朋友同我地講係tae time有6折既壽司食....咁我地就一行4人一齊去食...
估唔到比想像中咁多人同咁多野食咁新鮮...
佢地last call係17:30....因為再有個朋友遲左黎...
我地過左last call 再叫野食....
佢地都冇話我地...仲比返tea time 價錢.....
當然我地唔係過左好多啦~
最後我地每位都係$130~
一個字.......抵!!!

第一次寫,,寫得唔好..唔好見怪
成日上openrice得個睇字..忽然想享下

第一間首選「金水壽司」
第一次朋友介紹去食下午茶..以為食壽司一定貴到嚇死人

點知食左個金水拉麵再追加辣味三文魚手卷,,都係30蚊有找
之後每個月都會同男朋友食一次「金水大餐」

可惜一到9點半左右..門口就出現一大班一龍..開始排隊
不過無辦法啦,,鬼叫大年又抵食咩...
有時間又有男朋友仔陪住等..都制得過,,但係自己一個食or同客食就免啦
尖咀果間門口對住馬路..
上次我去,,仲整路添-_-未食就成面塵!!!!

如果唔怕遠同要過海「銅鑼灣金水」真係好好多!!
仲有個大魚缸添

必叫::
火灸三文魚...正!!!!!

刺身沙津...個汁怪怪地

辣味三文魚手卷..辣得野味..

今日和友人去食金水的六折TEA
不過記得之前係5折, 都OK啦~

主攻
三文魚壽司($10): 都OK, 三文魚都唔會太細.. 呢個價錢算係甘啦
玉子壽司($10): 好食~ 玉子甜甜地~ 幾大件..
八爪魚壽司($10): 唔錯, 都幾新鮮
墨魚壽司($10): OK
京蔥三文魚壽司($13): OK
火灸三文魚壽司($17): 唔係好得~ 冇乜魚味, 唔抵食
火炙蟹棒壽司($17): 好正呀~ 火灸後的沙律醬微焦的..好香..
海膽軍艦($26): 一流, 海膽好鮮甜..
金水拉麵($40): 麻麻地~ D拉面太淋, 完全唔彈牙, 配料就OK

2個人叫左12碟, 全單6折後都係$134

好耐無去金水，下午茶同宵夜半價優惠變左做六折……

因為閒日既關係，所以無乜人，三點先派籌入座。壽司叫左三文魚、帆立貝、油甘魚、剣魚、秋刀魚、鯛魚、火炙三文魚、火炙鰻魚、火炙蟹棒、火炙海膽，另外仲叫左一客炸雞軟骨同一個九洲拉麵。三文魚壽司一黎到即比佢嚇左嚇，乜件三文魚壽司縮水縮到咁，又窄又長，塊三文魚又薄，飯團又少，係普通三文魚壽司既一半！其他壽司既飯團都縮左一半size，真係好失望。

最愛的三文魚壽司唔單止縮水，仲唔夠新鮮，帆立貝大粒又夠鮮味，但就不夠甜。油甘魚、劍魚、秋刀魚表現普普通通，係鯛魚幾爽口同大舊。至於火炙系列，三文魚木身不夠鮮味，再加上不夠肥美，燒完沒有甘香油脂流出，只是普通半生熟三文魚而已。鰻魚幾好，魚味很濃而且肉感爽口彈牙；蟹棒都保持到水準，好喜歡在上面的沙律醬。

炸雞軟骨好香口，加上本身有咬口，一向都好鍾意，不過感覺到因為用左生洋蔥做醃料的關係，有某幾粒令人有食左wasabi的反胃感。九洲拉麵好大碗，不過麵煮得實在太淋，一pat野咁，完全唔彈牙，叉燒又唔知點解係甜唔係鹹既，仲好硬身，雖然$38原價x6折呢個份量係好抵食，但完全唔建議。

金水真係退步左好多，昔日鮮甜抵食的金水已經不再了，如果下次無改善的話就唔會再幫襯，畢竟今時今日係香港要食平少少又有質素既壽司仲有好多選擇。

同事帶我地去金水食lunch, 之後只係食過一次tea time, 印象唔錯。
今日lunch 一人一定食, 價錢35-60都有~
我叫左個最平既$35, 壽司烏冬定食, 有5件壽司, 一碗烏冬。
以為只有d 腐皮壽司/甜蛋壽司, 原來有2件三文魚, 一件蟹棒, 一件魷魚, 全部都好新鮮!讚。
碗x燒烏冬比想像中大, 唔係迷你size, 有2塊x燒, 不過好似煲完湯既瘦肉。
另外仲有一小碟螺肉。所以食到超飽, 都係$35, 唔洗加一, 好鬼抵!
朋友食其他定食, 個樣都唔差, 佢地d 餐仲多左麵豉湯~gdgdgd~~
不過個到無咩order 台, 多數係迴轉既, 所以我地多人都要迫住坐迴轉,傾唔到計~
個到d service 都好好, 好有禮貌。讚!

趁放假同friend食下壽司，見價錢ok就試下金水

款式都係壽司呀、刺身呀、軍艦之類，叫左個刺身拼盤，百零蚊有三文魚、吞拿魚、魷魚、八爪魚同蝦，算幾抵食，但係d刺身就明顯唔算好新鮮

另外叫左d串燒、炒麵，普普通通無乜點，仲有紙包火鍋，第一次食都幾得意，味道材料嗰d都係中規中矩啦~

總括黎講間野計番價錢同地點都算ok ge，同埋d侍應服務都好好^^

好唔好食又睇落去特別篇: 全港二十間迴轉壽司拖羅大戰全紀錄! 第十五位金水壽司

http://hk.myblog.yahoo.com/goodboy_philip/article?mid=33967


第十五位金水壽司: 賣相一流...一食落去, 犯了回轉壽司大忌! 因為涷得好緊要...望一望個 menu, 中定大拖羅? 無寫...以筋位分佈, 酸脂味道, 溶化速度...係蛇腹大拖羅...

25-10-09

晚上跟友人到尖沙咀, 在大家都想食平日本野的時候, 大家都想到食金水
因為識人, 今餐都好抵, 送了沙律和飲品
我們吃了:
1. 芒果牛油果沙律
2. 蟹籽沙律
3. 4件三文魚
4. 2件希靈魚
5. 四色壽司
6. $69元刺身 (三文魚, 甜蝦, 希靈魚, 帶子各2件)
7. 唔知什麼炸蝦卷
8. 炸軟殼蟹天婦羅
9. 白桃果汁酒和波子汔水各一支

由於可能係送的關係, 沙律份量少左d, 不過都好好食, 基本係全晚之冠
三文魚冇咩味, 元氣的最好食
希靈魚好食, 同平時食的水準差不多
基本上壽司和刺身的質素很一般
而個炸蝦卷都幾得意, 幾好味, 不過份量都係細左d~
炸軟殼蟹天婦羅咁食法不是太好味, 如果係當手卷或沙律, 可能會好食好多~

2人=$206
食左咁多野, 都真係好抵!

行行下肚餓...見金水又有折...同d fd去左食,...
d麵一般,好淋,,,,,平野係咁..
我食果個金水拉麵..d chicken炸到蕉哂.....==
之後有個fd黎左同正價食,,,d麵味道唔同左,,係好食左...
又食左3文魚....都ok..

男友生日，原本請他吃buffet，他不吃；
吃＜和民＞，他記得那間又結了業；
他一身是汗，不願再走再找，結果隨便走入去＜金水＞。

本小姐最愛魚生壽司，所以吃盡港九新界日本菜，以致大有心得及至愛壽司店。
這間壽司不算差，都算新鮮，不過未算很好味，價錢與一般壽司店差不多，但值得一試。

睇<<紅玫瑰與白玫瑰>>之前去金水食野,經過上次0係CWB試味後,今次叫左以下食物:
海鮮大阪燒:上次已經想點，今次終於叫左比起其他野，呢樣要等比較耐，因為即整，上枱熱辣辣，辣到燙口，good！有Ｄ似厚薄撐，好好味！下次必點！
三文魚海膽花之卷:我都係覺得蟹籽花之卷好味Ｄ，三文魚夾海膽好怪
火炙四重奏:$24/4件，有鰻魚，蟹棒，三文魚同蝦，火炙比較乾，無左鮮味，除左鰻魚，其他一般～
三文魚加州卷:CWB好似面個塊三文魚刺身大件Ｄ～
三文魚軟瞉蟹卷:又係CWB塊三文魚大塊Ｄ～
三文魚刺身:ＯＫ
厚燒玉子壽司:我最愛，永遠keep到水準～
三文魚壽司:普通～
原個南瓜雪糕:係個結冰的南瓜入面有雪糕！好得意！不過雪糕無乜南瓜味，似比較甜的vanilla，不過都幾好味！cwb無呢樣野架
TST人多，上菜速度超快（因為想趕你走），不過我地趕時間，所以都唔mind，waiter比較生手，不過勝在夠nice，都唔會扣分～而且TST多野食過CWB，如果唔係因為TST遠，我都想幫襯TST多Ｄ～

兩年半前第一次食金水壽司 ........ 當時見夜晚 10 點後做半價就試下, 一試難忘, 之後成日食

可惜後來太多人, 無心機等, 正價又覺得唔抵食, 所以已經一段時間無食 ...... 咁岩今晚因為掛住 shopping 行夜 o左, 差不多 11 點先食飯, 原本打算去試 o既餐廳都收工 lu, 諗唔到食咩, 再加上同行 o既朋友仔又係 sushi o既 super fan, 去睇下食唔食到金水先

嘩 !~~~ 去到竟然無人等, 即刻入得, 仲以為無 o左半價優惠 ....... 太 Good la, 唔駛諗 la, 行到咁肚餓, 快 d 入去叫 o野食先!~


鵝肝壽司 --- 係我食過眾多鵝肝壽司中整得最好味 o既, 唔會太熟, 又夠厚 ...... 感受到鵝肝帶比我 o個種脂肪 o既豐富感覺, 而且半價 o左好抵食, 加埋一都係 $20 一件, 好 good ar ~~ Yeah

芒果牛油果沙律 --- 無得解, 本身好鍾意食 salad

和牛壽司 --- 壽司面以切到好薄 o既蔥頭作點綴, 本身蔥頭個味無咁濃, 夾埋一齊食, 增加爽口感覺之餘, 唔會蓋過和牛本身 o既味, 比一般以蒜蓉放面好

火焰海膽壽司 --- 海膽算新鮮, 呢度火焰系列 o既壽司都唔錯

呢幾樣係我每次都一定點 o既 o野!!


基本上大部份壽司都新鮮, 所以好味 ...... 不過, 呢度 o既熱盤就麻麻, 尢其係拉麵, 食過幾次, 次次個麵底出到 o黎都林哂

金水壽司 ..... 仍然係我最愛 o既壽司店

我係常客~通常去金水咁多人~都唔揀半價先食~
個晚同幾個朋友去食飯,之後去到金水~個時差唔多9點,D人就排定半價
我地次次去親都食一大碟刺身,三文魚新鮮~但可以再厚D就好~赤貝爽口~
9.30後~開始半價~好快成場都係人~平可能食唔出佢地既質數

同友人勁度肚餓, 見到呢間唔洗排隊, 曾經聽朋友講唔好食架啦, 無理, 太肚餓所以行左入去, 點知.....
我地都係叫下d standard野, 三文魚呀, 甜蝦, 帶子等等, d壽司飯無醋未, 上面d料就普普通通, 不過呢個都唔係重點..

話說我地叫左個一人前刺身盛合, 張卡聲稱有三文魚2件, 吞拿魚2件, 鱆紅魚2件, 帆立貝2件, 甜蝦2隻, 落order果陣, waitress 話無吞拿魚, 可以轉要多2舊以上講幾是但一樣, 但係唔可以揀帆立貝, 下? 依家你無, 仲要人唔可以揀帆立貝, 咁都算, 因為佢預先講, 咁有個人選擇唔要既, 我地揀左要多2隻蝦啦唯有!

兜野黎到, 我搵唔到2件帆立貝喎, 我見到係一件切開左兩半, 咁我地以為佢俾少件啦, 只問個waitress 好似差一件喎, 點知個waitress話"係咁架啦, 無爭", 咁我地拎住張卡問, "呢度寫2件喎", 佢話"呢度係2件呀", 我地話"呢度係一件切開兩半喎", 佢話, "哦.. 呢個係一人前既剌身, suppose 係一個人食既, 所以其實係一隻, 切開2件咁解, 你睇下幅圖都係咁"

我地真係啞左囉, 咁你不如一隻蝦切開一半當2隻啦~ 同埋關咩一人前事啫, 好取巧囉!!!

本來想去langham"
不過full左,,行下行下,,行左落金水"
所以試試"
2人食-3-"食左$449,,
服務不俗..我的朋友好豪甘比左$10 TIPS"
個侍應都呆左=口="


我地食左
海膽+芝士焗蠔 $98-
海膽第1次食..佢有埋紫菜送黎食 ,,
個芝士同個蠔d咋就好似分開甘,,麻麻地..
不過個蠔應該係即叫即焗"一拎到埋黎,,我掂左落個殼到,,點知辣親..

壽司併盤 $24-
有1件有沙律+1件冇沙律既半柴3文魚,,1件蟹肉+1件鰻魚"
我覺得當中3文魚係最好食的,,

雜菜海鮮炒拉面 $38-
聞到覺得好漏"但係我個fd食晒成個之後仲可以食其他=口="\


和牛壽司 $36 /1件-
和牛好薄,,唔抵食"
不過食之前記得食塊酸薑清下口入面其他野食既咋先好食..
如果唔咪就食唔到真正既味架啦-3-"


燒冬菇串" $16 / 2件-
第一啖食落覺得好似好咸甘,,但開似再食落,,其實係好香好似冇落調味料既原味冬菇,,


仲有正爆的南瓜雪糕 $49
佢menu寫住呢個雪糕o係果到好人氣..同埋真係好好味"
係日本搭飛機反黎的,,唔抵食都要試,,



墨魚筒 $$??唔記得左幾銀"
墨魚筒入面冇饀,,個墨魚係咸咸的+鰻魚汁,,簡直係好咸,,
我食左3舊停了,,不過我fd子就好似好中意甘,,
係甘食,,哈哈,,見人見智啦~



仲有食左其他回轉壽司,,冇咩覺得應該介紹的,,
因為味道唔特別"