女朋友生日,諗住食好D，記得佢提過話想食石燒，朋友介紹話君好扒燒餐廳幾好，於是就打電話去book位，比個驚喜女朋友喇

因為我地book左位既關係，唔洗等就可以入去，環境幾靚幾乾淨,女朋友見到MENU之後仲開心，有佢想食既野啵,仲唔開心咩,呵呵!!

職員過來介紹同埋幫我地落單，態度很NICE，讚好。
我地分別叫左肉眼拼大蝦及西冷牛扒拼龍蝦尾。落完單職員就同我地講可以自己出去拎野食，眼見種類都ok,有凍蝦,青口,煙生文魚,凍腸,沙律菜,生果,甜品,蛋糕等等...好新鮮,令人見到食慾大震。我地食下傾下，見好多比我地遲來既客人都以經上左石燒,點解我地仲未有??
細問之下原來係要我地order先上菜的，oh....原來係咁，唔怪得啦！

落左Order之後上石燒喇，餐廳有圍裙比我地防止Ｄ油彈落我地身度，職員仲好細心咁同我地講點燒，燒幾耐，幾時落調味，跟住就到我地大顯身手自己燒喇，"滋...滋...滋..."聽到都開心！不過我就低估左舊石既熱力，燒耐左，Ｄ肉熟晒有D"鞋"。而女朋友既肉眼就燒得好JUICY，果然女仔整野食會好D。
而大蝦同龍蝦尾就燒得好好，好鮮甜同埋彈牙，不錯不錯。食完石燒之後我地仲去拎甜品食添，好飽，好滿足！！總括黎講，環境好舒服，不會因為石燒而令身上沾滿味道；
服務都好好，餐間職員不斷幫我地收碟，係無提我地要自己落order呢樣唔夠細心姐。
價錢雖然偏貴，不過食物加埋服務黎計的話，我覺得可以再黎試多次。
 

小妹終肯動手開飯頁，請多多指教

呢間餐廳想試好耐！！適逢小妹生日，決定同男友黎撐枱腳慶祝

因為有BOOK位，去到唔使等就入得！仲安排左較暗同靜既位置，OK 浪漫

坐低之後睇下MEAU有咩食，兩個人心大心細，都傾左5MINS以上。。。

扑搥之後男友舉手諗住叫WAITER之際，個經理已經即刻行埋黎。。原來佢一早係不遠處留意我地既需要！！

很是貼心！！！

我地分別ORDER左 新西蘭羊扒＄298及 美國極黑豚肉拼龍蝦尾＄358

之後出去夾野食
反到黎已經放左一盤烘香左既蒜蓉多士，附上黑松露醬
可惜D多士只係微暖，有D扣分
而頭盤D菜 好FRESH！！仲有幾款芝士揀！！正正正～
又有幾款自家製沙律，好味！！輪到頭盤，海鮮得蝦﹠青口，都算新鮮，D蝦起碼唔梅！！我地都密密食

另外煙三文魚。牛肉D凍盤小妹覺得喊左DD。。男友就鐘意食。。。

食到咁上下WAITER走埋黎問上主菜時間，很窩心主角出場！！睇相都知正野！！WAITER細心解釋煮法，大概1分鐘＝1成熟，我驚熟得制，6分幾我就用刀切開睇下

都已經差唔多！食落好JUICY！！超級美味！！冇落調味已經好正！！配埋芥末認真一絕！！！

男友既豬初頭以為會好UN。。反而出乎意料好“淋”！！再加煎香左既龍蝦！！又流口水了最失望既係。。。當晚甜品當中得2樣係朱古力對於我呢個朱古力癡黎講。。。真係好DOWN

反而個cream brulee做到外脆內軟！正

而D生果好似浸過糖水。。食左少少就冇再食 全晚更附上3大杯飲料！！真係超級飽！！！！

總括黎講呢度D野係OK 既！！服務又很貼心！！環境OK！！是晚都食得好開心！！

可惜以呢個價錢仲有好多地方選擇！！！！我未必會再反黎食LO

上星期是男朋友的生日，生日總會想吃得好一點，特別一點，於是提議去食石燒，選了君好扒燒西餐廳。
環境不錯，地方也寛敞，有足夠位置放手袋，外套。晚餐屬於半自助形式，有自助沙律吧，款式都算多，有青口，蝦，煙三文魚，黑椒牛肉和沙律等，食物都非常新鮮，而且REFILL得好快。食完前菜之後先送上蒜蓉包，再配上黑松露醬，外脆內軟，味道很好主角出場了，主菜就是石燒，客人可自選石燒食材，自行烹調，我點了龍蝦尾+西冷，而男朋友就是鮑魚+肉眼
服務員會詳細講解石燒方法，肉類大約是一分鐘一成熟，海鮮就大約10-15分鐘食材非常新鮮，即使不落調味都好鮮味
而且龍蝦尾肉質嫩滑，鮮甜，非常好不過因為我們低估了那塊石頭，8分鐘左右已經是OVERCOOK了，結果牛肉有點老。雖然味道不如預期理想，其實是被我們糟蹋了，但我覺得可以自己動手煮其實是很好玩的。最後就是甜品，種類比預期算多，可惜水準不夠，絕對不是酒店級，芒果布甸用布甸粉開的，上面的竟然是JELLY，一點新鮮果肉都沒有，大部分都只是忌簾蛋糕，只有芝士蛋糕合格，對於我這個甜魔來說真是有點失望。
飲品方面，這個餐包3杯飲品，有酒，果汁，檸檬茶，咖啡等。總結整體餐廳環境氣氛不錯，服務態度不錯，快手，而且有禮貌。食物質數不錯，石燒有趣，好好玩，如果甜品可以改善就完美了。雖然價錢是有點貴，大約$350一位，但我還是覺得值得。

有朋友提議試新菜, 並立即上綱找好介紹, 終於決定去君好扒燒西餐廳.

原來餐廳主菜配有自助沙律Bar及餐湯,沙律Bar選擇很豐富, 有冷盤, 火腿, 沙律, 餐湯, 麵包,芝士, 甜品, 生果, 選擇多多, 而且用料亦有水準, 其中的海鮮頭盤, 青口夠新鮮,入口軟滑, 凍蝦夠鮮甜,最令我驚喜嘅係另包3杯飲品. 餐前酒款式也多, 我order 咗橙酒+Soda, 酒的份量十足, 絕對沒有欺場, 除了餐前飲品及餐後飲料外,當然有我最喜愛的紅白餐酒. 須然, 餐酒品質沒有我想像中好, 但也不過不失.

餐廳主菜有石燒及石煱燒兩款,我們都點了石煱, 因為我們沒有見過其它食店有石煱燒. 我們固意選唔同嘅海鮮及醬汁share 食. 發覺各有水準. 開始時經理先生給我們一條圍裙以免我們唔弄髒衣服, 他並向我們細心向我們講解如何 烹調, 不會廚藝的我也可把食物燒得美味可口. 尤其係鮑魚入口很嫰滑, 而大蝦都很鮮甜, 配埋附送的黑松露醬蒜茸包, 值得俾多個Like佢。 第一次自家製風味石煱燒，讓我很有滿足感呢！　

飯後，我們去自助吧選了好幾款甜品及生果，特別喜歡的是特濃朱古力味甜品, 我挑了黑森林蛋糕很有朱古力味, 其他蛋糕如朱古力班尼士, 亦軟滑香濃配埋檸荼幫助消化，整體來講, 這一頓晚餐我好滿意，值得推介俾朋友。　

今日同(靚女)朋友一行二人去左灣仔南洋酒店君好扒燒西餐廳(Grill Café)一試該餐廳出名嘅石燒晚餐. 我地BOOK 左6點30分, 準時到達. 環境很寧靜, 感覺非常舒適.

侍應遞上MENU, 細看之下, 多了一款新推出的石鍋燒. 侍應介紹呢個石鍋燒同石燒唔同既地方, 就係石鍋燒係多左個餐廳配制嘅黑魚子醬香檳忌廉汁或香草野菌龍蝦汁去煮熟D配料. 由於石鍋燒配料全是(靚女)朋友愛吃嘅海鮮, 我幫(靚女)朋友ORDER左個龍蝦尾配大蝦石鍋燒一試. 另外, 想一試餐廳嘅牛扒, 我就ORDER左無骨肋排牛扒配大蝦石燒.

由於時間尚早, 而晚餐亦非常優惠, 除包自助沙律吧、餐湯及餐飲外, 仲有一杯餐前飲品及一杯紅或白餐酒. 我地於是HAPPY HOUR一下, 分別ORDER左VODKA SODA 同RUM COKE.

飲完杯VODKA SODA 同RUM COKE後, 差不多開始有D肚餓, 一於去拎個餐湯同睇下自助沙律吧有D咩食. 除左沙律外, 還有凍蝦、青口及其他冷盤. 返埋檯後, 侍應已送來配上黑松露醬嘅蒜茸包, 熱辣辣好好味.

主菜終於出場, 侍應詳細教我地如何利用石鍋同石燒烹調. 到我地大顯身手嘅時候, 我地依照侍應指引, 先放牛油落鍋內, 再把所有海鮮放進鍋內, 然後贊入白酒即時香氣撲鼻, 跟著放埋黑魚子醬香檳忌廉汁焗5-6分鐘石鍋燒就攪掂. 石燒亦冇難度, 先把大蝦同牛扒放上石燒, 加埋牛油、PEPPER、SALT同醬汁調味, 然後每1-2分鐘反一反牛扒至自己喜歡嘅生熟程度就可以. 話咁快就食得, 即刻試試自己嘅製成品, 先試石燒. 牛扒肉嫩多汁富牛味, 大蝦份量十足而且彈牙. 輪到石鍋燒, 大蝦同龍蝦尾用埋黑魚子醬香檳忌廉汁焗煮, 大蝦同龍蝦尾啖啖肉索左忌廉汁後更加入味, 黑魚子醬香檳忌廉汁同海鮮好夾.

食完主菜, 到自助沙律吧睇下有咩甜品, 估唔到都有10多種. 最後嘆埋餐飲，呢餐非常滿足.

餐廳無論服務、環境和食物質數都非常好, 而且相信石鍋燒仲係餐廳獨有, 實在值得推介.

之前黎過一次食石燒覺得好好味,今次約埋同事一行二人本來想黎食多一次個燒大蝦同西冷

7點鐘上到去坐定定,都未算多人,諗住落order叫2客石燒

但見到餐牌上面多左一個"石鍋燒"之後就好奇問下經理先生

原來呢個石鍋燒係新推出的 經理先生都好清楚咁介紹左一次呢個石鍋既食法比我地聽

同石燒唔同既係石鍋係用個汁去煮熟D配料,控制生熟個時間比較易掌握

聽落又好似好吸引咁

結果我地係石燒同石鍋2個選擇入面爭扎左好耐,最後都作出一個新嘗試

我地兩個分別叫左鮑魚配亞拉斯加蟹腳 同 大蝦配桶蠔

石鍋同石燒唔同就係要再揀一個醬汁,分別係 魚子醬忌廉汁同龍蝦汁

落左order之後就行去自助沙律吧度拎d 沙律,青口同煙三文魚等前菜食物

仲有當然唔少得好好味既蒜茸包啦

終於主角出場啦經理先生又好似石燒一樣咁由開始解釋點樣去煮呢個石鍋

首先要落牛油起鍋之後就落主菜去燒啦燒一燒個面之後就落預備好既醬汁(好似食鐵板落汁咁)再加上一D白酒同香草好啦呢個時間及蓋等佢煮下先,係等緊既時間可以出去拎一D配菜大約等左5-6分鐘,個汁收得差唔多

我覺得我今次既嘗試係值得嫁

比起就咁石燒,大蝦用左龍蝦汁去煮呢個方法,唔會因為我燒過龍而乾晒

我試左同事果鍋一件用魚子醬忌廉汁煮既長腳蟹,比起用龍蝦汁煮既更好食

最後再去沙律吧拎左D生果食同飲埋杯熱檸茶就完成左今次石燒(丫係石鍋先岩)

PS.不過石鍋只係得海鮮揀,希望下次再黎會有更多選擇

同朋友補食生日飯，揀左呢間君好扒燒西餐廳，之前食過石燒覺得好好味，諗住食過番噚味，今次服務員同我地推介新口味菜式，覺得好新奇，咁就試下啦，其實都係半自助形式，不過今次食海鮮石鍋燒。冷盤及沙律吧
保持水準，有凍蝦、凍青口：兩樣都好新鮮；又有煙三文魚、煙鮫魚、黑椒牛肉、Cold Cut、生果和沙律等：d煙三文魚和黑椒牛肉好正；餐湯有兩款，什菜湯和菠菜忌廉湯：我試左菠菜忌廉湯，濃度適中，好香忌廉味。另外每人有兩塊蒜蓉包配黑松露汁，把黑松露汁搽上個熱辣辣蒜蓉包上，超美味，強烈推介！主菜
原來石鍋燒就好似石頭鍋飯個鍋咁樣，落埋d汁一齊煮，最好玩都係可以自己親手煮，好有滿足感。
海鮮有5款：鮑魚、龍蝦尾、大蝦、長蟹腳和美國桶蠔，可揀其中2款，我揀左龍蝦尾和蟹腳，朋友揀左鮑魚和大蝦。
湯汁有2款揀：有黑魚子醬香檳忌廉汁和香草野菌龍蝦汁，朋友揀前者，我食龍蝦梗係配後者。
服務員好有心機及詳細咁教我地點煮，先把牛油落去熱辣辣的石鍋內，然後把海鮮倒落去，跟著落湯汁和香草，贊酒後焗5-6分鐘就食得。個石鍋真係好夠熱，好夠鑊氣，我地怕比油彈倒，好快手咁就將所有嘢落哂（自己好有大廚feel），5分鐘後，開蓋，真係好香呀！龍蝦啖啖肉，好實淨，蟹腳索左湯汁後更有鮮味。朋友個鮑魚熟左都無縮水，又唔靭，兩款湯汁味道啱啱好，我地仲攞左麵包點汁食。飲品
呢個餐包餐前飲品、紅白酒及餐飲；餐前揀左Lime Soda幫助消化、食海鮮個陣飲紅酒，都易入口喎，餐飲梗係即磨咖啡，Good呀！

甜品
食到呢個時間真係好飽，不過都要試下，一般啦，無論服務、環境和情調都好好，座位又寬落，仲預多個位比我地放手袋，食物真係唔錯，鐘意多汁同海鮮既就要食石鍋喇，鐘意食肉扒梗係食石燒啦，見OpenRice食評都好好架，都唔明點解客人唔多，幾個人一齊食，一齊煮，好好玩喎，仲可以傾計，唔駛比人催交枱，實在值得推介！

12月是小熊生日
大虎一早book左呢間餐廳同小熊慶祝
7:30pm到達，唔算多人
原來呢度係半自助形式
叫左2個set:西冷扒同肉眼扒
先來餐前酒，叫左baileys，由於呢次係加左冰來飲，個 Texture 比較清晰，入口有種好 Fresh 既感覺。
再送上蒜蓉包，包上加上厚薄適中的蒜蓉，口感不錯，但略嫌硬了一點。
講番半自助餐食物先
有沙律、青口、煙三文魚、西湯等，其中煙三文魚最好食。雖然同一般自助餐相比食物感少，但睇得出佢安排都有心思。因為佢無左一大堆會令人快速飽肚既食物。咁就可以兩點都享受。
西冷扒同肉眼扒都好重牛味，而且waiter有講下點燒，真係幾好玩幾得意。大虎跟足個指示來燒，仲邊燒邊右 Peper 同 Salt 來調味，燒左大約六分鐘就食得，好好味。
小熊因為怕唔夠熟所以將西冷扒燒得太耐，結果變得唔太好食同好 'Un"。
配菜有薯仔、 蕃茄、西蘭花等，最好既係可以自己揀食幾多同食咩
waiter又送上餐酒(紅酒或白酒)，我地叫左白酒，味道一般。
而佢既甜品都係一般既蛋糕，唔算好食但款色都叫做可以，而其中brownie真係好難食，成舊野完全無朱古力味，只同埋勁硬。我相信自己整都一定好味過佢個個。
最後竟然仲有餐飲，叫左一杯凍檸茶同奶茶作結。咁個味道都係普通欣素咁。
要讚下佢地既服務係幾好，經常有職員行近主動收碟同幫手。
食到好飽
多謝最愛大虎悉心安排

在食評看到其他食家的相片非常吸引~
為了慶祝男友生日~就豪一次食「石燒」啦~

預早BOOK位~避免爆滿~
但好彩是閒日~~其實不多人~環境很寧靜~非常適合談心~

大家最主要是考慮到底食 a) 肉類, b) 肉類+海鮮 定係c) 海鮮+海鮮
我地兩個都係揀左b)肉類+海鮮~~滿足曬兩個願望~

佢地的沙律、冷盤、餐湯、甜品、生果、仲有少量熟食都係自助餐形式供應。

1)沙律款式都幾多~而且好新鮮~有我最愛的煙三文魚~食到差唔多廚師會換過盤新~即使唔多客人佢地都做得好足~值得一讚~
2)蒜蓉包雖然有點燶, 不過真係好香、好鬆軟。而且配上黑松露醬真係好好味~~雖然黑松露味唔濃~~不過溝得好滑~
3)餐湯只選擇了白湯~~其實味道都唔差~只係稀左少少
4)冷盤有青口、蝦, 其實都幾鮮~~而且唔會有沙~~
5)龍蝦尾+西冷: 龍蝦尾真係好甜~而且啖啖肉~~~西冷扒個牛味都好濃~~加上可以自己控制生熟程度~~食得又玩得~佢會跟D牛油同埋醬俾你煎的時候落~或者食的時候先點的~
6)鮑魚+肉眼: 鮑魚都好新鮮~但相對就少好多肉~~~同埋好易over cooked~搞到韌左~~~而個肉眼扒又好薄~~同樣好快熟~~所以呢兩個組合真係要手快手腳~~如果唔係就會煮耐左喇~
7)甜品方面, 泡芙、焦糖布丁、士多啤梨奶凍都好好味~~~唔係hea甜品~
8)當然~生果都係我地的至愛~
9)餐飲方面~佢地會包三杯飲品~第一杯:可以於酒bar選擇一d特飲, 第二杯係上石燒的時候跟的紅酒/白酒, 第三杯就係餐茶~~~最後我地全揀橙汁~~酸酸地~夠開胃

整體而言~如果食環境、同埋食個自製過程都真係唔錯~~不過如果想食得好味~可能去一d扒房會更好味~~始終自己的手勢麻麻地~~~

今晚同朋友2人book左7點食石燒晚餐, 用餐時間可以6點食到10點, 7點去到不用等就可以入去, 入到去只得幾圍檯有人食緊,
除左主菜選擇一種外, 其他如湯,包,頭盤,沙津,熱食,生果,甜品任食, 但種類並不是太多,

湯 : 什菜湯, 忌廉湯 (冇飲到, 因為唔覺有咩特別)
包 : 約4至5種 (旁邊有爐可以興返熱)
頭盤 : 青口, 蝦 (還可以)
沙津 : 4種 (基本上有3種都同一沙津醬只係唔同食材, 另一種係希臘沙津)
熱食 : 牛油粟米, 炒著仔, 焗蕃茄, 烚西蘭花,椰菜花, 瓜類, 另有5種醬汁比你點 (有黑椒,蕃茄,蘑菇,其他唔記得, 都係普通野)
主菜 : 朋友的牛脊肉不錯, 我的牛柳比較厚, 要燒耐d先食得, 可能就係因為燒耐左既關係, 有d鞋鞋地 (可以選擇廚房代燒都得)
甜品 : 約10種大路甜品 (還可以)