同女友去咗銅鑼灣，本來唸住試吓新嘢，不過女友話好想食番上次間泰國餐廳 - 新曼谷泰國菜館，於是最後都係決定encore!!!!!!

未夠六點已經去到，餐廳內只有一枱客人，枱上仍有下午茶時段嘅餐牌，$30零蚊一個飯+杯飲品，好抵喎~

趕上尾班車，叫咗一個蠔仔炒飯+椰汁紅豆冰~不過炒飯無咩特別，略鹹，蠔仔無鮮味，Cherry話唔好食~有d失望!

今次叫咗個菠蘿炒飯，專登試吓其他嘢，唔食椰青海鮮焗飯嘞~哩個飯配料有新鮮菠蘿肉、肉鬆、腰果、魷魚......份量很大，真係睇見都飽，而且味道很好，個飯炒得夠乾身，一d都唔油!菠蘿夠甜，炒過之後，更加好味!而肉鬆更是不可劃缺，因其是用嚟吊出成個飯嘅香味!而腰果就豐富咗整個飯嘅口感!

上次食過青咖喱牛，今次叫個青咖喱雞~青咖喱依然出色，保持水準，個汁依然係用嚟送飯~!而雞肉鮮嫩，唔會煮過隆而變"鞋"~

食飽咗都未夠七點，同Cherry跟住喺附近行吓就歸家嘞，山長水遠出嚟，都係為咗搵食啫!!!!!

五個人的晚飯菜式如下:
1. 椰青X3, 龍眼冰, 椰汁西米冰
2. 白飯
3. 青咖哩雞
4. 粉絲雜菜煲
5. 柚子鮮蝦沙拉
6. 小食拼盤 (小)
7. 炒金邊粉

我喝的是龍眼水, 可以解膩和中和辣的口感. 椰汁西米冰一整個椰漿味, 我受不了 > < 椰青水苦甘不太甜, 不是我想像中的味道 (我以為喝起來會像椰奶......)

青咖哩雞一點也不辣, 添加超多椰奶的咖哩汁非常濃稠, 我朋友說是送白飯的聖品 . 可惜我不好椰奶, 雪藏雞肉的肉質過硬, 如果選用雞腿肉會更好.

雜菜煲像是我在熟食街市內的大排檔的出品. 這不是泰菜吧,...... 雖然偏油, 但是味道獲得大家一致的好評~ 瓦煲令食物吃到最後一刻還能保持溫度這一點值得加分.

我最愛的是柚子沙拉. 剛送上來看見滿滿的辣椒碎以為很辣. 但原來吃進口只有柚子的甜味, 根本不辣! 蝦子分量不多, 只有一只炸大蝦.

我每次來必點小吃拼盤, 因為可以一次嘗試炸蝦餅和沙嗲串. 炸蝦餅熱辣辣超好味的 (明天一定爆發暗瘡 XDDD) 豬肉串的沙嗲沾醬是靈魂所在, 我喜歡那個醬多於串燒.

Pad Thai辣勁十足, 不好辣的人千萬不要mix附贈的辣椒碎 > <

結帳$360, 沒有收加一, 經濟實惠.

哩日去cwb 睇戲, 所以搵左間泰國野, 就o係time sq 隔一條街
要等一陣位, 朋友同我今晚食量都唔多, 所以只叫左少少野. 叫左冬蔭公$48, 同菠蘿炒飯$58
其實都想試下佢個蝦餅, 但係我地得兩個人, 佢o個度有成10舊, 一定食唔晒

冬蔭公
好足料, 不過好多配料, 好似薑, 蒜頭, 蔥, 韭黃, 香葉o個d.
有兩隻開邊既蝦同埋有d 蘑菇咁
辣度都ok, 不過哩隻辣真係唔同普通d 辣椒油.
冬蔭公哩隻係入口唔辣, 但入到喉嚨就黎料, 有刺喉既感覺, 想咳咁.
朋友話係生薑既辣味, 我都唔知係咪, 但就覺得唔係好似.
如果酸同辣度對比, 應該係酸較多.

菠蘿炒飯
又唔記得叫佢走提子乾!!!!!
佢落得超重手, 勁多提子乾... 好似唔駛錢咁... 我哩d 人唔食既就有排揀返出黎
好清新同甜.
甜係來自肉鬆, 同埋菠蘿, 一食就食得出得新鮮既菠蘿, 而且仲好清新清涼清甜
炒飯用左少少咖哩粉炒, 所以好香.
最正既係d 炒蛋, 朋友都話炒蛋好好味, 好似星洲炒米d 蛋咁. 蛋散發出蛋香同少少既咖哩香味
但係愈食到底就愈濕, 冇計, 因為係用菠蘿做器皿
到最後當然要刮埋個菠蘿黎食啦! 勁多菠蘿汁, 好清甜! 不過係暖的.

只係$53, 好滿足既一餐地道菜. 希望再來可以多d 人黎試多幾樣野.

星期5晚上約了2個朋友行街後到此晚餐。 黎之前已經看好OPEN RICE 食評。 坐底後叫左:

蒜蓉包 (必食﹐鬆脆已經蒜蓉味恰到好處﹐我平時少食蒜蓉﹐但都覺得OK)
柚子沙律 (女仔鍾意食沙律﹐呢個味道特別﹐其他地方未食過﹐而且酸酸地非常開胃)
咖哩軟殼蟹 (好好味道﹐而且非常特別﹐咖哩汁入面全部是蟹肉﹐撈飯食一流!!! 建議一定要試! )
椰青焗飯 (見食評上好多人都食﹐所有試下﹐果然吾錯﹐椰肉好多)
芒果黑糯米 (甜品只有幾款﹐選擇少左D﹐而且個黑糯米係鹹既... 同芒既甜味吾係好夾...不太欣賞 )

總體黎講餐飯食得好滿意﹐特別是個咖哩軟殼蟹﹗﹗﹗ 我和友人都非常喜歡! 下次再幫襯都一定會叫呢個~~ 雖然環境有D逼﹐但甘既價錢食到超水準既泰國菜﹐相當不錯~

當晚咁岩經過,
四個人食,
叫左四個菜色,
最欣賞的是 咖哩,
最不討好的是 甜酸肉,
那個 波羅炒飯 也不錯,
和朋友們食完的總結都不錯,
感覺舒服,,
約朋友四個人一起食晚餐是一個不錯的選擇,,

上個星期食咗餐失望嘅泰國菜，哩日(15/8)決定一定要食返餐好味嘅，今次去咗銅鑼灣登龍街嘅哩間泰國小店試試.......我之前從來都未去過登龍街食飯，因為我印象中嘅登龍街只係一個飲酒夜蒲嘅地方，就算經過，亦不會為意小路兩旁嘅餐廳，不過今日仔細看看，原來都有好多好嘢食........


哩間餐廳係應該係由泰國人開嘅，從餐廳名，以至門面、室內裝飾(有泰皇d相)，再到店員(泰藉)，通通充滿了泰國風味。此小店門面極不起眼，可以話樸實，而店內座位亦不多，大概廿多個位吧。因為怕要等位，而且開始有少少肚餓，未夠7點就去食la，入到去仲有好多位，不過過多十零分鐘就幾乎full晒~

打開Menu, 食物算擇都幾多，我哋叫咗四樣嘢食~

泰式炸蝦餅($50): 好多時出面食到嘅炸蝦餅其實係炸粉餅，而且個粉漿厚到連我個血盆大口都塞唔落，不過哩個炸蝦餅真係值得一試，個粉漿厚薄啱啱好，外面炸到金黃色，而內裡就熱辣辣，蝦肉非常彈牙，仲有d鮮味，配埋個泰式辣醬......嘩.......食咗先再講......ICHIBAN!

蒜蓉包($15): 經過上星期香辣屋一役後，仍然對佢個蒜蓉包心深不忿，今次再叫多次，睇下泰國人整嘅係咪咁嘅!對我嚟講，食蒜蓉包最緊要就係包要夠熱，外層一定要夠脆，而中間就要軟熟得嚟略帶些微乾乾地，而且要有牛油及蒜蓉嘅香兼略帶些微鹹味先為之好食。哩碟包一上枱，單從外表已經知一定好好味，食落仲有齊我上面嘅要求，係我食過最好味嘅蒜蓉包!!!!!!如果d蒜蓉啄得再細d，效果會更加好!!!

我本身唔食得太辣，但係又想叫個咖喱點吓蒜蓉包食，所以就order咗個...........
青咖喱雞($55): 對我嚟講，泰式青咖喱嘅特色係香而不太辣。哩個青咖喱好滑，食到又好香椰汁味，有好微好微嘅辣味。哩個青咖喱裡面除咗雞肉之外，亦配有好多雜菜，雖然d雞肉就"鞋"咗少少，不過咖喱汁好好味。另外，我同Cherry食蒜蓉包時又點d咖喱汁一齊放入口，塊包一面就索晒d咖喱汁，另一面就係勁香嘅蒜蓉味，舌頭同時間得到兩種味覺享受，真係好味到升天呀!

受過上星期香辣屋一役嘅打擊之後，今次又係心深不忿要試多次哩個飯.....幾乎每次食泰國菜都會叫嘅飯，點解?因為食過一次好好味嘅，就會想再食過。如果次次都食同一樣嘢，唔膩嗎?其實我都會咁樣問自己，不過我亦會反問"唔係每個人都想食好嘢嗎?"係嘅話就自然唔膩.............
椰青海鮮焗飯($58): 哩個飯配料有蝦、魷魚、椰青肉，肉鬆同果仁等等，聞到已經知道今次唔會失望，食落就真係唔想停口，d飯雖不算是粒粒分明，但亦唔會因為加咗棷漿煮而變得"杰撻撻"，而且仲有好香椰子味，真係要拍手!!~

雖然我唔知哩間餐廳算唔算正宗，因為我唔係泰國人，但係今晚哩餐好好味，我同Cherry都食得好開心、好滿足。另外，其實今晚哩餐飯每樣餸嘅portion都幾大，其實三個人食都得，我哋兩個最後都捧住個肚走。

今日下午3點約左朋友食飯, 佢地話想食泰國野所以尋晚就search下銅鑼灣有邊間有好評喇~見到呢間都幾好回響, 價錢又相宜, 所以就揀左呢間了~

佢冇下午茶餐, 但係午餐由11點半做到6點, 都有幾十款選擇架~~ 我見之前嘅食評都有介紹個椰青焗飯($48)所以就叫左~ 之後我地仲叫左個炒金邊粉($38)同個香葉炒豬頸肉配飯($38), 個餐包一杯野飲, 可以揀椰汁紅豆冰, 椰汁西米冰, 龍眼冰仲有一款唔記得椰汁咩野冰~ 我地都揀左椰汁紅豆冰~

三樣野都幾好味, 炒金邊粉同其他地方差唔多啦, 其他果兩樣就幾特別~ 個炒豬頸肉有茄子, 辣椒同香葉, 所以辣辣地又好惹味~ 個焗飯幾濕潤同埋有d椰肉好正~~野飲都ok啦~呢餐都幾滿足!佢呢度唔需要加一, 我地又好耐冇見所以傾左好耐, 坐到五點幾, 侍應姐姐都幾nice架, 我下次黎一定會試第二d野~

泰國菜一向都唔係我杯茶, 今日有人要求話要食泰國菜咪就下佢 lor

一黎就叫左泰式生蝦刺身( $68), 一客有十二隻, 生蝦刺身爽口, 再配埋佢果個辣辣地既蒜容汁, 超正!

冬蔭公湯(細＄48), 原來我地 2 個人飲都唔算細, 我飲左好多碗! 而且用料都幾足, 有蝦有磨菇, 同埋其他香料, 48蚊都幾抵, 但係我反而覺得佢唔太夠辣!

細拼盤 ($55), 可以係小食到自選兩款, 我地選左炸蝦餅同雞串燒, 炸蝦餅有六件, 其實係將三舊切成一半變成 6 件, 炸蝦餅都幾好食, 蝦好彈牙, 但係唔知點解食食下會有陣豆腐干咁既味. 而雞串燒我就覺得佢燒到干左少少, 要用力用牙扯, d 雞肉仲會痴係支籤到!

香葉炒飯同我平時食既唔同, 我平時食既係肉碎黎, 而佢呢度係一塊塊既肉. 而且個飯比較濕, 唔覺辣, 真係麻麻地

蒜茸包($15)有六件, 熱辣辣好脆口, 牛油味夠, 蒜茸可以再細粒 d 落多 d, 如果加埋香草味道會更突出!

青檸梳打($15)好大杯好抵飲, 行到身水身汗整番杯簡直一流! 不過我覺得佢好酸, 就算無搞舊青檸都好酸!

食左咁多野都係 2 百幾蚊, 又唔洗加一, 係 cwb 食到呢餐算唔錯呢!

食過n 咁多次, 但第一次寫 …
跑馬日 訂左7點半都要等10 分鐘, 何解? 因為一個字細”
等既時間已唸到叫乜東東　

叫左:
菠蘿炒飯 $48 : 料多, 有所謂既海鮮(都係個蝦幾飯粒同蠔仔一粒) 但味道都幾好, 份量也夠飽
炒雜菜 $40 : 名副其實乜菜都有, 都可以
咖哩雞 $55 : 顏色黃左小小, 有薯仔; 白色西蘭花; 梗係有雞肉, 但最唔好味係雞肉, 好似
將d 雞肉用水卓過後就加落咖哩汁咁, 無呢咖哩應有的香辣味, 椰味過重, 送飯幾好, 但唔係我預期既泰仔風味
白飯 $6

食完超飽, 亦超口渴, 味精頗重手

14/3(星期六)中午，和媽媽來這裡吃午飯。因為第一次來，不知這裡會否很多人光顧，所以早一日訂了枱。12:30來到，只有張三枱有人。不過到接近1:30，已差不多坐滿人。

食物選擇很多，但我和媽媽怕油膩，不想吃炒粉麵，所以叫了湯粉和飯的套餐：

泰式燒雞湯河(轉金邊粉) + 椰汁紅豆冰 ($30)：雞肉很有味及嫩滑，金邊粉爽滑，湯汁很夠味但略鹹。紅豆冰很多椰汁，但略甜。

椰青海鮮焗飯 + 龍眼冰 ($48)：網友都讚這個飯，所以點了這個套餐。飯放在椰青內，賣相討好。飯雖然是炒的，但一點也不油膩，加上有椰肉，十分香。幾粒腰果仁和少許肉鬆，增加了口感。惟蝦仁和魷魚很焾，淡而無味。至於龍眼冰，太甜，我自己溝了水也很甜，喝了半杯便放棄。

每個套餐只是$3x至$4x，免收加一，很抵食的泰菜。整體上，食物不錯，但飲品實在太甜。

叫咗咖哩蟹, 冬陰公同蠔仔旦

冬陰公($4x), 初飲好味, 越飲越渴同越咸
咖哩蟹($12x), 咖哩汁呈半透明狀....無味, 似生粉獻, 蟹零鮮味, 似雪咗好耐世紀
蠔仔旦($唔記得) 好油, 無特別

2個人埋單三百幾
總括而言, 好失望......

是晚三位，叫了
椰青海鮮焗飯 - 蒸左個椰青起肉炒 d 飯，好香的椰子味，一個人的話，應該會好飽
細拼盤 (揀了蝦餅 & 雞串燒) - 正常，不過點個 sauce 係凍的，第一啖食落去仲以為自己食緊凍串燒....
蒜容飽- $11 or 15 / 6 pcs，都抵既
咖喱軟殼蟹 - d 咖喱好好味，要點蒜容飽食
鳳爪沙律 - 都幾辣
芒果黑糯米 - 好味，明明有煙出，但係都唔熱架喎

全部野食最奇係都唔熱辣辣的，感覺都係少少暖咁

上完 training，中午時分同同事們到登龍街覓食，
行過見到係泰國菜，又冇乜人就入去試一試個 lunch。

我地就散叫叫左雞肉乾炒河、香葉海鮮炒飯、椰汁咖哩豬、豬頸肉同咸魚炒芥蘭。
雞肉乾炒河 - 夠鑊氣，佢 d 河粉係好似一塊塊不規則 o既河粉皮，好入味，不過就略兼 d 雞肉碎左少少
香葉海鮮炒飯 - 鐘意食辣 o既必選！比我地平時食 o既炒飯濕 d，帶 d 辣味，海鮮配料都夠份量，唔錯！
椰汁咖哩豬 - 帶 d 辣味，大概到中辣 o既程度，主菜配菜都足料！
咸魚炒芥蘭 - 味道都 ok，不過 d 芥蘭就老左 d ，可能唔當造啦 ~

服務同環境衛生都算唔錯，不過佢 d 椰汁紅豆冰就麻麻地，紅豆太少喇…

鐘意食辣 o既朋友可以一試 ~

the food here is ok
except the set lunch
the food in the lunch set is not special and doesn't taste good
but the food in a la carte is better
esp. the roast fish and chicken
the curry is ma ma dei

the price is reasonable

八時左右嚟呢度食飯...第一次嚟登龍丫,平時搭車回家都經這條路,但一直沒有嚟過食丫~
因為有一次BB話嚟呢條街行下睇下有乜食...加埋我上網睇食評知道好多人讚佢吔既食物~
所以....就嚟左~
兩個人叫咗個後冬陰公 (好正,好濃,好好味)
椰青 椰青海鮮焗飯 (好香椰青味,加埋椰肉炒..正呀....真係好清香和特別)
鳳爪沙律....(呢個真係超辣,我食到個口麻痺晒...要勁入水同椰青呀.....) 但味道就一般者

當然不少得我至愛的黑糯米啦~ 熱辣辣的黑糯米飯,加埋泰國芒果及少少帶酸的椰汁....真係無得頂呀.....我一定要推介我的朋友來吃呀....

P.S. 呢度只收現金,仲不收加一架.....