朋友之前miss 佐新年那餐流浮山飯局，要求再入來食，他由香港島專程入來要食蠔，點知，令他有點失望。來到這間酒樓，見電視不停有名人介紹，估計貴但希望好食。可是不是所想的咁完美。我們6：50到，問要等幾耐，話轉頭，好快有，叫我地行下，點知行完，又吹又迫，都要一個鐘後先有位。

我們知道可能好貴，三個人，便點了二人餐加多少少餸。希望每人三百幾蚊落樓啦，點知都中伏了。食完先記得影相我地三個人，所以叫佢碎上，每人可食兩口，都算服務唔錯。我地點最細隻，大家只是過下口癮，安全，係指價錢。不過好油，同好鹹。沒有出名的串燒蜜汁蠔，朋友一心入來食蠔，所以都食金蠔啦，真係海鮮價，明明寫＄12一隻。落單時已2講今日＄25一隻，六隻起。無法啦，朋友要試，最慘係好難食，我整好食過佢羅。鮑魚都可以。

跟住就等了半個鐘有多，聖旨先黎。聖旨都好鹹，太濃味，又un.

然後又等了15分鐘，不停追，蟹先到，個侍應話全世界都追緊蟹等了又等，一黎唔駛3分鐘便食完。最好食係因為清蒸，沒有加其他野。可惜醋也沒有拎黎，我地見蟹仔，每人咬兩下便食完，費是叫人拎醋，唔知又得幾耐。

二人餐有：一隻開邊龍蝦仔，兩隻四頭鮑魚，兩隻掩仔蟹，三隻中型聖旨，一個菜心 ，生果盤@＄600
我地加：十兩白焯蝦 （埋單先知，＄18蚊一兩，剩係蝦都＄216，貴到想死），加多一隻鮑魚（＄80），三隻扇貝＄60，6隻金蠔＄150。兩個白飯，兩個汔水。埋單＄1408

我地發覺佢地的海鮮係好鹹，豉油唔多都好鹹又油，勁多味精，食完全晚都唔舒服。海鮮都可煮成咁，真係怕怕，不能再來了。

大廈的電力裝置須進行更新，幾個小時沒水沒電。我家花師奶得到通知便為整天的活動張羅，無奈老人家腳骨力有限，又不想待在別人家中，想著該往那裏散心。正當花師奶惆悵之時，我發現當天正有半天假期，當然要陪陪花師奶。吃是花師奶最喜歡的活動，立刻上網看看那家酒店的自助午餐最合她口胃，但花師奶卻說不想吃自助餐。瞬間又要動動腦筋，有甚麼活動可以讓她消磨幾個小時，又不會太累。想起花師奶曾經說過想去流浮山吃海鮮，我便提議跟她去。花師奶立刻喜上眉梢，但接著便用懷疑的眼光看著這個路盲的我，我便趕忙回答︰「我會先請教白老鼠如何去，途中也會跟他保持聯絡。」，花師奶才放心地跟我計劃去吃甚麼。好不容易找到接駁巴士站，發現車種跟上次乘坐的有分別，立刻給白老鼠傳張相片確認。幸而從總站乘往總站，只要沒上錯車，那就簡單得多了。無驚無險，成功到達。 花師奶一直想嘗嘗這家店的海鮮，但我們只得兩個人，無法享受太多美食，二人套餐的食物太豐富又不合口胃，更重要的是沒有我最喜歡的生炒排骨，只好選別的食物了。前菜開胃，還有一碟花生，我不吃，花師奶沒牙力吃，浪費了。砵酒焗蠔
(採用美國桶蠔又大又多汁，外脆內軟，沒有太大的酒味，還有我最愛的洋蔥作配菜。上次跟白老鼠吃不覺得份量那麼多，一碟有八隻，要跟花師奶平分著實有點吃力。)生炒排骨
(我對這兒的生炒排骨情有獨鐘，吃過再有名的食店也覺得不及這兒好吃，不是皮不夠脆，就是醬汁太酸。美中不足的是，排骨肥肉越來越多，讓我要好好把它解剖才可以吃下去。)食神炒飯
(我家花師奶不能不吃飯，再美味豐富的一餐，如果沒有飯吃，就不算完滿。縱然知道一定吃不下，還是要給她叫一個炒飯。當然我從來不會浪費，情願吃剩的帶回家作晚飯，也想花師奶盡情大快朵頤。因為是平日加上是下雨天，難得正街人流稀少，當然要去買些食材回家。在花師奶的指示下，買了大包小包的食材回去，幸而食材的質素不錯，相對我家附近的店舖價錢也合理。既然她買得這麼開心，就讓她好好滿足一下，帶著戰利品回家吧!

咁岩係附近做完野入流浮山食晏睇下有咩食啦! 之前都有食過"歡樂"不過係叫海鮮，感覺都唔差!

一個人行到門口，個高大既部長話有碟頭飯食，咁就入去試下啦! 入到去都無見有碟頭飯既餐牌，咁就求期叫個薑蔥蠔飯!

個飯係幾好味既，不過埋單就出事喇! 收錢時另一個矮小四眼既部長，就兇兇咁話"邊有碟頭飯架，邊個寫既!!!" ，跟住個個待應都無反應。佢就開天殺價話收$128，仲要唔俾免費泊車。係佢既地頭唯有照俾，不過嬲到我要即時上黎開個Account話俾大家知，唔好上當!

從來唔寫食評，但係食完呢餐，實在忍唔住要寫一下

同朋左係呢頭活動, 記得兩年前食過一次印象不錯, 所以介紹左呢間食晚飯。坐低後，waiter 叫我地去出面揀海鮮, 於是出左去睇
寫菜的waiter 介紹了蒸扇貝4隻、椒鹽賴尿蝦4隻、炒蜆、油泡象拔蚌1隻、炒飯。由於食海鮮都諗仲會貴, 所以無特別問價。佢再sell 飽魚, 因為飽魚可以很貴，所以問下價，佢話$888 一大隻, $180 一少隻, 太貴無要到。

椒鹽賴尿蝦: 賴尿蝦好大隻，每隻蝦分左三段，雖然有d 位炸黑左，但肉質都算新鮮，食到蝦膏，隻鉗都有肉
油泡象拔蚌: 蚌有d "un", 份量不多，有d 油，可能剌身會好食d
蒸扇貝: 足蒜容，粉絲吸晒味，好味，唯一扇貝比較林身
炒蜆: 約10隻好大隻蜆，味道ok，不過有d蜆唔開無食到
生菜: 正常生菜，比較多油炒, 都可以啦
炒飯: 飯夠乾身，但有d 似一早炒起再用microwave oven 叮熱咁，味道尚可

食緊已經估緊呢養要幾錢，到埋單時，個待應細細聲講個總數，望下張單，呆了：
總數: 2388

其中呢兩樣特別貴：
椒鹽賴尿蝦: 768
油泡象拔蚌: 888

其他唔記得, 大概都合理：
蒸扇貝: 約200
炒蜆: 約200
生菜: 約100
炒飯: 約100

椒鹽賴尿蝦味道OK 同大隻，都算了。但油泡象拔蚌成碟得幾塊，又唔好食，888太貴了，於是找來waiter 問，佢地一向應付慣呢d 場面，好快咁回應話象拔蚌係一隻888, 我地話唔覺有一隻份量，同埋都唔好食, 如果知到咁貴一定唔會叫，佢仲好堅持話已經同我地講明幾錢，但好明顯無。講左一陣, 佢話都想我地再番黎幫親，最後減左$100蚊。 總數$2288。

感想：
1. 名過於實, 味道一般
2. 手法不誠實, 因象拔蚌切左片，份量好難判斷, 所以象拔蚌收貴你, 你都好難拗
3 食海鮮都諗仲會貴, 但係我們錯了, 佢唔係貴, 係劏
4. 酒家，歡樂的不是食客，是酒家老闆
5. 自由經濟，佢為一次生意做衰自己個名, 咁無人會再幫襯佢
6. 感謝朋友，因為佢地無怪我
7. 食海鮮要先問清楚價!!!!!!!!!!!!!!!!!!~

昨晚我跟朋友二人到歡樂海鮮酒家吃飯，這兒的海鮮餐牌沒有標價，我們點了豉椒炒蜆、兩隻扇貝、蒜香骨（$55）、㕑神炒飯（$99例），兩罐可欒，因為我認為點海鮮不多，所以沒有問價，吃完結帳承惠$592，查單得知2隻扇貝$136,炒蜆$200(10兩),大約十多隻,貴不貴就見仁見智！但我建議大家到這兒吃海鮮最好先問好價錢，還有這兒員工的服務態度很有改善空間！！

很久沒有去吃海鮮， 朋友說這裏的海鮮不錯， 於是和一班朋友去了流浮山食海鮮，聚聚會 。

這裏的裝修和普通酒樓一樣，但總算乾淨企理，伙記也有禮貌。

我們點了 “ 西芹炒花尾躉 、炸花尾躉骨、 豉油皇炒虎蝦、 上湯龍蝦生麵底 、 果皮蒸鮑魚、蒸奄仔蟹、炸子雞、清菜、 食神炒飯！

每一道菜都好好味， 雖然價錢有些昂貴 ， 但也是抵吃的， 因為分量十足。

首先到的是： 西芹炒花尾躉， 據說有 30 斤重， 所以肉 比較厚連魚片也很厚身，好有質感，肉質嫩滑，魚皮厚 所以覺得有很重骨膠原，好煙韌！

上湯龍蝦生麵底 ，龍蝦新鮮爽口，夠大隻所以咬入口 “ 啖啖肉“！ 仲要配生麵 脆卜卜，沒有伊麵咁膩！

豉油皇炒虎蝦， 不是太鹹，爽口，頭部蝦膏夠香滑！

果皮蒸鮑魚，好香果皮味，蒸得剛剛好，肉夠新鮮嫩滑！

蒸奄仔蟹，蟹膏夠creamy ，蟹肉夠滑！

食神炒飯，聽說很有名的，很多人都叫，飯炒得夠爽身，而且材料很多，外面有很多魚子之類包圍，入口 咬開魚子脆卜卜咁，好得意！

整體來說，今餐很令人滿意！

清河鄒的辦事處又搞旅行，今次選了去流浮山的這間餐聽吃午餐，這個套餐包括：

鮑魚海鮮宴

果皮蒸鮑魚
金粟龍躉球
白灼海生蝦
玫瑰豉油雞
香橙焗肉排
翡翠鴛鴦片
蒜茸蒸茄子
新界靚油菜
時令水果

果皮蒸鮑魚－不錯，鮑魚好新鮮，好大隻，好鮮甜！
金粟龍躉球－好味道，ｄ魚好脆呀！
白灼海生蝦－有少少失望，因為好細隻，也十分鮮甜，不錯！
玫瑰豉油雞－好好味，因為出面的豉油雞好鹹的，但這間則不鹹，正！
香燈焗肉排－這個我沒有吃，所以不知好不好吃。
翡翠鴛鴦片－鴛鴦片即是雞柳及梅頭，好鮮甜，好滑，不錯！
蒜茸蒸茄子－好味呀，因為我平時不吃茄子的，但因為我見好多蔥所以才試下！
新界靚油菜－今次是生菜，不苦，好鮮甜，正！
時令水果－今次是燈，好正，好好味！

服務不錯，但衛生好差！

母親節跟中旅團晚餐就係到攪掂是也, 餐名 "魚蝦蟹鮑魚海鮮餐", 我地被安排坐頂樓(好似係潛建), 一入去地下滑滑, 兼無冷氣, 只有幾把風扇吹下..吹下, 當時正正日落西山, 華燈未現, 窗口又無窗簾, 有些團友需要出動手中扇, 有些就要帶太陽眼鏡. 而酒樓方面更為每位團友準備咗一套; 紙碟, 紙杯, 膠兜同木筷子既即棄餐具, 我好似去咗麥當奴呀. 上菜時間到了....

果皮蒸鮮鮑魚 - 幾好食, 豉油唔係好咸, 但鮑魚本身帶咸
白灼生蝦 - 蝦都幾大隻, 又爽口, 唔錯唔錯
家鄉鹽焗雞 - 唔睇餐單都唔知係鹽焗, 以為係白切, 不過隻雞好肥, 好滑, 都好嫩吓, 好食
清蒸海上鮮 - 唔知係咩魚, 我又無食, 只知條魚係唯一淨成半既餸
薑蔥焗靚蟹 - 蟹唔肥, 又無膏, 味道普普通通
碧綠炒鮮魷 - 其實即係西芹炒鮮魷, 鮮魷既 coating 比較厚, 麻麻地
生炒骨 - 新鮮好味又脆口, 仲好大碟添, 餸飯一流.
田園油菜 - 普普通通
合時生果 - 甜橙一角.

寫到呢到先發現原來唔係八餸一湯, 係八餸一果喎.

因為同枱有其他團友, 所以都無乜影相.

昨天流浮山飯局，見這酒家係openrice 評分讚比彈多小小，和門口宣傳話 “攞獎廚師” 不妨一試！結果 十分失望！入去給一張無價錢的餐單，問侍應收費如何？他回答:你問就講，不會寫出來。之後他的嘴臉已經不悅，再問有無炒粉麵飯，才給一個有價錢的餐牌，八個人(四大四小) 千六元埋單，只食咗幾碟中價海鮮，其中兩三諜水準差，價錢貴唔貴見仁見智，最重要係服務太差，出門口連一句多謝都無！好討厭現今好多海鮮酒家，只希望做D斬大陸豪客的生意，連基本營商的服務都欠缺！

週日和家人參加了一個一天本地遊，午膳時間於流浮山歡樂海鮮酒家用膳。

用膳地方不是在正舖，而是在附近貌似食堂的地方，地方很迫，感覺麻麻。用膳時間只得一小時，因整團到達時間遲了少許，可用時問更少。一如其他團餐，一坐下已快速上菜，甚麽食物質素、賣相、溫度、以至服務都是馬馬虎虎。臨近結束時間，因另一團已到達，負責人更開咪邀請大家離開，團餐係咁上吓喇！

一枱十二人，有八個餸，碟頭幾大，要吃飽是沒有問題的。食物款式如下：

白灼基圍蝦：個別蝦隻單看蝦頭蝦身已知不新鮮。其餘可吃的味道還算對辦爽甜。
豉汁蒸鮑魚仔：最怕鮑魚仔蒸得韌，幸好這兒沒有這個問題。至於味道，鮑魚仔還是先天力度不足。
粟米斑塊：入口凍嘅，其他不用再品評了！
洋葱豬扒：豬扒幾腍，OK。
西芹炒肉片：肉片顏色灰白，有點怪。
豉油雞：普通。
蒜蓉蒸茄子：茄子腍，唔油膩，配上香口蒜蓉幾好食。
白灼西生菜：以豉油調味，簡單直接。
香橙：幾甜。

做團餐，講速度講預算無可口非，但對品牌評價難免有所影響。

[11/3/2012; Sun]