昨晚約了媽咪同家姐去試食一間日本放題, 就係銅鑼灣郎田啦! 我們訂了7點5位, 一入郎田發覺座位差不多滿了, 好彩我們一早已訂位! 坐下便立刻搵點菜紙, Wa, 有成7-8幾張點菜紙, 款式簡直多過我先前食過嘅放題, 而且飲料也很多, 起碼8-10款, 還有我老公喜愛的ASAHI, 已值得讚!

由7點食到9:15分, 都不過係HKD185/pp, 環境跟食物簡直冇得彈！本人推介的有三文魚（超肥美又香），牛柳粒（超軟熟），Tempura也是一流（最可口是炸蝦和蠔），另外有最拿手的串燒有燒粟米（有爆谷味香），雞軟骨，雞肉串，燒大腸，多春魚等，還有我最喜愛的羊排等等，加埋甜品嘅Ice-Cream（有５款選擇），簡直係完美嘅一餐！這家放題食店，老板真係照顧周到！食物方面太多選擇了，不能盡錄！

相信好快再食而且會介紹給識食嘅朋友，因為食物確係太美味了！

放飯就去搵野食啦. 揀左lee間, 真係超級後悔
我同我friend兩個人, 入到去, 我要求座卡位
冇, LUNCH TIME要留返俾人WOR... OK
一份牛柳粒, 一份軟殼蟹手卷
一碗地獄雜菜烏冬和一碗豬軟骨烏冬

我的天!!! 極到難食
軟殼蟹手卷---------紫菜濕的, 兩件加埋都冇一隻蟹
烏冬仲衰, 仲要係衰到貼地
真係唔知係咩烏冬, 扁身的, 食落好似去左食擔擔麵咁

冇下次!!!!! 服務差之餘又要+1.. 好唔抵
四十幾蚊, 銅鑼灣有更好的選擇

一個好肚餓的晚上.... 諗住食d好d gala
點知真係好鬼難食! 仲要收人$169 再加一!
壽司最差, 帶子, 火焰芝士蝦壽司以為ok啦, 點知真係好難食!
刺身都ok ge... 馬刀貝同三文魚都幾好
天婦羅好厚皮, 拉麵好難食! 其他熟食一般般啦...

食到好飽, 不過都係得d刺身ok...

坐得都ok~ 裝修最好
服務麻麻地... 得好少waiters, 又睇唔到我地
要揚黎揚去佢地先見到
埋單唔俾tips又"多謝"都無句

我之前喺銅鑼灣食過一次，嗰次都ｏｋ．今次去咗奧海城嗰間食宵夜時段，ｄ嘢完全唔可以放入口！個門口勁簡陋 , 我仲以為去咗d屋村餐廳 !

1. 拉麵極鹹! 食咗一啖冇食過!
2. 壽司硬過石頭!
3. 個翅淡到同水冇分別 !
4. d串燒得個樣 , 冇味 !
5. 炸物如同食炸粉!
6. 魚生唔新鮮!

D服務態度超差......D員工見我地叫得多嘢食就眼啤啤, 你叫得做放題, 就任食架啦, 唔比人嗌嘢架 ? 我地都有5個人, 佢都有限我地每次叫幾多嘢 , 我地都食完先再叫 , 咁都要啤???
9:30開始-11:30, 但係10:30 last order , 得一個鐘頭比人叫嘢食 , 離譜!!!!

我以後都唔會去依間嘢食 , 請我都唔會去 !!!! 大家唔好比佢賣廣告d相呃到 !!!!!!
　　

係我人生第二次食放題最差架........

被廣告呃了@@

刺身非常款少 不過都算ok啦 豬軟骨d汁好怪 雞皇翅味道連街邊既碗仔翅都不如

燈光又暗 環境又嘈

飲品唔錯既 不過價錢貴呢.......

好唔抵呀!

我唔會再去食.......................咁既價錢我食其他都得啦!

約了友人一同到這間日本放題食晚飯.

事前有一個小插曲, 就是我朋友下午已打了電話來預約, 但去到時接待的竟找不到我們的預約. 結果, 本來8時的約會, 就變成9時半才開始(男知客本叫我們9時入席, 但9時半的宵夜時間比9點平$60/每位喎!!!! 他竟沒有提到這點. 好彩我們醒目發現有這$60的分別. 這知客真為公司.)

好不容易地, 等了一個鐘, 到了9時半, 我們排隊入場了(真不知預約對郎田有甚仍麼作用, 又咪係要排, 又咪係要等).

坐下來, 因等了這麼久, 二話不說, 即時點菜!

來吃日本嘢, 當然不少得吃壽司啦. 第一個來的布有八爪魚鬚, 帶子, 熟蝦等...
全都乾爭爭的(如圖)

接著, 試試刺身啦, 看圖, 吞拿魚幾塊一齊. 不知餐廳用的刺身刀時否沒錢磨利呢?

我們不是不給別人機會的. 好, 再給他們一個機會, 再叫一個甜蝦壽司試試.

說時慢那是快, 甜蝦壽司................................................................全人類嘩然: 「嘩!!! 我們有叫蝌蚪壽司嗎?」為什麼甜蝦會細得像蝌蚪一樣, 竟可以用來給客人吃! 你們看了圖, 還想再吃嗎?

經過多次嘗試後, 我們真得心灰意冷. 不敢再放這些東西落肚了.

真得不會再到這間東西將『這些東西』放入肚裡. 我怕要入醫院呢..

已經第二次黎這兒食dinner buffet了, 一直不喜歡到非酒店食市食buffet, 但老公貪這兒就腳又可以任食日本野, 我就勉為其難再陪他到此食晚餐了.

七點去到, 剛巧有最後一張吧枱, 店員清楚解釋每人$159+10%任食任飲2小時, 再包1客綠茶雪糕. 上次的經驗是漏單的情況頗嚴重, 所以今次我地一下子點晒自己想食的東西, 心想這樣必定有足夠的時間慢慢追回漏單.

落單2分鐘之內, 已端上刺身, 三文魚, 吞拿魚及劍魚刺身都是厚切, 雖然不是肥美, 但也非常新鮮. 比上次好好多.

中華沙律普普通通, 而蟹籽沙律好味, 必食

老公點的翅賣相也不錯, 我最怕做殺鯊兇手, 明知這兒不會有真翅食, 所以試了一口, 味道不錯, 很多料, 而且頗大碗, 如果一個人飲晒都會幾飽下.

我點的蕎麥麵也真是冰凍, 食後很舒服, 麵質也算爽口彈牙, 不錯.

鵝肝雞件找來找去也找不到鵝肝, 原來鵝肝煮成汁, 這個是全晚最難食, 雞件淋巴巴, 無雞味, 很削.

店全唯一一款疏菜類是炒雜菜, 也是以椰菜為主, 味道不過不失.

火炙壽司的三文魚, 甜蝦及劍魚也不錯, 加上沙律醬或芥辣醬, 很醒胃, 感覺清新.

天婦羅中我地點了蕃薯及南瓜, 雖然炸粉略為厚, 但是炸功頗了得, 上枱時沒半點油, 蕃薯及南瓜都很甜, 我們很喜歡這個.

串燒點了雞串及燒蕃薯, 這兩個很普通, 可以不吃; 另外我們見到很多枱都點了燒羊脾, 燒得好靚仔下, 我估應該幾好味.

章魚燒一客3粒, 食唔到章魚粒, 太淋了, 不好食.

蟹粥必叫, 鮮味又夠濃, 份量頗多, 一煲約4碗, 1個人一定食唔晒.

牛油果軟殼蟹手卷及鰻魚手卷不錯, 比壽司好味好多.

壽司點了鰻魚, 吞拿魚, 三文魚, 劍魚, 甜蝦, 油甘魚及腐皮, 魚雖然不肥美, 不過尚算新鮮, 飯的份量也很少, 壽司食多幾件都唔會食到飽晒.

蒜香牛柳粒炒得不錯, 很野味, 老公全晚最喜歡這個.

燒三文魚頭及骨, 我很喜歡這個, 燒得不錯, 沒有魚鯹味, 可惜鹽不夠, 唯有落多d檸檬汁, 這個必食.

秋刀魚能吃的部份也算多, 差唔多可以吃到2/3條, 不錯, 如果再燒得燶點就更好.

飲品方面有綠茶, 汽水, 日本啤酒Asahi等等都可以任飲的, Asahi在港售賣價錢也頗貴, 鍾意飲啤酒的, 就更加祗了.

只不過一半的時間 (1小時), 我跟老公已迅速地食飽了, 最後食完綠茶雪糕, 埋單走人.

個人覺得今次服務好了好多, 食物上枱時間很快, 約15分鐘通常都到齊了, 而且今晚我們沒有漏單情況出現, 祗讚. 眼見隔離枱要追食物, 店員都馬上行動去吧枱追, 吧枱的廚師會立刻回覆是否有單, 有單未做的會即刻做, 如果張單唔見左, 又會叫店員請客人補單, 跟著就馬上做回給客人, 無論店員或廚師都很落力serve客人, 這種服務態度實在好.

話雖如此, 這兒的食物質素差, 若每人拎$180去其他食店食刺身壽司, 一定會比這兒好. 雖然食物差, 到我們埋單走人時, 約晚上八點半, 門口也站满等位的客人, 約有2x人, 估不到這樣的餐廳也可以殺出一條血路.

星期六晚 , 同幾個 同學慶祝生日 . . . .
D 魚生唔新鮮 , 熟食又唔好食 . . . 蟹粥D蟹係 "梅" 架 . ..
仲有 . . . 小丸子 . . . 好難食 . . .
全場比較正常 , 係串燒 . . . 其他野 唔好提
不過 , 有樣野都值得讚下佢 , 我地 order 左既野 , 佢都會來足 (有 90%以上)
唔會漏單 , 呢樣野就好過好多地方既日本放題. . .

不過. .又貴又難食 . . . . 真係唔知想點. . . 好肉痛

一年前來過，覺得很多東西吃，食物也不錯。
再來吃之前兩天吃了set lunch，也覺得挺好啦。

於是放心光顧晚上的放題，
結果極之後悔！

少了很多食物就算了，剩下食物的水準極差！

魚生類極難食，象拔蚌又難咬
三文魚/花之戀口感極差！(記得一年前吃是很好吃的)
金菇肥牛的牛又硬又乾，咬不開！
穩穩陣陣點串燒類，卻食之無味，又硬又乾！
唯一食得的是蝦天婦羅，不過只是「能接受」的程度！
甚麼也吃不下就花了$168+$10+10%!!

去吃之前見大家都評負分，心想你們也太harsh了吧？不過自己中招後也忍不住上來扣個分，叫大家不要去！

食番夠本，俾左百幾蚊
食魚生食番夠本
服務OK拉，又冇講到咁差者
最緊要系低啦
咩都有得食
小時食又多款，有雞翼餃子串燒章魚
都算幾齊款
另外飲多佢幾杯啤酒汽水
食多個蟹（x），咁又翻番本拉
我下次會再黎噶
可以再食過嘛。。。~！

14/4,放假約埋朋友出唻食飯,想食日本菜,諗唔到食乜,決定食放題,7:30左右到達,一去到立刻睇ORDER紙有咩食,唔對路,少左好多選擇,照食啦,壽司剌身Keep到一年前水準(唔太好食,但都唔係好差)到和食啦,燒雞翼及羊扒,好食,其他就把鬼,牛油炒什菌,大量金菇,無乜牛油味,蟹粥,普通,除咗用曰本米,成個粥同中式嗰啲差唔多,甜薯及南瓜天婦籮,啲粉好厚,日式炸豆腐,OK,八爪魚小丸子,仲衰過街邊整定嗰啲,蚧籽沙律,好多菜,無乜蚧籽,綠茶,無味,吉列生蠔,好大隻(啲炸粉)蠔都唔知有無半隻,好快過左個半鐘,收銀姐姐衝埋唻同我朋友講LastOrder,我朋友話等一等因為有一個出咗門口食煙,個收銀姐姐好唔耐煩咁講要快,因任食有限時兩個鐘,呢個時候食煙朋友返入唻,收銀姐姐再好唔耐煩咁講LastOrder,朋友就話唔須要,收銀姐姐砰砰碰碰咁收晒ORDER紙,連支筆都收埋,(使唔使呀)跟住上甜品,4杯雪糕上枱,朋友問咩味,就叫個Waitress問,對話內容如下,(我哋:呢4個咩味?W:甜品囉!我哋:咁即係咩味?W:雪糕囉!我哋:咁究竟係咩味?W:得一隻味!無得揀!我哋:我夠知得一隻味啦,咁即係乜味呀?!W:豆腐)嘩有無犒錯?一早你答我豆腐咪得囉,埋單走,老細及員工究竟知唔知做緊日本餐呢?點解可以咁無禮貌?茶餐廳啲服務都好過佢

禁日去左呢間野食任食，因為諗住佢百零蚊咪試下。
一坐低就叫左d壽司呀刺身咁，有三文魚，吞那魚果d喇，
你叫幾多佢比幾多，呢樣唔錯
BUT，質量唔係好掂，d刺身麻麻地新鮮

之後叫左d串燒，不過等左都幾耐下，我問個waiter佢仲唔好態度地話：
"串燒係要等哈架喇"
... ...好我等，黎到有d牛俐超厚，同埋d蝦我諗有d未熟d透!!!

最離譜係呢個炸生蠔，成舊都係麵粉!!! 我整開d麵粉，成舊野得1% 係蠔!!!
我都有同個waiter講，but 我無叫佢比個另一碟我lu

d service又係麻麻，d侍應永遠都唔望高個頭，又我大叫佢地先埋黎

佢地最快係埋單，叫左唔夠1 min，將單就到

老實說,整體的感覺不太良好
大部份食物的調味料都有點過份

我個人較好串燒,
然而卻大都以鹹味或辣味為主,
失卻了其本身的味道
如串燒雞翼入口只是大量的鹽味及少許香口的感覺
不覺原來雞翼之真味,調味卻反客為主成了主角

另外,我亦點了一客炒雜菜,也吃了炒菌,
也發現同一個問題:有點畫蛇添足地加了黑椒
這都掩蓋了原來的味道吧

天婦羅及炸物也過得去
但之前也有人提出了,
炸豆腐及一些天婦羅被浸上了醬油,
導致口感稍遜,
其實兩者分開上應該會更好

食物選擇不多(不過我是宵夜時段)
但價格確實相宜

最後一點是綠茶要不斷落order換新而非店員加茶,
固然與食物美味程度無關,但還是有點不環保吧?

服務no good! walk in 仲快過booking!
魚生唔新鮮,勁幼象拔蛘
燒chicken wing冇味
燒蕃薯苦,芝麻chicken wing okay!
去食日本放題,刺生最緊要!咁基本嘅都做唔到,不如唔好做!!!

之前冇睇清楚"何解非會員及只有極少食評的都讚好"呢個疑點,就黎左試,點知真係鑄成大錯,俾幾舊水,冇野好食,服務差.

本來已經食完好火,睇番d食評仲火,例如前篇有個叫小友的非會員食家提到:
"有人批評食物份量太小，但一來這兒是任叫的" -> ok當你講得通,不過d壽司真係飯大大,片刺身細細囉,驚大家吃不飽吧?

"二來也可以供食客先試小量，覺得美味再叫" - > 所以基乎無野需要再叫過,特別係d刺身壽司;個人認為只得炸豆腐,同部份串燒(如雞翼)比較可接受.

"有人批評這兒服務差，但我卻認為完全相反" - > 我唔敢話個個侍應都好差,不過帶位果個d態度就真係不敢恭維.

"如果你猶疑不決應否來此，我認為親身來體驗還是比較好的" - > 唉............所以落得如斯下場........



基本上,野食真係相當麻麻,刺身唔新鮮,壽司成日做到爛爛地,係熟食比較可取一點.
埋單幾百蚊,加左一,小弟唔知近排係咪咁黑,試親都冇乜邊間有好結果,希望呢次寶貴ge幾百蚊經驗+時間可以貢獻俾OP其他食家..............

我唔敢講個個非會員or少食評就係吹水,只不過咁岩發生向同一間餐廳咁多次,自己仲要中左招,真係覺得要企出理等大家評評理.