3種包
全部都好fresh 咁架...
豬仔包脆脆的...牛油prefect match~
麵包條都好鬆脆的~
真想打包...留肚食MAIN DISH
田園沙津
配的...好新鮮呀...好爽口的生菜...哈哈...配了那酸酸地既sauce...就好開胃了
焗新薯
好普通的…好似係salt water boil 左ONLY…
好像是2口薯...幾大舊~皮厚左D...
豬仔骨/燒雞COMBO
店員推介的... 的確係好大份量呀...
豬仔骨的外表幾靚...甜甜的幾入味...果然係主打的honey mushard sauce...
不過條骨就真係好瘦..冇咩肉...好難切呀...唔夠林咯...
燒雞唔ok...連雞脾都好鞋同硬...不想再試d白肉了...
有配的薯角..但唔係咁新鮮...都林曬了....
蟹肉天使麵
好多的蟹肉呀...幾甜~ 啖啖都有...平均唷~ 冇欺場的~
雖然係天使麵幼幼的...佢地煮得比較硬身...
平時最不喜歡happy meal 般的茄汁意粉呀...今次佢地一條條的有少少茄汁酸甜的...又係幾醒胃...
唔會好滯...咬下咬下的有口感~
APPLE BERRY
起初有沙冰...幾sweetie同summer feel...不過later 溶曬...就有d 藥水味了...
WILD BERR DELI


好可惜...佢D野一次過咁上曬...係我地仲食緊bread 個時...主菜都凍曬喇...一定影響左個味道喇...冇熱騰騰的新鮮感了...
好有嘉年華的感覺...小朋友都有輕氣球ball ball~ 好開心呀...
好多人在此celebrate bday~ 成日都聽到bday song~ 店員送上旦糕時仲會有大candle 架~ 好窩心呀~
大大碟的size..好American呀... 同埋好少可的4人台係圓形...closer distance...可以坐上成晚傾計咯~
不過店員不會主動提供水or 加水呀...唔通一定要人叫unlimited refill 既drink~???

同男友仔屋企人做節, 由於担心食中餐會好多人, 所以我地決定揀意大利餐...

男友仔一早BOOK好枱, 六點九我倆先到達. 坐抵後, 冷氣不夠凍, 叫侍應幫忙較凍少少, 雖然佢地好樂意幫忙, 但較左好似無較一樣呢...

之後男友仔見隔離枱D小朋友有波波又貪得意問侍應攞返個, 侍應都好好人送左個俾我地. ^^

到點菜了, 見到餐牌上有268任食. 但由於大家都唔太肚餓既關係, 所以選擇散點...

侍應先將送既田園沙律送上, 別以為送的就一定無好! 其實份量足四人而且質素唔錯. 沙律味道幾清新, 生菜好爽脆, 而且蕃茄好鮮甜!! 送既麵包 都不弱! 有幾款選擇. 點上黑醋加橄欖油味道不錯! 其實齋食都好味. 好脆, 新鮮而且軟熟!! 其實食送既食物已經填一填我既肚餓.
炸墨魚筒上枱時聞到好香好香. 細細粒容易入口. 炸得好鬆化, 但略嫌唔太夠味. 配上附送的蕃茄醬都爭少少. 加埋辣椒仔就好得多了!! 之後到什錦PIZZA, 足料, 可惜批邊始終不及PIZZA HUT. 因為略嫌厚得黎唔夠鬆脆. 食落口感就似一舊粉. 配料就不錯, 較欣賞辣肉腸, 不會太咸. 味道適中! 而且有好多芝士 ^^ 其實成個批味道不錯. 唯一美中不足是批邊而已!! 最後上枱的肉醬通心粉其實好好味, 可惜timing不夾, 食到差不多半飽才上枱! 但盡了最大努力食了大半! 肉醬好好味, 好有蕃茄味, 又不會掩蓋了肉醬本身的味道! 通心粉煙煙un un, 裡面充滿了肉醬, 好好味呢!!

食了飽足的一餐中秋飯!!

晚上跟爸爸晚膳, 因為太忙一早已經知道放工會很晚, 他就遷就我去了荃灣晚飯. 同行的還有兩個朋友, 不過竟然全部人都對荃灣沒有概念, 為了穩陣起見, 選了有時搭車回家時會經過的熊貓酒店地下的Fat Angelo's, 也是我第一次跟爸爸在荃灣吃晚飯呢~!

是夜餐單:

Mozzarella and Tomatoes 蕃茄伴意大利芝士
又是那一句老話, 遇上蕃茄芝士等食材, 我極少會覺得不好的=p

Buffalo Chicken Wings 紐約雞翼
一點點辣, 好惹味, 而且肉汁豐富, 正! 不過用來醮的沙律醬有點怪怪的, 相信不是食物本身的問題, 而是它是那種不是人人會喜歡的味道, 而好明顯我們這一桌人都不太喜歡...

Mussels in Wine Sauce 白酒燴青口
非常好吃!!! 絕對要推介!!! 尤其是那白酒汁, 真的不得了! 我們就算已經把青口清理得一乾二淨也不讓侍應收走呢! 因為要留着用來吃主菜side dishes的薯仔!

Steak Pizzaiola 肉眼扒配白菌茄蓉汁
第一次在Fat Angelo's吃扒, 想不到也挺不錯! 跟OUTBACK有得比呢!

New York Long Island Pizza 紐約長島Pizza
又是好不好吃見仁見智的一道, 我因為別得太飽所以沒有吃, 但其餘三位裡有兩個不喜歡, 一個非常喜歡, 大家有興趣也可以試試, 看看會喜歡上呢還是永不錄用呢~?

雖然食物真的很好味, 不過份量點得太多... 我們怎麼吃都吃不完... 只好各自帶走一些回家去, 我拿了牛扒和side dishes的薯仔和西蘭花, 成了第二天的午餐呢!

意粉叫家庭size,仲叫左四碟不同味, 結果全部都不好吃太重芝士,最失敗是一pat pat, 上次普通size反而ok, 其他pizza ,羊架,青口,併盤,都ok, 最好味反而是甜品,

突然想吃意大利菜, 所以與老公再次光顧 FA. 去到發現想吃的三様食物加上飲品已要 $4xx, 所以要了任食餐. 其後才想起以前這間 FA 是有 small portion 選擇的, e.g. 豬筋骨 small portion 只是 $65, 但現在沒有了small portion, 要 $138, 所以先要焗住吃任食餐, 兩個人根本就吃不到 $500 (如以從前有 small portion 的價錢計, 雖然我倆已是很大食的了), 所以奉勸兩至三個人要去 FA 就要三思了.

吃了以下食物:

1. ceasar salad: ok 好吃, 但隨付的麵包粒好難食
2. 芝士蒜蓉包: 個包好硬
3. 白酒青口: 個汁是 creamy 的, 並不是一般吃的白酒汁, 最主要是青口不是藍青口, 個人不太喜歡
4. 海鮮燴意大利飯: 蜆是全場最好食的, 好大隻, 好鮮味, 飯的汁都好好味 , 但所用的米正如下面食評所講的, 真是很大粒及粗糙, 又不煙 un, 不知怎樣形容, 總之就不像在其他意大利餐廳吃的意大利飯, 不好吃. 可能它太正宗啦.
5. 軟殼蟹, 雞翼, 炸魷魚拼盤: 不是不好吃, 但好滯
6. 豬筋骨: 肉較乾, 不好吃, 但個 honey mustard 汁好好吃
7. 蜆肉辣蒜扁意粉: 因為啲蜆太好食, 所以叫了這個, menu 上是沒有的(只有忌廉汁或茄蓉汁), chef 特別為我們做. 雖然意粉蒜味不夠, 但蜆依然好好味.
8. 拿破崙餅: ok 好吃

另外一提, 那裡有一個面圓圓的 waitress 服務十分好, 笑容十分甜美, 又有耐性, 值得嘉許.

另外, 提議 FA 的 menu 加一味白酒煮蜆 (不是 creamy 汁的), 那麼一定可吸引食客. 又可加一味蜆肉辣蒜意粉 (spaghetti).

呢晚近近地去熊貓酒店食Dinner~一行到去嘩^O^見到有Waiter拎住碟肉眼扒.上邊有兩塊,側邊有d薯條.睇到價錢就$238.但係話係familiy size~之後我地就嗌左一份肉眼扒,煙肉意粉同燒春雞(半隻),仲把普通沙拉升級左做Caesar沙拉.
個沙拉上邊有幾塊芝士,不過我就唔係幾鍾意食d Cheese,因為好salty,d生菜普通,之後加左d bread粒--(中size差唔多)食完就到隻雞,d皮脆脆地,幾香口.肉質無我想像中咁好,無咁爽.食到呢到我都覺得普普通通.
好戲在後頭,之後就黎在煙肉意粉同肉眼扒.煙肉意嘛...出奇的好味~點解?因為我見到黎個陣好似好重忌廉味~食落去淡淡地之後先有d煙肉味慢慢滲出黎.之後我拎左塊牛食,佢係好有牛味,雖然有d`蘇味but就岩岩好~
比如期的好,不過就好多(familiy size超多>__<)埋單$600=4個人.唔錯的說~大家可以去試~

已經知邊有呢個$250任食好耐，近排食癮再起決定去一試!
可惜睇左呢度咁多個食評都大彈fat angelo's的任食係拇指向下!唉....雖然當中有幾款菜式係俾人讚賞，心裡真係幾忐忑架!
但呢日計過數,始終兩個人係食任食抵d,於是我就同男友去冒死喇!!!

先order左個什菌忌廉湯, 凱撒沙律同頭盤拼盤~
個湯好夠熱,一粒粒的蘑菇粒切得好細粒,但又未至於我之前飲過的粉碎蘑菇,所以呢度俾我的印象幾好!但可惜個湯無乜菇味,而湯的黏度及鹹度適中!

凱撒沙律就無乜特別!合格的!(唔知係咪本人唔太食果d麵包碎結果剩左好多...)

個頭盤包括炸魷魚筒,雞翼同炸蟹~佢俾我個印象幾好~因為佢隻碟仲係熱架!熱盤用熱碟上丫嘛~~~先試個魷魚筒,哇!讚~可惜佢d腳就唔好食喇!(係得個筒好食!)跟住再試隻雞翼~本人怕辣,好彩都食到成隻,味道合格!跟住食隻軟殼蟹...雖然夠熱,但唔好食,整左d檸汁作調味都唔得~好彩得一隻喺個拼盤度!結果都清埋!

跟住再點忌廉海鮮湯,芝士焗西蘭花,千層粉同羊架~

呢個忌廉海鮮湯同什菌果個差唔多...但本人喜歡什菌果個...因為嫌佢太多"海鮮"~
而個西蘭花都算一讚喔~因為佢夠多汁,而且真係焗出唻~
千層粉係合格,但芝士無我食其他店鋪咁多...
羊架唔係五成熟...所以唔係大讚!不過欣賞佢剛剛熟的樣子同無"so"味,肉質還是淋的...幾好啦!

再order個tomato cheese pizza, seafood risotto+翻兜什菌湯~
因為我地兩個人,所以order左個六吋得四件的pizza~(果陣已經十點...)哇~剛剛焗出唻~v gd!!!
而個意大利飯,煮得剛好~但因為食得太多...只是小口小口吃......吃不出滋味來...不過我男友話v gd~個汁未係收哂水,d飯又唔硬!
不過個湯我又再次飲哂!!!

Last Round, 要埋個白酒燴青口....&tiramisu
哇~~~簡直慶幸!因為呢個真係好正~d青口新鮮到佢丫~~~~仲大隻過頭先食果個意大利飯的青口!!!幾飽都要食埋佢!!!我食左四隻!
至於個cake就唔得,太多cream...同埋太飽的闗係,我食左兩小口...

計埋野飲,叫左兩杯smoothies,兩杯mocktail~兩杯coke,同一杯檸茶!
抵哂~~~

總的來說,野食某一部份係水準以上...同埋可能心理上都有一個準備...就係唔好抱太大期望啦!!!
而可能我地比較遲去...(八點半先入座)所以d野食都會係即整!我都有同男友討論過,佢都話如果剛開晚市,廚房一定會整定哂d炸物或醬汁...咁會減輕佢地個workload而我地食客就會攪到好似食自助餐咁...d野食送上枱時已經凍哂!
所以我好明白以上的朋友們的心情...差唔多樣樣食物都凍哂!
希望大家再俾機會呢間餐廳啦!

之前去過其他的Fat Angelo's 食, 水準都ok...估唔到呢間店會咁差
叫左羊膝及海鮮意大利飯, 兩樣都係淡而無味...羊膝比較似煲完湯的豬腳, 完全唔知點煮出來
海鮮意大利飯味道唔好都算喇, 上菜時仲只係微暖...真係好disappointing, 點解可以差成咁, 茶餐廳都唔會咁喇
服務都係一般, 而且成餐飯都好嘈, 食完即刻走喇
一句講晒, 唔會再去!

用了openrice的coupod
很抵呢!所以要俾笑臉啊!
味道不錯呀!!
還有附送的salad & bread,很好呢!

昨日是女朋友的生日...
本來是想去OLIVE CAFE...
因為去過覺得還滿OK...
生日試新野總有點危機感XDD
不過女朋友說想去FA...那就算了~
SHE IS THE KING~XDD

去到FA時大概都已經9點多了,
餐廳內只剩下3~4臺客人...
只是可能WAITER都有點忙收臺等等...
等了幾分鐘才有人來帶位,
有點兒那個

在打算點餐的時候,
眼闊肚窄的女王大人看見了250任食的餐牌,
立即就捉住我要吃這個package...
=0=隨便她了...還是那句
SHE IS THE KING!!XDD

點餐分兩次:
第一次-
雞翼(辣味) x 1
炸軟腳蟹 x 1
忌廉海鮮湯x 2
白酒煮青口x 1
香草烤羊架x 1
芝士西蘭花x 1

另附送包 x 2 + 沙律 x 1

雞翼沒吃過,女王大人說不錯,
不過她很愛吃雞翼...感覺好像信服力不太高-.-
軟腳蟹...有點過分,
因為我喝完湯就吃,
放上枱的時間不超過5分鐘,
但完全是冷的
湯還OK,女王說有點咸...
我覺得沒問題...可能因為我比較可以吃得咸
青口跟羊架可以說是佳作,
雖然青口份量有點少(如果不是任吃大概會不夠我的飽)
不過味道很不錯,而且是剛剛好熟,
不會過火;
至於羊架也是很不錯,
不過有點肥,不會膩但是愛健康的女性大概不會很喜歡(我女王就是了-.-)
芝士西蘭花...
沒太大驚喜,
不過有一點真的要說一下...
是太晚的關係還是什麼...
基本上大部分的菜都不是熱的,
暖的還只有羊架,青口跟西蘭花,
其他都有點冷...敗筆

第二次點餐-
其實已經很飽了...不過女王大人-.-囧囧囧
蟹肉天使面
白酒煮青口ENCORE
tirimisu
chocolate tirimisu

不得不說...
蟹肉天使面是一個...
除非你很愛吃炒米粉...否則不要點的菜....
真的很乾身-.-
白酒煮青口是ENCORE...
一樣的美味而且比之前熱...
很GOOD~
蛋糕...
很有驚喜的說...
tirimisu口感很豐富...
吃得出的層次...不過真的很飽...吃到一大半就不行了...(其實如果不是有驚喜的...吃一口就算了)
至於朱古力那個...
賣相很"朱古力"...不過因為小弟不愛吃朱古力的關係...
一點都沒試過(女王逼過小弟吃...不過看到很多朱古力有點反胃-.-)
不過她說很OK就是了...

其實除了溫度問題外...
整個餐都滿OK
不過因為我們兩個都是眼闊肚窄的關係...
可能根本吃不夠回本吧-.-
任食...一點都不抵食...囧囧(其實是沒想過份量那麼大-.-)

2009.4.15

因為上次食果陣送左張$100coupon, 4月尾到期, 趁今日有時間就去食~ 都係食ALL YOU CAN EAT, $250x2再加1一, ttl $550, 有coupon都係 $450~ 但係食左ge野唔只哩個價啦,hahahah!

先有大個我拳頭ge麵包同田園沙律, 自己溝油醋黎點, 慢慢食都唔會覺得好飽, 不過既然可以任叫, 應該留返位食其他野~
Buffalo Chicken Wings - 要辣味,但係唔辣ge都..雞翼面果d sauce酸酸地幾好味~
Wild Mushroom Soup - 好重磨菇味,飲果陣好似有一粒粒磨菇咁!不過好淡,可能佢地唔鍾意幫人落埋調味..都好ge,可以自己控制返~
Steak Pizzaiola - 要medium, 唔要sides dishes係明智ge決擇! 要medium真係俾medium你,好好好好味!係我食過最好食ge牛扒! 佢有個茄蓉汁俾你,其實唔點都好好味啦!
Cioppino - 海鮮有青口,蜆,魚同魷魚,仲有3塊蒜蓉飽俾你, 蒜蓉飽點牛扒果個茄蓉汁好好味.. 但係d海鮮除左蜆係好味之外,其他都唔好食! d魚都未夾已經爛..
Milano - salami好咸,食唔到有香草味,更加聞唔到. 唔係話難食,普通啦. vegetarian好食d~
Vodka Penne - 新野! Vodka味好香,有小小辣,唔識點講,總之好好味!
Spaghetti Carbonara - 同我食開用cream整的唔同, 同蛋黃整就無咁creamy, 食落無咁漏, 哩度d spaghetti 係正宗果種size,比出面食果d幼身~
Cheese Burger w/o sides dishes - special野, 睇落好大個,不過真係食又唔會話多,佢張相有埋tomatos同onions,但係我地果個就無.. =.= 舊肉好軟林林,食落去好正~ 加埋芝士簡簡單單都好味~ 我連ketchup都無落!
Minestrone - 菜湯好多菜.. 係臨尾先至嗌黎試下, 飲到一半都無飲..同其他湯一樣都係淡,要自己落salt.
Caesar Salad W/ Grilledd Chicken Breast - 加烤雞胸以為係1片片,點知係1粒粒的~ 菜新鮮,但係太多麵包粒.. 我地"不"起晒無食到,因為頂唔順啦已經~

無time limite,我地由6點半食到9點半已經飽死.. 計過上面ge野加埋野飲係 $11xx. 而家俾$450就食到啦~ 哈哈! 真係幾抵架! 環境同服務又好, 見到你杯野飲就黎飲晒又會自動同你refill/換個杯~ 環境又好,唔會好多人同埋嘈~可以一邊傾計一邊食~
今次又俾左張買一送一coupon,不過要食family size先有..下次搵齊人就去!

星期五晚上人客不多，不用等位是其好處。

我們一人點一個菜，都已經吃得很飽了。

餐包︰依然是大大的一個，無論是塗牛油還是蘸醋都好吃。

沙拉︰也不錯，菜是新鮮，不過味道就淡了一點。

水牛雞翼︰雞翼的size是很大的，醬汁微辣，都算不差。不過我還是鍾情dan dyan’s的多好多，哈哈。

芝士煙肉意粉︰我比較愛的一個pasta，不過這裡做得不是特別好。意粉是煮得頗彈牙，不過醬汁就不太creamy，也比較少，不足以包裹著每一條意粉。

海鮮意大利飯︰我對意大利飯的喜愛程度一般，不過朋友說這裡煮得頗好吃，而我亦覺得不太差，那就是合格了﹗

這裡的菜式份量大大份，是適合朋友或家庭式的聚餐。要是兩人來也可以，因為餐廳也有二人份量的menu提供的。

我們兩口子又在到處覓食~去了Fat Angelo's~一直都好想來嫁喇~看看meneu~見到$250 per adult任食套餐~

可以在meneu上任食任點,包兩杯酒類飲品,而汽水,凍lemon tea,tea,coffee係無限添飲
仲有無時間限制!

我地首先叫左凱撒salad~份量太多,應該是family size,可以自己choose少一點
叫了雜菜湯同蒜蓉包~個包好鬼好味,不過份量好多~

炸魷魚筒,軟殼蟹,雞翼,份量king size~有三種醬料點,好好味~不過食到好漏

幼龍蝦配天使幼麵,好好味~味道酸酸地

芝士醬焗西蘭花~好漏,想叫點蔬菜來消化,但就食到好漏

燒羊架~我們很喜歡~好好味~

太飽關係無點pizza,我們去點甜品了意大利芝士餅,同Ice Cream,有
Vanilla, Chocolate or Strawberry 去choose

總括來說以$250 食甘多東西都幾抵,不過份量若果少點就好些,起碼叫多點,呵呵
這裡可以搞birthday party~因為在我們進餐時已有好多人birthday,d waiter會唱歌為你祝賀,仲有送上Tiramisu 的

早前星期六和老公一起幫襯了肥天使的All u can eat, 真的好抵, 除可任點餐牌上的食物外,
原來每人還可以點兩杯指定酒類飲品和一杯無限添飲的汽水、凍檸茶或咖啡, 幾時去食都得,
而且仲無時間限制, 真係好過食buffet, 此promotion 很適合我們。

指定酒類飲品可點紅酒或白酒, 只可惜我和老公都不愛飲酒, 所以只點了啤酒, 她們的自家品
牌Fat Angelo's beer 都幾好飲架。

食物方面, 大致點了以下數款, 細說分享如下:

蘑菇湯: 這是老公要求點的, 飲得出用咗好多wild mushroom打成茸, 用料好足, 但唔知係唔係
忘記落鹽, 湯味道好淡, 但老公仍然幾欣賞。

炸軟殼蟹: 軟殼蟹炸得酥脆可口, 炸漿好薄, 味道好好, 雖然好好食, 但係熱氣咗啲同怕難於消
化, 所以無食晒。

海鮮大燴: 係老公專程點俾我食, 又真係幾好味, 青口蜆肉夠晒大隻同肥美, 只係魚塊雪得比較
乾失色咗少少外, 這碟我整體上都好滿意。

Carbonara: 老公話好味, 好creamy, 食到有蛋汁, 雖然係做All u can eat, 但份量係regular,
一點兒都沒有少, 吃完這個會很滯。

Chicken Parmesan 吉烈雞胸: 老公激讚話仲好味過澳洲食的, 最難得係雞胸焗過後仲可以
保留肉汁, 一啲都唔乾又唔鞋, Marinara sauce酸酸咪咪再配合面層半溶狀的Parmesan
cheese, 好味到要添食。

烤羊架: 味道一般, 無醬汁無咁好味, 而且較生, 煮熟少少會好啲, 不過side dish 薯條幾好味,
夠熱又夠脆。

肉眼扒: 這個比較遜色, 雖然牛扒肉味豐富, 但肉質較韌又唔夠juicy, 難於咀嚼, 而且仲要費力
去切, 隻手好攰呀!!!

最後我點都要留肚食肥天使的Tiramisu, 芝士好滑, 蛋糕好濕又夠酒味, 保持水準, 與數年前
食過的完全一樣, 毫無走樣, 抵讚! 其實dessert menu上仲有chocolate cake 同雪糕都好想
試, 但係食完Tiramisu 已經好飽好滿足, 食唔落喇, 留返下次有機會再試啦!

店員服務好好, 好有禮貌, 招呼周到, 細心又體貼, 見肉眼扒剩餘好多, 會問我們是否食物有問
題或不好吃, 很樂意為我們更換和重新整過一份我們滿意的, 但係我們真的太飽食唔落喇, 所
以婉拒了, 這份心意我們收到並且心領了。

服務,食物各方面都很好, 實在沒有不再來的理由, 除非要減肥啦!!!

之前聽男友提起過呢間餐廳, 講左好耐我都無試過 ~ 好! 就趁今晚試你

入到去環境暗暗的, 幾有氣氛 (但係部電話好難影相呢! )

見到附近d人都嗌pizza, 好似幾正! 同男友就膽粗粗0甘order左個大既Meat Deluxe, 另外要左個細既Lasagna ~

先黎左個Salad同麵包做 Starter, 係order Lasagna 送既 ~ D菜同番茄都好fresh! 好食! 麵包就無乜點食.

Lasagna味道偏向番茄味, 食落好似比係出面食既清d, 但都幾好食!

Meat Deluxe芝士多得令我感動, 加埋香脆既批底同d配料(火腿, 辣肉腸等等食肉獸至愛), 真心覺得好好食呀! 我真係好鐘意食芝士多既pizza ~ 食左3大塊之後都唔覺膩, 俾男友講左兩句先停到落黎無再食!
(不過男友食左一舊就停手喇, 好似唔太欣賞! 最後都係打包返屋企)

今餐超級滿足 ~ 聽日要食清淡 d 至得喇!