7
3
0
港鐵上水站 D1 出口, 步行約7分鐘
繼續閱讀
營業時間
星期一至日
17:00 - 01:00
以上資料只供參考, 請與餐廳確認詳情
招牌菜
食家推介
終於有機會試試，每位百幾蚊任您砌，質素都在預期之內。唯一食得過就只有雪花肥牛，願主祝福您 ﹗樓下座位已滿，侍應妹妹接待到樓上雅座。閣樓好矮喎，高少少都頂頭鎚，其實依幾個食肆舖位既閣樓都一樣啦。坐低環顧四周再望望點菜紙，居然要自己行出行入取食物，對連自助餐都唔食既我來說，件係非常厭惡的事情 ﹗肉骨茶湯底，清淡如水，求其掉點藥材，清雞湯做底就算數。雪花肥牛，賣相都十分吸引，掉到滾湯中拖兩拖，嫩紅色即捲上蒜蓉指天椒豉油享用。滑溜又有咬口，香甜味美，牛味濃濃，牛脂牛肉汁非常豐富，加上豉油清香及辛辣味道，味道更加突出，好味喎 ﹗添食添食，真的停不了。特級肥牛，瘦猛猛沒半點脂肪，鞋烚烚地嘴嚼，牛味特濃但韌到死囉 ﹗豚肉片，不嫩不彈，不香不甜，比瘦肉還要瘦，失望。海鮮併盤，另加 $108 蚊無緊要，眼見一大堆生料都未能使我提起興趣啊。鯇魚片，還似為係脆鯇，原來是普通鯇魚，跟粥檔魚片一模一樣，草青味突出，試一片便夠。花蟹，細細隻水蟹無肉食，幸好肉質不霉帶滑，味道還算甜美。中蝦，爽爽彈彈又滑滑，配上蒜蓉指天椒豉油蠻不錯。蛤蜊，BB 蜆沒半點肉，幸好新鮮彈滑有海水咸香。蠔仔，的骰但肥美，蠔汁在嘴裡爆開，可口滿意。火雞子，都放了短長時間了，肉質都塌晒，湯底淡又無醃過，腥味略重。牛柏葉，留意火喉一縮即食，爽彈但無味道。包心丸，非常大路外購貨，唔難食無意見。南瓜，我不吃的。粟米，放到乾爭爭，食落有渣。蘿蔔，不甜帶渣。冬瓜，最正常，烚到完全熟透，爽又帶點棉，好味。拍青瓜，室溫不冰涼，怪怪的，只有強烈酸味，吃不到辣味，不過不失啦。菠菜，使我想起韓燒的前菜，外購幾好味，爽爽的、咸咸的。燒牛舌，腍劈劈，羶味霸道，no good ﹗燒台山豬肉腸，即係台灣臘腸？有臘腸既味道及香氣，內外都嚥嚥韌韌，但微暖唔熱囉。燒生蠔，石蠔奀滋滋、細細粒，外熱內冷好功夫，麻麻地。燒雞全翼，無醃既？裡面完全無味喎，外面燒到太燶。淨食雪花肥牛同食菜好喇，其他魚蝦蟹丸蘿蔔，仲有串燒都算罷啦！
繼續閱讀
收左工好肚餓，住上水甘多年好多餐廳都食過哂，😂但台正燒牛涮鍋仲未食過，今晚決定試試看。本想叫個特別d既湯底-肉骨茶，但驚熱氣，所以叫左椰子雞，湯底甜甜甜地，椰子味好淡似有甜味既清水。勝在材料新鮮，出面有蔬菜可自己拎，叫左$168特級肥牛，牛肉色均勻，食落口感唔錯，牛柏葉夠淋，羊肉唔so，蠔鮮甜，魚皮餃好食，其他都正常，不過不失。唯一不足今日無蝦同蜆。唔洗加一，又好食過市區打邊爐，唔錯選擇，下次簡其實湯底應該會更好味。
繼續閱讀
以前想食牛涮鍋都一定要出九龍食，但儀加上水就有得食啦。今次揀左特級肥牛，椰子湯，配一杯港式野飲。個湯底有小小失望，有幾條椰子肉，罐裝椰子味，比起另一間既椰子湯差得遠。先會上一碟豚肉加一碟肥牛，之後可以無限encore。肥牛我地追加左5次，因為實在太合我心水，我同朋友都唔中意食太肥既肥牛，儀加好多都話果d先係雪花肥牛，但係問題係人地雪花肥牛真係入口即溶，通常任食既雪花肥牛，所謂既雪花其實就係肥肉。哩間既肥牛帶有一點點肥肉，食幾多碟都唔會覺得濟。仲有就係哩間既肥牛完全冇雪味 至於豚肉就比較一般，我地食左一碟就冇再encore。醬料方面都算齊全，麻辣醬好味 除左港式野飲之外，汽水任飲。除左肥牛同豚肉要額外落order，出面都有唔少野食任夾。推薦炸芋頭，好香芋頭味同埋好鬆化。果日全部青菜都好新鮮，好似岩岩摘出黎咁
繼續閱讀
我地一行四人係8:30到，寫咗order, 點知佢地嘅侍應經理正正係到食雞煲，可能係晚餐。我地等咗再等， 大半個鐘， 唔止一樣食物都未到， 連湯底都未到！我叫佢地跟跟， 佢地竟然話等佢食完先。最後我地兩個鐘內， 係食咗兩份牛同豬， 同睇佢地食足八個字雞煲，不知所謂！！
繼續閱讀
朋友介紹我黎呢度 就即刻試試啦價錢都幾接受到 打邊爐仼飲仼食$148@1人 免加一 另送一杯港式飲品但鼓勵四人以上過黎食 會送雞煲 更抵食同朋友兩個人食 雞煲要加68蚊 所以冇叫到環境都幾乾淨企理啊蔬菜類同調味料係自助形式一坐底就有侍應問要咩湯底朋友想食冬蔭公就叫左 湯底內有蕃茄 味道酸酸甜甜睇翻食材種類 原來都偏少冇廚師腸冇蟹籽丸冇牛筋丸 有點失望總結 一般啦 始終打邊爐都係講求配料
繼續閱讀