到佐敦辦事, 見到對面馬路就是禾之家, 完事後就來吃個 tea。這兒位處三教九流之地, 如不是光天化日我都不會行來這邊啦。

本人絕非劉伶之輩, 偏偏不知為何此時來到素食店就想啤一啤! 奇怪...

其實我不肚餓, 只要了個下午茶餐中的冬陰功湯河 ($22), 另外見有德國補血黑麥汁 (素啤酒, 無酒精) ($16), 頂住先啦。冬陰功湯底微辣, 但香料落足, 有大量的香茅和南薑 (所以吃時我要不斷把這些香料吐出來), 可能也落了少少椰汁, 吃落更香滑。配料就有素蝦、蕃茄、椰菜和草菇。河粉痴埋一舊, 算啦。

樽黑麥汁是幾得意的, 一開蓋真的像啤酒般有泡湧出來, 味道甜甜地, 似沙示汽水多過像啤酒呀 (看營養成份表才知原來糖分也真的跟汽水不相伯仲!) 。下午茶時間免加一茶芥, 撞正店員食飯時間她們都笑笑口的, 服務不錯。

這店原來在素食界都頗有名聲, 附近酒店旅館也多, 都有不少外籍人士來吃的。又, 7 月17 日起此店就會易名為「大中華素食」 (唔通店主有太多分店太忙轉手了?) 。

同男朋友係呢度睇到食評寫得幾好，決定一試。
去到因為多人或者唔夠人手關係，無人係門口招呼，兩口子係擠逼的門口呆等左一陣，而隨後而來的人見狀都走左唔少。

坐定之後，歎番杯茶先，個茶係綠茶，幾香！
望下menu，好多野都想試，不過2個人胃口始終有限，點了4道餸~ 有 金絲裏劍魚、馬來沙爹串燒、黑椒牛油煎金錢扒、南瓜汁焗豬扒飯 !!!

金絲裏劍魚 - BF comment 最好的一道菜，金絲夠脆，不過我就嫌佢太大鹼水味！

黑椒牛油煎金錢扒 - 黑椒汁好香，個金錢扒原來係猴頭菇，個口感同味道都似足雞肉，嚇到我BF死死下，因為佢食齋ge！

馬來沙爹串燒 - 個汁都好好味，d肉一款就係金絲裏劍魚的魚肉，另一款就係黑椒牛油煎金錢扒的扒肉，其實可以唔駛叫咁多野食 ─_─" ，不過個串燒仲有紅綠椒同埋魚蛋ge！

南瓜汁焗豬扒飯 - 係一個好服務兼應該話得事的人推介ge，個飯應該係炒過先再焗，好香！南瓜汁好似話撈左蛋，唔太甜，味道適中！個豬扒口感就麻喇，不過就好大浸燒肉味，對我而言有點怪怪的，不過我BF就唔覺~

飯後仲有紫米紅豆沙送~ 無落奶，啱哂我BF~

整體來講好好味，size for 2個人就大碟左d，食到頂住個肚，如果有細碟d的選擇就perfect喇，可以試多d唔同的美食~

我們叫了十二人餐的, 碟碟份量都很少, 除了劍魚及法包俾足12件之外, 其餘的菜俾八餐一樣, 好似竹笙西蘭花都係1人1舊仔西蘭花................同我之前去太子店比較差很多, 雖然地點唔同, 但都唔好食水咁深....................如果唔知12人份量有多少就唔好SET12人套餐啦, 攪到我地個個唔夠食, 晚一點要再食嘢......................

前天, 同事提議去食齋, 他說很好吃的, 是"新潮齋" 來的, 叫我們試試. 於是, 一行十人, 就去了油麻地開餐了.

幸好, 我們訂了位, 否則慢一點, 也沒有這麼多位呢? 不過, 那裡環境很擠迫, 桌子也是用二人桌左湊右拼的, 合成一張長桌. 和隔鄰的桌子, 只有不足一個身位的距離.

我們叫了六人餐, 再另加其他小菜,小食. 那裡的餸菜好像酒樓的一樣: 芋泥鴨, 菜心炒牛肉, 腐竹/支竹 煲, 炸豬扒, 蜜桃三層肉, 回鍋肉, 肉碎四季豆, 芋絲炸蝦, 白汁麵包焗飯, 什菌粥, 百頁豆腐 等...

上菜速度不快, 要等了好一會才有菜上來, 期間, 看到很不少人進來, 但因沒位而走了. 所以, 如果想試試, 就記得訂位了.
味道方面, 全部不過不失.

其中, 炸豬扒做得好真, 好像真的一樣, 有一 絲絲的質感; 芋泥鴨就好濟, 只係食到芋泥, 如果喜歡芋泥的, 一定喜愛;

三層肉做得好得意, 真係分左3層, 扮肥豬肉. 面層係皮, 很薄, 沒什麼特別口感, 中間層, 扮透明肥膏, 口感很爽, 下層扮肉, 口感和其他肉差不多.

而賣相最好的, 算是白汁麵包焗飯, 但是也是最飽, 剩得最的一碟, 要打包拿走呢...因為, 個麵包焗得不夠脆, 很 um, 而且下面係好多飯.... =.=

什菌粥 - 還以為是粟米粥呢...真奇怪, 什菌雖然不少, 但卻沒有什菌香味...味道也不鮮甜. 像白稀粥呢.... 不吃也罷

還有, 刺身~ 好特別, 做到有點魚腥味, 象真度很高呢. 配上豉油,芥末, 真的好像三文魚及吞拿魚刺身呢~

其他的味道尚算不錯, 印象不深.

最後, 還來了個甜品, 腰果露 $68/窩, 約可分6碗, 這個不錯, 因為外間食的, 通常很稀, 很甜, 沒腰果香味, 但這裡造得很香, 濃度適中. 很值得試試.

佢還可以申請做會員, 有9折, 但係負責人說, 現在暫停申請, 但可以先填表, 之後再通知. =.=

但可能這裡太多客人, 唔憂做, 所以, 這裡的服務不是太好...尤其o的上菜的阿姐....動作粗粗魯魯的... 說話態度不好, 好似阻住佢地咁. 而且間店一係唔出菜, 一出就係咁出菜, 搞到張桌唔係好夠位放, 於是, 佢每上一道菜時, 要左移右移的, 騰出空間來放新菜. 有個同事想幫手把菜放到桌中間的位置( 因為, 左右已經無位放, 個阿姐又行唔到去中間) 同事隻手已經掂到隻碟, 但個阿姐竟然摔開佢隻手, 自顧自的放低, 沒說一句就走開了. 如果是熱盤, 也可以說是那個阿姐擔心我們會被燙傷, 才不讓我們拿, 但那碟餸是冷盤來的!!! 就算真的不用幫手, 也可以好聲好氣的說句, 但她竟然可以這樣沒禮, 這真的叫 "好心著雷劈" 喔... =.=!!!

而且, 那裡真的很擠迫, 隔鄰桌出入, 也要左借借, 右借借呢.. =.=!

除了環境, 服務有待改善外, 食物真的不錯, 可以試試, 但記得有心理準備, 否則食到一肚氣.

提一提, 我看到那裡也有午市客飯, 堂食$30, 加一(忘了要不要茶芥), 但外賣價, 只要$22, 每日有3款呢.

十人消費大約$650

很久沒有寫食評, 只因懶的緣故, 但今次不吐不快, 再懶也要動手.....

星期六滿心歡喜的來, 卻是失望的走。首先, 服務員的殷勤態度及親切笑容已不及從前(唯一只有應該是老闆的健碩哥哥比較有歡容)。其次, 整體味道比之前差了, 翠玉瓜沒有瓜味、醬汁不出色、蕃薯糖水亦太甜。最最失望之處是, 由於吃剩了半碟脆鱔所以打包, 豈料...翌日在家中飽餐還剩最後兩啖之際, 竟發現一隻豆鼓般大的蒼蠅在脆鱔當中(我可以十分肯定此昆蟲不是在自家混入去的, 因為在打包後已立即套上膠袋, 回家後再放入雪櫃直至翻熱才出事), 實在非常非常嘔心!!

未能在餐館即時取回公道實在憤憤不平, 唯有在此告知廣大的食客!

見到openrice.com 食評大讚此店，尊誠前來一試，招牌菜的確不錯，但冬蔭功湯卻送黑色一吋長大昆蟲一隻，店員只是說:「給你換過啦。」一句對不起或不好意思也沒有，湯退回廚房，廚房大佬們還在裏面有說有笑。由店長至廚房，不見有任何人嚴謹及正面對待事件，態度令人好失望!菜式再好也不會再光顧了。

2個食量不大既人食晚飯, 真係D有苦惱。眼見樣樣都好好味, 好想試, 但胃的容納又有限。

結果只叫做一個五柳竿頭魚,同埋一個唔知咩咩焗麵包飯。

竿頭魚係我至愛, 但因為佢個做型係鯉魚, 所以個魚身非常厚, 食左3件己經好濟。

焗麵包飯, 造型好得, 但係我覺得D汁唔夠, 而且D "食送"得面頭有, 下面只係D炒得好乾爭爭既飯, 麵包以為係好脆, 點知係淋到傻, 又冇汁, 點食呀?!

結果我好努力咁食D竿頭魚, 迫個FRIEND食多D飯. 但仍然剩番好多飯同麵包.

有糖水送, 紅豆沙西米露, 唔駛錢, OK啦.

下次多人D會再去, 因為D"食送"好得意, 又多選擇. 不過一定要BOOK位, 因為我地6點鐘去到, 都已經好多人. 6:30 已經FULL晒. 冇訂位既就要等位.

同埋D枱好迫, 枱與枱之間其實唔夠位比一個成年人過. 是晚我地要不斷移動張枱比人過, 攪笑!!

朋友生日去食素,非常滿意.除了因為食物好,環境及服務(尤其係个別員工)都不俗
我們四人点了:
-金錢牛油牛粒(个汁好香黑椒味,主角猴头菇有肉汁,正)
-南瓜豬扒侷飯(OK,不太油)
-中華豆腐(很香,很滑)
-炸云吞(香脆的小吃)
送綠豆沙,同時員工見到我們拍照,主动替我們揸机,更送上寿包(朋友正日生日)
一定会再試.

因為有美國朋友是素食者...我同另一個朋友想搵一間唔似食素但是食素既鋪食野....在呢度search呢間好像好好..又見個個話唔book位會等好耐...所以前一日book哂位先去食....去到老闆好熱情招呼我地...我地本身想要面包飯但是賣哂...激死...之後聽佢講要左金絲裏劍魚, 黑椒牛油煎金錢扒同海鮮飯..真是好好味...樣樣野都好像唔素但是真是似素..又有口感....連我同另一個frd都好鍾意佢既送....老闆又識講英文...所以美國朋友都好放心食(起初佢以為我地玩佢)...

anyway...個個都好鍾意....埋單每人六十五蚊仲有糖水...overall我一定去再食...約多幾個frd去....

個老闆之後我地鍾意食又俾哂membership card我地..真是好nice....好好service

已經訂左7點半檯..7點零去到..座無虛席!
好彩唔駛坐門口位..
叫左3個菜..1個飯..
就係外型非常吸引既白汁麵包焗飯..簡直係對佢\\\一見鍾情!!
食齋係最怕多油..但呢間既煮法一d都唔多油..非常健康..
菜式新穎又特別!等多陣都抵..
當晚消費每人$115..都ok..^^b

南瓜汁焗豬扒飯+ 腐竹沙嗲炒河
兩個都好好味但係個南瓜飯太出色令到個河粉失色。
個河粉有大量既腐竹﹐如果你同我一樣係腐竹支持者咁你會幾滿足。估唔到素豬扒咁香﹐個南瓜汁咁甜美...過份!! 唯一我比較覺得麻麻既就係...佢真係算話咁近地鐵站囉!

星期六同媽咪食飯,見lee間既評分吾錯,所以試下。叫左黑椒牛油金錢冁同一個豆腐(用菠菜同旦做). 味道好,媽咪話好新派,特別,吾似一般既齋. 好想叫個面包飯但個日有d吾舒服,等下次啦。

其實新派素食都有食過好多,呢間都開左好耐,但係次次都只係經過,今日終於的起心肝試一次,3個人去食lunch,叫左個二人餐再另外叫一個餸,松子魚,咕嚕肉同腰果椒鹽骨,重有個哈密瓜海底椰炖湯....我最想講既係個咕嚕肉,個fd第一啖已經話好食,跟住到我試.....嘩,我食完第一舊,望左好耐都唔敢肯定佢係齋,好勁,咬既質感同睇都似係一舊豬肉多過係一舊齋,而其餘幾樣都好食,重每日都有幾款set lunch,價錢都唔貴,外賣重平啲添!!!我會再帶fd去食

想不到吃什麼, 又想清淡一點, 見到有齋舖, 算啦, 見幾多人, 試試吧! 估不到佐敦這地方, 竟然咁國際化, 有老外和同胞, 當然也有不少港人, 但同胞和老外竟佔了半數.

見鄰座的那磅麵包很得意, 問下係咩, 原來係用麵包載著的焗海鮮飯. 又幾新奇喎, 試下先! 味道很不錯, 有幾可亂真的蝦和帶子, 飯面舖上了忌簾汁和芝士, 味道不錯. 四邊還有翡翠苗伴碟, 清新可口.

另外點了甜酸烤鴨, 名字很好, 但原來只係素鴨打個獻汁…有點搵笨的感覺.

飽魚菇伴清菜, 有極大量的獻汁, 很厚, 一看到便食欲不振, 只淺嚐. 味道當然很一般.

呢個笑臉, 只為那海鮮焗飯, 有新意和味道不錯. 其他的…算了吧!

是日農曆十五的晚上，禾之家人山人海，
新派素食果然生意不錯！
當晚點了沙律卷、冬蔭功炒年糕，最特別的是一道招牌fusion菜：大大如棺材的面包內，加入咖哩炒飯和外淋上白汁和芝士再焗。
三道菜都好吃，但最後一道面包fusion菜則雷聲大雨點小，面包好un，咖哩炒飯不夠咖哩味，芝士不香，可謂賣相搭夠，fusion過頭…….
幸而服務不錯，店員在極多人的情況仍面帶笑意，難得難得～
驚喜的是壺茶用了玄米，好香～　第一次付茶芥錢都覺得係值得的！