每次我跟這班舊同事食飯都係到這間餐廳的，因為我們的回憶都是在灣仔區。

如果從這間小店的門口來看，看不出這會是一所吸引的餐廳。不過到這裡食飯的客人不少，事前最好先訂枱，不然的話也可能要在門口等一陣子。

今次我們四人點了一個套餐，有山東燒雞丶上湯龍蝦伊麵和菜，可惜掛住食忘記了拍菜的照片。哈哈！不得不吃的當然是這裡的招牌菜 ﹣「山東燒雞」！這是一樣冷盤，手撕雞肉加上香蒜醬油，是美味之選！雞肉十分嫩滑，而且加上墊底的素雞，我想我自己也可以食到半隻。友人最喜歡那個醬汁，鹵水味加上蒜蓉，用來餸飯最好不過。上湯龍蝦伊麵的湯十分濃郁，十分配合伊麵，可惜龍蝦的分量不多，只有數只，每人分了一碗以後就只剩下那些手手腳腳。不過可能是因為這個套餐並沒有飯，伊麵份量很多，絕對能夠把肚子填滿。

瑤柱西蘭花是正路的菜式，沒有甚麼特別。我們還加了一道蝦籽山根豆腐，賣相的顏色雖然並不吸引，但蝦籽十分香口，配合上豆腐和山根，好味！值得推介。最後還有免費的甜品 ﹣ 豆腐花。雖不是完美，但免費的，你還有甚麼可以說？

不過要批評的是那裡的服務員都很有態度，好像要客人一進來就已經要點甚麼似的，落單要想多一會也不能。而她們亦不停的問我們的菜還要不要，好像要我們快快吃完一樣。不過不要緊，我們也自顧自的交談，當沒有事發生，哈哈！

訂了位, 店舖少, 得五六張桌. 還好訂了位, 去到就有位.

四個人, 眼見一餸都80 90 蚊, 於是叫了288套餐, 可揀3餸, 仲有一湯, 一菜同甜品.先黎半隻山東燒雞, 濃汁, 蒜茸超多. 同D雞一齊食超正, 不過就咁食隻雞就唔夠味, D味未入到去. 要撈埋食先好味. D肉就唔算嫩, 但口感還可以. D汁撈飯食一流. 食到停唔到口.再黎就係油浸荀殼, 好味呢個, 媽媽話呢個好難整. 佢脆, 入味而且肉嫩, 油得黎唔會食到成口油, 係上上佳作, 好開胃食到!例湯, 就係例湯就既味.到蒜茸蒸大蝦, 同樣好多蒜茸, 但始終蝦唔夠鮮味同爽, 得蒜茸味.而蒜茸菜心. 不過不失

最後的甜品豆腐花, 好滑, 清淡, 唔甜得黎又唔會無味, 適合任何人士盡情食的甜品~

所以必食推介係山東燒雞同油浸荀殼, 伴飯!

我們二人晚上7:30pm 到達門口, 已見有大約5人在排隊, 等了大約40分鐘(8:10pm), 才有位入去食飯.

我們急不及待地點了半隻山東燒雞($90), 一碟上湯菜芯+一碟蒜茸蒸大蝦($148), 點菜時間是8:20pm, 等了大約10分鐘, 山東燒雞終於登場

首先試下燒雞先, 其實係在凍的燒雞上面再淋上一碗好多蒜茸及辣椒既汁, 個汁好惹味, 不過雞肉沒有雞味, 而且比較實, 雞皮脆脆的, 幸好有個惹味既汁來填補雞的不足, 底下有好多賣相似切片魚旦的素雞, 賣相極為吸引。.

我們的燒雞差不多吃完, 餘下的餸也沒到, 其間我們催促收銀那位女士很多回, 到8:40pm才到一碟上湯菜芯, 菜芯鮮嫩可口, 上湯味道適中.

到9:20pm我們終於要求埋單, 唔再等那碟蒜茸蒸大蝦(一碟8隻), 點知我們一叫埋單, 收銀那位女士才放一碟蒜茸蒸大蝦在台上, 但這碟大蝦的蝦肉很(每), 像是蒸過火, 而蝦的大小, 只有不到5cm, 這個尺寸真的是大蝦嗎? 我們只吃了一半便放棄了

埋單時阿姐話送甜品, 問我地要南瓜定豆腐花, 因唔明白"南瓜"即係咩, 便問阿姐, 南瓜即係咩, 點知阿姐望住我, 唔答, 於是同行友人便答每樣一款, 2個糖水都好食.

埋單時間是9:30pm, 整體感覺不太好, 因店員不太禮貌, 落單一個鐘才上齊所有菜, 要去試這間餐廳的朋友, 要有心理準備噢

山東燒雞其實就係手撕雞咁既一隻雞再淋上一碗好多蒜頭好惹味既汁
未淋上呢個汁之前係一隻平平無奇既雞 但淋左呢個汁之後就變得特別
嘩真神奇 雞肉幾滑 個汁都好好味^_^呢味香醋骨真係好有特色
去之前睇過其他食評話這個餸“調味，酸甜得宜，而且稠杰得剛好掛在肉上”
實在寫得太精采啦 當然要叫呢個香醋骨啦
嘩 當日小的鼻子有點不靈所以冇特別聞到咩就夾起左放入口
朋友相聚 一路食一路吹水實屬閒事
剛巧朋友講左啲好笑既野
我一路笑一不留神吸入左一大口氣
嘩 有讀中學化學既人都知道醋係弱酸黎咖啦
但呢口氣讓我完全體驗到書本上既知識
呢口氣中蘊含既弱酸濃度奇高
一直由我oropharynx既部份乸番上nasopharynx既部份 再乸到落食道
吸收經驗後下一舊當然閉氣食 防止酸味乸上nasopharynx同接觸到olfactory bulb啦 係咪先
咁樣之後單純既食味其實幾好

跟住這個更精采 食物其實都仲符合期望
但唔知係咪因為小的坐樓上 樓上個阿姐服務態度真係令人嘖嘖稱奇
食到後段 小的同同行友人都仲開緊餐 阿姐三番四次黎詢問我地洗唔洗俾個盒我地帶走
我地亦三番四次答仲食緊
後來阿姐再黎話送甜品 問我地要南瓜定豆腐花
小的生性愚鈍 唔太明白"南瓜"即係咩 脫口而出問左句 南瓜即係咩
阿姐一副沒好氣既樣子 拋低左句 你試下咪知囉
同行友人衝著這句話就要左"南瓜"
這位姐姐(音:啫啫)轉身走左之後 我地恍然大悟
吓?佢難道係以為我問南瓜(pumpkin)係咩?!
竟然係咁...原來係咁... 噢 弱小的心靈又再一次受到傷害了 真傷心
我只係唔明白你所指既"南瓜"係南瓜咩啫
用不著咁黎鄙視我啩
"南瓜" 噢 終於"南瓜"黎左 至於"南瓜"係咩 我都唔係好清楚
反正就係南瓜咁既色既溶液入面有啲半透明既椰果咁既模樣
豆腐花就幾滑

總結: 食物還好 服務態度就令我有點奇怪

食個late lunch, 呢度1點lunch時間永遠爆滿,因為好食又抵食灣仔真係唔多~~

套餐$45 有湯,1餸加白飯, 款式都算多, 如果想食豪d仲有$288 餐, 選擇有出名既手撕雞同油浸荀殼~~佢既份量仲要唔細,3個人叫2個套餐都夠食~~而家連罐頭都好貴既日子,呢碟有好多豆豉鯪魚呀, 加上佢炒得好夠鑊氣, 好多時出銜食呢d罐頭煮既餸都好驚咸上加咸,佢又唔會wor~~ 肉質唔會過林或過鞋,酸度適中而且好入味不過呢度地方淺窄, 多人既時候真係坐得一d都唔舒服~~~

灣仔是一個真正中西共冶一爐的地方, 遠至如西班牙菜可到22 ships, 近如道地港式小菜可來金源小館。久聞金源小館的小菜出色, 更有美味的各式自製甜品, 所以我很早已把它列於wish list上。

根據訂座的時間, 我與好友們於7:00左右到達, 但也需要等了一會兒才可入座。

環境
店內分上下兩層, 是一般格局, 也算不上很衛生, 但來得這裡, 才不需要講究一絲不染吧! 店的下層不大, 堆滿了檯及椅子, 而且是坐了滿滿的人, 好不熱烈!! 我們被分配於上層, 比下層更迫, 樓底不高, 要和其他人搭檯. 另外, 檯面亦是頗為污糟, 和大排檔的環境差不多

舊式手巾仔，很是懷舊食物
1) 招牌山東燒雞
是每檯必點的菜式。因為而於開飯網看過食評, 所以並沒有被那大堆頭的燒雞嚇倒. 雞肉雖不至於有雞味, 但頗為嫩口, 而且惹味的醬汁剛好彌補雞味不足。於面頭的蒜頭下手沒有和大家在客氣, 大家也只管埋頭苦吃!2) 苦瓜煎蛋
這是家常得不能再家常的小菜, 味道也是一般, 可能是因為苦瓜沒有苦瓜味吧! (我和朋友比較喜歡苦瓜愈苦愈好...). 3) 香醋骨
是另一招牌, 所以也點了來試試。汁和京都骨有點相似, 但有一點橙的味道, 是送飯佳品!4) 蒸扇貝
重份量的蒜頭放在扇貝上, 加了粉絲, 也應該下了適量的豉油。扇貝沒有蒸過頭, 不錯!5) 木糠布甸
我們只點了這款甜品, 木糠布甸不過膩不過甜, 是美味的服務
雖然我們被分配了坐上層, 但員工的照顧仍是很週到. 員工態度亦十分友善, 好像街坊的感覺, 值得一贊!

灣仔區正在變天當中，越來越多高級餐廳進駐，有法國、西班牙、英國及意大利菜等等，消費隨隨便便也要數百大元，甚至上千元，可憐我們這些小職員又豈能常常享用呢。灣仔的餐廳亦不會全是這類不可接觸的餐廳，還有一些極度平民，價錢實惠的小店子，當中的金源小館就是我的飯堂之一，晚飯百多元已可交易，實在相宜。憑一味「山東燒雞」而坐穩其中的簡陋小店，並非浪得虛名。每逢晚上皆會座無虛席，經常也會有不少客人在門外等候，甚至還有一些慕名而來的客人，目的就是他們自家製的甜品，即時搖身一變成為另類甜品店。「山東燒雞」憑著惹味的香蒜醬油，令嫩滑的手撕雞肉的鮮味發揮得淋漓盡致，濃香惹味。除了蒜味香濃外，鹵水味亦相當豐富，那塊雞皮更是珍品，令各人也暫時放下膽固醇的擔子來搶吃，而墊底的素雞吸收了醬汁後，成為美味至極的配菜。「油浸荀殼」是買少見少的菜式，由於物價高企，荀殼魚已漸漸被提升了價格，令很多地方不再供應。以油浸方式來烹調，突顯了魚的幼嫩滑溜，半煎炸使得荀殼魚骨脆酥香，輕輕澆上鮮味的豉油便端出來，簡簡單單的已不錯。「叉燒炒蛋」本是我喜愛的菜式之一，但水準每況越下，嫩滑的炒蛋隱藏了很多蛋汁，蛋味濃郁的年代卻消失得無影無踪，而且鬆軟的叉燒粒已變成硬崩崩的，幸好吃來整體尚算嫩滑，不過不失。「鎮江香醋骨」是這裡的名物，亦是每枱必點的。先說調味，酸甜得宜，而且稠杰得剛好掛在肉上，輕輕炸過的表面亦帶點香脆。肉質卻有點硬，很乾身，沒有了以往鬆化軟滑的感覺，可能肥肉的比例減少了，雖然這樣，但依然是美味的，另有一番滋味。「椒鹽九肚魚」炸漿很薄，炸得輕脆，只是嫌椒鹽味道不重，再濃香一點會更好。「香煎蓮藕餅」則香口得多，外層煎成金黃色，微脆焦香，內裡熱辣辣又爽脆，蘸點喼汁吃，佳品是也。最後來點蔬菜，「薑汁芥蘭」用料充足，薑味強勁，吃到點點辛辣，芥蘭又非常新鮮，爽脆鮮嫩，正好以此來平衡一下大魚大肉的良品。終於來到重頭戲之甜品環節，看一下餐牌，便毫不猶豫全點了。當中「焦糖雞蛋布甸」是我的至愛，這種老味道現在很難吃到了，它蛋味濃郁，介乎滑溜與粗糙之間的質地，也甚少出現在現今的甜品中，浸在甜美的焦糖漿中，越吃越滋味。店內的招牌甜品還有木槺布甸，四款味道分別是「原味」、「奶茶」、「咖啡」及「好立克」。各有特色，味道突出，質感屬軟滑型的木槺布甸，覺得木槺的比例可以更多，這樣會更好吃。雪糕的口味確是創新，有「番石榴」、「榴槤」、「愛爾蘭咖啡」及「威士忌」四種味道，最清新的肯定是番石榴，最濃香的是榴槤，愛爾蘭咖啡則透出陣陣咖啡香，反而威士忌最為淡味，要細心品嚐才可嚐到絲絲酒味，質感像忌廉般幼滑，與平常的雪糕有點不同。

驚喜點永遠也是餐後送來的豆腐花，豆味濃郁，非常嫩滑，絕對可以比美有名的豆腐舖的出品。品嚐過後，朋友們皆十分滿意，只是環境較為地踎，可是味道及水準卻是不俗，價錢亦十分實惠，還有一種家的親切感覺。

甚少去灣仔既我, 因為見大家對金源小館都讚不絕口, 故此就趁朋友仔的生日, 相約一大班好友到此食飯慶祝~~~ 山東燒雞~~~ 最大驚喜就是你.....第一) 一心以為是熱食既你, 竟然原來是凍~~ 第二) 表面平平無奇的你, 原來肉嫩非常, 再淋上蒜蓉汁, 大量蒜粒堆滿雞肉上, 原本每人只叫一碗飯既我們, 都不禁要老闆娘再上多一碗 蝦籽山根豆腐~~~ 豆腐十分之嫩滑, 配上煙un 的山根, 兩樣都是我喜歡的, 加上大量蝦籽, 的確惹味 沙爹肥牛煲~~~ 相比起山東燒雞跟蝦籽山根豆腐, 此略為遜色, 本人覺得沙爹味未夠濃郁, 如果可以再香口一點就正 鎮江骨~~~ 好香既醋味, 但並不是每個人都可以接受到, 但本人就覺得酸酸地好開胃, 微酸中帶甜味, 絕對係餸飯之選 煎藕餅~~~ 香脆可口, 味道也不錯 椒鹽九肚魚~~~ 不過不失, 夠脆口, 唔油膩, 外脆內腍 自選甜品~~~ 榴槤雪糕, 榴槤慕絲, 朱古力慕絲, 葡式木糠布甸, 值得一讚是榴槤雪糕, 本身以為雪到十分硬身, 口感一定麻麻, 怎料完全是相反, 濃烈的榴槤味, 軟綿綿的口感, 令到小弟既女友讚不絕口

最後送的甜品有豆腐花或南瓜露, 兩者都不錯, 不過友人指南瓜露較好味

P.S. 可惜地方比較細, 坐得唔係太舒服, 亦都未知是否太忙的關係, 老闆娘同店員的態度未如理想, 每次都要叫幾次先會應你,
希望此點可以改善到~~~

要女同事幫忙買兩個外賣飯
我內心真係有點兒過意不去
有人問買兩個外賣飯有幾難
難道在於飯加例湯斤两十足
味道與水準都保持得十分好
該菜點了數次仍未有意轉款

餐跟
冬瓜火腩飯
冬瓜- 夠味入口溶化
火腩- 一層白一層肉肥瘦適中
芡汁- 淡淡薄茨將冬瓜火腩完全結合

例湯
有瓜有骨並非一般外賣例水

外賣重點: 起菜快、份量足、吃畢口不渴

經過此店常常很多人在等位
今天終於有幸到此店試試。
在外面等了約45分鐘才有位。

門面不太突出，門口上店舖名字都不見了。裏面都 十分殘舊，地方十分細小。
穿過廚房，上2樓，好似雜物房。有套餐及不同小菜選擇而且價錢相宜山東燒雞原來係冷吃的手撕燒雞。蒜粒堆滿雞肉上，賣相極為吸引。
雞皮吸收了醬油，而且雞肉嫩滑。再自行淋上香蒜豉油，蒜味濃烈，好香。
底下的素雞都美味。

椒鹽鮮魷
薄薄的炸漿包著鮮魷，不太韌，椒鹽味不太濃郁。啫啫芥蘭
好熱 ，好惹味其實味道不差但不太突出，而且坐得唔舒服。
所以試過便算