在旺角食飯一個不錯的地方!!!!!

我地叫左
1) 燒牛肉飯定食, d 牛肉好"林", 好有牛肉味. 好juicy!!! 正!!!!!
2) 大蝦天婦羅烏冬定食, d 蝦好新鮮, 外面脆, 裹面既蝦又有蝦味道!! 好正呀!!!
3) 燒帶子一份, 有兩大隻. 都係好新鮮,好正!!!!

唔係好迫, 可以兩個人坐四個位. 不過, 鐵板燒就大煙左d.

女友人T就快生日,約o左尋晚(29-7-2009 Wed)同佢食飯,佢如果出油尖旺,最好近地鐵站,咁就search啦.見旺角女人街呢o度有好多選擇,揀o左兩間畀佢揀,佢就揀日本o野食.

我同佢先到,由於我男友要晏啲至到,我o地搵o左呢間o野先,講真,如果唔係上o黎Openrice搵同抄定地址同唔留心,都幾難搵到.上到去,我o地睇睇地方,T話OK,當時只有一枱客同唯一一個女侍應serve,咁我o地驚一陣人多,就話想book定位,咁廚師就先serve我o地,留定枱.之後我o地就行陣街.

行完一陣買完o野就返上去先,依然得一個女侍應o係o度,我o地坐低後,先睇menu,女侍應冇畀水我o地,睇完一輪,T話口渴同諗係咪冇水供應,咁不如我o地order o野食同每杯$36.00,買一送一o既飲品先啦,咁o係搵女侍應時,見後面張枱o既客人有清水喎,咁我o地落order,順便叫女侍應畀幾杯水我o地啦.

落完order,男友就o黎到喇,T同我都叫o左兩個定食同一啲小食,咁男友就揀佢o既定食.

好快,飲品o黎到,T o既飲品叫芝麻開門,而我o既叫白雪飄香.

睇見T o個杯有好多黑芝麻碎o係面,我冇興趣試.而我o個杯,係一杯杏仁飲品,有一粒粒o既杏仁碎,飲品夠冰凍,唔甜o岩o岩好.
味道: 3分

而男友就叫埋另外兩款,一杯係唔知椰子XX,另一杯係花生大少,我o地叫侍應分開上,先上前者.而我亦都冇試到.

之後,T同我o既餐到o黎,我o既係$58.00炭燒豚肉眼定食,T o既係$58.00豬軟骨手打烏冬定食.T o既就只有一碟前菜同鳥冬;而我就有碗珍珠飯同麵豉湯.

先食前菜,前菜係蓮藕豬肉,份量唔多,先食蓮藕,有啲酒味同辣辣地,蓮藕夠粉夠腍,而豬肉都係普普通通.

麵豉湯同其他o既冇乜分別,內裡有海帶同炸豆腐皮,鹹淡適中啦.

而T o既豬軟骨夠腍,但我食唔到軟骨部份,而味道就係啲湯味,T話啲烏冬好腍.

而我o既炭燒豚肉眼,薄薄一片,驟眼望落,極似燒牛舌,攪到我都以為自己叫o左燒牛舌定食而T一試,即刻話好似豬肉乾o既味,好甜.我又試吓先,係喎,啲汁真係勁似果汁肉乾o既味,但佢唔係好乾,多汁同腍,都唔算太差.珍珠飯,飯粒分明,冇乜問題.
味道: 3.1分

之後,$42.00o既吉列蠔到o黎,一碟4件細細件,咬落去,粉漿唔厚,內裡o既蠔o岩o岩熟,亦保存到水份,唔乾身.而蠔味就唔係覺.
味道: 3.5分

$28.00一串o既汁燒帶子同$22.00一串o既燒牛舌同上.
估唔到燒牛舌份量係咁少,而且比炭燒豚肉眼更薄.兩者都唔會燒得好乾,仍保留啲汁,而帶子食唔到鮮味.牛舌同樣有炭燒豚肉眼o個隻甜汁,但慶幸冇咁多,重食得出有牛肉味.
味道: 汁燒帶子: 3分 燒牛舌: 5分

$22.00o既燒玉子,由於男友鍾意食玉子,見佢係燒o既,就試吓.佢先食,話好乾同太甜.到我食lu,都唔算吖,外面就乾乾地,內裡o既蛋好似漿埋一舊,真係名副其實o既甜蛋,因蛋味都幾濃,不過每人兩件都覺得漏.
味道: 4.5分

所有o野食得七七八八時,男友o既$52,00一口燒味噌鳥肉定食,要芝麻味噌(如果唔係睇佢menu日文寫味噌雞肉定食,都唔知係雞肉)仍未到,就催吓侍應,佢都check一check答我o地整o緊.不久都到o黎喇.

原來佢o既飯係兩個燒飯糰,亦都跟有前菜同麵豉湯.睇佢賣相好似好吸引,我同T都試少少.
飯糰,飯味充裕,但啲飯就漿埋一pat pat,口感唔係咁好,裡面都有極少量類似肉碎o既o野,不過整體都唔係咁好食.
而燒雞亦都多汁,雞肉唔乾唔’o鞋’,口感唔差,味道亦唔錯,幾好.
味道: 3 分

最後o個杯花生大少亦都上埋,我又試一啖,又係有花生碎,一樣唔太甜.
味道: 3 分

睇返尋晚影o左o既menu,原來真係如yltree同羊家兄妹o既食評後,少o左好多o野,連伴碟菜絲都冇,唔通o衣o家真係咩o野都貴o左?

服務:
落單後,女侍應亦主動問係咪share食,佢就自動畀多三套餐具我o地.

大致上冇乜問題o既,只係人多時都只得一個半侍應,踢晒腳囉.

環境:
雖然係細,但一啲都唔迫同坐得好舒服.

埋單$334.00,但o衣o家計返應該係$354.00喎,唔通有折?

味道總分係3.5分,由於其他o野搭夠,就可以畀個笑佢.

炭火燒之前都幫襯過幾次了, 係少數我會keep住去既旺角餐廳, 貪其氣氛不錯, 價錢相宜而且坐得幾舒服, 所以一直以來都有介紹朋友來。
尋晚約左朋友, 就想去不如再去試下, 點知入到去, waitress第一時間指左我同我朋友去同人地搭檯, 但我眼見最入面有兩張4人位無人坐, 又無放到reserved牌, 就要求坐入去。咁好啦, 坐低之後, 個waitress已經將兩張2人檯分開, 我同我朋友都打左個突, 你間餐廳又未滿座, 為估要咁急要我搭檯同埋要分開兩張檯先?
我記得以前幫襯, 都會主動俾杯茶你, 同埋都會好密幫你斟茶, 但宜家, 可能佢地好想你幫襯佢推介既買一送一飲品, 所以要主動問佢先俾兩杯水我地, 而且由始至終都無再斟俾我地。
野食方面, 睇返價錢都無變, 都係60幾蚊一個set, 但發現前菜少左, 以前叫一個set, 都會送3,4碟前菜, 有salad, 豬肉同埋kimchi等, 而且水準不錯的說, 但尋晚再試, 只係得返兩舊豆腐。
正菜方面, 叫左既係燒豬肉定食, 水準算係不過不失, 有點軟, 不算入味, 飯方面亦煮得好林, 無飯味, 加幾粒芝麻咁, 沒有什麼特別, 實在叫人失望。
我朋友叫的是炸蝦烏冬, 蝦來說, size有點細, 而且粉太厚, 炸得有點黑, 味道不夠, 而且太油了, 那張和紙都浸滿了油
我不算是要求很高的人, 但對比之前幾次所幫襯既經驗, 嚴重地感覺水準正在每況愈下到一個接受不到的水平。
埋單$155, 其實除左幫我地點菜, 拎兩杯水同埋食完之後立即來收左我地o的野之外, 完全無no service
旺角有太多選擇, 炭火燒 已經失去當初我所欣賞他們的優點, 不會有下次了。

和很久沒見的友人食飯~讓她選地點…明明她說是想吃鐵板燒的…結果來了一間沒有鐵板燒吃的炭火燒……

這店很細, 大概只有十張檯…我們被安排坐在燒烤bar的旁邊…有不少油煙, 可惜其他位置都有客人了, 沒辦法轉…

看看餐牌, 以日式定食為主, 另外還有爐端燒供應…不過對這裡的爐端燒沒有興趣, 因為一進去看到師傅燒串燒的感覺就覺得不會好吃…
所以我們最後分別選了燒牛肋骨套餐和燒雞扒配芝麻汁套餐…

前菜有麻辣大豆芽…雖然不辣但味道不錯…
蓮藕配肉碎 - 甜甜的.. 蓮藕切得很薄, 很爽…味道不怎麼樣….

鱈魚豆腐 - 就是普通打邊爐吃到的貨色…而且凍凍的…扣分!!!!

麵豉湯 - 我本身不太喜歡喝麵豉湯, 不過有時候遇到怎一些高質素的我還是會把它喝完…可惜這碗一湯就知道是開粉的…因為底部還有一些沒有完全溶掉的……

芝麻汁雞扒配飯糰 - 芝麻汁是自選的, 另外還有三款醬汁, 雞扒燒得不錯, 可惜雞本身不夠嫰…有些部分有點鞋…芝麻汁味道不太濃…淡淡的…幸好不會把雞的味破壞掉…飯糰熱辣辣的…味道很好~

友人的燒牛肋骨…只有四件, 份量有點少…我嚐過一件…醬汁很濃…都算惹味…而且牛肋骨的肉都嫰…可以接受~

不過應該不會再來的了…味道一般…而且在吃的時候間中會看到天花板飄一些白色的碎碎下來…感覺很不乾淨的….

好耐之前食過一次,不過太令人失望..今次去原本想食西餐的,
但係一到樓下,樓下服務員就HARD SELL炭火燒,俾左個MENU我地睇
我們見到好似幾吸引咁就入左去....
我同個朋友於是決定點了一個二人(B)餐,食物的味道比想像中還要好.....
特別是滑蛋飯同炸雞....串燒的味道都OK
如果個滑蛋飯能夠再大碗少少就好了
唯一可惜的是甜品實在太甜

自朋友上次帶我們到皇雀會吃上海菜後
覺得環境服務皆不錯
便決心要試試這裡的日本菜

星期六晚7時抵達，比想像中多人
服務生服務態度值得表揚
從斟茶,落單,上桌,添茶,執拾,結脹均表現專業

啤龜肚餓得叫了一桌子的食物：

1. 鰻魚飯定食：鰻魚肥美，鰻魚汁出色，珍珠日本飯配搭得宜，附有青菜一細碟，炸蕃薯兩塊，泡芽菜

2. 吉列蝦烏冬定食：吉列蝦雖不像平時吃的大大隻，亦有一定的水準，肯定就是即叫即炸．味噌湯底清甜，烏冬爽滑彈牙．還附有卷蛋壽司三件，一碟青豆，泡芽菜

3. 燒牛肋骨：配芝麻醬．這道菜共有六件牛肋骨，每件都有趙頭，肥膏位置入口即溶

4. 串燒－羊肋骨一串，豚肉露荀卷一串，牛舌一串：普普通通

5.　甜品－密瓜奶涷：太甜，吃不下

這裡環境舒適，是三五知己食飯傾談的好地方，食物比預期中好，唯獨欠缺壽司選擇

我第一次去叫左大坂風一口豚肉燒定食, 好好食...........豚肉肉味濃郁,夠林,厨師把炭火掌握得洽到好處,不太燶. 朋友的東京風豚肉眼同樣出色, 肥瘦均勻適中,如日式拉麵的叉燒加上燒汁,非常入味,六十幾蚊.超正!
太 好 味 咧 咧咧咧咧咧.............

隔幾日再去..叫返同樣既定食..嘩!!! 一口豚 -- 紉紉紉紉紉, 食到牙都軟.豚肉眼變左硬豬扒同樣 紉紉紉...OH NO..感覺好沮喪

本來我同朋友都唔知有間咁ge地方的,經留下的推廣員hard sell後就上左去了
上到去環境異常地靜當時都擔心會唔會唔好食,但係原來係多慮了
我跟朋友點了牛仔骨定食和鰻魚定食都ok,看了廚師推介還點了一只吊筒墨魚,這個不妨試一試,因為我覺得都幾好味的
值得一提的服務態度very good....

成日行開女人街都見到佢d banner覺得幾吸引, 就同阿妹2個人去試下
我地叫左個2人set, 但除左d串燒同個甜品之外, 所有食物都同我平時食開既有好大分別
沙律, 炒什菜, 炒烏冬都好難食, 我同阿妹都食到大嗌救命
雖然服務ok, 但食完已經好肯定講唔會再黎呢間食野, 因為d味道又怪又難食

朋友介紹呢間話唔多人但係野食又唔錯
朋友生日就決定黎呢度

爆米定食(豬骨,泡菜,海鮮)
三個都叫晒不過我覺得海鮮好味d
但係其他同行就鍾意豬骨
爆米好香好脆
小食(餃子,豬軟骨)
無叫到叉燒我自己鍾意餃子多d
不過豬軟骨果d骨淋到好似者哩咁

味噌呀烏冬呀
都唔錯烏冬好彈牙
味噌果d我覺得味噌味唔多覺

朋友叫左個唔知咩有山芋
好大陣sake味d質地好杰

雞蛋布甸- 我地十個人有d好滑有d就老老地
但係都好香滑果d就好好食

切蛋糕我諗佢見我地多人就無收我地切餅費
幾多果個唔知係咪manager成日都笑笑口咁

前幾日同fd出去行街, 佢帶左我去呢間食
我地每人叫左個定食同埋兩串串燒
我就係炭燒豚肉定食
定食入面有泡菜、有蘿蔔牛肉粒、有麵市湯同豚肉
每樣野都幾好味，但係撈飯果碗野就怪怪地...我地都唔知咩黎
問侍應，佢講完我地都未聽得徹，
service麻麻地，反應有少少慢
至於串燒都OK既
最後個甜品一般啦...未必個個鐘意
下次會再去試其他野

不過果度去洗手間有D怪，要走過去隔離餐廳...
雖然話係同公司既...但好似入去借廁所又唔幫襯咁

價錢方面有少少貴啦, 忘記CHECK單...都唔知有冇計錯...

食過幾次之後，終於忍唔住要比個好評佢\\\。

食過爆米定食，烏冬定飯，味噌定食同炭燒豚肉定食；
亦試過鴨胸卷、羊仔肉；
跟set甜品試過蜜瓜奶凍、雞蛋布甸。

爆米定食：
呢個定食仲會跟一個三選一小食
試過餃子同豬軟骨　兩個都唔錯
唯獨是覺得叉燒都係普通野所以無選
爆米定食有三隻湯
豬骨　泡菜　海鮮
三隻都試過　覺得豬骨最好　海鮮都唔錯
只係本身對泡菜不太感興趣

烏冬定食：
烏冬彈牙呢樣無得反對
我頗喜歡

味噌定食：
可以自選味噌味道　非常好
不過食落唔覺有好濃味噌味
有點普通

炭燒豚肉定食：
豚肉燒過　薄薄幾片　醬汁甜甜地幾好
山芋食到有清酒味
不過本人唔太喜歡用黎撈飯食

鴨胸卷：
coupon送　味道係點都應該大概知
唔多講　唔會難食的一樣野

羊仔肉：
落左鹽同黑椒　幾香幾好味
一人一串

蜜瓜奶凍：
去幾次都係呢樣　好滑好好味

雞蛋布甸：
幾滑　不過都係鍾意蜜瓜奶凍多
希望下次係蜜瓜奶凍啦

環境幾好　我又唔覺迫
侍應收野同加茶都幾好幾醒
而且又唔污糟
我同朋友都不斷介紹人去

我覺得好好味啵~~
我去左都ok多次,都覺得好好味
我介紹埋d fd去,
個個都話好好味~~
可能我地冇食所謂{難食}既串燒掛
我地食爆米飯,烏冬,飯o個d set dinner好好味

因為我星期五夜晚要去旺角上堂既原因, 一支公就周圍去搵下可以俾得我坐得舒服既地方。
依間野勝在價錢ok, 又有位坐。
頭兩次俾我感覺我絕對係俾到4星佢的, 不過第三次, 即係尋晚(05/11 Mon), 因為食過係好先會約朋友黎左依間野, 唔知係咪星期一同星期五既師傅唔同左, 感覺好唔同, 之前重一味話間野好得, 真係對唔住我朋友。
首先講杯茶, 頭兩次都係俾日本既瓷杯我, 唔知點解尋晚變左好似大排檔用果o的既玻璃杯我地, 怪左少少, 不過問題不大。
食物方面, 前菜既日本年糕, 同第二次食時既比較, 尋晚果餐o的sake真係落得多左, 已經唔係吊味, 而係變左主角, 根本食唔落, 主菜方面, 我朋友果碟燒鳥定食, 塊塊都好燶.... 依樣真係接受唔到。我先諗返起, 因為佢地係開放式廚房, 未上菜時已經聞到好大既油煙味, 原來當時係整緊我朋友碟野, 如果唔係黎過兩次, 我重以為油煙係必然, 但我頭兩次(都係星期五)去真係好靜, 唔會聽到廚房抄油o的聲, 更加唔會咁大陣油煙味, 所以我真係嚴重懷疑星期一同星期五係兩個唔同級數既師傅坐陣。
其實食物質數本身係ok, 尤其係調味方面, 我係覺得唔錯, 錯就錯在星期一依個師傅真係唔得。
或者今個星期五我會再試多次, 如果水準回復既, 我就當尋晚係special case, 否則我以後都唔會再去了。

環境(Environment)：3分(本來5分, 但尋晚返屋企成件衫都係油煙味, 扣2分)
味道(Taste)：3分(本來4分, 同上面原因一樣)
服務(Service)：4分(3次既服務都算唔錯啦, 雖然食完野好快收你野, 但好勤力幫我加茶)
抵食(Price)：4分(50幾蚊一個定食, 都ok啦)
乾淨(Cleanliness)：5分

今日約了友人dinner, 我地相約在旺角食飯, 因為之前並沒有訂檯, 故行了多間餐廳也很多人, 於是就試炭火燒吃日本菜, 二人定食168 元, 很便宜!
有2 個定食我們選了
和風牛及豚肉眼-每份4 片肉
串燒就選了牛舌- 4 小片份量太小了及雞翼- 2 隻味道一般啦!!
炸物選了蠔4 隻- 味道很不錯, 因為我不太愛吃蠔, 也覺得好吃),
包2 杯飲品,

整體味道不錯, 我倆很得很飽!!