辣癮突然又起, 正好去試早在名單之上的川味美食。 雖已過三時, 但仍有不少客人, 約有十張檯, 坐得唔迫頗為舒服。別看餐牌有八款粉麵選擇, 簡單來說只有兩種: 熱拌(花生、炸醬、葱、芫荽、芽菜)和酸辣放湯(酸菜、炸醬、葱、芫荽、芽菜), 可選配河粉、米線、紅薯寬粉、紅薯粉條, 辣度大致分為不辣、小辣、中辣、大辣, 餸另加$3/$4。

熱拌粉條加豬潤、大腸(中辣):$15+4+4: 不會太乾爭爭,粉條也沒有黏作一團, 將所有配料拌在一起才吃。 第一次吃粉條, 彎彎曲曲的, 晶瑩剔透, 入口煙韌彈牙, 要費點牙力才咬得開。 辣汁都能附在粉條上, 偏向濃味, 卻不會很油膩漏住喉嚨, 有不少花椒粒, 辣得夠刺激, 令人流鼻水。 豬潤夠爽口,不韌, 無押味。 大腸則用滷水煮過, 很入味無肥膏, 有嚼勁。碗底的芽菜是精華所在, 索盡辣汁, 咸咸辣辣的, 愈吃愈噴火呢! 一碗粉份量十足, 單靠一人之力較能吃清光, 眼見其他人都吃剩不少。

酸辣粉條加腐皮(中辣)$16+3: 都是自己擺烏龍, 應該點寬粉。 入口先吃到酸味, 心不禁想:「不是辣的嗎?」但多吃幾口後才發現好戲在後頭, 辣味開始滲出來, 或許有酸味中和了, 放湯的相比乾撈清一些, 調味較輕。 腐皮太薄身, 還是喜歡一層層有咬口一點。

黑豆漿加$5: 枝裝, 見招紙寫住香港製造, 有豆味又不太甜, 只嫌不夠凍。

每當吃過辣後, 胃部總是暖暖的, 感到十分滿足。紅薯寬粉或要等到下次再試到了。

今日本來同班同學去九龍城食飯，但唔知點解唔去。就去左呢間食，呢
間係總店，所以午餐都幾多人等架。

麻大辣薯粉呢間薯粉比荃灣另一間既韌好多，好難咬呀。韌到無
哂質感，一都唔好食既。料就加左肥牛同龍蝦丸，不過就無乜特別。
辣就辣既，不過就好鹹，而且個粉係出哂水既。結果食到一半到就放棄，
唔係太辣，係鹹到食唔到。
豆漿都幾好飲，凊清地唔錯架。

下次咪搞我啦，搞到我比呀姐笑我食唔到辣。我食唔食到又點呀，總之係
食物既問題啦。

在荃灣的商場逛了一轉後，走到有「紅薯粉街」之稱的四坡坊，在川味美食、雲貴川風味及普嚼川風味之中，選擇了前者。

晚上七時半，川味美食門外擠滿了人，想不到小店也有一套獨特的輪候系統，阿姐遞來了餐牌，點菜後記下英文字母，用作分辨先後次序，相當清晰。不用一會，被安排坐在店外，這裡風涼水冷，又不用跟人背貼背，可能比店內座位更舒服。甫坐下，兩碗熱拌紅薯寬粉也先後送上，服務甚具效率。

我叫的麻小辣墨魚丸魚腐撈紅薯寬粉，份量豐富，先將炸醬、芽菜、芫茜及蔥粒與寬粉拌勻，麻辣香味隨即直撲鼻腔，很是吸引。熱拌的紅薯寬粉長而不斷，煙韌口感更是難得，整體竟跟吃粉皮有點相似，墨丸魚腐則相當粉口，質素只是平平。吃著吃著，麻辣開始進攻味蕾，逐漸感到咀唇震動，口腔內分泌增多，感覺奇爽。女友叫了麻小辣海帶通菜撈紅薯寬粉，據說海帶是傳統酸辣粉常見的配料，具清熱之效，川味的海帶結相當厚身，好此道者應該會滿意的。

由於小店沒有水吧，吃麻辣前宜先買杯台式奶茶用作救火之用。十數元的惹味享受，下次路經荃灣，定必再來麻辣一番，同樣大排長龍的雲貴川風味，應該是下一個目的地。

我係下午睇開飯搵荃灣區多人讚我又想食既食物
黎呢度無失望

我點左拌寬粉大辣, 肥牛, 豬頸, 蘿蔔, 冬菇

我係食得辣, 呢度要大辣會比其他地方辣
但係以麻辣黎講香味不及米之寶

肥牛都唔會特別但份量夠
豬頸始終都係泰式先入得口
蘿蔔ok甜同沙渣 合格
冬菇少得可憐, 可能o岩o岩無乜俾多d其他料我掛

其實呢度我覺得好食既係佢個粉
以蕃薯粉黎講佢好煙"銀"
拌麻辣已經唔會唔好食
仲要加肥牛我已經幾滿意

先講講原來紅薯粉好有營養，含天然粗纖維、多種維他命，有助阻止糖份轉化成脂肪，又可

抑制膽固醇同脂肪沉積，所以多食會健康

冇湯熱伴紅薯寬粉$13+豬頸肉$4+鴨腎$4+腐竹$3少辣

紅薯寬粉係第一次食，之前都食過類似嘅食物。薄、闊、晶瑩通透，少許彈牙，口感唔錯

但我認為最好起第一時間撈均，唔係就好快會"痴"住，好難分開

豬頸肉入味唔太咸、又唔肥，啱我

鴨腎都幾好，唔會似出面嘅實軍軍

腐竹就冇嘜特別

因為會有炸醬、芽菜、花生、葱花、10多種調味料，所以味道香濃吸引微微帶點酸，大熱

天時好醒胃

仲要只係廿幾蚊咁樣嘅質素，眞係非常抵食，下次再去荃灣都會再食

今日要由上環攞部cooker去沙咀道整,都有成十幾年無去過沙咀道,顺便食個tea,上openrice
見薯粉幾得意又未食過就去試下
差不多三點鐘,都幾多人,叫咗一碗少麻辣湯宽薯粉加豬耳、豬肚、雞腎、魷魚、腐竹、花生，另外一罐忌廉共$40，好大碗睇落好似好正,花生林的，鱿魚同豬耳都好硬，其它ok啦，
食到一粒香料條脷即刻麻痹了10分鐘，真是麻辣，應該唔會再試。。

We took an hour to get there and we were not disappointed luckily. The noodle texture and ingredients were fresh and great. We love the authentic taste and the attentive services here. A good place in Hong Kong for authentic Sichuan noodle. We shall try other dishes next time.

多種麵食的選擇 加上 不同種類的配菜.
不同的配搭令每次都有不同的新鮮感, 可謂百食不厭.
當然, 每人都有他的所好. 七號的無湯拌米線是我的最愛.

酸菜的酸, 花生的脆, 米線的爽, 配合很有口感雞絲,
這就是我辛勞一日後最享受的晚餐.

如此享受,花費不過二十元,
三個字 "不得了"~

已經好耐無食寛薯粉, 以前在千色店食過, 但已消失了, 今日去了這間食評唔錯的川味美食, 叫了腩肉豬大腸寛薯粉走辣外賣(我都知唔食辣好似好怪, 但我真的蠻喜歡食寛薯粉的), 分湯上.

回家後, 發現裝湯的碗原來是可放入微波爐的, 此店真的很細心. 我便先將湯叮熱後倒進寛薯粉內, 湯很好味, 豬大腸頗入味,略嫌腩肉太厚, 雖有咬口但唔夠"淋", 寛薯粉跟湯吃都夠味, 不過吃時好像有"沙"的感覺, 以前在千色店買的比較滑.

碗粉很大碗, 我初時也怕吃不下全碗, 可能寛薯粉沒有一般粉飽肚, 我竟然食晒, 無浪費食物, 哈哈!

之前因長期等位, 移師到分店食多次
惜水準不一, 粉時冧時硬
琴日順路返黎總店食
6:45pm唔洗等位
睇返總店0既餐牌先發現辣係有分麻同唔麻
愛麻0既朋友要留意嘞
有麻0既真係好食好多
不過咸咗少少
下次我會叫少咸
加上呢邊d阿姐好好多
好有禮貌
分店個長註阿姐不停好大聲咁傾閑計&家事(係用開concert既分貝 - 務求全場聽得清)
其實真係好滋擾
希望佢地改善下

從前都只係因為食雲貴川先會行入呢度..自從越開越多川味食店後都無幫襯雲貴川好耐
只因有比較之下原來雲貴川只係一般而已.而且比較之下又貴過人Ｄ阿姐又寸真係大把選擇
重得閒食佢地呢間咩....
講番呢間川味美食今日落荃灣想食辣睇open rice荃灣區揾嘢食睇到幾多好評就試試先
都幾爆場吓,,試咗寬薯粉碗粉已有肉碎.笎茜等配料..每樣餸只係加3蚊超抵.要腩肉..豬肚.雞翼..份量足雞翼3蚊有2隻嘩好抵..腩肉不是半肥瘦個種而係好似回鍋肉既口感都ok..豬肚就最好食..呢度Ｄ寬薯粉好滑係正宗四川寬薯粉平日食四川菜都係呢種口感
但老公碗幼薯粉就唔係好得la~~..唔同平日食開個Ｄ幼薯粉呢度個Ｄ係彎彎曲曲咁
好難好似香口膠咁..但整體Ｄ食物係的確ok又平Ｄ阿姐都幾好態度..原來呢度有間平靚正店
唔怪得今日係星期日8點幾雲貴川竟然無人排隊啦.以前10點都重排緊隊呀..
越開越多好味食店真係大家之福..起碼唔使獨市生意無選擇之下要食貴嘢
見川味美食隔離又有間四川小店但無川味美食咁旺.但都好有興趣試.試完再分享好唔好味

今晚想食酸辣嘢,經過川味好多人,想可能都會好食, 叫了一碗中辣金菇腩仔薯粉, 想叫大辣,
但亞姐話怕我食唔到, 先叫中辣,唔夠可再加辣, 好彩啫, 真係已經夠辣, 好好味, 而且好大碗

今個星期,食0左川味美食兩次la!~
點解我依家先寫食評,目的係想試下幼粉同寬粉,冇湯同有湯0既分別先寫呀。
第一次同男友食..
我叫了有湯寬粉...男友就叫米線
湯底比較酸..因為有酸菜...
餸呢我就叫0左魚皮餃,腩肉同牛柏葉。
男友呢有牛丸,豬頸肉同竹笙。
我0地交換0左d..竹笙因為吸0左d湯..變酸了...不太好食..
腩肉雖然賣相唔係太靚..但我覺得幾好食..牛柏葉都好夾ga!~
其他0既普通啦..冇咩特別..
寬粉好似粉皮.但較有咬口...就好似大型火鍋店"蒙古羊"入面0個d羊寬粉呀!~
好滑..所以好難夾...
第二次同媽咪去叫了冇湯腩肉,牛柏葉醬爆丸幼粉....
而媽媽就要有湯0既豬脷..腩肉寬粉...佢話寬粉幾特別..但較難咬開..
我0個個一上枱...幼粉好似粉絲..但粗dd....
嘩...好香香料味..但又係好似"蒙古羊"d香料味...
我夾了媽咪d豬脷試..好d un呀..醬爆丸好味...

總括:我覺得冇湯好味d...而粉呢我則喜歡寬粉多d..所以下次仲要試冇湯寬粉呀!~

琴晚同d同事來o左呢間店到食米線,由於太多人,所以要坐o係街食,不過咁仲好,涼涼地,仲有風味,叫o左個三餸湯米線都係$24,超平,d米線好煙韌,佢d包心丸一定要食,唔錯,其他丸類就同其他店o既差不多,不過佢o既湯底好好飲,下次如唔想o係隔離排餐死o既話,呢間店係一個唔錯o既選擇!

唔知係咪因為之前去食，我食得少薯粉定我好彩，食唔到d "痴埋一舊"的薯粉。

今次，我的那碗麻辣無湯粗薯粉，我食到了幾次有"兩條痴埋一舊"的薯粉；萬一吃到了，記得即吐出來，因為會很硬的。

同埋今晚不知是否因為多客，剛好去到時廚房其中一位幫廚也正值外出，煮得比較匆忙，送來的那碗薯粉偏硬，不如以前好吃了；猶幸薯粉，和碗中各項配料(芫茜、芽菜等等)的味道，包括我最愛的花生，都keep到水準。

是的，這裏的花生炸得很好，用料新鮮，放在有湯水的薯粉了，就算放得久，到吃至碗底時，依舊香脆。本來一碗中的份量也不少了；不過如果你非常愛吃花生，可以要求要多一蚊花生(今天發現鄰枱如此做才知道的) ，甚至要5蚊花生外賣回家送酒吃也不錯。

這裏的汽水也便宜，才五元一罐，各式可樂、忌廉等都有。

整體來說，這兒的東西份量大又便宜(加了兩樣餸才$19)，係抵食的；不過水準就會有些上落了；下次人多時，還是吃不用煮那麼久的粉皮，或者幼薯粉，會比較穩陣....