2
0
0
付款方式
其他資料
酒精飲品
外賣服務
加一服務費
室外座位
電視播放
以上資料只供參考, 請與餐廳確認詳情
真第一次寫食評,係好好食,因為附近好多小炒店搶晒客,成間鋪就只有我同另一個朋友,一入去老闆娘奉上老火無味精靚湯,說出面凍凍地,正好有碗湯飲下,說實話,我從未飲過茶餐廳嘅例湯如此好飲足料,我問老闆娘:真係無味精? 佢話今晚返到屋企你口渴返來搵我!餐細看牌,晚餐蒸䱽魚$38一條!!? 平到咁!? 我屋邨商場一條唔跟飯嘅蒸䱽魚都要$68一條,真係好抵!!!睇緊餐牌期間,老闆娘問我們:點解要入來我們店吃飯?我回同朋友答: 我們喜歡到處尋找平靚正嘅餐廳! 眼見附近咁多人,唯獨呢間人少少,所以我們就是偏偏想進來試下,老闆娘回應: 我們平時都是做午市的, 我們都是剛剛初試夜市,可惜效果一般,被附近的小炒店搶了不少客,而家我們裝修都時以茶餐廳格局,招不了客來,所以決定今天就是最後一晚夜市!最後闆娘向我們推介惹味豬肚雞煲,當雞煲送上來時,我的第一句就問『老闆,你呢個雞煲會唔會蝕錢?』足料香味撲鼻嘅雞煲真係好好食,豬肚好新鮮雞煲內嘅汁底味入晒落豬肚到,撈埋飯更一流,雞肉鮮嫩加少少辣好野味,老闆仲送我地兩杯野飲加兩個白飯我地實在不好意思! 我地強烈要求佢計返我地錢!可惜都係唔收...老闆娘同我地講,如果我們有需要,隨時為我們再開夜市,真係好窩心的一間茶記,人情味十分滿分! 食物制作認真! 值得一試!!
繼續閱讀
自己係葵興返工,大多数時閒都係葵芳開飯,聽朋友講光輝圍開咗間新茶餐廳,今日就去試下。嘩一去到都勁多人,可能午市時間,不過得我同朋友兩個都好易揾位。午餐都有好多選擇,有十個餐,價錢由三十元至三十八元,包湯及熱飲,都幾平民化。我選了古法炆䱽魚而我朋友就選了豉椒班腩炒麵。先來一碗老火湯,飲得出是真材實料,不是那些味精湯,之後到主菜,沒想過這四十元的午餐,竟然給你一整條魚,魚是先炸過再炆的,很好吃,尤其是D汁很出色,拌有冬菇絲及肉絲,而我朋友那碟炒麵都很好,班腩外脆内軟,麵亦炒得乾身。總括這頓午餐很滿足亦很起值,一定會再來。
繼續閱讀