上星期日(16/10), 同家人一行4人食晚餐. 我地大約6:30pm入坐. 全場不多於5檯客.

叫左 C, D, E 加一個鍚紙飯餐. 食物唔得, 只得好濃既醬料味, 完全冇食物本身既味道.

雖然唔係第一次幫襯, 不過絕對係最後一次!

全場只得一個高, 瘦, 白淨, 細眼著西裝既waiter, 其餘都係著uniform 既waiter.

叫高瘦白西裝waiter比杯熱水, 佢好似好唔滿意. 因為清楚見到佢藐咀.

我地有一張$100 coupon, 上面寫明食$300 減$100. 而且T&C冇寫加一前用定加一後. 我地叫高瘦白西裝waiter埋單, 佢好唔客氣咁話"你地食左$291, 未夠$300, 唔用得". 我地再問"乜唔係要加一咩? , 佢大驚, 走左去篤電腦.( 我即時心想: 你連自己餐廳要加一都唔知?)

之後佢走返黎望住張coupon話 "我地係計加一前個價", 我叫佢比張coupon 我睇, 不過我搵唔到有mention呢樣野既T&C. 我好有禮貌問佢邊度有寫, 佢答: "總之我地就係計加一前!!".............. 嘩!! 咩叫總之??!!

我叫多杯野飲過$300 冇乜所謂, 不過高瘦白西裝waiter既態度同答覆我就真係接受唔到. 我同佢理論, 佢好冇禮貌咁話 "好！我做比你”

張單加一後係$320, 即係要比多$220. 我攞錢時我爸話不如比卡，我話 "唔好啦人地咁忙". 跟住高瘦白西裝waiter答"係呀, 好忙架!" 當時數埋7張檯都冇, 咁都叫忙? 高瘦白西裝waiter既工作效率可想言之.

找完數我拎IPHONE出黎影相, 高瘦白西裝waiter一見到就即刻擰轉面.

而家既食肆除左D野要好食之外, CUSTOMER SERVICE 同樣重要. 劉德華都有教啦. 希望煮館好好教導下佢D STAFF, O米上樑不正下樑歪!

我地決定以後都唔會再幫襯!

來過這優食橫町兩次,兩次也都是去小平津.故一直也沒甚留意其實尚有什麽店舖.直到這天由同事引路來了這裡喝下午茶.下午茶時間坐滿了七成客人,這裡是頗旺場的.茶餐有粉麵飯小吃等多款選擇.炸芝士蝦丸拼紅豆西多士----蝦丸實在不好吃!咬下去彈性欠奉,芝士味道薄弱.西多士沒有討厭的千年油味道,內裡的紅豆尚算軟淋.在油溫夠熱下炸出來的東西表面才會脆.不信的話可試試三點三下午茶時段去連鎖式快餐店叫一份油浸出來的西多士看看.

連餐飲才三十元不到,比咐近幾家的茶餐廳便宜上了三成!食物質素甚至更佳.很多時下午荼也志不在吃,只是想暫停工作出外喝杯飲品休息一下,在這區來說這消費確是合理.

好多年無上來食野了, 由其係這個邊爐, 回憶嗎? 我會選擇用新的回憶補上!

今次係朋友提議來食的, 我也沒有想到來打邊爐。朋友點了餐, 枱前的漿汁好像變了, 沒有wasbi那東東, 換了一個有芝麻的東東, 但最終我還是沒有試,人比較喜歡平凡。

食品來到了, 三年來, 一點都沒有變, 情景就如三年前一樣, 只是人變了, 點的餐變了。 我們點了一個海鮮餐, 食品足料新鮮, 質數keep到, 讚!! 今次來到, 還有點新意, 就係會加粥水外, 仲會加上米粥, 真係無預過。我們除了點了粥底邊爐外, 仲點了一個散餐。食品質數似舊, 和記憶中的沒有變過。每次到煮館食飯, 印象最深的, 係豬軟骨, 味足, 淋, 好好食。還有其他的食品都一樣。

環境看似沒有變過一樣, 只是現在多了鐵板餐, 弄得食客油煙味太重, 這是設計時沒有預到的抽風設施。

最後來了一個十分嚇人的甜品, 大個到呢....河粉味道可以, 生果足料, 雪糕ok, 個汁係雲尼拿, 比出面街的芒果汁來得有點特別。但我自己覺得太多cream law...我係一個都怕食cream 的人, 唔算好愛, 食還可以, 但太多對我來說太heavy 了....整體真係好好食, 好飽, 次次來煮館食飯都飽都嘔... 有d野真係好好食, 海鮮好新鮮。星期五比我想像中少人, 但CWB區太多食店了, 兩口子未必選這間吧, 由其是人唔食得海鮮, 又會有鐘意的野食, 約食飯時會考慮的重點的。

家人上次惠顧這兒而得到一些優惠卷，這一晚便一家人大家一起去吃這裡的粥底火鍋。來到的時候約7時半，大部分的枱都有客人，而我們一家人人數較多，又要是吃鍋，一時安排不到連著火鍋爐的大枱給我們。等了約十分鐘後，他們安排了一張枱給我們，但就要另外插上火鍋爐，不過也沒有所謂，最重要是有得吃。
我們先點了日本帆立貝鍋 ($278)，再額外點了肥牛及豬軟骨 (各$22/碟)。之前有來這兒吃過泡飯，認為它們的皮蛋斑片莞荽泡飯造得挺好，於是又點了一份，然後就再點了一份銀袋斑片炒飯。
先來了一大鍋粥水放在爐上先燒滾，其佐粥五小碟，即肉鬆、皮蛋、鹹魚仔及牛乳等，亦隨即送上。日本帆立貝鍋當然不少得帆立貝，而它還包括了鮮蝦、花蛤、斑片、墨魚滑、蝦丸、豬潤、雞、鮮肉丸、魚腐、雲吞、年糕、冬菇、枝竹、豆腐、栗米及菜。每款食品都不錯，帶有該有的鮮味，特別喜歡它們的雞，因為雞肉新鮮及醃得很入味，但就略嫌雲吞餡料不算太豐富。
另外加的肥牛及豬軟骨也不錯，肥牛就普普通通，但豬軟骨則很稔很入味，本人吃得停不了口。粥底煮過那麼多食物之後，各食物的精華及味道都滆入了其粥水，吃完各食物之後，叫侍應加一點米到其粥水，就變成粥了。其實不是會加許多米，加了米之後其實吃很來還是很像粥水，只是可能會比之前稠一點兒而已，故不用擔心會很飽肚。我覺得這粥水才是整個火鍋的焦點，粥水入味得很，非常美味，自己都不知吃了多少碗。
再說說除了火鍋之外再點了的飯，它們的皮蛋斑片莞荽泡飯依然保持水準，是不錯的。其湯的味道很不錯，清得來很夠味，而斑片很滑，莞荽香得很，是一個很好的配搭。
銀袋斑片炒飯的「銀袋」的意思是那斑片及炒飯是用錫紙包著的，應該是包著來煮的。斑片一樣是很滑的，而炒飯的味道亦帶有驚喜，吃得出多種香料在內，非常香口。
這兒一向的水準都不太差，只是有一次點了泡菜泡飯而失望而回，但除此之外，其他我吃過的都滿意，而家人亦挺喜歡來這兒，是算是值得推介下的餐廳。

叫了京都豬軟骨拉麵,送來的麵不夠熱,豬軟骨用中國麵鼓/磨鼓炆的,連湯底都好大陣中國麵鼓/磨鼓味,不知道同京都有什麼關係,總之就好難食.朋友叫的什麼双拚麵(同一個menu上的)亦不好吃,小食豆腐ok,但另一個小食牛展就好韌,好似放左係空氣中好耐咁.

隔離枱走前將埋單送的$3優惠卷轉贈我們,真係多謝哂!我地又將我地收到的優惠卷轉贈剛入店的客人,但忘了提醒她們食物只是一般而已.

每次到銅鑼灣吃飯都異常頭痛, 菜式選擇是多, 但通常最後都是吃日本菜, 想吃中式一點坐得又比較舒服的就好像一定要到酒樓才行, 但嚐過煮館後就發現這是一個好地方!

煮館其實也不是甚麼吃中菜的地方, 他們稱自己的料理為中式便食, 就是甚麼都有, 日本台灣韓國星馬港式茶餐廳的食材都有, 但都用比較中式的方法烹調, 希望吸引年青人

已經變成他們粉絲的我今天去KTV之前就特地來吃個下午茶~

餐廳裝潢比較休閒年青的感覺, 可是用具和牆壁都開始有點舊了, 建議翻新一下比較好下午茶的選擇很多又不貴, 亦可以另外再加錢搭配小吃想吃飽一點可以選粉麵類, 泡飯米粉蒸飯之外, 連叻沙和比較少見的蒟蒻麵都有我點了車厘茄蛋沙律+芝士蝦丸+西多士+凍檸茶, 再加了蒜香雞翼 (很港式)

蒜香雞翼和凍檸茶先來, 雞翼很熱, 不過可惜沒啥味道車厘茄蛋沙律簡單但很好吃, 沙律醬和蛋的比例剛好
芝士蝦丸中間的芝士還是半溶狀態, 蝦肉彈牙味道也夠
西多士沒甚麼特別, 純粹是我愛吃甜而已之前也在這裡吃過晚飯套餐和火鍋都很不錯, 不過都沒有拍照

雖然這次吃的食物很普通, 總體上也不能說超好吃, 但我真的很喜歡他們有彈性的搭配和小巧的份量, 可以多嚐幾款, 最適合我這種貪心又吃不下太多的人~另外這裡亦很適合三五知己來吃飯(特別是女生), 可以邊吃邊聊天, 感覺很不錯~

$38。京都豬軟骨掛麵：有兩條油墨菜，豬軟骨肥，入味但真係幾肥，湯底味濃但有點肥膩，有不少蔥花

反而掛麵不錯，不會過淋

在樓下派發的現金卷，可以$1換購$25的白珍珠西瓜霜，這個頗好的，白珍珠彈牙，將西瓜汁加冰打成泡沫，最上放上忌廉，可惜本人不吃忌廉，整個撥走了

行街行到攰，朋友介紹黎呢間食~

下午茶個menu有分輕量同飽肚兩面，我地都揀左飽肚，因為都想食呢度0既麵，佢叫左叻沙米線，我叫左娃娃菜鮮牛肉蒟蒻麵(呢種麵要加$3)。

都唔駛5分鐘就黎左杯野飲，我地都係叫熱奶茶，不過不失啦....因為呢度唔係茶餐廳，可以諒解係呢個水平。

而我地碗野都好大碗，果然係飽肚之選，我勁飲個湯底，好清甜，應該冇味精，好鍾意呀


d娃娃菜都幾多，剛剛熟，唔太腍，牛肉就失色左dd，因為冇咩肉味咁.....同埋有d牛肉幾碎下

最有趣係個蒟蒻麵，又Q又滑，一食即愛上，一定會食第二次第三次喇



朋友碗野辣冇試，不過佢話好好食

因為下午茶時間卦，得一半檯有客人，慢慢食唔駛急，幾好~

而且，呢餐真係飽哂架

Search火煱介紹的時候, 無意中發現這間店舖, 雖然看來看普通, 但之前的食評都說可以訂自選海鮮, 而且打邊爐用粥底又未試過, 於是便提早訂枱, 他們說會按當天街市有什麼新鮮才買, 當晚準時七點到, 無須等位, 座低一陣, 侍應們已經逐一拿海鮮出來, 真是非常驚喜, 有十多樣海鮮, 全部都新鮮, 而且體型超大, 有圖為證, 到最後食完所有海鮮, 侍應會幫你加入肉碎, 蠔和蝦干, 令充已充滿海鮮精華的粥底更加甜, d 粥食唔晒仲可以打包添! 最後還送了一個甜品, 忘記了是什麼名當, 但d 紅豆話係日本紅豆, 所以很大粒而且很淋.

經過橫食丁,唔想食ITALIAN TOMATO,於是去返對面的煮度食,

今次ORDER左兩個SET,

蠔仔湯飯湯底幾好味,只是D蠔仔細隻左少少,不過拎黎送飯都OK的

至於我就叫左個排骨飯,D排骨煮得好諗,一食就溶咁,D軟骨位唔會太硬,幾易咬,不錯

又叫左兩杯珠珠野飲, 已經連續兩次叫左,D珠依然好食,同好軟熟