很久没有到這裡吃飯，因天氣的關係，很想吃一吃煲仔飯，故特意過來一吃。

點了:
油鴨排骨煲仔飯(再加我的至愛潤腸),煲仔飯是令我比較吃得多飯，很愛吃。
金銀蛋白菜，這個份量比我們想像中多，配料也很多。
炸大腸，見到'高皓正'張相,極力推介炸大腸，我們也叫了一碟，在本人來說只可叫做一般，有一些會炸得比較過火。不是想像中的好。

一直都住係沙角村附近，所以都經常光顧沙角大排檔。
平常晩飯多數食另一邊的小菜（可以打邊爐任食那間），不過當晩那邊太多人，所以就決定去金沙角。
其實野食不過不失，炸乒乓波好彈牙，值得一試。
叫左其他好standard的小菜，例如西檸雞，咕嚕肉等等就好普通。
除左個樣似之外，材料同埋味道都唔得，以上兩個菜，都係食粉多過食肉。。。。。
食飽埋單啦，一開始個人比張單我地話係$730，咁我地覺得個數差唔多（１３個人食飯）就比左８張１００蚊紙。
之後個人返黎話要先計錯左數，計少左＄６０，無得找錢。
第一，就算真係計少都有得找＄１０啦。
第二，我就真係唔信佢地會計少數，好明顯就係因為我地比左＄８００，又見我地個樣好後生，唔會同佢地嘈，所以就老屈我地。
果日有人生日，又係搞Farewell Party，所以都無同佢地嘈。
我地成班朋友都覺得這間金沙角的經營手法好有問題，大家千萬不要去。
我情願去另一邊要等位，都唔想再比人呃錢。

舊式的屋村仍存在著很多,但村內的"冬菇亭",剩下不多,大多一早被領匯商場取締.昔日的庶民風味不見了,換來的是千篇一律,了無新意的連鎖味道.

沙田的沙角村是其中之一個,尚存冬菇亭的屋村.聞名已久,在日前終於有機會前往,一行五人,向著冬菇亭內的"金沙角大牌檔"進發.

平日的晚飯時間,食客稀少,友人高達說要入夜,或到周末日才熱鬧.好像這個晚上,隨便找張檯坐下便可.

之前未有來過,不知道有什麼撚手小菜,一切交給主場的高達兄負責便好了.菜未到,先吃著檯上的小吃,咸菜花生,差不多一下子吃清光.因為咸菜好味.是夜不多人喝酒,三支細支裝藍妹也只是廿多塊錢.已經足夠我和另一位友人F兄所需.

油炸鬼內釀蝦膠吃得多,反而炸大腸釀蝦膠,之前從未試過.大腸帶點齦,保留了本身獨特的"香"味,釀在大腸內的蝦膠,口感彈牙.滲進了點點"香"味的蝦膠,味道都算協調.再來碟蝦乾炒韭菜花,蝦乾炸到卜卜脆,韭菜亦爽甜.煎藕餅夠份量,煎得香口,豬肉內混合了爽口的藕粒,挺有口感,例湯是青紅蘿蔔粟米雪耳豬展湯,用瓦煲上,標榜著不含味精.飲下去又的確很清甜.

貝殼類菜式由$30起,以白灼形式上.我們要了一份聖子,碟上的聖子比較細小,勝在肉質嫩滑,味道就未算很鮮甜.南乳吊燒雞做得很差,雞皮淋,南乳味不夠濃,而雞肉也粗鞋.失敗之作.勝瓜鮮魷不過不失,南乳花生豬腳煲則送酒最佳.

論場地,可以擺幾圍窮鬼夜宴,論味道,這夜吃到的未算有特別之處,可能人少之故,如果多幾位朋友,吃多幾味,或許有不同的評價.

三杯酒斑球真係好正, 甜甜地, 好特別
避風塘雞翼又係好特別, 好惹味, 一定要食
仲食o左通菜, 焗蠔同蠔仔粥, 都ok

很久沒有到大排檔用饍~
友人經常稱讚該店~
今日終一嘗小菜滋味~
三人行~4餸1粥2碗飯~
我們也算大食了>v<"

友人點了她喜愛的雞粥(大)與避風塘釀雞翼~
本人又點了芝士魚...但沒有魚@3@換了芝士吊桶~
之後原本選了蟹肉扒芥膽~再來沒有蟹@3@"...改了椒絲腐乳炒通菜
再來原本我們點了秘制田螺~= ="都是沒有田螺~那我們只好改左三杯酒斑球
很有麥兜茶餐廳選餐的感覺
原本應是討厭的~因為選擇的都沒有~
但這次完全沒有這個感覺~
原因可能是~這裡有太多看似好吃的東東~>v<再選也不是太差吧!!

先說說雞粥~
本人不太感興趣~
咸了一點~@@"
也沒有什麼的特別~
潮州粥~~~
最特別可能是特別大碗吧~3人小碗已足夠

避風塘釀雞翼
聽到避風塘~第一感覺是辣@-@"
其實真的有點辣~
但對比出面吃的避風塘~這不算什麼
開始時我看不到原來雞翼有"釀"字~
吃了才知道~裡面釀著的是魚茸@@
可以一試的小菜

雖然沒有了芝士魚~但仍能嘗到芝士吊桶~
看了外貌~不抱什麼期望~
吃下又是另一回事~
這不是很濃的芝士~
但我這位芝士狂魔亦認為可以接受@v@!
雖然吃不到魚~但我仍覺得魚應該會較好吃~
芝士內有一點爽口的東東~不知是什麼@v@就是好吃吧!

椒絲腐乳炒通菜
炒得不錯~
很香~小辣~
雖普通但好吃的菜~
平均一點仍是要吃菜呢!!

三杯酒斑球
錯有錯著~
最喜歡就是這小菜^v^!!
甜甜的~
挺特別~
原本想著三杯是不是會很重酒味~~
原來也不是呢
好吃好吃!!!!!

順帶一提~
這裡的東西雖真好吃~
但大排檔當然是有大排檔風味吧~
小強也是坐上客~
怕怕的朋友留意你們的腳下呢
縱使如此~~本人仍會再來>v<!!!呵呵~再嘗其他菜色!!
但我認為我們點得太多菜了~
太大食= v ="hehe...
大家不要浪費食物呢!!
不用點太多菜~或許多叫三五知己一起嘗嘗吧@v@!!!

今日同家人一行5人首試金沙角,期望去左好耐今日終於有機會啦!
七點鍾到只有3成滿,鄰近的新廣發就已經爆滿,針都插唔入,金沙角環境唔太差,有好多
火鍋料已經放係度準備好, 選擇唔少,海鮮好新鮮,下次可以一試..

今次食小菜,叫左:避風塘雞翼$50, 老少平安$38,金銀莧菜$38,椒鹽鮮魷$40,生炒骨$38,
粉絲扇貝$58, 大啤1枝$14,可樂2枝$10.
避風塘雞翼 : 好食.中翼去左骨釀入蝦膠,不過蝦膠好鞋,同埋無蝦味,味道就可以,夠咸同辣
老少平安:普通.無特別.魚肉分佈唔係甘平均.
金銀莧菜: 幾好!可能用湯碗裝保持了溫度,食到尾都仲熱,味道唔錯.
椒鹽鮮魷:無味,粉多.要點醋先有味.
生炒骨:比想像中差.唔脆又唔熱,可能預先整好左..
粉絲扇貝:新鮮! 粉絲同蒜泥好味,因為即蒸,熱度夠!

八點幾走個陣,金沙角已經爆滿,但新廣發更夸張,有廿幾人係門口等位,下次要試下先得.

放工都已經三更半夜,但都要慶祝情人節既.
所以就隨便搵d野食,好耐都冇去過大排檔,
所以就揀...不過都好旺場,而且好多都係一對對既.
菜式都有好多,仲可以打邊爐添.

潮式蠔餅:賣相麻麻地,可能炸過時,所以色澤偏深色.
不過好抵食,$40有2大塊,D蠔又多又大隻.
可能個粉漿做得唔好,一夾就散.
避風塘雞翼:幾好味,又唔會好辣,一碟都有8,9隻,
D雞翼仲起埋骨,又釀D肉入去...正!
什錦滷水拼盆:幾抵食,雖然每樣都係得幾件,
但真係樣樣都有D,最少有7,8款.
eg:大腸,生腸,鵝翼,雞腎.......

15人一桌,十三個菜,剛好!白飯5個.
1.墨芝脆波波$58--沒有以上食評說的好味,只是扎實的墨丸加入一少點芝士,外皮是杏仁碎,欠缺肉的味道,只是脆口而已
2.黃金四色炒飯 $38--還可以,少些味精會好些
3.椒鹽白飯魚--最好味的一款菜式
4.中式牛柳--汁不夠入味,牛肉還可以
5.玉子豆腐--中規中矩
6.?豆腐專--炸得好脆
7.南乳吊燒雞--$88--體型很似鴿子般細小!但有肉味,都OK好食.
8.粟米斑塊--正常味道,沒有特別之處,但份量較少.只有六成份量,有點過份.
總體食物沒有有驚喜,但價錢大眾化,是一家大小相聚的好地方,不過沒有禁煙區,鄰桌不斷吐煙,一面食飯,一面有免費二手煙,超頂不順!!!

位於沙田沙角村的「金沙角大排檔」，曾經是我常到的大排檔，每逢一大班朋友聚頭並想大吃大喝，很自然會想到此處，同時亦會專程乘車來。雖然此光景在近年已不復再，大慨有三至四年吧。今天到沙田朋友家中拜年，也不忘向他提議到此處吃晚飯。

一行五人是夜於七時多到達，基本上已坐滿了九成，由服務員帶領下選了一個風涼水冷的位置，還好選了這張檯，因為內裡有很多食客也吸煙，記憶中已往未實施室內禁煙時，反而沒有那麼多人吸煙。

先點了一支啤酒及兩罐可樂，食物則點了「炸墨魚餅」、「炸乳鴒兩隻」、「椒鹽骨」、「椒鹽鮮魷」、「魚香茄子煲」及「蒜蓉豆苗」。另外「白飯」三碗及「白粥」兩碗。

已往喜歡來這裡的原因，多因是食物煮得夠火候，尤其是香口的食物，例如椒鹽鴨舌或椒鹽瀨尿蝦之類。但今晚的食物完全沒有火候的感覺，就連炸的食物上檯時也沒甚熱度，在天氣不是太冷的情況下，完全是不合格呢，難道是為了縮短烹調時間，而預製食物惹的禍？

一般端上檯後要等一會才可放入口的「椒鹽骨」，已變成如「京都骨」的感覺，只是「酸汁」變成為「一泡油」罷了。

「魚香茄子煲」沒有「咋咋」聲，感覺像是「魚香炆茄子」，沒有煲仔菜端上檯時那種「滾、熱、辣」的氣勢。「炸乳鴿」已不用評論那沒甚麼味道的肉，還好仍算嫩滑，不過其致命傷就是完全沒有炸過的感覺，除了鴿身內及外的油之外，真的找不到一點炸的痕跡，不是，起碼伴碟的炸蝦片是脆的。

炸物之中只有「炸墨魚餅」及「椒鹽鮮魷」較為合格，當然上述提及過的食物溫度問題仍然存在。「蒜蓉豆苗」炒(或烚？)得過火，翠綠的豆苗已變成黃黃的。

三至四年絕對不是一段短的日子，出現大廚轉了多手也不足為奇，但水準下降得有點令人擔心及失望。未來會否再有興致光顧？現在的我也不能給自己一個答案。

今晚和朋友們食開年飯，黎左屋企附近既金沙。
今晚客人都好多，要等頗耐先有菜上：
鑊仔鴛鴦飯 ($40)：炒飯底幾香，鴛鴦汁上既雞蛋係全生既，好似食滑蛋煲仔飯甘，都幾好味。
芋頭滑雞煲 ($40)：芋頭好粉，超正；湯底加左椰汁幾香；但滑雞竟然係炸雞，好 “鞋口”。
上湯荳苗 ($38)：清清地既上湯，荳苗新鮮。
生炒骨 ($38)：排骨炸得頗鬆化，甜酸味適中，但欠缺了點鑊氣。
三杯酒斑球 ($68)：三杯酒非常香；魚肉都幾滑，但就唔鍾意魚肉面有甘多茨汁。
琵琶豆腐 ($38)：魚肉豆腐炸得香口，但個汁就麻麻，鹹左 D。
整體黎講，食物味道不過不失，但比已往差左，無左大排檔的既精髓 ~ 鑊氣。我覺得之前食博康大排檔 (近球場那間) 的味道和份量更佳。

呢間大牌檔喺同區出晒名，因為唔係咁就腳所以都唔會成日嚟，今晚咁啱同屋企人經過，又未食晚飯，當然唔會過門而不入啦！入到去見佢而家興任食打邊爐，啲材料仲係自助添，好鬼吸引！ 不過同行有老人家，又有細路仔，而且我呢個禮拜又打過邊爐又燒過嘢食，所以都係揀咗食小菜，冇咁熱氣，叫咗：

滷水拼盤：呢個拼盤款式幾多，有鵝件、鵝掌翼、腎、千層峰、生腸、紅腸、大腸、墨魚、滷蛋，不過美中不足嘅係個拼盤冇滷水豆腐同花生墊底！滷水鵝件冇誠意，得一片肥肉連皮，唔比好過啦；鵝掌翼同腎滷得好稔，亦好入味；千層峰最好食， 其他嘅就不過不失啦！

生炒骨：味道甜甜酸酸、肉同骨嘅比例都可以，炸漿亦唔會太厚，入面嘅肉仲保持到有肉汁，唔會炸到乾晒，都幾好味！

琵琶豆腐：賣相唔錯，雖然好明顯睇到佢啲鯪魚肉並冇用湯羹蒸熟先再炸，但係都力求整齊！呢度嘅琵琶豆腐好食在佢個炸漿有啲雞蛋，除咗令佢嘅外表多咗一層金黃色之餘，亦為食味加添一份蛋香，個豆腐內裡仲要比一般食店軟綿，真係幾正！伴碟墊底嘅菜心亦夠綠夠脆夠甜，呢樣嘢就真係誠意十足嘞！

避風塘釀雞翼：釀雞翼係用雞中翼去骨連雞翼尖釀入蝦膠做饀料，先走油後再用大量紅椒加炸蒜再翻鑊。可能真係好多人客啦，雞翼上枱時已經唔係好熱好脆，不過食落都幾惹味又夠香口； 蝦膠味道唔係太鮮但就幾彈牙，食完個嘴有啲發脹，要飲多啖可樂沖吓先可以繼續！

蒜茸炒豆苗：炒得啱啱好，菜仲好鮮嫩，蒜茸味唔太濃，唔會搶晒菜嘅味道！

黃金四色炒飯：賣相一流，顏色鮮艷，有南瓜，青豆，栗米，仲有櫻花蝦合成四色，啲料粒粒都切得超細粒，師傅嘅刀功唔錯！ 不過啲飯就真係差咗啲嘞，有啲爛又有啲稔，一定唔係隔夜飯！好彩都炒得夠乾身，又唔係太多油咁都加番啲分嘅！

細支裝汽水十蚊三支，抵！我哋飲咗半打！

呢度嘅環境都好似一般大牌檔咁唔係咁企理，地下有水又有啲污糟，招呼都係因為人手唔夠，要有啲耐性等吓，笑容就冇乜架啦，因為埋枱放低啲菜，佢都急急腳要做其他嘢，不過始終都係大牌檔夠鑊氣，啲嘢食真係幾正，下次再嚟試吓佢個自助打邊爐先！

前幾日去到沙田，就去呢間試下大牌檔打邊櫨既滋味。

湯底可以選清湯、沙爹同鴛鴦。我就揀左鴛鴦。食物同飲品就自己出去任拿，老實講，d食具同碟都唔係好乾淨，最好自己抹一抹。

食物方面，一般丸類、肥牛都有，d蝦、瀨尿蝦、貝殼類仲非常新鮮。d蝦放落湯之前仲彈下彈下，真係要小心佢地彈左出碟。

衛生情況就唔係好理想，服務亦要預期唔會太好，大部份要自助，我地連換gas都係自己走去旁邊拿枝gas自己換。不過大牌檔，預左係咁上下。

埋單連加一都係$80左右，真係幾扺，來到推薦拿多d海鮮來食。

十一月十一日下午，人事部通知我，升職的合約終於批核了，我衹需要簽個名再將文件fax（）返去人事部就完成了簽約程序。可能是我孤陋寡民，原來“簽約”可以如此簡單方便。女友得悉此事，專程老遠入沙田等我收工，陪我食宵夜。由於我工作的地方附近晚上幾乎沒有食肆，所以和女友去沙角村的大排檔，讓女友見識冬菇亭食飯的滋味。來到沙角村冬菇亭，食肆林立，好在一早想好去食“金沙角”，就在那兒坐下。一坐下，最早來招呼我們的竟然是啤酒妹，還鬧出一個小誤會笑話，之後當然問我們要不要啤酒，得到女友的許可，要了三枝細啤（1 set）。這裡有自助任食火鍋，價錢不貴，但女友覺得將食物放得如此開揚，有點不衛生。這裡的餐牌都是一般大牌檔菜式，但有幾張圖文並茂，幾細心，而且看圖點菜亦是女友最喜愛的點菜方式。
我倆點了以下小菜：避風塘釀雞翼、金菇瑤柱玉子豆腐和黃金四式炒飯。
避風塘釀雞翼：有八隻雞中翼連雞翼尖，在雞翼位去骨後釀入蝦膠，走油後再用“避風塘”方式炒過上檯。外面很脆，不過火，很香口，蝦膠尚算爽口但鮮味不夠，送酒不錯。
金菇瑤柱扒玉子豆腐：頗足料，金菇、瑤柱、玉了豆腐都不少，當然還有翠綠菜心，清清淡淡，不錯。
黃金四式炒飯：我們亦沒有考究四式是甚麼，祇見到炒飯一上檯，就急不及待就拿起匙更“筆”來吃，炒得火喉很好，飯粒分明，雖然不是“金鑲銀”，但亦不負“黃金”之名，很好吃。
不知道是我們太高興還是眼闊肚窄，最後每碟都吃淨少許（連啤酒也還有一枝），埋單前我們惟有“打包”攜走。

佢個到打邊爐我地5個人平分都係$80左右
佢打邊爐d野食任拎野飲都係,不過要適量而止,唔係剩食物會計剩低食物既重量而加錢..
佢呢到有 瀨尿蝦,青口,生蠔,蝦呢d海鮮 食算唔錯,人數都幾多。

打邊爐既基本材料齊全

不過有2樣缺點,
(一)環境唔好,地下清潔度低,因食物,水,有時可能d客整跌,另外係出面外圍露天食都頗髒,不過對食物冇造成影響,,唯一可能樹葉飛落黎..

(二)食物可能不夠新鮮/乾淨,盤具始終並非完全乾淨,不過煮熟d就應該沒大問題


抵食在於><可以食完痾番再食過

環境似街市, 好似係屎杭道食野咁......
任食打邊爐食物質素好低劣又污槽....
只夠膽食少少牛肉, 冬菇, 蔬菜, 半肚都冇......
最後收左我$170大元....好似冇食過野咁......