故意在何文田走下來吃.

平時經過都經常叫bebe, 買咩靚女

小試牛刀. 先試一下羊肉卷, 佢真係叫做 roll.

但整出黎係一個四方形餅餅.


本想回校才吃, 還是襯熱吃吧!

第一口咬下, 竟是炸菜, 心想不妙, 你們新疆回族 不是靠 疑似炸菜物體 矇混過關吧?


後來多咬幾口才發現有羊肉, 咖哩, 菜絲.

香口濃郁.
不算很辣.

可以一試.

其實不是第一次食了

羊肉薄餅，即叫即整的薄餅，里面有一層薄薄的羊肉醬，咖喱味的，很合我口味，喜歡咖喱嘛

比以前貴了，店員好像沒以前cheerful，但外地人講廣東話都幾正

我冇去過新疆, 所以唔會知正宗新疆回族d 咖哩係點;
但今日去到mk, 都決定一試此小店, 因都開左好多年都未食過~

一坐下, 看看餐牌 竟說係印度咖哩?????

再留心點, 英文名係 kashmir curry house, 即係"喀什米爾", 唔係中文的新疆噃

算喇, 既來之, 則安之... 叫個咖哩雞餐, 及兩個 samosa 仔 share 喇.

師傅攞了個 咖哩角叮一叮, 便上檯了.
個皮仍脆的, 內好熱.

另外, 有支似似地介辣的醬, 之前食 samosa 好似冇的, 印度式通常都係加d 綠色mint 汁 的;
落左d , 試一試味, 嘩, 好特別!!!!
係薄荷味 + 介辣味 + 辣椒, 未食過, 好得意!

落左幾多, 因點 個咖哩角好食.
咖哩角都幾多薯仔, 大豬女友幾喜歡呢

之後個咖哩雞, 好紅, 蕃茄味重, 少辣, 似 rogan josh.
有兩片薄餅的, 點汁一流.

包杯飲品的, 叫了玫瑰汁, 心諗, 會係咩味呢?
係杯橙色的汁, 督支飲管, 飲口, 咦, 係淡芬達咁味既?

行到去舖的另一面, 看到英文menu 係 "indian orange juice"...
晃然大悟....

埋單兩人食了 49蚊, 仲想點?

次次去廣華街都要食 ...
店員好 nice ~ " 靚仔靚女食薄餅 " 叫不停 ~
雖然個皮油o左 d ... 但係好惹味 ~
食開牛肉 & 羊肉 ~ 比較喜歡食羊肉 ~
可能咖喱味重 ~唔覺有 " so " 味 ~
薄餅每次都係熱辣辣 ...
羊肉薄餅o既咖喱比較辣 ~
10 幾蚊 ~ 食完一塊可以唔洗食飯 ...

等緊火山石烏冬打電話泥
但係好肚餓
咁搵d野食住先啦
我地叫左
1.香蕉薄餅 - 好好味!!!冇諗過係香港都食到咁好味既香蕉薄餅
2.牛肉卷 - 不過不失,都算幾好味
3.串燒羊肉 - 麻麻地

我一定會再返去食個個香蕉薄餅!!!

一心想吃萬家燒的蘿蔔酥....但未出爐, 於是行下行下經過此處, 沒有人, 便叫了個魚肉薄餅, $12, 見他由架上拿了已煎好的再翻煎, 心已覺不妙, 只見爐上油很光亮...., 唔怪得之用紙袋入完要再加上一個膠袋!

一口咬下....咀唇搽了一層油, 再咬一口餡料....太鹹的, 咖哩肉醬, Oh no...實在吃不下去, 好浪費下掉了! 不知是我選擇餡料錯誤還是選錯了時間, 但任由廚師說多少句靚女, 也不會再浪費金錢嘗試了!

不是講笑，女孩子們，買薄餅的時候真的要當心！當其熱情好客也罷，但我是接受不來。

講返食物，叫了最具代表性的羊肉烤餅，似印度咖喱多些，惹味但不是很辣。羊肉肉松沒有羊肉的膻香，餅身又太油，吃完有點反胃。

聞起來確是噴香，吃下去卻不太有驚喜，而且大叔又“盛情難卻”，小妹還是躲開一點為好…

寫到第五站了 ~ 哈哈 ~ 其實個胃就冇咁大既 capacity，呢個係補返之前既食評而已。不過，我見佢都係在登打士街附近，咪 group 埋入去「掃街記」內囉。

十五蚊一大塊羊肉簿餅 ~ 感覺上似印度式簿餅多 d ，所以唔係好明點解佢叫新疆回族。講返佢個簿餅先，熱辣辣咁上，香噴噴。而個簿餅個粉糰本身都搓得好，所以個皮簿得黎都好彈牙 ~ 而且佢又唔會有過重既牛油味，very good﹗至於咖喱羊肉都係好香，但略嫌咸左少少。咖喱味蓋過了羊既羶味... 或許係好事，但佢連羊本身既味度都蓋過了 ~ 有點唔似羊肉囉。

不過，整體來說，佢既咖喱味道好香濃.. 再加上個簿餅本身整得好，所以值得比笑面。第日會再去試佢 d 小食或者飯。

行登打士街的確好多小食店.
哩間食curry既未試過, 今次就試試啦

見到佢出名放左d 咖哩角咁既野
問佢係咩黎, 佢都話係咖哩角, $6 既係雜菜, $7 既佢話有肉
咁我就要左個有肉既角, 比$7佢, 佢比返$1 我...?

加左pat 綠色既... 唔知咩汁比我, 睇落好似唔錯咁
食落...凍既. 層皮唔夠脆, 少少硬
入面既咸都凍了. d curry 一舊舊好粉. 食到d 薯仔, 都好林
成個咸都好粉, 冇乜野咬.
愈食覺得有種好烏嘈既感覺... 諗下佢點整, 加埋o個pat 咖哩咸....

阿叉... 又話有肉既.......... 唔怪得你找返$1 比我啦
不過可能回族就係食埋d 咁既野... 唔清楚啦哩層

岩岩上黎睇先知哩間野係出名食薄餅.. 唉, 又係自己叫錯野
算啦, $6 嗻... 豪比佢啦

呢個間係我屋企附近
不過咁耐都無食過
今日終於買左個羊肉薄餅返屋企試下啦

都幾大份
我一個人食覺得好夠
不過係凍左少少
同埋個皮再薄d會好d

雖然你唔係好食得出係羊肉
但個味道好吸引
你食完一啖會吸引你想繼續食落去
同埋都幾多料
不過我個人唔係好食得辣
所以都覺得辣左少少

同埋唔知點解食食下個薄餅入面會有骨既?? 好驚><

下次都有機會再買過黎食既

明明係正宗印度菜,整乜鬼個招牌叫新疆回族薄餅店呢? 英文都唔係咁叫既, 肯定比招牌佬整估, 亂安個九唔搭八既名比佢老細

講番食評. 有次經過門口已經被佢地d食物吸引,今次醒起咪食晏時間落去買外賣. 必試既當然係samosa同我至愛既tandori chicken啦.

好感動samosa係自己搓粉做咖. 上星期同朋友去重慶大厦果間只係用我地廣東春卷皮包,幾鬼無誠意呀. 呢間舖仔仲忠於傳統,真係令人感動! 我試咗羊肉同什菜, 兩種都好好味, 皮又厚薄適中.

隻tandori雞鎚真係有驚喜. 味道同我係印度食既一樣,好香香料味. 雞肉仲估唔到咁嫩滑喎. 自從係印度食過,返香港咁耐未試過食到間可以做到d雞肉係唔'鞋'既.

另外叫咗個plain薄餅因為佢話無洋蔥. 原先以為可以叫佢跟d咖哩汁,點知佢話無喎. 惟有乾爭爭食囉. 如果可以用多少少牛油搓同做薄d, 會好味好多. 而家略嫌唔夠油酥.

之前一心想試下呢間薄餅店
但唔多知佢實際位置o係邊
今日個frd想睇打war game d配件
我同男朋友陪佢去
見到呢間野o個時好驚喜
原來只係o係好景行過少少
我地三個人叫左個羊肉薄餅share
見佢係拎件已經整好左ge再煎幾下..
拎到上手隔住兩個袋都好熱
我地叫佢地cut開三份..d工作人員都好樂意
咬落去軟熟
d咖哩免治羊肉其實唔係幾食得出係羊肉
但d咖哩幾濃味
食完三份一件都飽飽地
呢度一定有下次
下次我要試下芝士薄餅

「新疆回族」這個名字甚具民族特色，賣的總是咖喱和惹味小食，可是從舖子裡的擺設可以推測經營者都是印度裔人士，應該跟新疆或回族沒有甚麼關係。

我向來都嗜吃咖喱和羊肉，就買了一件羊肉薄餅和一客咖喱羊肉飯。

羊肉薄餅換句話說就是薄餅上塗上咖喱汁和羊肉碎，把餅摺疊起來就行了。餅帶著香郁的咖喱味道，彷彿叫你多吃幾口，惹味得很。每件餅只賣$12，連價錢都很吸引。

咖喱羊肉飯的咖喱較多辣椒油，但香辣程度不太厲害，一般人都應該吃得下。羊肉的質素普通，似乎經過冷藏後流失很多羊肉精華，附在肉上的骨頭略嫌偏大，吃的時候覺得不暢快。可是整個飯盒惹味得很，咖喱汁倒在白飯上已經教我心滿意足。

舖子標註賣的是「Halal Food」（符合伊斯蘭教教義的食物），可是還沒有取得伊斯蘭組織的「清真認證標誌」，教胞們不妨仔細查證才光顧。對於我來說，有沒有「清真認證標誌」都不是問題，照吃可也。

星期六終於可以食到d個印度餅餅la!~
記得之前有一檔係開0係肥姐小食隔離...
唔知lei檔係咪即係0個檔lei!~...
以前食由於份量都幾大...
所以今次同男友share食0既..
我0地驚羊肉唔知會唔會太so..
所以食雞肉薄餅...
即叫即整ga!~
好快就ok la!~
一上手..好熱呀...辣手呀...
等陣先食..10分鐘後...仲係好熱呀..但入到口la!~...
一入口..係呢種味la!~好耐冇食0既印度餅呀..yummy~
d涵好多呀...正呀!~
好想再食...好野味...
價錢算幾底...

今日行旺角，突然覺得有啲肚餓，所以諗住去去好景個面睇下有啲咩好食。行到不遠，見到有間全部都係印巴藉人的薄餅舖，其實呢間舖知道好耐，但係一來門面唔吸引，二來就真係唔好就腳，所以，一直都無去試過。

一行到去，見到全部都係印巴藉人，諗緊使唔使出動我啲唔見得人O既英文時候。個印巴藉人就用廣東話講「靚仔靚女，想食啲咩呀？」個心立即定晒，原來佢識講廣東話。

我同女朋友就叫咗一塊咖喱羊肉薄餅同三件咖喱角。一分鐘都唔使，一塊熱辣辣嘅咖喱薄餅己經到手。而個三件咖喱角就反而唔熱，因為擺得好耐。

咖喱角，買錯咗啦~~~~~其實本來唔係想買咁細件O既咖喱角，而係想買beef samosa的。凍冰冰的咖喱，加上因為買錯咗嘅失落感，所以令到件咖喱角更加唔好食。個皮因為凍咗所以唔夠脆，而個餡就唔係太夠味咁。雖然有綠色的醬，但係都唔可以補返咖喱角啲味。

咖喱羊肉薄餅，就同個咖喱角有天壤之別。個薄餅熱辣辣，隔住兩個袋都有種燙手的感覺。一打開，就聞到薄餅嘅香味。首先係餅皮，餅皮唔會煎得太乾，有返薄餅應有的口感，而且因為唔係微波爐翻叮，所以啲水份無流失到，個皮好好食。咖喱羊肉餡，如果只係食個餡，就會覺得個餡太辣，但係如果加埋啲餅皮黎食。就會覺得兩者夾得好好，啲味恰到好處。唔會太辣亦都唔會太淡。好食，而且以十二蚊個價錢黎講，絕對係超值。

如果出到旺角，唔想去排薯條又或者食厭咗肥媽。其實，呢間薄餅真係唔錯嘅選擇。

女朋友仲話, 下次要坐底係到食。