There are prerequisites to enjoying your visit to Kashmir (they also do a thriving 外卖 business). You need to be comfortable sharing your table. You has best be acquainted with what Pakistanis mean when they say "spicy". You should either enjoy goat meat or be blissfully unaware of what "mutton" is. You should be familiar with the nearest 7-11, from which your beer will come. And you will want to have a strong enough constitution to hold your meal down when the cook lets out enormous sneezes in the kitchen.

In return for your qualifications you are likely to receive a meal that would likely be described as "cheap and best" in the Subcontinent. Rich, tender biryani (I had mutton). Crunchy samosas. Tangy curries. Topping it all off, the best roti parathas I've had east of Upper Thomson Road in Singapore.

We absolutely killed it and the bill was $170. The curry sauce had a lot of cloves in it and I think this made a big difference to my enjoyment level. Surprising.

If you take the pre-reqs and don't try to come in a large group then you are pretty likely to enjoy Kashmir.

路過感覺幾好食，就行左入去。
迎面係熱情的喀什老闆，操流利廣東話，佢話學就識講架啦。叫左咖哩雞同咖哩羊，仲有咖哩雜菜
仲諗住個雜菜應該係好老少咸宜，但佢係最辣架！因為d菜索晒d咖哩汁同埋辣油，食成碟真係會噴火！
叫之前老闆已經用好搞笑嘅好吻提我地，仲應承左少辣，唉！但估唔到少辣都咁辣
但總括泥講都幾好食，不錯不錯！個芒果奶昔都幾好飲架！
基於老闆友善好客，價錢又ok，所以我對呢間野都幾有好感！

深水埗最多的是粥粉麵飯，但可惜我對粥粉麵飯沒甚麼興趣，所以這天選擇到喀什米爾咖喱屋吃咖喱。
已經很久沒過印度咖喱，味道實在太濃烈，很怕身體都把那種味都吃了就不好了。咖喱可選飯或煎餅，每天都有飯吃，當然選跟煎餅吧。

今天想吃羊，點了一份羊肉咖喱($40)，雖說是羊肉，實際是羊腩。不要小看這隻碗仔，羊腩份量頗多的，大約有7件。
羊腩煮得熟透，十分軟綿綿，嫩而有嚼勁，咖喱味很強，羊的羶味都不見了。咖喱用了多款香料做成，十分地道的香味，用來沾餅十分好吃。
因為這咖喱汁實在太惹味，所以到最後都吃光了。

咖喱做得很好，不過酥餅比較遜色，不夠酥也不夠熱，硬硬地，要好好改善下吧。另外一款點了雜菜炒飯($30)。用長米炒成，辣勁十足，飯粒分明，味道不錯。

吃後感: 這裡的咖喱非常正宗，吃進口不算太嫩，但我那個小小的胃感到劇烈的痛楚，說明了我的胃受不到這辣，也說明了這個咖喱十分正宗。
味道是不錯的，價格也適中，間中吃一頓濃烈的咖喱也不錯吧。

今晚要到黃金商場買電腦用品後，順便到附近食肆食埋晚餐至返家。因今晚有些雨及天氣有點潮濕，腦中一閃之下就想食咖喱，咁就去對面街嘅喀什米爾咖喱屋。咖喱屋由印巴藉人士主理，店舖面積很細，大約得＋八個座位，佢哋嘅食餐都係樸實無華，主菜祇係牛、雞、羊及魚，冇貴價嘅海鮮及豬等食品，係一間平民化嘅清真咖喱店。今晚我點了 - 咖喱薯仔大豆(Aloo Chana) 連薄餅(Paratha) 套餐 + 芒果酸乳(Mango-Lassi)薄餅 - 一啲都唔油膩，送到枱上仍然非常熱辣，咬一口，質地煙奀，用來點咖喱汁來食，正！
主菜 - 咖喱薯仔大豆，唔似其他食肆做法咁煮到成蓉，佢哋將薯仔粒及鷹咀豆放落咖喱一齊煮，但仍然保留粒狀，令人食落有質感及咬口，我反而喜愛；而佢哋嘅咖喱一啲都無欺客，咖喱隨了有蕃茄的甜味，更食到大量的香料，非常濃香。食第一口，有微辣的感覺，你便會給它騙了而掉了輕心，佢嘅咖喱香辣由舌頭慢慢加重滲出，最後我都要飲一口芒果酸乳來解辣。芒果酸乳 - 令我有驚喜，不會酸，有啲似芒果奶昔，但有非常香濃的芒果汁味及重奶味，唔會過甜，用來解咖喱的辣味一流。

店員對顧客很有禮貌，而且能講流利的廣東話，溝通點菜唔成問題

上年錯過了, 剛好今天在巴士上層見到有芒果賣, 熊媽拿拿林叮鐘落車, 跑去買巴基斯坦的芒果盛產期是6月, 所以剛問過老細, 逢6月、7月、8月他們都會賣 巴基斯坦芒果一盒3kg重, 重到差些連手臂都拉長咗聞落有很香的蜜糖味, 難怪叫Honey mango 食落並沒有預期的勁甜, 但會有少許奶味的after taste, 果肉綿密, 汁也很多, 用匙羹逐羹「畢」也不會弄穿果皮 鬚鬚也只得兩三條, 不用剔牙咁尷尬

好嘢要益吓人, 下次買盒送俾奶奶

牛肉薄餅$15...餅皮貌似油酥餅但原來唔油唔酥, 中間一小撮內餡的牛肉切得碎並混合薯肉粒, 當然薯粒較肉碎多。咖喱雞脾$15...雞脾炸到熟晒, 所謂咖喱但無咖喱味, 應該叫香料雞脾更恰當（上）咖喱牛肉, （下）咖喱羊肉, 套餐 $40 連飲品, 那碗咖喱餸好細碗, 一碗有四件肉左右, 咖喱汁稀杰適中但用得較少洋蔥蕃茄來煮, 因為這店賣的是回教咖喱嘛, 要用多點~ 咖喱微辣, 偏淡, 肉類未算入味, 中規中矩但談不上有驚喜。

環境乾淨, 店員友善親切, 能用廣東話溝通

本來想叫個餐，但係啲小食個樣好吸引，所以叫咗雞肉薄餅，咖喱炸雞同咖喱汁。本人唔係好食得辣，個咖喱汁對我o黎講太辣，不過味道幾好。我最鍾意係個薄餅，下次打算試其他味 ：）

有時想起食咖哩多數都會去尖沙咀重慶大廈這一些正宗印度食物店，又或是去佐敦印度會、灣仔或是九龍城一些印度食品店，可能大家的心目中都會有很多的名單，但在我心中的名單是沒有深水渉這一區的，所以今次就去一個在深水渉的正宗印度食品店 : 喀什米爾咖哩屋。說來真是有點兒慚愧，以為自己好熟深水渉這一區，常常都行過附近都完全沒有發現這一間店子，可能是店的門口沒有太多吸引人的因素，再加上它的位置不是在有很多食店欽州街近黃金商場這一邊，而是在麥當勞對面比較少人行的這一邊，所以今次都是朋友的介紹才知道有這一間店子的存在。

常常以為六時去到一定會有位子的，但原來已經是坐滿了人客了，無他的，店內只有三至四張枱的，而門外也有很多的人客在等外賣的，以為要等一段時間突然之間店員說其中一張枱還有兩個位，二話不說就坐下了，看看內部都沒有什麼特別的裝飾，只是簡單地有一些印度風味的掛圖有內，由於店內的空間不多，坐下都有一些焗促的感覺。看看餐牌見到有很多的套餐，咖哩牛、雞或是羊配上薄餅、飯或炒飯，還有一些印度的小食例如咖哩角和雞翼可以選擇。

第一次來到就叫了兩個套餐，一個咖哩雞配炒飯而另一個是咖哩薯仔配薄餅。每一個餐都有一罐汽水的。咖哩雞配炒飯($50)
見到餐牌上的炒飯賣相都幾好，所以其中一個套餐就叫了炒飯，印度式的炒飯由於是用上了印度的米，米身比較長和幼，食落會比泰國這些米是乾身一些，但炒飯乾身點都是比較適合，而吸味的程度就強上了一些，所以每粒飯都充滿了香料的味道，這個炒飯的水準幾好，而咖哩方面由於叫了少辣，本身不是太食得辣覺得辣度都已經剛剛好，而見到對面人家叫了中辣已經食到本身大汗，咖哩汁的香味都幾濃，又是正宗印度香料的味道。雞肉就有三件，數量不多但都相當之滑和入味，咖哩和炒飯都幾當之配合，水準之作。咖哩薯仔配薄餅($35)
叫了一個炒飯，另一個套餐就叫薄餅來試試，見到廚師在外面弄薄餅時都聞到陣陣的薄餅香味，薄餅有微微的油身，食落入面充滿了油香，微微粘口的感覺令人食落會更加飽肚，配上了咖哩來食感覺都是一流的，因為咖哩和薄餅幾時都是這樣的配合，而咖哩和薯仔又是另一配合，薯仔煮得十分之淋，吸引了咖哩汁令入面十分之入味，咖哩的處理相當之好。

人客之中都有很多是印巴藉人士，可能是在這些舊區想食回自己國家的食物的機會不多，所以特別多”同鄉”來到這店進餐，而門外還有很多的人在等外賣，我想很多人都同意這店的水準了。

工作人員都幾有禮貌，面上都帶有一些的笑容，在深水渉這一區又可以食到正宗的印度食物了。

店子不是太大，但食物的質素可以，價錢相宜，應該會再來的喀什米爾咖哩屋。

今次係第二次..
叫左外賣牛肉薄餅
而對上一次係咖喱薄餅

而第一次淨咖喱薄餅比我既感覺係...
見住佢整，見住佢落材料
不過好似落得好少
比人既感覺應該唔會太好
不過一拎左走一路行一路食

第一口咬落去同眼見既係好唔同
好鍾意佢既咖喱
比係其他地方既咖喱都唔同
當然比出面既好食
同唔似出面咁除左咖喱仲有其他配料整成

而今次牛肉薄餅
除左咖喱既味道
仲多左牛肉既口感
另外仲有D一粒粒
應該係肉鬆來
令到佢既口感再多一層

唯一既係餅皮好似比之前唔同左

店內的裝修確實是較為清簡
縱然如此, 我也不介意
畢竟, 我欣賞的是食物, 不是環境
豈料, 食物....也是比較一般點了一客咖哩牛肉飯
心想, 這麼大眾化的食物, 即使難吃的都不會太差吧
唉, 但事實上, 真的是很差!!!!咖哩只有辣味, 白飯不知是賣剩還是怎樣, 居然是冷的!

四十元一個餐, 雖然不是很貴, 但應該可以吃一些比較有水準的食物吧!
這一餐令我有少許失望

幸而, 這裡的薄餅尚算可以
勉強在失望中找到一點滿意