話說同女友晚上入BU聽講座, 咁就六點前搵野食啦~

又一城高級既有好高級, 意大利FINE DIN, 又有
快手啲, 平民啲既, 快餐又有
但晚餐要食六十, 七十港紙既餐廳, 很難免在食品質素, 或者環境品味其一下調一下
除非又食港式日本餐廳啦...

結果, 見到《八月花》食中式菜, 都唔差, 環境又幾靚, 隔音幾好, 靜靜地, 一於試試
一打開menu, 嗯, 比一般酒樓仲要貴兩三成, 但份量就少好多
對於情侶, 有情飲水飽既我地, 點返啲大眾化啲既菜, 一樣可以enjoy enjoy等左五分鐘左右, 第一道上枱
係未黎第一道菜之前, 有一船碟花生同咸菜, 都幾好食, 可能係我地都好肚餓
細細份, 兩個人食啱啱好, 臘味元貝等都幾足, 雖然唔會話好香臘味味, 但都幾抵食, good切絲既材料, 冇牙都食到。但如果可以用返上海風味既做法去做魚羹, 好似會味道出眾啲, 個人意見呢份係是日最抵食之一, 勁多份金菇卷, 味道意想不到地配合, 比一般用牛肉做的, 好像別有風味
可能是這道的口味不用重, 我很喜歡這碟做主菜上海風味可能太入我腦了, 這沒有花生香, 面條不彈牙, 湯又不濃的擔擔面, 很奇怪...

我想我不會再跟女朋友來這家吃了, 咸菜同晚茶, 每位都要20HKD, 還未加一, 坐椅只有一邊把手, 坐耐一點為不行...
還是跟大夥食家, 花多於一百五十元的富客們一起, 才再來試菜吧。(就算有, 倒不如去別的地方熱鬧地吃酒樓)

明明一開始果陣都冇幾枱客, 但揮左好幾次手, 都冇人黎落單, 反應好慢。再睇返食評, 啲服務好似一直都好一般...

一行十二人，有老有幼，其實極之討厭晚飯安排兩個時段，但為了方便各親友，最終決定訂此餐廳，我們選擇8:30的第二輪，訂位時亦有通知我們到時可能要稍等，(沒想到稍等意思是30分鐘)，原因是第一輪客人已經食完但亦未走，但餐廳應該通知第一輪客人有其他人等緊，應準時交還枱呢，最終是再set多張大枱，竟然有空位，點解唔一早set定呢？我亦在訂位同時想落訂菜單，但服務員說不需要，到時叫亦可，因菜單有翅，所以要求更換其他代替，服務員不耐煩說會叫有關同事回覆，最終是沒有回覆，心想是美心集團應該沒問題，結果當時只有半圍的菜單，但我們一共有十二人呢！實在忍不住大駡，結果突然有個八人餐供應，唯有選擇此餐單！安排極差，環境衛生亦差，我一定唔會再去此餐廳！

個標題喺近個星期嘅熱門話題，但咪以為講請飲，一律與做人情無關，所以加多個「．」俾佢，少少借題發揮，查實喺兩件事。

跟以前晌酒店做過嘅舊同事，又喺半年左右一次嘅飯聚，雖然唔喺經常接觸經常見，但一年總有一兩次食番餐、聚聚舊。早年搞局時可以開一圍，不過依家散咁啲喇，勉強仲有半圍人，依份酒店工亦喺小弟初出茅廬所做嘅第二份工，唔講唔覺，原來同佢哋都識咗近廿載喎。故此，到依刻大家都仲咁有心出嚟食飯出嚟玩，嗰份友「人情」誼特別珍惜，所以揀嚟作為小弟晌「開飯喇」嘅第「500」篇食評，以此為念啫！

由於其中兩位老友住北區（東鐵線），其他嘅都喺市區人（港鐵沿線），所以就選址又一城，較為中間位。本來又幾間心水，不過都滿座，八月花本身都有心想試，8:00pm嗰輪有位，當晚小弟提早去睇睇咩景，結果7:30pm過啲都可以俾到枱，可以早啲埋位。由於無時限，我哋傾偈真喺傾到細水長流，差唔多傾到人哋收檔咁滯。可見大家咁耐無見，幾多嘢傾吖！

八月花本屬美心中高檔粵菜系，裝潢比較新派，但又帶點點中國色彩；而食物保留著中國菜式嘅原味，但配搭亦見心思。如果唔想煩，大可以點套餐，分為逐位計（$238兩位起）、四位套餐（$998）、八位套餐（$2288），另收埋茶芥加一，一啲都唔平。我哋就喺唔怕煩，又想慳啲，菜式更想自主一點，從基本餐牌度著手，集思廣益；另外依期嘅推廣「土樓三弄尋夢．客家系列」，又喺較便宜之選；咁多女士同枱，臨尾點可以唔點甜品架，咋晒形啦，另外有一份甜品餐牌，到時再揀。餐前小食 $16
餐前小食喺鹹脆花生搭鹹酸菜，晌等齊人之前，同睇餐牌期間，頂一頂牙痕嘅至佳小食，尤其啲花生，真喺脆卜卜，鹹酸菜又唔會死鹹。雖然收成$16碟，我哋6個人仲收兩碟錢，但份量比出面一般嘅酒樓多。有機腐衣鮮淮山 $38
屬於主餐牌內嘅推介冷盤，平時飲湯成日見淮山，但鮮淮山小弟就未試過。據說鮮淮山所含嘅營養成分比乾淮山豐富，對女士們滋補養顏亦有較大功效。撇除功效，個鮮淮山又幾好食喎，口感粉嫩，配以有機腐竹、帶微酸嘅芝麻醬，出奇哋夾，既輕怡又清爽嘅冷盤小食。甜酸蕃薯爽 $28
喺早排「土樓三弄尋夢．客家系列」裡其中一款重點冷盤，介紹就話喺紅芯蕃薯，上枱時以為成碗都喺刨晒絲嘅紅薯，食到底下原來又有切角嘅蕃薯。上面嘅蕃薯絲酸爽醒胃，又配上大量芝麻，好食；而下底嘅蕃薯角，帶甜粉腍，別有風味。蒜片一口牛柳 $58
嚟到引嚟大家吓吓聲，因為好細碟，份量幾少吓，咪睇個名，查實晌餐牌上佢喺一道前菜，所以少喺因為佢喺前菜份量。蒜片本身炸得香脆，牛柳粒就極度軟腍鬆化，好有肉香，不失為上等惹味「小食」。翠炒坑龍球 $98
喺另一道「土樓三弄尋夢．客家系列」菜式，坑龍唔喺好知咩魚，既然喺客家菜式，我估唔會喺貴價魚，泡過油再配以黃椒同翠玉瓜同炒，食落OK，但好老實，若以特色菜推出，小弟就唔喺太覺有咩特色。拔絲石榴咕嚕肉 $88
一道幾有趣嘅菜式，拔絲咕嚕肉我估都唔使多描述，聽名睇相大概都知喺咩，甜酸醬做得幾好，甜酸有致唔太嗆喉，但拔絲效果就欠奉；而所謂石榴，其實喺馬蹄粒，包咗層粉漿（唔係脆漿），所以望落外層有少少晶瑩，口感跟食一粒馬蹄無咩太大分別，爽爽甜甜。瑤柱杞子浸菜苗 $78
有魚有肉，總唔少得一碟菜，揀嚟浸菜苗平衡吓上面啲肉。個浸菜苗都幾大碟，翠綠爽口，而瑤柱絲、杞子亦落得唔手緊，浸以高湯，所以整體味道喺清淡而不寡，大家都鍾意依道菜。別不同蛋白炒飯 $118
喺咪與別不同要食過先知，雖然之前啲菜式比較的骰，不過個炒飯就頗為大碟頭。飯底喺蛋白炒飯底，炒得爽身又唔油；上面淋上以蟹肉同蟹黃做嘅茨汁，蟹肉拆得唔少，味鮮又跟炒飯好融和，正！值得推介。爺爺栗子燴雞 $88
後加嘅菜式，估唔到大家咁好胃口，既然上述每道菜都清得晒，而大家對八月花嘅出品又意猶未盡，所以就叫多一道家禽菜。原來屬意喺「砂煲中熅雞」，個名夠盞鬼，可惜買晒；改叫「紅蔥生煏青頭鴨」，何謂「青頭鴨」？想見識吓，但個侍應提一提話有鹹酸菜墊底，會偏鹹，諗諗吓都喺唔好，最後就要咗依個「爺爺栗子燴雞」，「爺爺」其實喺指椰子，原個椰子做器皿，內裡喺椰汁栗子炆雞件，插住兩枝香茅，挺有東南亞菜風味。又喺今晚得我歡心嘅一道菜，因為鮮雞件煮得嫩滑，大大件啖啖肉，栗子粉香，配以椰汁，裡面仲有好多椰肉，而且成個椰子裝到滿一滿，才賣$88，抵食喎。吾中吾西炸雪糕配蛋球 $32
其實就既中既西，中方代表嘅迷你沙翁，搭西方代表嘅炸雪糕，每款各有兩件，加少少桂花龍鬚（棉花糖絲）點綴吓，賣相立體好多。沙翁炸得鬆化有蛋香，而炸雪糕做得渾圓，快快手食，冰凍嘅雲喱拿雪糕夾著熱呼呼嘅外皮，爽呀！101鮮果拿破崙 $58
亮點甜品，本來成晚喺得小弟一個為寫食評影相啫，但嚟到依個101，出事喇，一上枱，驚訝嘅嘩聲四起，搞到隔離枱都望過嚟，無辦法，個拿破崙一共有6層，每層約4吋x4吋方，足有成7、8吋高，仲加埋啲麥芽脆糖做裝飾，碟邊又加多撮桂花龍鬚，個個仲唔舉機留「倩影」咩！每層唧有香滑嘅吉士，一層夾有一款生果粒：士多啤梨、哈蜜瓜、蜜瓜、奇異果、啤梨。最初都想打直切開，酥皮太鬆脆，實在喺不可能嘅任務，所以我哋一人分一層酥皮，生果就互相對換，就集成一件件五色鮮果單層拿破崙喇。真喺搞咗一大輪先有得食，但柴娃娃鬧哄哄，咁先食得開心。茶位 @$12，可揀普洱、香片、鐵觀音，另備有其他靚茶葉，但貴之餘兼逐位計，除非你對茶特別好，否則都唔太需要點。白飯$14碗，拔絲石榴咕嚕肉同個爺爺栗子燴雞，值得叫少少白飯嚟送，唔好嘥啲汁。食咗接近$900，飽一飽之餘，滋味在心頭，好愜意嘅一餐！

上文講開個甜酸蕃薯爽，一向食蕃薯唔喺煨就喺煲或炸，點都煮一煮，未食過生嘅。最近上大陸山區做嘢，再次接觸「蕃薯爽」，不過喺農村原始版。話說搞緊啲山區村落飲水工程，視察一家農戶時，見晌屋後堆滿成地紅薯，同啲官員傾開，佢話當地農民好少食，多數用嚟餵豬，如果食就咁生食得架喇。佢覺得小弟好似唔信，即刻拿舊洗乾淨俾我，佢仲示範點食。上面條短片都有描述，生紅薯就咁食口感幾爽，有啲似食蘋果，味道帶少少甘，又幾過癮喎！

現在的點心,總有個共通點,就是大而無當!想當年的蝦餃,小巧玲瓏,一啖一口.可是現在的蝦餃巨大無比,材料豐富. 這個蝦餃王,一穩只有一隻,賣相當然震撼, 可是因為要放入大量餡料,因為皮不可以太薄,而且帶靭, 蝦肉也算新鮮,入口也彈牙,可惜入口鬆散,一咬就散開, 吃得非常狼狽!

　三個湯之中，【清燉雞湯】最好，還用茶壼上，很精緻，湯很濃郁，十分足料；至於很多人力推的【番茄湯】，我就覺得Ｄ有似飲僅熱嘅 V8 咁。。。。其實都 ok 嘅！　而個【酸辣湯】就真係只能夠用得意來形容就算了，有點像順嫂魚羹，不過就簡陋得多～～酸酸哋，吃到有些爽爽哋嘅野响裡面咁啦。。。。

　最值得推介的是【腐皮鮮淮山】～雖然只是簡單的澆上日式麻醬，但這個配搭還是第一次見，完美的配搭，腐皮軟滑，淮山爽口，酸酸地，很開胃

　主菜最喜歡【蒜片一口牛柳】～非常香，用上靚牛柳，淋滑剛好，唯一可以挑剔的是蒜片又凍又淋，應該是一早炸好的，如果即炸，效果就會跟日式鐵皮板燒一樣。

　其實個【雀龍點心】應該是不錯的，可惜上菜實在太快，很多餸都食唔切，凍哂。。。，是點心拼盤，很多款式，每款兩件，共兩層，這時候吃就漏了一點。如果做 high tea 就剛好。

　至於個【甘橘脆蝦球】實在有點可惜，很重的柚子汁，很甜，就好像淘一羹沒桸釋的柚子汁入口一樣，而且粉漿很厚，吃起來絕對不是味兒，完全唔夾，最後我們要弄走那層脆皮和醬汁才能吃得到，但其實蝦球本是很爽很大隻，是靚材料，那就變成嘥料啊！　還有個招牌【BB脆乳豬】也一樣，成件乳豬塗滿乳豬醬，好鹹，好肥，絕不滋味，除了＂脆＂，就不能比分了。　還有【木桶飯】，正如其他人食家的感覺一樣，它只是一個有色的飯，而且是旱的，相信如果沒有用木桶做裝飾，就不會有人order，全世界都中計了。

　最後一定要講吓佢哋嘅服務態度，一路上都己經很悔氣、沒有禮貎～～

1. 一早知道這裡上菜速度超快，便唸住先叫前菜，點知唔准，她說：「你叫咁少？」.......「你要８點交枱個喎，要快Ｄ叫哂。」.......
2. 見食評大讚該店的甜品，興高采烈地選了雜果涼粉，7:45 p.m. order，又被教訓一大餐，她們強調我們要８點交枱，我話都未夠鐘，唔准叫咁，一盆冷水照頭淋，最後她無奈地落單，但都不憤氣要整多句：「咁你食快Ｄ呀？」........真係未見過咁嘅惡人，同Ｄ裝修、Ｄ食物一Ｄ都唔趁。。。。。

１。菜式份量細，人數少就十分理想，可以試很多款；但甜品竟然全部份量都很大，到底想點。。。。。。。

２。環境很嘈

好耐沒有來又一城了,雖然都是window shopping , 但天氣真是好熱, 在又一城行下街嘆下冷氣是最好的一件事, 天色開始昏暗, 是時候選擇餐廳食個晚飯,順便食埋飯才回家, 之後兜了一圈 , 本來都想食pizza , 後來想了一會兒都是食中餐好一點, 去了八月花門口, 看過下餐牌, 食物都是好精緻款式都不少,而且門外都已經開始有人等位, 我估餐廳都不會好差!!幸好不久已經可以入座, 一坐下來, 侍應們會問我們飲什麼茶, 不過突然想飲碧螺春, 之後問了個waiter有沒有先, 原來茶是另外收費, 每位更要收茶錢$12一位, 兩個人就已經收了大約$50茶錢, 真是都幾貴.....餐具真是非常精緻美麗,帶出優美的高雅的感覺, 同時點了極品碧螺春$22, 而且點著蠟燭熱住, 保持熱度, , 侍應更用多一個鐵壺盛裝熱水, 可以讓客人加些熱水, 今晚都只是order了少許食物與他一起分享, 他又給我話事點菜..... 燕窩蕃茄濃湯---湯面上都有一些燕窩,始終也是無味的, 更是好碎濕濕, 而且還有一些百合作伴,仲有咬口, 而且啖啖都是香濃的蕃茄味又濃郁, 味道方面都會有點偏酸, 可能是用新鮮蕃茄熬製的原因,感覺都好飽滿豐盈的口感,更有中西fusion的韻味涼拌海蜇螺片$42---冷盤方面真是好夠凍,食過後都好涼透心,真是夏天最佳食品, 不過有略嫌份量不多,海蜇都好爽口彈牙, 螺片則以新鮮響螺切成,螺片食落好似魷魚般, 好爽口籠仔蘇薑星班柳$98---食落沒太大特別, 魚肉都好香滑味鮮,魚肉又有彈性, 火喉掌握得恰到好處, 可是沒有什麼調味料, 沒有豉油味?較清淡的一道菜.....拔絲石榴咕嚕肉$88---個汁又晤酸又不是甜, 入口都算脆不過炸漿厚身了一點, 用了一些石榴粒令此菜更甜不會太酸,效果比菠蘿更香甜, 而且切成一口大的豬肉粒, 酸甜汁中加入了一些麥芽糖做出拔絲的效果,將咕嚕肉從甜酸汁微微拔出一條條絲出來, 最可惜的就是不夠汁, 不夠juicy食落咕嚕肉總是乾巴巴,那些甜酸醬汁真是再調一調較份量會更是好的原味擔擔麵$22---冇咩配料, 真是好吝嗇, 賣相都不是好美, 麵條又腍, 湯汁又不能掛在麵條, 個湯底較稀又細碗, 又晤辣又不香.....迷你桶仔飯$22---用小木桶盛載飯的感覺都好特別, 豉油味份量都較輕薄, 內裡有一些雞肉粒及菇粒乾再加少許乾瑤柱, 不過不夠火喉, 個飯雖是分明但真是晤夠味, 應是有色無味的豉油炒飯整體上裝潢都好寬敞, 門口的座位更是開放式,好有新氣派的中菜餐廳, 裝修方面更是以紅色為主帶出東方的中國色彩, 食物方面有點價錢偏高, 而且比較精緻份量細份, 貴精不貴多來形容, 而且食物質素一般, 不是好突出, 有幾款小菜都未達到基本水平, 有點失望, 最好彩沒有放上前菜的泡菜, 因為$16一碟, 可是張單計了我們$16的前菜,同侍應應講番之後都不用收我們$16的前菜錢 , 服務都可以接受, 特別是傳菜的姐姐都好有禮貌,常向客人說多謝

又唔一定要去大酒店食個cake先叫high tea既

蝦餃，一籠一大隻，夠氣派，食落成口都係蝦，起碼用兩隻，咁大隻餃都仲做到薄餃皮，唔爛而通透，叻。

ＢＢ豬，即係乳豬件，外皮光皮，食落香滑，唯一問題係咸左Ｄ咁多。

帶子腸粉，粉皮帶黏，不過帶子好似過份「林」身。

雀籠點心拼盤，一次過滿足哂六個願望，最鍾意蛋撻，滑而香，係咪真係有燕窩都唔緊要。

今午與父母等一行五人來這裏午膳。訂了12:30，到達時也能立刻給我們，不用等位。

裏面有四人餐供應，一湯、一粉麵飯、三小菜和一點心拼盆，$5XX，我就決定選了這個，再加了兩個點心，春卷和咸水角。燕窩蕃茄濃湯，有四碗，顏色鮮艷，湯中央位置有約有一湯匙大的燕窩，蕃茄味特濃，所以與燕窩同吃，也難以分辨當中原來是燕窩，若只論蕃茄味，就十分明顯。

花彫蟹肉蟹子燴伊麵：因照片素欠理想，沒有上載於此。伊麵合格，蟹肉和蟹子加茨汁鋪在麵上，蠻特別，五個人吃都足夠，畢竟老人家吃得不多。甘橘脆蝦球：外層脆皮薄、蝦肉大且爽，配上甘橘味的汁，眾人皆讚。這個爺爺栗子雞，眾人皆彈，味道一般（平淡無奇），有不多的雞柳，加上椰子肉，盛在椰子內，無人欣賞，最後我把它清了。生爆鹽煎肉，我想即是椒鹽豬扒，加上紅、黃、綠椒，惹味，適合青少年人吃，老人家只吃一口就夠了。蝦餃、燒賣、蛋撻和犬燒酥，不過不失啦！長長的春卷放在杯中，賣相特別，配上青爪和紅蘿蔔，最後都係青爪好吃。咸水角的皮外脆內軟，夠熱。

五個人若不是細食，這個四人餐是足夠的了。那個爺爺雞可以放棄，絕不可惜。但似乎未必會有第二次。

四重奏既PART 3,終於都出街啦.
星期日既聚會,本應係睇完戲先食
但由於有人想溜完冰先飲茶再睇戲.
於是一部分人去溜冰場玩個不亦樂乎.
另一班就先去攞位先.
大家本應決定去又一棧食京川菜.
但由於內部裝修.於是轉移到八月花排隊先.
星期日既又一城.度度都人山人海.
雖然等咗成一個鐘,但我地一行十人浩浩蕩蕩入去嘆吓茶先大哥大嫂叫左壽眉,茶味一般.不過份量唔多.清清地又幾好.
另外我自己再加一壺凍頂烏龍$32坐低睇一睇點心紙,由於差唔多成十個人.
大路點心少不免.
但又幾款可以有下次..
脆皮BB豬$58
5分:入口真係咬得出聲咁脆.一來個SAUCE已經搽左晌豬皮上.
二來另一格有一小撮沙律配油醋汁.正正金湯海皇翅$784分:南瓜湯配金山勾翅,仲有少少蟹肉.
$100一位,交足功課!
點心有兩款比較有印象.
百花魚肚4分:蒜得唔過火,魚肚比出面做得爽口.
牛肉球4分:我覺得今日大粒過平時食.
整體出品非常得.服務方面都無咩大問題
係可能4:00要埋單比較快咗D.
我地一路坐,食左差唔多兩小時TIM...
喂.........我地要AMC買飛啦!

中式佈置幾大宅門FEEL.
不過洗手間清潔一般!

四月廿六日(星期四)有幸得到U-Magazine之邀，是夜到美心集團旗下的中菜廳一試其全新推出的「五邑．想家」系列
五邑即江門市的新會、台山、開平、恩平及鶴山，亦是「中國第一僑鄉」
大廚半年前到訪該區，搜尋當地食材，並訂出十多款特色美食，我倆與靚女記者一行三人，當然未能嚐盡所有菜式，就由靚女記者親自挑選其中數款試味打開煲後，就聞到陣陣的胡椒和蘿蔔香味
侍者先把豚肉撈起，排骨煮得腍身不韌，中間夾着豐厚肥膏，入口層次感豐
鬆化的豬肋骨肉帶油脂甘香，建議大家先吃一件原味，之後才灑少少准鹽吃，兩者各具特色我很喜歡吃蘿蔔，只是部份蘿蔔咬落較實，水準欠穏
湯底清甜，既帶有陣陣蘿蔔的清香，又有濃郁的胡椒味，是雙重味覺享受賣相有點像鹹水角
外表炸成金黃色，吃來表層煙韌帶點香脆
內裡餡料有雞肉和菜脯等，始終吃落較油膩，略嫌不夠熱，帶不起味
是全晚精彩的，用上原隻蟹斬件來焗，賣相相當精緻吸引
一送上枱已經傳來陣陣蟹的鮮香和蛋香，令人期待
口感有點像焗魚腸，用料包括雞蛋,咸蛋,果皮,豆豉,肉碎和蟹件
蟹肉很鮮甜，蟹膏頗多，尤其是蟹蓋更見豐富
雞蛋等用料吸收了蟹的鮮味，吃落既有蛋香，又帶點蟹肉的清香吃了三道菜，最後是份量十足的台山菜菓飯，份量之大足可令六人飽肚
其特色是用上質感爽口的台山芥蘭頭，它是傳統用來焗飯的食材
除了芥蘭頭，還加上已炒好的臘肉,臘腸及蔥粒來炒，再放進大煲內一起焗
因為我們先吃其他菜色才打開煲蓋
所以一打開便聞到陣陣的飯焦，但吃落卻無任何焦燶的味道
飯粒分明且帶臘味的鹹香，唯臘肉以及臘腸的比例較少

五邑菜的賣點是鄉土農家菜，味道保留著傳統的味道
見到餐牌時的確有頗高的期望，可能是晚廚房較忙，每道菜也像趕着上枱的，材料質素不容置疑，只是部份菜色的確煮得未夠火喉
希望下次有機會一試其他的五邑菜式~
在此再次多謝U Magazine的邀請和訪問!

這次的系列在全線美心皇宮、全線美心大酒樓(新都城除外)、全線翠園、映月樓、翠玉軒、怡翠軒、八月軒、八月芳、八月居、八月花供應
而推廣日期為2012年4月10日至6月30日 (不適用於5月5-6、12-13日、6月9-10、16-17日)