320
193
132
港鐵灣仔站 B2 出口, 步行約3分鐘
繼續閱讀
電話號碼
25720526
開飯介紹
坐在傳統的茶餐廳內，吃傳統的茶餐廳食品連出晒名的凍奶茶也採用傳統製法，所以不會出現半杯都是冰的凍奶茶。
繼續閱讀
獎項殊榮
最優秀灣仔開飯熱店 (2009-10)
營業時間
今日營業
06:45 - 19:00
星期一至日
06:45 - 19:00
*Last Order: 18:00
以上資料只供參考, 請與餐廳確認詳情
招牌菜
食家推介
相關文章
今次來到同前兩日為大家介紹嘅新景園咖喱小廚對面嘅【🌟金鳳茶餐廳🌟】呢間又係長期好多人排隊嘅地道茶餐廳☕️今次咁啱唔洗排 所以就入左去食😌金鳳啲侍應服務態度好好 無論對本地人定遊客都係👍🏻但入面座位比較窄 所以大家都坐得好近～我地今次叫左：❶ 特價午餐+凍檸茶🍋 💰𝟓𝟑+𝟑我揀左火腿奄列、菠蘿包、沙嗲鮮牛肉麵🥩火腿奄列味道不錯 不過如果蛋煎得唔好咁熟會更好🙌🏻菠蘿包比我想像中無咁好食🥲因為佢係好實淨個種菠蘿包完全無空氣感同埋唔鬆軟 唔係好啱我口味🥹下次都係叫返餐包算🤣沙嗲鮮牛肉麵因為用鮮牛肉嘅關係🥩所以唔會有個種用完鬆肉粉好淋嘅感覺 但又唔會太韌👍🏻沙嗲汁調得好好 香得嚟又唔會過鹹😋公仔麵軟硬適中 就算食到尾都唔會太淋所以如果大家嚟嘅話建議試下佢地嘅沙嗲鮮牛肉麵✨凍檸茶正常飛揮～❷ 乾炒鮮牛肉烏冬 💰𝟓𝟖鮮牛肉份量好多🥩塊塊都好大塊 唔會太韌😋烏冬炒得好乾身 夠香口又唔會太油👅值得一試👍🏻味道😋：𝟑.𝟓/𝟓 性價比🤩：𝟑.𝟓/𝟓回頭率🔙🥳：𝟑.𝟓/𝟓• ─── @𝓱𝓮𝓲.𝓵𝓮𝓽𝓼.𝓯𝓮𝓪𝓼𝓽 ─── •👧🏻｜香港𝟎𝟎後𝐅𝐨𝐨𝐝𝐢𝐞🤤🇭🇰❤️🔥｜美食情報💥｜真實食評🫦💰｜尋覓𝐂𝐏值高嘅美食👅🍳｜不定時煮食分享👩🏻🍳🍽𝓝𝓸𝓽𝓱𝓲𝓷𝓰 𝓫𝓻𝓲𝓷𝓰𝓼 𝓹𝓮𝓸𝓹𝓵𝓮 𝓽𝓸𝓰𝓮𝓽𝓱𝓮𝓻 𝓵𝓲𝓴𝓮 𝓰𝓸𝓸𝓭 𝓯𝓸𝓸𝓭👩🏻🤝👩🏼🍩𝓗𝓮𝓲 𝓛𝓮𝓽’𝓼 𝓕𝓮𝓪𝓼𝓽, 𝓪𝓵𝔀𝓪𝔂𝓼 𝔂𝓸𝓾𝓻 𝓹𝓵𝓪𝓬𝓮💗★ 🥰如果喜歡我嘅分享✨➜ 記得𝐅𝐨𝐥𝐥𝐨𝐰🫶🏻 @hei.lets.feast❤️🔥 咁就唔會錯過我嘅最新帖文啦🥳★ 😋如果睇完想去試✨ ➜記得𝐛𝐨𝐨𝐤𝐦𝐚𝐫𝐤🏷 / 𝐬𝐡𝐚𝐫𝐞比朋友仔一齊睇👩🏻🤝👩🏼
繼續閱讀
營養午餐，選沙嗲牛公仔面，火腿奄列，菠蘿包，凍奶茶，合共58。附近打工仔，食了數次，食評如下:沙嗲牛汁味濃，牛肉同面份量足，係餐厅招牌，火腿奄列大份，凍奶茶係预先調制雪凍而成，冇冰，茶味較濃。菠蘿包較其他面包店的實淨，重身，請留意，最好加5元加鮮牛油，才会由門口包框取出最新鮮的包比客人，如不加5元鮮牛油，包就不是取門口包框內取出，而係由廚房那出，会比耐一点的包比客，疊在奄列上出，菠蘿皮會較淋身，食過數次觀察到一樣做法，所以要有心理準備。
繼續閱讀
金鳳最出名係菠蘿包，但我偷聽到排隊嘅人講，雞批、蛋撻都唔錯。茶記都係主打快食快走，金鳳屬於正常速度啦！*特價午餐 $55雪菜肉絲米粉：齋米粉少湯配雪菜肉絲。肉絲有咬口肉感，雪菜又唔會太鹹，但米粉索唔到味，變咗撈麵咁款。大多數人都係叫沙嗲牛肉公仔麵，可惜我唔食牛。煎雙蛋：師傅要時間煎，所以最遲上。啱啱好煎到有半熟蛋黃漿。*菠蘿包 (鮮油+$5)最快上，菠蘿包身有牛油香、蛋香，頭一兩啖有少少酸味，質感扎實而濕軟，絕唔會係空氣包。菠蘿皮有相對厚度，香甜酥脆。中間夾住牛油塊，但好可惜菠蘿包係凍嘅，冇熱包凍牛油嘅對比🥲雖然係凍，但都好食，如果係熱嘅會更好！*熱奶茶：奶茶薄身，入口順滑，但淡奶、茶底未夠香。
繼續閱讀
潮流呢排興大光麵用大光麵嘅茶記都有個本土光環😇唔少朋友為咗食麵突登揀返有用大光麵嘅茶記🥸呢間灣仔區嘅著名茶記 — 「金鳳 」就係其中一間好早標榜用大光麵嘅茶餐廳🙌🏻門口會痴住選用頂好大光麵嚟招搖客人🍜港島區嚟講 提起沙嗲牛肉麵「金鳳」必定係榜上有名呢啲排行榜嘅野唔試唔知伏唔伏🚁🚁🚁我自己試過兩次 ✌🏼就覺得最出名嘅沙牛麵還好首先頂好大光麵一直都唔係貴野👀麵底好唔好食其實好睇廚房師傅點處理兩次去食都覺得麵底無咩特別 中規中矩牛肉就好麻麻 好韌好乾😖係好平價嘅牛肉再落粉乸鬆佢至於沙嗲 係成個沙牛麵中最好嘅味道不錯👅👍🏻常餐嘅奄列睇顏色都知唔好食好熟 唔夠滑 ☹️☹️ 整體嚟講 野食係好普通茶記水準🌞排幾張檯都可以嘅 排半個鐘就唔值得啦而且啲位真係真係好逼⋯⋯肥小小都會比伙記哥哥撞開🥶🙈🙈因為鋪頭有做埋麵包 啲伙記哥哥會不停拎一盤盤熱嘅麵包行出鋪面♨️如果經過個頭 不妨試下佢地嘅麵包🍞新年出爐 熱辣辣好Jeng🔥🔥🔥✨金鳳茶餐廳 (灣仔)📍灣仔春園街41號春園大廈地舖
繼續閱讀
「金鳳茶餐廳」灣仔老字號，充滿咗港式情懷，好窄的空間，超級窄的雙人卡位，侍應叔叔們無論係落單定係上菜都快靚正。裝修都算乾淨企理，但係奈何舖頭真係比較細。火腿通粉餐 $46，份量足夠，大大個菠蘿包，碟旁邊配有少少的牛油，傳統茶餐廳味道。沙嗲牛肉通粉餐 $46 ， 沙嗲牛肉唔錯，牛肉嫩滑，沙嗲味不算太濃郁，但亦都唔會死鹹，同其他茶餐廳比的確好食好多。叫咗熱奶茶，奶茶不過不失，茶味比較淡，奶味突出。星期日早上，早餐時間都比較多人，要等位，但流轉非常之快，見到有不少遊客都慕名而來。還未有試過午餐，聽聞雞批也不錯，但就沙嗲牛肉就可以再來多次。
繼續閱讀