同朋友係天后漫無目的咁搵食,見到間叫串串貢的店子, 商量一陣就決定幫趁, 我地叫左桂花蜜糖番茄、羊架、生蠔、燒腎、蝴蝶蚌、脆脆雞皮、黑糖菠蘿串、燒年糕, 仲有好幾款, 再加三罐啤酒, 第一個送上來係桂花蜜糖番茄, 番茄加上蜜糖桂花, 酸酸甜甜, 作為前菜, 十分開胃醒神, 同朋友都好滿意, 心想冇入錯黎, 誰不知跟住上來各式肉串, 樣樣都乾爭爭, 號稱脆脆雞皮的雞皮,一啲雞皮油香都冇, 乾到似柴皮, 生蠔暧笠笠, 一啲都唔熱, 食食下都怕會肚痛, 蟹蓋係交返來的貨色, 係咁意烘烘佢就拎出來俾人食, 燒年糕又係一啲都唔熱, 硬掘掘咁, 講真真係樣樣都唔滿意, 埋單兩個人食左二百八十幾, 仲要只係得半飽, 呢間店應該都唔會有下次了, 出到門口至醒起, 近天后地鐡站有間好似士多的燒烤小店, 上次係華姐清湯腩食唔飽時誤打誤撞去食過, 記得味道不錯, 決定同朋友行去再去食過!!

今天一家三口到港島遊車河, 之後到天后揾嘢食. 由於時間尚早, 本打算吃點小食. 見到此小店, 正合心意, J 最愛吃串燒. 小店環境有點迫, 但當串燒一到, 我們只顧吃了! 雞軟骨香口; 羊扒夠多肉汁; 燒鱔剛剛好, 有點脆口, 不太乾; J 最愛吃牛, 那串酒燒牛肉, 吃到他沒說過一句話. 那碗凍青瓜也很好吃, 中和了串燒的膩. 最後, 我最欣賞那黑糖菠蘿, 又脆又甜又香..........正!

日本串燒很好吃，不過動輒幾百蚊/位，仲要食唔飽，有點奢侈。

約朋友去吃串燒，大家都不想消費太高，對方提議去天后的串串貢。也好，反正只聽過其大名，未有機會一嚐，就過來了。

朋友想喝點清酒，就陪他吧。酒精濃度不高的，不醇香，喝起來淡淡的，並不過癮。然而，幾十蚊的出品，那可要求太多。

先點一些青瓜沙律和蓄茄，以便中和串燒的熱氣和味道。青瓜切粒，沒有手拍過，質感爽口，加上少許的麻醬汁，幾清新；桂花蜜糖鮮蕃茄，砌得幾靚，蕃茄鮮甜多汁，蜜糖香甜，還有桂花清香，幾適合在串燒店吃到。

幾串串燒，分別有芝士豆卜、大蔥、青紅椒和脆脆雞皮。首次吃芝士豆卜，偏韌，芝士味亦不算香濃，未有驚喜；大蔥雖然香口，可是硬而不爽脆，好彩只是叫了一串；青紅椒倏得爽口，連辣椒籽，頗刺激的；還有雞皮，燒得又細又乾，味道淡口。

再來就是燒醉牛肉串，頗大的一串，卻沒太感覺到酒香，肉質雖然嫩，可惜欠缺牛肉味，只屬一般；串燒雞肉亦然，嫩滑，但沒有濃郁鮮雞味；燒鱔，大大塊啖啖肉，沒有骨，本應幾適合我，只是皮太韌，扣了一些分數。

串燒未算太出色，羊鞍反而有驚喜，下足了香草，肉質柔軟亦不失咬口，肉味濃郁，又香口，最為欣賞。

之後有鹽燒秋刀魚，又是幾大條。壓一壓魚肚位置，讓油脂散佈到魚的各部位，可以開始吃了。魚皮還算燒得香，魚肉也滑，吸收了油香，可以收貨。當然，坊間也有更高水準的秋刀魚。

本想吃蝴蝶蚌，可惜售罄，唯有改吃蠔。蠔肉不肥美，既不香口，甚至有點腥，絕對失望；燒魚乾則燒得太硬了，份量也少，好似被人吃了幾口的。

吃太多肉，又想要點菜，試一試和風露筍。很幼的露筍，並不鮮甜，好在還算嫩口，沒有渣，未致太難吃。

食物雖不是很上乘，但吃得盡情，喝得痛快，而且價錢合理，是很好的串燒入門版。

呢晚咁啱有時間可以去試下，雖然己經接近9點半，但係依然要等位 (可能因為佢得大約12個位0既關係啦)。

故名思義，呢間餐廳係食串燒0既，記得好似係冇飯叫，加上己經有D肚餓，一於試下個比較飽肚0既冷烏冬配芝麻汁。即使個烏冬冇乜咬感，但係佢配埋呢個汁呢個配搭真係好好，可以一試。

首先黎左串燒豉油皇魷魚鬚+芝士腸同東洋骨附腸。之前有人話魷魚鬚好食，佢確實係唔錯，不過如果佢大條D 0既話個咬感應該會更加好，但係以味道黎講就真係唔錯0既，值得一試。我個人認為芝士腸就只屬一般，唔係話唔好食，不過可以唔駛喺呢度食都得。但係一定要試下呢個東洋骨付腸，非常入味又有少少辣，算係幾好入口。

第2輪係有唔少人都推薦0既醉西冷牛串，雖然冇問服務員，但係佢落0既酒應該係清酒，算係一個幾新鮮0既味道。呢個牛串仲可以揀幾成熟，我揀左7成，不過黎0既時候好似有DD 過熟，生少少應該會好食D，下次即管試下5成熟。

之後就係冬菇+鮑魚茹，本人並唔係特別要食串燒茹，覺得呢個亦都係一般，不過鮑魚茹亦都可以一試，因為佢落個汁真係幾開胃。

第4輪係肥蠔同埋個蝴蝶蚌，雖然話係肥蠔但係又唔係真係話好肥，不過個人覺得佢只係一般新鮮。但係一定要試0既係呢個蝴蝶蚌，佢算係幾新鮮得黎又算肥美，同埋佢落左一個好醒胃0既子薑汁，個人認為值得一試。

人地有推薦雞軟骨串燒，佢個質素都算係唔錯，不過我個人覺得更加值得試下第2D 呢間舖獨有0既串燒。另外我覺得佢呢個魚乾真係幾香口，亦都係值得一試0既選擇，餸酒算係一流!

埋單2百5，以食串燒黎講唔算話係好貴，不過記住呢度只收現金，我就差D唔夠CASH 喇。

弟弟剛開展新工作, 這晚去吃飯, 當然要乘機敲詐他一餐啦。所以我在對面餃子園一直忍忍忍, 就是為了要過來吃串燒喇。這裡晚上 6 時才開門, 平時都是日間經過所以還未有機會來吃, 今次倒是機不可失啊。

在那邊吃完, 就即刻拉了弟弟和老爸過來了。雖然那時 8 點也未到, 小小只有十來個位的店已經滿座了。可能是這個緣故, 所以外賣自取有 9 折優惠。反正我們家就在不遠處, 就外賣啦。串燒製作需時, 約 15 分鐘, 在附近行了一會就有得拿了。

雖然之前已吃到大半飽, 總算吃到幾樣招牌菜:
桂花蜜糖鮮蕃茄($13) - 砌得好靚, 中間的是糖漬桂花, 底下還有蜜糖。撈勻之後, 酸酸甜甜, 很清爽, 中和一下熱氣就很不錯。只可惜蕃茄不夠凍。

意大利香草羊鞍($39/兩件) - 可選生熟度, 要了 7 成熟。羊鞍在外賣盒內是用錫紙阻隔開的, 那便不會有倒汗水了。拿到回來該有 7.5 成熟了, 外面有點燶, 不過裡面卻不韌, 得到弟弟大讚, 不過我就覺得羊味重一點就更好。

新疆式雞肉串 ($13) - 落單紙上沒有另外指明數量的, 原來只有一串, 我以為新疆式燒法會有點孜然粉的味道, 不知是因為它跟水份充足的燒菠蘿放在一起, 還是肉串本身的問題, 它竟然是沒有什麼味道的, 不推薦。後來才記起, 原來是我鬼掩眼點錯了東西, 本來我是要點燒肥鱔串的, 汗 ~~

黑糖菠蘿串 ($13) - 此店另一名物, 也是以清新酸甜味掛帥, 但是有點出水過份 (這倒真可能是倒汗水在作怪), 可以燒得乾身些便 perfect 了。

9 折後 $71, 也算吃得過的。

經過一日辛勞，胃口不是太好，晚餐想吃點小食便算，這次便來到北角吃串燒，店名亦夠特別，名「串串貢」。

這間小店確很小，鋪面勉強放下四桌子，客滿亦不過為十二人。串串貢主打串燒，大致以日本爐端燒為藍本，加入港式元素以迎合港人口味。

由於即叫即燒，等候時間難免較長，我們唯有邊吃邊點，試試不同款式燒物。

巨型扇貝：扇貝夠大夠鮮味，襯以淡淡蒜蓉味，不錯，如果可以稍為乾身少許便完美。
醉西冷牛肉：切成粒狀來燒，酒味濃郁，肉又夠嫩滑，很好。
香草羊架：羊肉夠嫩，但略嫌不夠羊味。朋友怕羶，故讚不絕口哩！
「麻麻地」雞翼：即麻辣的麻，雞翼弄得麻而不辣，皮脆肉香，很特別。
燒魷魚鬚：一個字－「好」！
燒牛舌：火候剛剛好，不太乾，味道亦不錯。
露筍煙肉卷：露筍清嫩，以重味的煙肉包著燒，一流配搭。
烤雞泡魚乾：夠乾身，配以沙律醬，佐酒極品，不過份量卻偏少。
燒鰻魚：份量十足，肉質較鬆散，勉強合格啦。
鹽燒雞腎：太乾了。
燒脆肉瓜：吃了一檯肉，來個蔬菜更覺異常清新。
燒鯖魚：推介之作，皮香肉滑卻不腥，質素拍得上高檔爐端燒店！
燒饅頭：燒得外面夠乾身夠脆，味道中上，不怕無飯到肚了。
其他如墨魚丸、牛丸、獅子狗卷（小竹輪）等，不要以為是普通貨色，反而簡簡單單，味道不俗。

最後要介紹一道燒尖椒，order 紙已寫明很辣，見只賣 $8，當然一試。果然辣得要緊，儘管連灌幾口冰凍啤酒，辣味仍在口腔內維持超過五分鐘！不怕辣的朋友記緊挑戰一下。

整體感覺不錯，價錢亦算相宜，如以宵夜式吃串燒喝啤酒感覺會更佳。

請注意：
- 要注意部份食物並不在 order 紙上，可向店員查問一下。
- 座位有限，可預早以電話訂位。

星期五，天色轉晴，但空氣重甸甸的，令人感到呼吸有點困難。於九龍區開完商務會議之後，便到炮台山一帶修剪頭髮，接著與太座到天后附近解決晚餐。

已留意此小店好一段日子了，每次路經，內裡均人頭湧湧。畢竟此小店極其量只可容納不超過十個人。天氣涼爽時還可以在舖外擺枱，遇著天氣悶熱，也只好退守冷氣舖內。

以串燒為主題嘅食肆迎年越來越盛行，一來唔需要特別烹調技巧，二來廚房唔需要咁大，可以騰出更多地方做樓面。呢度嘅串燒選擇也算多樣化，而且部份係自家創作，配搭都幾新鮮。太座是日沒有什麼胃口，所以只叫了十來款串燒及食品。

桂花蜜糖鮮蕃茄($13) – 筆者對蕃茄唔係咁好，不過加了蜜糖之後，令完本酸酸甜甜嘅蕃茄變得香甜，加上桂花嘅清香氣色，係夏日消暑良品；日本免治雞肉($20兩串) – 對免治食品一向有偏見，覺得係因為肉質較次而成嘅產物。所以，可堪一提的沒有什麼；雞肶菇($12兩串) – 醃料出手很輕，猶幸本身菇味搭夠，入口爽脆，是不俗嘅食物；薄燒牛舌($16) – 燒嘅火喉掌握得唔好，食來乾爭爭，又老又韌。燒薄切牛舌，出手一定要快，如果唔係好容易老；意大利香草羊鞍($39兩件) – 是此店嘅貴價物，不過質素就認真麻麻。雖然肉質尚算嫩滑，但冇乜羊肉味，如有機會再光顧嘅話，可以慳番；牛油粟米($16) – 粟米本身唔甜，就算用火燒過之後，都冇因為水份揮發而甜味更濃縮。也是頗為失望嘅一款串燒；椒鹽雞腎($18兩串)/鹽燒雞軟骨($18兩串) – 無論係椒鹽抑或鹽燒，落手都係就住就住，只有丁點鹹味，未能發揮椒鹽/鹽燒食品應有特色，似乎比較啱高血壓人士食用；黑糖菠蘿($13) – 設計理念與桂花蜜糖鮮蕃茄如出一轍，甜甜酸酸的，十分醒胃；香脆芝士豆卜($13) – 老實說，筆者試嚟試去都只係覺得一個普通嘅燒豆卜，全無芝士味，莫非主理人忘記了落芝士？特色飯團($18兩個) – 大部分串燒都係期望之下，點此味只係為了裹腹，味道則還可以；熱烏冬(豉油湯)($15) – 烏冬浸到變腍，全無咬口可言。

兩人共消費二百二十七蚊，平均每人一百一十四蚊。大部份肉類串燒只屬僅僅合格而已，反而一些蔬果串燒或食品會有意外驚喜。拉勻整體只可俾「OK」。

年三十晚，在家吃完團年飯就去左IFC睇馬利與我，之後諗住去行維園不過見十二點幾仲人多，所以決定先吃宵夜再算﹗

尤記得去年的年三十，都係來呢度食宵夜，心血來潮重溫舊情懷，就來呢度排隊喇﹗

年三十當然街上人頭湧湧，排左十五分鐘先有位，咁岩又係坐街邊，對上一次來吃都係坐呢個位的﹗

點了麻麻地雞翼、金菇卷仲有七味雞翼尖，三樣食物味道依然出色。
雞翼皮脆肉香，帶點麻辣的辛灼感覺﹔金菇肉卷肉汁鮮美，金菇夠嫩一咬即斷，清新加上肉汁是絕配﹔七味雞翼尖是在炭爐的時候灑上大量七味粉，惹味﹗

今次試左樣新野係燒年糕，日本年糕暖洋洋的煙韌充滿嚼勁，配上鬆脆的紫菜增加口感味道，層次更上一樓，好食﹗

魷魚翼是每次必吃的食物，份量夠多又彈牙﹗送下啤酒一樂也﹗

最後意猶未盡再食埋花鵰西冷牛肉粒，西冷牛粒超厚切，先用花鵰酒醃好再燒，未食一上枱已香氣四溢，咬落充滿酒香烤香，內裡卻有半熟的嫩滑，好正啊﹗

燒尖椒入面仲有籽，辣到爆呀﹗

要推介係呢次試左既龍眼水，幾蚊一支味道甜甜地真材實料，清清熱氣好幫手﹗

Last night went to this place for the first time with my hubby at around 10PM.

經過好多次都想食, last night 有機會 lu!!

我地兩個食左:-

青瓜沙侓: 好新鮮, 青瓜好脆
汁燒帶子: 好味
黑椒牛柳: 好好好好味
燒魷魚鬢: 好好食
羊胺: 一般, 太肥
雞腎: ok
Chicken Wings: 好食不過唔夠熱

Overall food is good. 可能天氣 too cold, food went cold very quickly.

又貴又唔好食
食串燒好難食得飽
每兩個人食左260蚊
對於大食既朋友一定唔抵
隔離位兩個大男人食左4百幾蚊
又唔算好好食,咁既裝修地段收呢個價錢no good

已經幫襯左3次!
必叫- 燒午餐肉,芥末豬頸肉,燒魷魚串,脆肉瓜,黑白芝麻醬烏冬
另外燒雞翼,芝士豆卜,燒雞串就一般!
整體都算OK呀,會再幫襯...

上個星期我地2小口子諗住食串燒, 於是就試下呢間. 係天后mtr左行2-3個街口就好. 唔算好難搵. 去到清風街就見到 =)

我地點左
1)薄燒牛舌串
味道不錯，但有d韌

2)免治雞肉串
麻麻啦，好一般

3)黑白芝麻醬烏冬
唔錯丫，有d似食冷麵咁，d芝麻都幾香

4)鹽燒雞軟骨
脆卜卜得黎有咬口

5)照燒北海道帆立貝串
燒得岩岩好，都幾乾身，唔會好腥

6)芝士豆腐卜串
雖然係招牌菜，但係質素唔係好平均，有d好多芝士有d無.

7)燒尤魚串
燒得太過火，食到有d苦味

值得1睇係無咩野飲揀, 得涼茶同埋汽水. 如果唔order野飲就唔會另外有茶水俾你。而且樓面太細，坐得唔係好舒服，而且menu除左烏冬就無咩其他飽肚d既野食。但係如果黎宵夜應該係唔錯，晚飯就唔係太合適 =)

話說工友會周年飯居，首選地點一定是會吃得開心的地方，所以揀左呢度

天后的串串貢，記得上次來食得過癮，所以決定再來﹗

已是入夜喇﹗成夜晚十點先來到，咁岩有路邊位﹗正﹗二話不說坐低即時點左......

冰凍清酒，配搭燒物一流﹗

燒大蔥，夠哂臭口亦惹味﹗外面焦焦的好香﹗

芝士豆卜，呢度既名菜，一咬入口芝士0係中間流出來，濃郁夠脆口﹗

呢隻叫"麻麻地雞翼"，麻辣醬料，請到明麻而不辣，入口好有胡椒香，食得過癮﹔墨丸外脆內軟，夠哂彈牙

工友點左條魚叫做鯖魚，我都有試少少﹗唔太腥0的肉亦都實得黎幾滑溜，我都接受到即係好味啦﹗

日式焗小露荀，用錫紙包住再加入麵屎湯來焗，好夠味，下次可以自己試下呢個有湯既焗野方法添﹗

魷魚無得走我最愛﹗燒得外面脆脆的，好有嚼勁﹗

雞翼尖0的調味十分好，成隻都係七味粉﹗又脆又辣﹗

呢個又係呢度名菜，就係花鵰牛串，未入口已經聞到酒香同埋玫瑰味，六成熟好腍好多汁，一流﹗

芥辣豬頸肉個汁幾得意，好小可串燒會食到芥辣汁﹔

尖椒仲有籽0係入面，食完辣到要叫啤酒飲﹗

工友平時無得食的燒羊件，外面的是薄荷汁，件羊就肥左少少不過見佢兩件都食得哂一定係好味之選﹗

全部野都好好味﹗想彈都彈唔到﹗飽飽好滿足﹗

老闆又走出來同我地吹水，因為佢見到......

花一大束，仲問是不是有人求X，話如果求X成功佢請我地食野﹗

有點後悔，早知話"係" 啦﹗呃番餐食﹗

佢話而家諗緊有咩新菜色可以再出，話本來有元貝的不過買番來比0的員工食哂﹗真係比佢激死﹗

最愛這兒可在路邊無拘無束的感覺，飲下酒，傾下計，影下相

能找個地方輕鬆一下﹗這就是最開心的事了﹗

地盤今年年三十有得早收工比我地呢班老野返家食團年飯﹗真係算係有良心﹗

食完去左維園迫，當然又係咩都買唔到得個迫字啦﹗之後去宵夜﹗比我同工友見到一間串燒小店叫做\"串串貢\"

一來到咩都唔食住，叫左個熱清酒先﹗太冷了，要學政府忠告市民用飲酒來暖身﹗

燒西冷五成熟，火候控制得很好，外熟內暖仲係紅色生的﹗肉汁勁多好軟身食落好淋無渣一流呀﹗$18蚊吧﹗

芥辣豬頸肉，肉香四溢，配上微辣的芥醬個肥膩汁香很突出﹗好食﹗

唔得喇，我都係要叫三罐BEER送下野食﹗用碗飲架呢度，好親切呢﹗

魷魚鬚雞軟骨走唔甩啦﹗佐酒不可不吃，兩者都燒得岩岩好乾身﹗

最愛臭口野的我大蔥不可少，好味道﹗

呢道點題作品，燒芝士豆卜，入口香脆，入面注滿芝士味道濃烈﹗幾得意的呢﹗

咖哩雞串，雞好滑皮已起﹗咖哩甜甜的﹗

又係品題之作，好似叫花鵰酒香牛柳串，未食一嗅超香酒味，入口少少酒辛，幾特別呢﹗真係未食過﹗

食左成十幾串，一人都係一百蚊左右﹗仲送左張COUPON比我等我下次來送四串串燒添﹗

很特別的宵夜呢﹗

很特別的新年開始，寄望新既一年每天同工友0係地盤都可開心快樂﹗

日期：2007年12月18日
人物：阿M＆徐太
尋晚約左徐太食飯，佢提意黎哩間小店度食，ｄ價錢加埋食完既質數，好唔對比，無果種好香既感覺，店鋪只可以坐十二個人，但係就好多人出出入入，意思係一批食客走左，另一批又黎，好奇！ｄ野唔係唔好食，不過就好普通囉！
１．鹽燒雞軟骨串$18：好一般．
２．薑蔥豬頸肉串$13：肥到死．
３．原支香茅穿大虎蝦$38：燒得過火喉，晒野．
４．照燒北海道帆立貝串$28：OKEY LA!
５．墨魚串$13：好味道．
６．意式豬豬魚餅串$13：食唔出係咩味，失敗．
７．雞軟骨餃子$18：燶晒，不過都算唔錯架喇！
８．黑白芝麻醬凍烏冬$15：好似食冷麵咁，有創意啊！
我地無叫到飲品，實在無咩好揀，只有啤酒，汽水，中國涼茶，真係怪，應該俾杯綠茶客人飲．原本諗住係七仔買野飲，之後我地走去明記食甜品解渴．我番到屋企，即刻飲左兩大杯水哩．．．