咗半個鐘，好驚張檯已經俾咗人，好彩個帶位姐姐好好人，安撫我地話可以盡快俾張檯我地。結果等咗10分鐘就有位啦！睇得出個姐姐好識得變通，果晚嘅晚飯即刻加10分 之後仲有上嚟social派card片，叫Jessica. 非常識做人!

點嘅送同上次差唔多，因為好多都想再試！

金牌即燒乳豬 - 勁脆！最好係d fat起得都好清，不過如果再熱少少會好d
蒸聖子皐(garlic) - Very nice! 又大又好食! 正!
薑蔥蠔煲 - 好香口，但係肥膩咗d
上湯浸痘苗 - 好清
蒸魚 - 我唔知果條係咩魚，但係屋企人就話好正好新鮮。唔算太貴，起碼冇俾人"gur"喎
生炒糥米飯 - 一般，成晚嘅送係佢比較令人disappointed, 冇乜驚喜

間酒家係嘈d, but感覺到氣分好好。見度果到嘅經理好鐘意同人social，氹到好多客人好開心（包括我媽咪）!

***Will definitely come again***

已很少出席飯局的好友高達所設既生日局. 作為高達的親密戰友, 百忙中, 點都要抽空來祝賀一番. 我應該是最遲 confirm出席既朋友, 沒有預先準備美酒, 來到才匆匆走去辦館, 買返支大既黎賀. 而食物方面, 我們沒有訂餐, 打開Menu有乜叫乜啦.

首先來了一隻燒鵝, 燒味類, 都算是新斗記既名物. 只可惜買酒回來時燒鵝已被分屍, 燒鵝落入碗中, 不能拍攝其原樣. 只道其味道吧, 燒鵝的味道夠口香, 有時燒鵝/鴨, 皮有味肉冇味, 但係好既燒鵝/鴨, 皮肉均有味.

之後, 是乳豬, 未上樓, 在樓下已經見到一名大師父拿起一隻豬仔轉轉轉. 即燒乳豬, 就是新斗記既招牌. 小豬皮脆肉嫩, 之前說過, 好食既燒味係連肉都入味既, 乳豬肉又嫩又好味, 點醬? 點糖? 不用了, 唔點野, 仲好食.

再來一碟, 是燒鴨胸, 鴨胸, 這種食法是西式的食法. 因為鴨胸經過微燒, 煙味已除. 味道亦沒有太咸而令到一吃一淡水. 處理得都算是不錯.

鹵水乳鴿皇, 鮮嫩的乳鴿, 薄薄的鹵水汁. 不上色是因為沒有狂落老抽吧. 俗氣的色水沒有不是問題, 我地食野, 味既比重, 重要過色、香幾陪. 鹵水汁雖然色淺, 但夠甜. 整隻乳鴿, 平均的由頭到尾的咁豉色, 皮夠甜香滑, 肉夠嬌嫩易食. 乳鴿啊, 真是可憐, 我又要食你全身了.

粟米班塊, 炸魚執同粟米汁是分開上的. 炸魚, 炸粉不厚, 食得有鮮魚味, 稍為淋少少粟米汁, 若有飯, 變一個栗米石斑飯, 更加正. 不過, 我們不是食碟頭飯, 一條條魚條, 當小菜咁食, 食落, 原來這樣乾食魚條比起送飯更好味. 粟米汁.....我沒有去搶了, 成碗野, 不可以叫食粟米汁, 叫佢做粟米湯, 更加貼切.

豉油皇煎海中蝦, 大大隻海蝦, 皮煎得脆, 一咬即開, 而且係脆到能吞既地步. 蝦肉新鮮沒有"梅". 淡淡新鮮海蝦味, 又夾夾甜甜. 新斗記果然選料上乘.

啫啫唐生菜煲, 朋友說了一句, 非常"Hea", 點,Hea, 豆豉又冇, 豆辦又冇, 一煲鹽炒生菜, 就是這樣, 淡淡的帶點咸, 就這麼的簡單.

遲來的人未有機會食到頭盤, 頭盤其中一味, 就是冰花皮蛋. 皮是起了冰花, 黃心就一般般. 此等皮蛋, 就這樣食 ok, 放粥應該更佳.

生炒骨, Sweet and Soup Pork, 雖是這兒的名物之一, 但或許食咕嚕肉食得多了, 始終興趣不大. 尚且試一舊, 食下食下又食多舊, 飲淡酒又一舊, 吹完水又一舊. 多了些酸酸甜甜的味道, 生炸骨又炸得甘香, 雖食慣了, 但感覺上倒是一個不錯的作品.

君度香橙骨, 再來多一個外國人所愛, 香橙骨.....橙味濃烈, 不過基本上是用汁搭夠. 骨是好味道, 加上個汁, 惹一惹味, 外國人見到, 一定 good good good good.

啫啫海味芥蘭煲, 呢個煲冇咁Hea, 起碼.....真的是起碼, 有少少海鮮, 不過只是包括而且限於魷魚絲. 說味道, 多了海鮮, 味道自然豐富好多. 但只限於魷魚味

窩貼小棠菜, 賣相好特別, 小棠菜包了炸粉去炸, 看來似豆沙窩餅, 但裡面絕非豆沙, 是菜. 是清淡素食同濃味炸點既 crossover.

每人來一碗泥鯭粥, 泥鯭味道重, 魚粥固然有一定既魚香味同海味. 食食下, 恨自己太早食左隻皮蛋, 早該留來送粥.

苦瓜炒田雞, 看來眾人不是太欣賞, 始終大家都已經半飽, 而且, 好似唔係縛夠鑊氣, 苦瓜又唔夠甘味. 田雞肉唔夠滑. 比期望差了少少, 呢味菜, 說真, 應該係要去小菜館或大排檔食才對.

羌蔥桶蠔煲.....轉回來只餘羌蔥了.....我少吃五辛..... 只有skip.

魚湯浸高麗菜, 再來多一個菜, 沈醉在歡笑聲中, 我已沒有拍下沙龍, 味道淡而清, 落了薄薄不太濃, 不太咸既魚湯. 多了少少鮮味, 當然比較好食啦.

豉油皇炒麵, 我食了少少, 味道甜甜地, 呢味炒得夠熱, 夠鑊氣....不過太飽了, 實在要skip飯麵類.

最後的椒鹽鮮魷, 就失敗了少少, 只因過咸, 我食唔到椒味同魷魚味. 口裡只有咸味, 同一股會令人食完"熱氣"既陰力.

尚有幾味菜, 不能一一盡錄. 不過一餐又飽又歡樂的晚宴, 再加上兩位好朋友既生日. 我們戰鬥於新斗, 雖不是食得最轟烈的一檯, 但起碼我們大家的舌戰, 酒戰.....一定比起同場其他檯, 來得轟烈....亦多人Fancy.....

家人給我慶祝生日,訂不到香港老飯店,於是改來這兒。
要等人的關係,先叫了點小吃來食,
叫了乳鴿,海蜇等等,味道不錯。

燒乳豬半隻,脆口非常,不油膩,我喜歡不加醬來吃
粟米斑塊,小朋友必選,用料充足,魚炸得很脆,好好吃
啫啫生菜煲,保持水準
鵝腸,驚喜,很入味,但數量有點少,碟底的都是芽菜來的
生炒排骨,很普通
羊腩煲,咸得要死,但姨丈說是用新鮮羊做的喎
豉油皇炒麵,仍然很好吃,炒得乾身,不油
生炒糥米飯,家人一致讚好

家人買了雪糕蛋糕給我,侍應相應的早點拿出來,
也拿了把比較利的刀,很周到!

謝謝家人的晚餐!

本身媽媽生日應該高高興興,早幾日已經訂左table,去到等都唔係問題,最重要係樓下個阿姐態度又唔好.又大陸口音.又唔禮貌就真係火都黎埋

講真.野食一般.又可能我媽媽有大師夫既水準

胡椒大肚大蜆湯 - 太辣
即燒乳豬 1/4隻 - 真係普通, d肉太肥
鎮店鹵水乳"合鳥"皇 - 真係同普通街食無分別,唔太入味
沙x龍岡雞半隻 - 依樣差到無人有呀,勁肥羅
粟米石斑塊 - d汁太稀, 斑塊又唔太翠
者者唐生"CHOI""堡" - 依個係唯一ok好味

食前已經火火地,跟住d野又唔好食,食完收錢個Waiter完全唔掂羅,完全係態度唔好羅

*我唔會再黎

went there for a late dinner on Fri night, arriving at 9pm.

need need to wait for almost 30 mins for a table for 2...
after seated, we ordered 3-4 food items, including the roasted suckling pig.
yet, the waiter kept telling us the dishes would come a bit slower for tonite - we were fine for it as we 2 persons couldnt finish food very quick anyway, rather have more buffer in between.

however, no other dishes were served after the suckling pig, later on a waiter came over and explaint the stove in kitchen was out of order. no other dishes would be served for the next 1.5- 2hrs!!!!

we were angry but hungry at the same time.
if there's something wrong w/ the kitchen's facility, why not be honest and direct by the time we ordered!!!! now, trapped us there for almost an hr, and we could only have the suckling pig!

yet, no special offer the bill was ever made even customers were seriously upset.
not even waiving the "tea money" charged per head. we paid some $150 and then left.

Disappointed.

去親新斗記食飯

就算訂咗位，都係要等的

等幾耐，真係唔知

試過等好快，又試過等好耐

訂咗8:30，再改8:45

去到剛剛好8:45

接待姐姐話好快有枱

但我同餅餅都等咗15分鐘至入到去坐

不過好彩等嘅其間

娛樂性都好豐富

點解娛樂性咁豐富?

去我個BLOG睇下

http://hk.myblog.yahoo.com/jessicalim1112/article?mid=5332

咁樣睇餐牌個價錢好似幾貴呀呵?

不過食完就知唔貴，唔係間餐廳打咗折比你

而係真係好好食，要有服務有服務，要有裝飾有裝飾

燒乳豬例牌係必食，黎呢到唔食乳豬，就不如唔好黎食飯，靈魂黎架

一啲都唔肥膩，又薄又脆，底層肥膏去晒，點一點甜醬食，又香又脆，肉又嫩，一啲都無嚡

口，但又唔油喎，$108乖乖奉上

粟米石斑塊，成大碗滿滿嘅粟米羹，當羹飲都得

石斑塊，脆脆嘅外皮滲出蛋香，石斑塊夠晒新鮮

唔點粟米羹都好好味，點咗就更加好食

啫啫生菜煲，我等咗20分鐘至到呀，碗飯都凍晒喇

上到枱好少菜，少到唔夠食，好香，好香鹹魚味，不過好彩食落無鹹魚

因為太好食，份量又少，所以唔夠食

埋單$350