老爸想試金鳳D牛扒好耐, 不過次次門口太多人等所以過門而不入...
直到早排, 因工作關係晚飯時間都過了, 見夜晚9點半估計應該冇咁多人, 再去睇睇...

到達時9點9, 仍然有人排隊...不過都係幾個, 所以今次都加入了排隊行列.
等了15分鐘, 入得去啦, 好壞舊的港式扒房環境, 亦好迫...

父子二人都叫了西冷牛扒餐, 都係叫D最基本的東西最穩陣...

西冷牛扒
好大份, 價錢跟份量的比例就一定係抵食...
不過...梳打粉落得太重手啦, 港式扒餐落梳打粉預料中事, 但唔需要重手到好似食梳打粉囉.
舊肉係軟, 不過冇晒肉味...

老爸舊扒就慘囉, 連住一條大筋, 切都切唔開...
超平價牛扒先會出現的情況, 用幾多梳打粉都救唔到.

食牛扒食到好似食梳打粉咁, 幾大件夾抵食都冇用啦.

電視不斷重播的介紹節目, 強調冇落梳打粉...當香港人唔知梳打粉咩味?

餐飲
細杯到...即係明要你加大屈錢(如果你好需要一杯餐飲的話)

埋單要加一, 服務何在?

叫左兩個扒...一個蘇格蘭扒....一個西冷扒....
兩個都加左蒜容.
我地食得生d,所以叫左五成熟．我覺得五成熟既牛係最好味....


兩個鐵板餐, 都ok. 塊扒好大塊, 一上菜都覺得幾抵．上面既蒜蓉, 同塊扒好夾，完全唔夠得蒜頭的辣. 不過無可否認個扒係好淋, 好明顯係梳打粉. 但係就未至於入口即溶咁誇張.
不過...其實我就真係唔係幾知兩個扒有咩分別
野飲方面就真係一個敗筆，我地見對面果兩個人杯飲品超細杯，好似係明屈你加錢加大咁樣，所以食到最後有點不快
至於環境就擺到明係茶餐廳格局，超迫...周圍都係人...仲要係好似趕客咁樣．不過六七十蚊有個扒又有個湯仲有埋野飲仲可以點．

今晚同左女友同佢屋企人來呢間餐廳試,
金鳳向來都好出名,好多人都推介,所以一直
都好想去試下,今日一試,其實都算幾抵.
我叫左個牛柳,女友佢地就叫左蘇格蘭牛扒,
牛柳係比較多汁,同淋d,但d鬆肉粉落得得太
重手啦,所以切落去唔太似牛柳,而且牛味唔
濃,蘇格蘭牛扒較硬身,但肉汁少好多,但牛味
較濃,個人都係鍾意牛柳.......
其實$70一份扒餐有咁o既質素,有咁o既份量,
算係好好啦.下次會再來.

是日晚餐, 什扒餐一份

對女孩子來說, 份量依舊這麼重量級 (不過我食得晒)

雞扒及豬扒應該係事先炸過lai, 所以真的有d油, 搞到d薯條同菜俾左油浸淋晒 (不過後尾發現對面個對couple要求另上薯條, 等我下次都咁做先) 撇除呢樣, 份量真係好夠, 肚餓lai食真係好正!! 黑椒汁亦好惹味~如果真係無咁油就perfect la!!!!

嘢食就好la, 但環境真係唔係好得, 走廊迫, d位仲迫, 肥d都行唔入!
同埋因為太多人, 所以一定要搭枱...每次食都周身唔自然, 因為坐你對面ge人其實離你好近...
仲有,d cutlery, 墊布同個位都好油好淋, 好似好dirty咁, 坐得好唔舒服
service亦一般, 因為真係太多人la


不過lai呢度都係因為佢抵食夾大件姐!

一個平日晚上，
兩個人去完黃金買0野漫步黎開餐。
只係等0左5分鐘左右就有位，其他有6,7幫人0係度等但人唔齊唔入得住(所以唔好諗住一兩個人黎霸位先)。
環境好逼，荼餐廳格局，兩個人坐卡位就要坐一邊，四方枱就會同隔籬背貼背，可以講唔會有任何一個位令人坐得舒服。
服務我覺得OK喎! 其中一位伯伯仲主動安排我地由卡位一邊轉過四方枱會稍為好少少(但係佢唔係話想清個卡位出來，後來個卡位都係由另外兩Pair人各坐一邊)。餐茶落單0既亞姐冇笑容但係爽快利落。黎呢D 地方想睇5星酒店0既面具人係多餘，其實感覺到對食客有冇尊重至係重要。有好多所謂名店，0野食唔好不特止，仲搞到好似高高在上，係你來求佢俾0野你食；黎金鳳我冇呢種感覺。
我食蘇格蘭牛扒，叫5成，當時有D 後悔因為怕D 扒唔好唔敢食咁生，但係出黎係7、8成熟度，反而好。友人點豬扒。兩個都冇話醃到糜爛感。如果落太多食粉，係會有一種醎0既澀味，唔會食唔出；鬆肉粉可能有都唔定，但係可以接受。幾十蚊貨仔黎講，絶對OK，比波X頓，遊花園，星X坡好食。
不過真係唔好坐...
但都會再黎。

星期日又係時間同 bf o既爸爸媽媽食飯~
長輩揀左黎呢度食~話聽講口碑好好~而且又見佢人流多~應該唔差
等位差唔多30-45分鐘~天氣又焗
不過諗住試下~點都等埋佢啦
前面d no. 已經好多個走左冇等~~說時遲那時快~終於都到我地啦~

我地叫左3個牛( 西冷.牛柳.另一個唔記得) 1份雜扒(雞+豬)
首先上o既梗係餐湯啦~1紅3白
紅：伯母話好飲喎~
白：我bf就覺得麻麻地..而我同世伯..飲左幾羹就停晒手
我實在覺得個白湯好鹹...自己本身都係口味重o既人..都覺得鹹

餐包：都係普通餐包一個咁~冇好冇唔好

主菜終於出場啦~
嘩...個侍應行埋黎上菜個陣..幾乎嚇死我
佢將d 鐵板遞到好近我..我feel 到d 水氣掂到我塊面 (註：我已經縮開左架啦~仲要再縮)
地方迫~冇計啦~冇整親就算
淋汁個陣值得一讚~好細心..唔係求其淋d 就算

西冷：呢份就係我要o既~5成熟..可能太忙o既關係啦..熟左d~不過都接受啦
　　　我覺得普通貨色..牛味冇乜..期望太高..好大反差
　　　而且唔係d 人講到咁大塊..遮唔晒隻鐵板牛
牛柳：bf 點o既~都係5成熟..佢個個就控制得幾好
　　　不過咬落口..一口咬就散晒..冇牛味冇咬口..牙唔好o既人至岩食
雜扒：世伯話同茶餐廳 d 雜扒飯一樣~算啦..都當佢主要係做牛..雞同豬就放佢一馬啦
汁的話..好重味精

餐飲：大家都知架啦..好的式....嗌左2個凍啡.1個熱鴦.1個凍奶茶
　　　佢地話咖啡幾香喎~我杯奶茶..完全唔掂

飯後我地黎個總結..
一致認為..唔知點解值得等咁耐
門口人流多..皆因舖仔細所致
抵食夾大件咩..又唔係..收$60up再+1..杯野飲好似拖捨俾你咁
如果話佢餐湯餐包主菜都有返咁上下~你會體諒佢杯野飲
之但係湯同包都係公價貨..主菜d 配菜奇少..數埋得5-6條薯條..條條長唔過手指尾..椰菜只得一啖仔..10分1個椰菜都唔知有冇= =

我地都覺得..要值得等咁耐的話..一係好好食..一係坐得好舒服..一係好抵食
老實講..實在唔覺得佢是但有一樣

諗起舖面貼滿o既報紙雜紙訪問..等個陣滿懷期待
走個陣只記起星島個份o既一句字..類似意思係該報廣告效果最好

今天是暑假最後一天，和小朋友專誠前往太子的金鳳大餐廳食牛扒。
餐廳陳設屬於舊式70年代，燈光氛黃，而且走道非常狹窄，胖子在空間穿梭略為吃力。水吧的位置有一部時髦的電子屏幕，不斷重溫蔡瀾介紹金鳳的電視節目。場內平均時段也有10個顧客。
我們點了三個牛扒餐，包括蘇格蘭牛扒、鐵板牛柳及西冷牛扒；全部扒餐七成熟，只有我的是黑椒汁加蒜茸，蒜茸要另加2元的。餐包和羅宋湯很快的送上來，湯和麵包都是一般貨式。湯剛喝完，我的牛扒們到齊了。很久沒試過拿起餐巾擋去鐵板澆汁的玩意，也是測試鐵板溫度的時候。吱吱喳喳的聲音，小朋友心情非常雀躍，餐巾拉得不好搞到滿臉油煙，衫褲也沾上惱人汁液...
三個牛扒餐我也試上，只有蘇格蘭牛扒保持到牛肉的原味及肉質，牛柳及西冷牛扒的口感令人失望。雖然老闆曾表示醃製過程並無加入人工鬆肉粉或梳打，不過我還是喜歡連鎖快餐店醃製牛扒的模式。
金鳳的餐茶凍飲跟水杯是一樣的大少，怕口渴的便該叫大杯裝的，要另加3元。不加錢不要緊，服務員仍會為你補充清水。
用餐完畢，小朋友是吃不完面前的牛扒，他們說不是難吃而是太大塊了...
牛扒份量十足，連湯、麵包及餐飲每份$60+10%服務費，這個價錢客官還想要求什麼質素。

今晩大約七點到左金鳳，要拎飛排隊。雖然要等廿張飛仔，但都比想像中快入到好。
入到去坐低，一定要你搭枱，不過都算，如果唔係邊有得你咁快入去。
所以坐落係好小位，好迫咁。

講重點係佢o的食物：

湯：
要左個白湯，有些雞肉咁都ok，湯本身係一個好稀的芡

餐包：
成餐最得係個包，外皮少少脆，上枱時係暖暖地的，都幾好味

扒：
叫左個鐵板西冷，五成熟，黑椒汁，加蒜蓉
超級難食！！o的人好林，好霉，o的肉好似化晒咁
放入口，無肉味，唔洗用牙咬都爛晒
除左個汁同蒜蓉味外，就係一陣梳打粉味，食多幾啖連條脷都痺埋
食過咁多平價牛扒，佢係最差，無味不特止，仲係一啖啖梳打粉咁吞落肚

飲品：熱檸茶
不過不失，唔係難飲，但都唔係特別好，無乜茶味

埋單：
好快，同埋硬係要將尾數十幾蚊打散俾你


總括而言：無服務，個扒難食，唔值得再去。奉勸想食扒或睇過蔡瀾想食好野嘅朋友唔好試。除非你鐘意食梳打粉就啱晒嘞。

因為黎呢邊睇This is rock'n roll個show
所以就順便黎食野買野
本人已經係第三次黎食金鳳
對比起第一次同第二次,今次個水準差左少少,但都OK
叫左牛柳餐同西冷牛扒餐,各自50%熟
牛柳口感尚可,肉汁都好多,但好似多左少少肥膏
西冷扒本身比較厚,味道會好D,加左蒜塊扒真係無敵!

不過食完之後一定要飲大量水,如果唔係成日個口都有蒜味!

今日好多人 , 等位等左成個幾鐘
原本諗住走 但係上次食過都ok先等
點知...
水準差左
我食左個西冷牛扒
d肉散嫁 , 食落去口感係霉嫁law
好心就唔好落咁多食粉la
攪倒d牛扒唔倒肉!!!
不過d侍應幾好身手嫁
1人伶5碟扒
但整體來說都唔係咁好
個環境氣紛令你食很好快 , 好急
一d feel都冇

唔係朋友介紹...都真係唔知...旺角行過少少...就黎到一間舊式的扒房...
我地7.00去到...就已經好多人排隊了...
拎左ticket...就係街邊等叫我地入去了...
係大熱天時...大家都係冇離去既意思架...
嘻嘻...*心諗*一定好好味*
好彩...係我就黎撐唔住暈左之時...可以入座了...
嘩...真係...好善用曬成間店既位呀...得條巷仔行架咋!
成間店都 smoky~ 呵呵...鐵板燒的環境!!!

坐下4人卡座就叫野食:
紅湯
普通喇...但幾多料...
餐包
呵...外皮脆脆地喎...暖暖的牛油都溶化了~
牛柳 w/ 蒜 w/燒汁
好多蒜鋪係面呀~~~好香呀~
店員先放下 鐵板...ee...係細個個時個隻牛牛板呀!
wa...要好快速咁拎tissue去cover 個身囉! 唔係店員倒汁就會彈曬黎lu...
yeah...熱辣辣的!!! 好有風味...
牛好soft 呀... 係個口度好好chew 又好"林'...仲有d肉汁tim!
叫左6成半...加埋熱板的餘力...食到尾都唔會太熟咯...
蘇格蘭牛扒 w/黑椒汁
呵...好長的扒呀...超出左塊板架~
牛 扒 都係唔'un'架...多左個口感...
可惜薯菜少左d...仲吸曬d汁...變得"juicy"了 =.='
跟餐的o tea
好得意...好細杯...係用個d水杯size...
不過就正好沖一下口中濃烈的味道呀...

雖然e度係迫左d...不過好有特色呀...大家都好熱鬧咁食野...
成日都聽到倒汁個時既"咋咋"聲...就好excited...想望下人地食咩野~

ps: 多d 冷氣就好了!

好耐都無去過, 今日再去吃一次, 座位依舊迫狹, 服務依舊差, 牛扒依然好大塊, 但仍然好難食, 咬落去一啲都唔似食緊牛扒, 有點"梅"的感覺, 佢哋應該落左勁多發粉, 真的好難食,杯野飲重細過咩, 真是一無可取, 連一向行貨的大x樂都好食過佢, 起碼地方都座得舒服啲, 飲品好飲啲, 牛扒好食啲, 重有, 價錢平啲, 我諗我以都唔會再黎啦!

早於二十年前我爸爸帶過我去金鳳，今日同老婆想懷舊一食餐靚扒！去到等位第14號，知道好多人等所無謂啦，想食好野。
大約等十五分鐘左右，就有位。坐張圓『木台』一共五人，三個唔識，好擠迫無所謂食好野就得啦！我叫了黑椒牛扒，老婆叫西冷牛扒，大家都是五成熟。好快餐飽同羅宋湯到場，餐飽無特別，羅宋湯無驚喜，同普通餐廳差不多，好啦主角到場，黑椒牛扒我咬落就覺得好淋，肉質有的散及無味感覺，西冷牛扒咬落差唔多，唉！呢間究境什麼出名餐廳？D牛扒無味，肉質散，一的肉味都無好失敗，好傷感，重想懷舊一下，野飲重要加細杯，要大加錢，我同老婆講無下次，重叫朋友不要浪費金錢，去大家樂會好些！埋單每位60元重要加一！服務有咩！都唔覺特別。唉！下次咪攪！的食評讚到,,,,,,,,,,,,, 唉,,,,,,,,,

間野唔駛多介紹，多數香港人都識，冇他既，d扒餐大份又好食丫嘛!

想係度食dinner，食飯時間最少等30分鐘.... 不過都係值得既! 因為份餐真係算大份，價錢又唔貴(扒房黎講)。

講份餐，要先講個湯-------老老實實，只係ok，唔好太有期望。跟住個扒先係重點~~~ 我係度食過西冷牛扒、豬扒、牛柳.... 最好食係西冷牛扒! 其他都好食，但冇咁好食! 下次去，我估我都會翻炒西冷牛扒!!! 唯請留意----- 呢度d野食落油都幾重手!!! 想成日食...就要小心身體!!!

位於太子金鳳大餐廳，是典型的港式懷舊扒局，賣的是所謂『平、靚、正』牛扒。這十年以來，扒餐價錢仍舊是五六十元，伙計仍是那一批，餐廳環境絲毫沒有改變，這種人情味十足的企業在香港已是頻臨絕種的生物了。

同樣地，平日放工到金鳳少不免要排隊等位，但客如輪轉，十五分鐘便可入座。不待你落柯打，先放下牛油餐包及例湯，反正大客十居其十都會叫扒餐吧。牛油餐包當然不大新鮮，是那種只有微溫的普通貨色；忌廉雞湯則比較稀身，雞肉雖然放了不少，味道卻又咸了少許，不大滿意。說老實，餐廳內的環境相當狹迫，不論是二人卡位或六人大臺，都要因應客人流量而同時坐上幾批不同的客人，這樣搭檯令人渾身不舒服，若碰上鄰座的鋸扒動作稍大，心情則更為影響。

是晚分別點了鐵板蘇格蘭牛扒餐及[b鐵板]馳名牛柳餐各一。熱辣辣的鐵板上檯後，再選擇醬汁，分別選了燒汁及黑椒汁。來自蘇格蘭場，非工業用十八丫佬的五成熟牛扒，薄身大塊有筋位，加兩蚊的生蒜蓉帶點辣相當惹味，唯牛扒肉質早已被梳打醃至入口即溶，徹底失去了原有的質感。至於金鳳馳名牛柳，除了賣相比較厚身外，口感同樣是被醃到軟淋淋的，根本跟蘇格蘭牛扒沒有分別，這一種梳打牛，質素絕不是頂級，卻充滿老港情懷，是六七十年代遺留下來的文化遺產。

全晚最抵死的，莫過於餐飲凍檸茶用的杯竟只是普通白開水的細杯，份量『的式』得可憐，金鳳老字號扒房，偶一為之還是可以的。。