這間川菜館裝修以後我都沒有再來過。對於經常有機會食川菜的我，好像找不到原因要來吃川菜。正如KC所講，我冇理由出去外面食擔擔麵的。今次終於找到一個籍口一家人來開餐，雖然是牽強了一點，總算是個理由吧！

吃了下午茶，仍然很飽，四條友只點了四個菜。老豆和老媽子近期迷上了水煮魚，叫一客看看是否好吃。其餘都糖醋排骨、咸肉津白和什錦炒飯都是不辣的了，有點不像吃川菜。

先到的是糖醋排骨，豬肉有些鬆化有些頗韌，並不均勻。糖醋也調校得不理想，味道反而有點像在吃生炒骨的，奇怪。

水煮魚是用上桂花魚，肉質尚算嫩滑，辣度還可以接受，只是麻味不足，大概是花椒的份量下得不夠。辣湯下的芽菜，吸收了大量湯既精華，理應好惹味，可惜芽菜本身唔靚，不但不爽口，還有點韌，有渣的。

之後的咸肉津白，如其名的，咸肉是很咸，也硬。菜是不錯，爽口清新，配上粉絲和磨菇片，清清地又幾好；全晚最好的應該係什錦炒飯，有筍片、雞件、豬肚、火腿、蝦仔等材料，加上蛋炒飯，幾香口，咸咸地既醬汁也可以。

吃了一頓不正宗且水準不高的川菜，但能一家人吃飯，也是開心經歷，只是下次不會再來而已。

四個人嗌左個四人特價餐, 仲以為真係平左...嗌完之後先發覺仲貴左...
嗌完即時搵員工理論...佢地叫話送左糖水平左已經...以為係....點知......
4人餐(328蚊):
醉鴿($60)
辣牛肉($65)
西蘭花平青魚($55)
宋嫂魚湯($50)
回窩豬頸肉($55)
芝麻湯圓($22)

散嗌只係$307

開頭聽左員工解釋以為芝麻湯圓($22)有4份...成個set加埋都值$373...諗住算啦...
點知...完左上糖水.....芝麻湯圓4人餐得4粒湯圓...即係得一個啦...
問完經理,佢就話師傅set錯....搵笨直情...最後經理送左樣高力豆沙息事寧人...
但係我都覺間店有d昆人....大家小心啦

口水雞 - 一直很喜歡食口水雞﹐不過呢度既口水雞無雞味﹐辣到飛起, 一D都唔香, 一D都流唔到口水. 沖淡辣油後只嘗到一股雪雞味
砂鍋津白 - 竟然有日本魚旦, 係霉既日本魚旦, 仲有西式火腿, 豬肉丸, 雞雜同魷魚
酸辣湯 - 勁酸
嫩雞煨麵 - 淡而無味 用烚麵水做湯底
回鍋肉 - 叫霉鍋肉比較貼切
炒鱔糊 - 同上 :霉
炒年糕 - 一般
家鄉餅 - 成餐最正常既一樣, 香, 最搶手既一碟


服務勁快...未食完都幫你收筷子

同屋企人黎左食晚飯﹐已經不是第一次來. 每一次黎都好似置身0係國內0甘﹐一定有幾檯內地遊客係度大聲講大聲笑﹐可能因為樓上係熊貓酒店既關係. 建議怕嘈就不要來了.

6點幾就黎到﹐可能又早又係平日﹐都十分多位。叫左個二人餐﹐另加窩貼﹐擔擔麵及酸辣湯.

個二人餐有﹕
口水雞 - 一直很喜歡食呢度既口水雞﹐因為雞肉有鮮味﹐也不算辣. 以前個汁係另上的﹐今次就唔係﹐感覺另上好一點﹐味道較重. 而且今次雞比較肥﹐好似有點退步了.
麻辣牛肉 - 麻而不辣﹐味道是OK的﹐但醃牛肉的梳打粉有點過重了.
賽螃蟹 - 味道不錯﹐只是西蘭花有點凍了.
高力豆沙 - 好食

另叫的﹕
窩貼 - 皮很薄﹐煎得脆﹐肉汁也多﹐好食
(擔擔麵同酸辣湯也沒有吃﹐吃不下了﹐但記得以前試過酸辣湯係麻麻的. 擔擔麵屋企人說OK.)

這裡的服務不算好﹐可能比較著重內地的大客﹐侍應都是在他們周圍﹐唔會太理其他客人.但如果叫對了食物﹐質素是不錯的﹐而且不貴﹐可以一試.

琴晚同親戚朋友去金榜食晚,
因為食過好多次,
所以知道邊D係必食
琴晚點左下面D菜都好好食

蒸素餃
湯雲吞/水餃
楊春麵
担担麵
黃金蝦仁
蒜容莧菜
酸辣湯
木須肉(雞蛋, 木耳, 豬肉)

價錢唔貴又大碟
所以平日都好多人
去之前最好打電話Book位

(30/10/07)繼續食「慶祝」餐,真係食食食。
上次食小籠包、担担麵,"輕食"類ok。今次大佬拍版,一定是勁叫"主食",得四個人咋...
西蘭花青魚片,即青衣魚,點槳粉拉油,不喜歡那朕粉槳感。韮皇蝦爆鱔,油,蝦大隻,不過唔鮮甜,鱔又無乜魚味。椒鹽豆腐、金銀蛋莧菜,是整得最好的兩碟喇。宮保雞丁,頗辣,腰果多到...不如叫宮保腰果啦!
炒鍋雲吞雞,雲吞很多肥豬肉,湯ok。
楊州炒飯,快餐店水準。

小籠包、窩貼　－－　７０分（如窩貼可再煎燶一點會好D）

楊州炒飯　－－　４０分

湯年糕　－－　５０分（湯很咸）

出事夜晚，去到事發現場食飯，坐下點了數項上海必食之物，分別有：
酸辣湯；小籠飽；排骨炒面；蒸餃和煎餃。
食物來到，我的天呀！！！
酸辣湯，不像平日喝的一樣，看起來真的好像水一樣，難道這才是真正的酸辣湯？！
好，喝一口先，淡而無味，無酸無辣，何來酸辣湯之名？！
這時候，已經心知不妙，亦對其他食物沒有什麼期望。
排骨炒面到！
我的天呀！！！
真的是炒面！！！
人家用來炒豉油皇面的那種面！！！
不是上海面，當然更不會是粗炒啦！！！
慶幸的是小籠包和兩款餃物都尚算正常，只是皮厚了一點，而且只像是一般的水準。

身為荃灣區的食客，唯一的酸辣湯更勝其十倍。
服務員的態度較中庸低一點，令到我好像回到了羅湖城食飯一樣，我不是身在香港嗎？
說真的，我真的不會再有第二次去了。

炸銀絲卷最正

(23/9/07)出發前睇過食評,都唔係咁好,不過無選擇下都去試試。
五個人,食左雞絲粉皮$45,改良担担麵(有「沒有改良担担麵」,唔知有咩分別),這兩個幾好食,不過真係太多麻醬喇!好漏呀!小籠包、韮菜鍋貼,不過不失。紅油抄手,在葯材味o既汁上,加辣椒油!很怪很怪!上海粗炒,勁大碟,味道ok。沙鍋津白,一大煲上湯,雜亂到不得了,又火腿(唔係金華火腿)又豬肚、魚肚、日式魚蛋。津白就津白,加呢加路,有點怪怪。

客飯是很便宜，三十多塊有一湯一兩飯，我們點了粉絲咸肉津白，味淡; 湯比較好，湯料有花生、眉豆、雞腳等等，味似住家湯。

另點了排骨湯麵，炸排骨沒有炸漿作掩飾，但豬排卻炸得很硬身，失望。

一時心血來潮想吃芝麻湯丸，$20一客卻只有四顆，起初遠遠看見侍者，用雙手隆而重之的捧著用來盛鍋麵的大湯碗向我們走來，想必份量十足，誰知一看卻見只有可憐的四小顆湯丸在湯碗內“自由自在”地浮游著，20大元只得四顆，也不知好嬲定好笑。好吃的話也不計較，但它的皮是粉粉的，糖水如清水一樣，啊……十個失望……