11
4
0
港鐵太子站 D 出口, 步行約2分鐘
繼續閱讀
附加資料
外賣自取
營業時間
星期一至日
11:00 - 23:00
以上資料只供參考, 請與餐廳確認詳情
坐低店員很快來落單，叫左2樣野，擔擔麵好正，好大碗，材料幾足，賣相不俗，麵方面都處理得好好， 味道幾好，全個碗都系個種花生色，很有風味，食落個陣花生味夠曬濃郁，簡直系正呀!口感亦都吾錯。小籠包滿是湯汁的還有上等鎮江醋，鎮江汁酸酸地好開胃，原來真係好好食。總體黎講，啲野黎得好快，十分衛生，會再來試多次。
繼續閱讀
今天第一次來便試$29一位的團購，本來期望不高但亦算喜出望外。跟老婆每人來了一辣及一不辣的擔擔麵及兩客共八顆小籠包，麵的確很有風味，跟上海鋪的不同是用上大量花椒煮的湯底，麻度及辣度剛好不霸道嗆喉，分量是僅夠作午膳，包子來的時候剛巧能入囗不太滾(安全指數高)，滿是湯汁的還有上等鎮江醋才是精粹，用不秀鋼籠十分衛生，加一杯豆槳才是三元及不錯的假期天茗茶錢六蚊一位，最後兩大優點是灌水勤力和廁所無狊。順帶一句這裹冷氣十分夠女士要特別注意，唯一可挑剔的是旺地中的店子受面積所限室內很像條巷子。
繼續閱讀
同事們在Group Buyer團購買了優惠就話即買即用, 效率快到呢! $29擔擔面加四隻小籠包。四川辣我很喜愛, 但我無選擇與他仨一樣, 他們選的大.中.小辣都合心意, 而我選的麻辣肚絲撈麵, 我本來叫用少d麵, 待應話吾係好大碗, 原來份量岩岩好, 麻辣的麵是較爽身, 同款麵, 但未有湯浸過, 幼細一點, 加上少許辣, 好好! 我的套餐是$40拼素餃, 可惜只得兩隻, 因為佢有高級餐廳水準, 所以都想添食﹏個淅江醋吾稀, 我差不多清枱; 還是最欣賞就系食完吾覺有太多味精, 最怕食完一餐要飲好多水都幫吾到的感覺, 這次並沒有。
繼續閱讀
想食上海菜, 係OPENRICE睇完之後見到呢間既食評都唔錯, 而且又有得用TABLEMAP卜枱, 非常方便, 仲有甜品送添, 所以就一於決定黎呢到試一試喇呢到既餐牌都有好多選擇, 不過最後都係散叫, 因為想食既套餐都無等左15分鐘到, 佢一次過上哂所有菜紅油抄手: 辣味剛好, 皮夠哂薄, 但佢地既大小非常之差次, 有一粒特別細小我覺得要點D醋先更能帶出佢既鮮味雪菜肉絲炒年糕: 調味剛好, 唔會話過鹹年糕亦都夠哂彈牙, 好怕食個D林哂既年糕賽旁蟹: 一上枱個蛋黃已經穿左......點解會咁架...不過味道的確係好既, 即使加左醋, 每一啖都食到蛋黃既香味麻辣擔擔麵: 好鍾意佢個湯底, 麻同辣做得好平均, 唔會話麻到完全無感覺。不過個麵就真係差左D喇, 完全唔彈牙, 無口感, 可惜拔絲蘋果:唔係到到都有得食架, 所以一見到餐牌有就即刻點喇!不過因為友人唔食香蕉既關係, 所以被迫揀蘋果......職員會先拎出一盤冰水, 然後再拎出個碟充滿糖漿既拔絲蘋果, 即場係你面前放入D冰水到, 等佢急速冷卻。見到佢一絲絲既糖漿已經好急不及待想食啦果然做到外脆內軟! 係嫌個外皮厚左少少者不過外甜內酸,有D唔習慣, 因為平時食開都係食拔絲香蕉, 下次黎再試過桂花玫瑰糕: 桂花味太少,玫瑰既香味太重
繼續閱讀
已經是第二次來，平民化價錢，舒適的晚飯環境，有質素的食物，服務好！係呢度晚餐有一種覺得好寧靜舒服，同空間感，係一個可以好好晚餐傾計的地方上次同今次黎我都係點了二人套餐(餐湯，小菜，任選二小菜，飯/擔擔麵(另加$15),每日甜品），無他，因為貪佢平靚正！228食到飽到嘔！但食物一啲都唔馬虎！上次點了酸辣湯(真係好酸好辣好好正)今次就試下波菜魚肉羹。成個湯好清，因為我係一個食開重口味野既人黎，所以對我黎講就清淡左啲啲，但友人就覺得唔錯，成個湯好“菜“始健康前菜棒棒雞跟蒜泥白肉以咁平民價錢來說算是不錯，嗰汁幾正！前菜我選了賽螃蟹同水煮牛肉賽螃蟹好正！！必嗌！！水煮牛肉係好好好正，雖然唔算好牛肉有牛肉既香味，夠稔！入面既粉皮係我既最愛！浸好耐都唔“湖“仲好入味好爽我選了加十五啲蚊佩擔擔麵，因為份量好多，兩個人一碗已經好夠！(餐跟兩個）講番味道，好香花生肉碎味！可選不辣，辣或加辣除了二人餐外，我地仲點左個蟹粉小籠包！湯味好濃好香，一口成個包放入口，味蕾既大享受套餐是曰甜品係椰汁紅豆膏：雖然味道好清，但紅豆同椰汁既香味好出、總括而言！228二人套餐咁平民化既價錢，但食物絕無將貨就價，食物有賣相，份量多，好味道！我兩個唔細食既人都每次都食到飽到嘔！而且環境清優，又有服務！埋單走人時每個侍應同你講多謝拜拜！出面每位228都唔會有咁好service!係今時今日物價高昂，周街連鎖店既香港，仲搵到咁平民化但又食得滿足既餐廳真係好難得了！
繼續閱讀