尋日(14-11-2009 Sat)晏晝同男友去旺角睇Openrice送o既’賭博默示錄’,未睇之前先o黎個lunch.由油麻地一邊行o黎一邊搵o野食,行到近朗豪坊喇,都搵唔到咩o野食,男友又唔想o係朗豪坊食,見到呢間,佢話試吓.啊,好啦.

佢見到有個$98.00o既精選二人午餐,好似幾抵同幾吸引,就叫呢個.

餐湯我o地又例牌要一紅一白,o黎到我o既白湯變o左粉紅湯,飲落,係南瓜忌廉湯,裡面有啲粒粒加強口感,我見到有冬菇粒,其他就唔知係咩.而味道係一般啦.

而男友o既羅宋湯好深紅色,幾嚇人,我冇問男友味道如何,自己亦冇試.

三選二o既頭盤中,我o地揀o左
鴨胸釀鵝肝慕士沙律同蜜桃鮮蝦沙律.兩樣o野賣相幾好,但係開邊蝦有一隻蝦頭都未清晒,而兩隻o既腸亦都未挑乾淨,要自己清理,都幾核突.食落,蝦都算鮮o既,蜜桃都係咁啦.而沙律汁,唔似黑醋,似豉油多啲.

而鴨胸釀鵝肝慕士呢,我竟然咬唔開鴨胸,鵝肝慕士,口感唔似慕士,而得一撮仔,其實食唔出啲咩o野.

三選人o既主菜A,我o地揀o左炭燒羊扒薄荷沙沙汁配菠蘿炒飯.
三件羊扒唔大件,食落仍有羶味,個汁都幾稀,呢個好似唔使要功夫,而菠蘿炒飯呢,裡面有提子乾,而個飯竟然係好淡好淡,同男友食咁少o野都放棄唔食飯.

二選人o既主菜B,就要香煎龍脷柳配水牛芝士蕃茄沙律,不過落單時侍應話可以改要薯菜,咁我要薯菜啦,佢都提醒,咁冇沙律咯喎.啊,冇問題吖.

但o黎到,竟然畀o左沙律,於是我就要求換返,個侍應又講多次咁就冇沙律,我又答得.咁就換返喇.

薯菜少到呢,而龍脷柳係凍o既,好失望,醮o個水牛芝士,味道又好淡,而心型薯餅呢,只係暖暖的,外面微脆.

最後係餐飲,我要熱奶茶,男友要熱檸茶.我杯奶茶茶味都幾夠,奶就少啲,但可以接受.

環境:
一入到o黎,啲燈好似未開齊,畀我感覺唔係浪漫o既氣氛,只係為o左慳電,不過二人坐四人枱,係好舒服.

服務:
全部係著黑衫黑褲o既男侍應,個個都有禮貌,好好o既.

兩個人吃 叫左二人餐
份量足夠
龍蝦湯 唔太濃味 我本人鐘意濃味 蝦肉少
芝士三文魚拼田螺頭盤 好味 我鐘意
主菜牛扒 7成熟 很嫩 但唔太多汁 普通
意大利飯 米很粗 唔滑 有點鞋 我唔多接受
心太軟 幾好 甜度適中
蘋果酥 真係幾出色 推介

之前想食很久，同伴侶慶祝，又正好9：30后了，75折好抵
兩人叫set，看下已覺很抵，有2湯，2前菜，2主菜，2甜品，2飲品

湯是白湯啊，有包+牛油食，正常味
蜜桃鮮蝦沙津，同唔記得係什么餡的酥，正常味，不太特別
法式焗海鮮酥盒，正啊，酥盒中有意大利飯！海鮮都ok
香草羊鞍，都係正！好中意羊！！
心太軟，無酒味，好多朱古力爆出來！
另一個甜品，同飲品都是normal！

店員會幫你影相，so helpful！

又到旺角開飯　每次到旺角都很頭痛　因為不知吃甚麼好

所以把重任交到友人身上 友人提議吃西餐 深愛西餐的粉仔 當然第一時間贊成

友人說餐廳在砵蘭街 粉仔即時想起曾聽聞那兒有間西餐不錯 而它的心太軟更是水準之作 走到門口一看 果然是這間店



餐廳有兩層 粉仔跟友人被安排到樓上坐 門一打開已經有一陣怪味傳出 其實是空氣清新劑 但友人都認同感覺像去了洗手間似的 anyway 坐久了鼻也麻目了 問題不大



粉仔跟友人各點了一個set set包括餐湯、前菜、主菜、甜品及飲品。 粉仔點的是忌廉魚翅湯、蜜桃鮮蝦沙津、芝士焗牛油大蝦拼豬扒及法式蘋果酥。 友人的則是南瓜湯、法式焗海鮮酥盒、西冷扒及心太軟。



忌廉魚翅湯沒甚麼特別 就是普通的忌廉湯加入了數條魚翅 普通貨仔(粉仔推介指數:emotionemotionemotion五為滿分)

(是次相片都是用手機拍 所以效果一般 敬請見諒)

Picture

而友人的南瓜湯則甜得有點假 (粉仔推介指數:emotionemotion五為滿分)

Picture



蜜桃鮮蝦沙津 蝦算是鮮 沙津以蘋果為主 亦是沒甚麼特別 但菜的部份加了少許的醋 但它的醋又少又淡 味道有點點怪 @.@ 真是比起粉仔家中所用的醋還要差!!!!(粉仔推介指數:emotionemotion五為滿分)

Picture

法式焗海鮮酥盒 比起沙津好一點 酥皮還算酥 但裡面的海鮮餡 有點一pat野的感覺 也吃不太出有甚麼海鮮 不過至少不算難吃 配碟的菜沙津問題跟上面所說的一樣 都是醋的錯(粉仔推介指數:emotionemotionemotion五為滿分)

Picture

主菜上場 粉仔的芝士焗牛油大蝦拼豬扒看上去超吸引的說 蝦滿大隻的 豬扒的樣子更是美 連一條長長的骨~~ 哇~ 比起一般餐廳的豬扒好多了 蝦很新鮮 肉很爽口彈牙

Picture

而豬扒 肉質鬆軟 很juicy 煎得金黃 調味也很好 一餐下來最令人滿意的就是這個豬扒 還真是有點意想不到 (粉仔推介指數:emotionemotionemotionemotionemotion五為滿分)

Picture

相反友人很安全的點個西冷 肉質跟調味雖沒甚麼大問題 最致命傷是西冷不夠熱 連暖也有點不算 粉仔相信一來是因為要由一樓廚房送來二樓 二來可能要等煮夠一定碟數才送上二樓 而最大問題還是侍應把不同枱的前菜跟主菜一起拿上來 前菜只不過是沙津甚麼的 正常也先該把主菜先上給客人吧!!!! 因為放久了主菜會涼掉 而沙津放一陣是沒所謂的~_~ 我們這些等主菜的客人 就只能眼巴巴看著主菜冷掉~_~ (粉仔推介指數:emotionemotionemotion五為滿分)

Picture

終於到吃甜品的時候了 先上來是廣受好評的心太軟

粉仔讓友人把心太軟切開來拍照 囧~~~~~ 裡面的朱古力心竟然要弄很久才流出來 致命傷又是溫度的問題~~~ 基本上不流朱古力心的心太軟 先扣掉一半分 吃下去蛋味跟朱古力味是滿香 可惜~ 敗了在不夠暖 (粉仔推介指數:emotionemotionemotion五為滿分)

Picture

法式蘋果酥 繼豬扒後另一個驚喜 跟豬扒一樣其實是有點因為沒別的東西可點 粉仔才會點這個 可能真是因為沒甚麼期望的關係?! 這兩者都令人有點驚喜 蘋果酥的皮很夠酥 而暖暖的蘋果餡很香但不會太甜~~ 粉仔滿喜歡的~~~(粉仔推介指數:emotionemotionemotionemotion五為滿分)

Picture

總結



$100左右的餐還算ok啦~ 不過可能坐一樓會比二樓好 因為食物送到上來 真的都有點冷掉 整頓下來 豬扒真的是讓粉仔最回味 其他的都不過不失~ 有機會還是算可以一試的餐廳

要搵地方搞 party, 同老公黎試下晚餐順便睇下個場. manu 好多野揀, 食左2個 set dinner, 一個鴨胸意粉同唔記咩飯, 不過比起樓上 cafe, 份量算多, 有湯同餐飽同飲品, 味道 ok 既, 不過不失, 但又唔會推介比人咁.

地方比較迫, 樓底矮, 都較嘈, 我覺得係高級少少既茶餐廳格局, 又黑得滯, 光 d 好 d. 講番睇場搞 party ,原來係閣仔, 仲黑過樓下, 封密哂, 好焗促, 樓底又矮, 好舊, 20 幾人, 肯定勁嘈啦. 仲唔平喎, 毎人過 $200 呀, 唔駛諗啦

為同事慶祝生日，一行十人到天機棧lunch。訂了十人的檯，給了二樓的位置(從旁邊大廈樓梯上二樓)。

我自己叫的是白蘭地黑椒汁薄牛扒餐。先來的是忌廉湯，好淡，冇乜味，扣分。

薄牛扒賣相不佳，口感勉強過得去，牛扒質素與"大間樂"早餐的牛扒差不多。

其他同事有部份叫了凱撒沙津，但用的並不是凱撒沙津的沙津醬，扣分。

加錢有甜品，有很多選擇，我叫了心太軟。裡面的朱古力很多，而且也美味，加分！

同事叫了法式焦糖燉蛋，但並不是法式做法，如果餐牌上寫的不是"法式"會好一點，扣分。

飲品可以配花茶，亦有很多選擇。4位同事叫了花茶(不同款式)，不約而同4位都說太甜，甚至加水沖淡後仍然太甜，扣分。

將近埋單時，侍應奉上了雪糕，餐牌上沒有的，問過後原來是6人或以上光顧送雪糕。早知道就不另外加甜品吧！由於顧客並不知道有雪糕送，扣分。

二樓的地方很多回音，坐多幾檯人就已經很嘈吵，扣分。

總括來說，心太軟好食，推介。其他的食物、環境、服務全不合格。

之前睇openrice食評都話幾好, 行過見到有個stand介紹二人套餐, 正好同fd要搵野食, 就一於試下!
環境好一般, 唔鐘意籃籃地的冷色, 有d似雪櫃 (-v-)
光唔係光, 暗唔係又暗, 好難影相。坐都ok, 但同fd傾計食飯可以再好d! 如果下次又係飲o野傾計, 我唔會黎架啦。

:bowl:$238二人套餐: 價錢ok, 都幾多野食, 仲有甜品添

沙律: 黑椒燒吞拿魚凱撒沙律
一d都唔似凱撒沙律! 差好遠! 沙律sauce唔係凱撒沙律醬, 係普通沙律醬!! 我朋友仲要冇醬!
麵包粒得一粒!! 仲係唔係凱撒沙律?!
吞拿魚唔新鮮, 食到有少少縮唔好食!!

:chopstick:餐湯: 西蘭花忌廉湯
唔忌廉...得薯仔味! 我心中expect係好creamy架麻, 點之完全相反
好西蘭花蓉, 但薯仔太多, 應該係薯仔湯至啱。
面頭的麵包粒真係冇好過有 又唔脆又冇味
蒜蓉包真係好ok........好乾唔蒜蓉, 不過好過冇。

主菜: 牛柳鵝肝配飯
牛扒肉質好散, 牛味香濃, 但唔夠滑。肉汁係有, 但軟身左d...
飯係白飯, 如果係炒飯會好好多! 同唔夠汁送白飯呢! 份量都唔少架
鵝肝[/菜b]ok的, 有片多士係底, 可以就咁食, 幾好味, 但油香不足。
伴碟的配菜好多 唔腥, 係食得架!
朋友要酥皮焗羊扒
羊扒都ok, 但唔夠滑 ; 配上酥皮好special, 又幾好味
但酥皮賣相唔係咁好, 好似好實咁, 睇落有幾分似老婆餅XD

飲品: 凍檸茶
最好就係凍飲唔洗加$
檸茶味偏酸, 係少甜的, 不錯。

甜品: 朱古力心太軟
好失望, 冇想像中的好
唔係好朱古力za...流心唔夠多, 同可以再甜D同多D朱古力!
果底憹晒!! 好苦!! 不能接受呢!!
單叫32蚊個就真係好差

***
薄荷莎莎汁好好味!!
酸酸maymay好開胃, 一定要試下


總結
OK, 但唔係好味, 唔會再食~

聽聞過這間餐廳出品的心太軟十分出名, 前兩天終於有機會一試.
星期六中午收工後約了老爸老媽吃飯, 途經這店, 心想不如一試, 於是入內幫襯. 餐廳內人不多, 只有半滿. 找了個位子坐下後, 開始研究餐牌, 發覺原來跟餐加$10便可以點甜品, 十分便宜! 於是點了個二人餐+心太軟一客. 這裡的環境一般, 像港式西餐廳格局.

二人餐份量可不少: 有兩客餐湯, 兩個頭盤, 兩個主菜, 和兩杯餐茶. 餐湯選了紅,白湯各一, 紅湯的什菜頗多, 味道濃而不辣; 白湯同樣濃, 味道像周打魚忌廉湯, 味道不俗, 用料也算豐富.

頭盤分別是法式焗海鮮酥盒和蜜桃鮮蝦沙律. 法式焗海鮮酥盒的賣相精美, 海鮮酥盒很細小, 大小和一筒山楂餅差不多. 至於海鮮酥盒內有甚麼海鮮, 根本吃不出來, 因為內裡的東西全都絞碎了, 只吃到點點的海鮮味而已. 蜜桃鮮蝦沙律的味道一般, 鮮蝦既少又不新鮮....失望!

主菜炭燒西冷牛扒伴香草紅酒汁點的是8成熟, 結果上枱時只有約5成熟, 切開時還有血水流出! 於是叫侍應把牛扒再煮, 之後送回來的真的差不多全熟, 不過老爸認為牛的質素一般而已.
田螺煙三文魚燴天使麵有四隻田螺, 不知是罐頭的還是急凍的, 味道有點鹹, 三文魚燴天使麵味道不錯, 不過醬汁比較杰, 撈天使麵有點困難, 如能夠稀一點就更好!!

點餐茶時本來想點桂花蜜, 但因售罄的關係, 只好改點玫瑰花蜜. 賣相和味道都像"利賓納", 甜甜中又帶點酸味, 一般而已. 最後來的心太軟, 賣相不俗, 但比預期中細小, 切開時有不少朱古力醬流出, 實在好玩!!!! 不過味道和質感都跟期望中有點距離, 質感像麵包布丁, 外層不大脆, 但裡面又很淋, 有點怪的感覺!! 味道不太甜, ok!

食物水準只是一般, 可能因為以前的食家對這店的評分太好, 所以期望較高, 又有點失望. 侍應的服務大致ok, 如果食物的質素再好一點, 生意應該更好!!!

$238二人套餐（+10%）：沙律、湯、主菜、飲品、甜品各兩個

沙律。鵝肝多士、海鮮酥盒：兩者皆不錯，小小的酥盒很香脆，內裡的餡料味道剛好，口味不會很濃，多士又香口

湯。南瓜蟹肉湯、忌廉湯：南瓜湯沒什麼南瓜香味，反而吃到不少蟹肉
蒜蓉包: 蒜蓉味不會過重，ok，唔錯微溫，脆又香口

主菜。露筍南瓜蟹肉扁意：扁意不太好，如同南瓜湯般，毫無南瓜味。沒有露筍，只有三椒絲
炭燒巴黎西冷扒(5成熟)配薯菜: 牛扒肉質幾好，煮得剛剛好，又軟又多肉汁，不錯，薯菜有個細薯蓉、西蘭花、蕃茄，水準和賣相也不錯

飲品。特飲另+$8。忘了名字，一杯是芒果+草莓，另一杯是青蘋果，色素什重，飲用時謹記搞勻，皆因醬料甜味全沉澱在杯底，超甜

甜品。朱古力心太軟：沒想像中的好，心太軟不夠流心，心太軟暖暖的，但朱古力還算香、滑、不太甜。配雪糕另+$8
酥皮蘋果批：兩件小小的，略嫌不夠'酥'

共：$279

5pm 搵個地方食 tea, 嚟咗呢度

當時冇乜人, 寧靜的環境在旺角非常難得

叫咗 tea set, 係海鮮酥皮盒, 味道唔錯, 但只有兩件...... 唔多夠喉
加 $10 要埋個心太軟, 總算冇失望,
流心又唔太甜的感覺, 淡淡的蛋香, 唔錯!

新裝修完﹐感覺干淨舒服。我們人多﹐所以被安排坐樓上。唯一缺點就係一班女仔要走上有賓館招牌的樓梯口﹐有點尷尬﹗

我點了牛柳+鵝肝餐﹐ $128 有湯有飲品﹐不錯﹗

選了菠菜三文魚忌廉湯﹐好味﹗

餐飲仲可以選花茶﹗

抵食﹗一定會再來﹗

今晚小弟同女友係旺角搵戲睇睇，就試下呢間成日book爆枱0既MAGIC有乜計
小弟成日蒲旺角都係第一次"幫襯"，望去裡面D燈又鬼咁暗，心諗今次女友一定好冧

頭盆 - 巴馬火腿/蜜瓜 (以為係火腿刺身,味道一般,煙燻更佳 / 蜜瓜可以)

湯 - (不值一提的例水)

主菜 - 意大利飯 (港式糊仔煮法,太過軟,汁偏淡)

甜品 - 蘋果酥 (皮實而不酥,蘋果很有蘋果味)


希望有幸可以再來時,會有更好的表現,首先係環境0個一方面。

同朋友行開旺角,
大家提議去食下西餐~~~~
原本我諗住去新世紀果度食美國餐,
不過佢地話太遠 wowowoooooo....
最後搵下搵下,黎到呢一間天機棧食野,
因為個門面太似網吧,
所以我之前行過都冇入黎食過野 lol

order兩個二人餐,
乜都係揀兩樣,
我叫左個肉眼扒~~又真係好似之前d post咁講,
好林啵!!!!
個湯同前菜睇得出都幾畀人機整,
略嫌d蝦真係唔係好夠新鮮,
入貨果度可以再好d

呢一間我將佢入左做nanonavi既my favorite,
因為個location問題,
記憶力要記住個內街d location係一件好煩既事~~~

呢日有朋友生日,原本打算去旺角某間CAFE食飯慶祝
點知FULL BOOKING
於是朋友就揀左呢間試下
由於大家一開頭想去CAFE係想玩D BOARD GAMES
所以去到MAGIC CAFE & GRILL有少少失望
坐低揀食物都冇咩大期望
都係諗住佢係一般樓上CAFE水準
我地叫左幾個意大利飯,意粉同羊扒
先黎個餐湯
係生蠔忌廉湯
十分SURPRISED,
個湯好好飲,蠔味好濃郁
好似直接將D蠔打蓉甘
但係又冇腥味
已經超出預期
D MAIN COURSE不過不失啦
D蝦好新鮮,蝦肉夠實,
唔係D雪藏玻璃蝦,
而且有蝦GE鮮味
意大利飯冇正常意大利飯甘漏
幾岩我口味(加上我消化唔好)
份量唔算大,但係都夠飽
總括黎講比想像中好
所以好滿意~
值得一提係佢GE WAITER好NICE好FRIENDLY,都幾好禮貌
同埋佢TOILET幾乾淨
呢樣對女仔好緊要!!!
請埋壽星都係位位$130有找

是日跟朋友去完西九之後落旺角找東西吃,
好耐之前聞說有間叫天機棧既西餐好好食,
都有睇過Openrice d食評~~
但係一直都唔知0係邊,

反正而家有用Nanonavi,可以locate天機棧個位置
Finally,好快就搵到,如果唔係Nanonavi可能我要搵勁耐!!!

luckily咁岩果個時間冇乜人,可以坐大檯,
Order左一個二人套餐,238蚊2個人
可以任揀2個appertizers,soup,main course,drink同dessert,
appetizer d choice好古怪,
都係叫server介紹下先~~~~~

海鮮酥盒: server冇介紹錯,幾好食,入面都幾多料
波菜忌廉湯: 本身都好buy波菜忌廉湯,不過入面d蝦超粉,,,,好怪!!
蒜蓉包: okay唔錯,夠熱夠脆
牛肉眼扒(5成熟): 都夠林,但係個意粉同菜都好差,唔夠熟~!!
心太軟: 最想try既一個dessert,不過可能對佢個expectation太高,原來都唔係好特別~~~不過而家好少餐廳有心太軟食嫁啦~~~~~
熱咖啡:聽到係即磨既,加分,都好濃滑,醒晒~~~

Anyway,成間野畀我既感覺係好港式,
不過二個人食到咁多野已經好幸福,
服務都唔錯,幾專業~~~~讚!!