周六一時有半, 躺於棚下歇息的遊人不多. 偏偏負責落單的公公和婆婆身兼厨子一職, 想食個麵都要等等, 食餃子就更加要等多一等.

東龍島的特產是一份閒情嗎? 這是一海之隔的鬧市茶餐廳裡絕不能提供的事! 拌得均勻呈奶油色的蛋漿, 細心地煎成碗口大的圓形, 中間放一塊煎得焦香, 三分厚的午餐肉, 下壓本地出品的東菜味公仔麵. 四塊如磁磚大小的魚片僅一面烙至焦黃, 平鋪在午餐肉上, 翠綠的菜心則靠邊填滿了最後的空隙. 兩個麵的味道不用嚐已知大略, 但試問你幾曾吃過這樣精緻的心思?

我點的只是菲菜餃拼東菇餃, 味道只屬一般, 但看到友人的餐旦麵和魚片餐肉麵即覺後悔矣. 另外友人要了一瓶酸梅湯, 酸甜的調和非常好, 確實生津止渴. 相對我要的classic coke則更見庸俗. 再來的話, 我也要一份精緻的餐旦麵和酸梅湯好了.

五月一日勞動節，做地盤的我難得有假放，點都要出去行下，唔想成日都只係見到泥頭同埋翻土機﹗

遠離市區去到東龍島，對上0個個食評原來都係我寫的，原來年多沒有來了﹗

點了去年來的紅腸魚片麵及凍奶茶，紅腸魚片是煎過的夠香好味，公仔麵睇得出佢做得好有誠意，即叫即整所以等要等得耐0的﹗不過可以0係離島吃到一個早餐感覺窩心﹗
凍奶茶呷一口夠茶味奶香，在這炎熱的天氣下飲完舒服哂﹗

東龍島環境很美呢﹗遠離煩囂吸收天地靈氣，呢度值得一去﹗不過去就記得帶蚊怕水，郊區多蚊要小心﹗

想睇下東龍景色可去我blog睇下﹗
http://hk.myblog.yahoo.com/smallsmalllin/article?mid=2315

能夠在行山的初段到訪此小店，點了四碗麵食及餃子。所有配料都好味，好有家常feel~最歡喜的是附有幾條菜，感覺上較出面茶餐\廳來得注重健康。餃子有冬菇及韮菜兩款，一段味道，未有\"叮\"一聲的感覺。
反而老闆及老闆娘態度殷勤，親切之餘，更盡地主之誼，教導我們如何行畢整個東龍島。

初次去東龍島，人生路不熟。

盲摸摸入了一間叫合全士多(因為近碼頭，加上未食早餐)，簡直係一間黑店。點了餐蛋麵，隻碗都唔知有無洗，是黑色的(本是白色)。湯淡而無味，碗邊有蟻，點知湯內還有一隻已死去的蚊，凍檸荼唔甜唔酸都唔知係乜。大家千祈唔好去食。

算做食完，行多15分鐘，見到另一間士多....假日士多。由於剛剛食飽，只好先遊島，臨走再來食。同樣點了餐蛋麵。一看，就知是用心製作的。香，真係香，麻油麵。碗細細，但好足料，蛋同午餐肉都煎得好香。麵好似係公仔麵，唔係出前一丁，湯都好好飲。還有一棵菜。絕對有公仔麵嘅神粹，值得推介。

假日士多，平過合全，又乾淨，又熱情，又好食，稱得上為平、靚、正。

我去左東龍島假日士多，無十年都有八年，我都未試過魚片，佢最出名是水餃，下次試下。

假日第一次去東龍島，一路只係見到一間士多叫合全，同我地0係網上面睇既好似唔同，於是唔理得咁多，一於直行，0的路都幾好走，不過由於都幾耐無登山既關係，係幾辛苦的﹗

嘩，行左三個字，終於都比我地搵到東龍最出名的士多"假日士多"，你睇幾多相，唔係賣風景相呀，係黎過既明星黎，真係多到我都睇左幾個字，仲有好多真係幾十年前的呢，可見呢間野有幾出名，係明星黎拍戲都一定來呢道隊個麵再行﹗

唔係講笑，上年特首先生都來過呢，有相為證，真係幾鬼巴閉﹗個士頭婆仲好鬼nice，抵佢人人都來食﹗

同友人講左好多次話要黎食佢地既麵，好在真係搵到0即﹗

網上面話呢道最出名係魚片，所以我地叫左餐肉魚片麵同埋紅腸魚片麵，魚片同埋紅腸都係煎過的，好香口同彈牙，奶茶小甜茶味香而滑，真係無介紹錯﹗

已經不知是第幾年的國慶假期在東龍島中渡過,友人又提議再到此露營,如不是掛念這間假日士多的餃子,定必一口拒絕.

這間假日士多,都是家庭式經營,只在假日售賣各式飲品,公仔麵之類,但其設備齊全,有水喉,沖身,洗手間等供遊人使用,絕無半點收費,比起市區一些食店,洗手間大大隻字寫明”只供本店食客使用”來得更有人情味.

叫了一客餃子相併,湯底好明顯係出前一丁,但放左麻油,香味撲鼻,自家製的薄滑餃子皮,正是此鋪的賣點,內包著爽脆的韮菜,鮮味的豬肉粒.朋友大其冬菇餃子出色,冬菇粒爽口彈牙,嚐後麻油與冬菇餘韻殘留口腔,良久不散.如此佳餚,只售15元,係這個平日渺無人煙的小島內,在假日要賣一碗獨市的美味餃子,20元以上,想必都不乏食客,但老板仍只售15元,可想其廚藝了得之餘,亦具備左做生意的”德”.

埋單離開之時,因要趕船而走得頗為匆促,婆婆道謝之餘亦不忘對遲來的餃子致歉,如此慇懃服務,竟出現於這個荒島上.