本來計劃上大佛吃齋的,不過臨出發前,老友話不如去東涌羅漢寺試下.有新東西試我都沒所謂,想多兩想...更可慳50多元的車錢上昂平添(婆仔數) XD

到達東涌站,最後有巴士不乘,我們決定直接行上羅漢寺!!(哇~)天時暑熱行無遮無掩的路真係不能說笑,行及十分鐘,已經熱到變條熱狗了.我們沿著34號往石門甲的巴士的路線行,由熱鬧的市中心到偏僻的村屋,到上山的分叉位,沒有得跟巴士線了,我們就停下來看看,望上山已經見到一座金黃色的寺院了,原來不是好遠呢~好易找到條小路上山,沿途全是草叢和草叢,途中有多昆蟲和蝴蝶飛來飛到,全都勁大隻!

上山後,見到34號巴士總站的站牌,証明我們沒行錯路了.(YEAH)之後沿指示行多十分鐘,大大個羅漢寺牌扁就在眼前了.我計過了,總共行了45分鐘,咦~估不到又幾快趣喎.

出了一身大汗,衫也濕了一半...入到寺,先行上齋堂,問問堂內的阿姐,知得先買票後等開飯,第一輪為11點鐘開始.付好錢後,就在寺內逛到開飯為止.(因我們到達時候只是十點=w="")

寺內分開幾個部份,除齋堂,佛寺外,有個十八羅漢,觀音荷花池,禮品部等等,難得的是,寺內有足夠的洗手盤,而洗手間是相當整潔啊.我們周圍行周圍拍下照,全程清風送爽,人都開始涼起來.齋堂外設有半露天飯堂供大家閒坐,趁這時我去買支寺內自家制豆漿飲(忍不住~)不飲尤自可...飲後停不了!!豆漿豆味香濃,質感順喉,清甜既解渴啊!和川龍的山水豆漿不相百仲!

終於等到11點,坐在門口旁邊唯一的二人細檯.阿姐拿碗筷過來,她見我拿個小杯子去斟水,還自動波拿水壺給我們,方便我們斟水用.餸菜陸續上檯,第一味是腐皮炆折瓜雞批菇,除了折瓜炆得未夠淋身外,腐皮嫩滑,菇片爽口.第二味是花菇扒莧菜,花菇好厚,炆到軟淋入味,莧菜爽口無渣.第三味是炸物,有素春卷和腐皮鴨,春卷外表凹凹凸凸,不過好美味.材料是蘿蔔絲和菇絲,炸得金黃香脆,而素鴨是層層疊腐皮組成,香口之外,還帶點甜美.不過兩者都非常油膩,少吃為妙呢^^".最後一味是麵豉炆茄子,麵豉汁本身咸了少少,不過夾在茄子上,味道則岩岩好.吃完我只有7成飽,唯有吃多兩碗白飯塞塞胃....因為四款餸份量都不大,比起大佛,雲泉的素食,份量確實少了一半呢,但使費都是一樣,每人$60.

最後有個瓜和豆煲的湯,很清潤和香甜,好好飲,反而粥就非常難食,這裡是十殼粥,諗住健康野食多幾碗,但這個比粥水更水的'粥',我完全入不到口!!!

飯後阿姐送上三片柚子,柚子大小顏色不一,相信是...吃完後她還問我飲過豆漿未?我說飲過還讚好好味後,就叫我買多幾支了(哈哈).但我不想背住幾支豆漿下山呢.可惜可惜

此餐只覺得豆漿非常出色外,其他都一般般而已.相信再來機會不大了,始終同樣價錢的齋菜,香港還有很多地方可吃到呢.

真係忍唔住都要多寫一篇！雖然路程可用山長水遠黎形容，但每次都回味羅漢寺既齋菜。如果有機會可以比我到厨房偷下師就好喇！

羅漢寺既齋菜唔算平宜，但勝在味道清淡得宜、少油、感覺好舒服既齋菜，愈食愈開胃！有些菜式例如炆茄子、羅漢齋唔會食到好濃烈既豆板醬或南乳等醬料既味道，但材料煮得入味，連汁都可以拌飯食，對我唔 "好" 飯既人黎講，都可多添一兩次飯。

以人數計算收費，兩人餐餸菜如下：

生菜冬菇
羅漢齋
炆冬瓜
春卷 + 腐皮卷
湯：齋湯雖然無用肉黎煮，但仍然做到好清甜，飲落好舒服！
粥：呢個粥係呢處既招牌，而家好難要揾到呢種高質素。用紅米、白果、腐竹等煲成既老火粥，食落好香白果味，健康非常！

每位：HK$60- 餸菜款式 (包括湯) 由寺廟決定，白飯、粥、開水、茶等任飲任食
山水豆漿每支：HK$15-

是日寺廟送予波蘿、茜米餅供在坐善信享用

早前我們一家大小去東涌羅漢寺吃素,

先乘地鐵到東涌, 然後乘巴士到石門甲, 步行十分鐘便到達羅漢寺, 不過這條巴士線的班次不太密, 最好預早看行車時間表, 否則像我們要等了大半小時才上車.

齋菜收費每位六十元, 三人有四餸一湯, 白飯與粥則任吃, 水果是送的.

沒有味精味, 食落很清新.

豆漿15元一枝, 豆味香濃.

南瓜雜豆湯很清甜, 味道不覺得寡, 比想像中好飲.

孩子就最喜歡春卷, 香脆中又不會食到一口油.

我就較喜歡炒雜菜, 當中的麵筋比坊間的更好食

在寺內見到有很多位義工在幫忙, 有的做園藝, 有的在飯堂幫手, 年齡由小童至長者都有, 他們都很熱心. 當日下大雨, 我們在避雨時, 不時有不同人主動走來看我們要否幫助.

2009年3月22日

有單程港鐵車票快到期,
搭去東涌行昂坪棧道去寶蓮寺,
再由寶蓮寺行去石門甲的羅漢寺食齋,
由於早上八點出門只食個包做早餐,
行到寶蓮寺已好肚餓,
但好想試羅漢寺d齋,
唯有忍忍忍忍........
一條氣衝落山,
去到已過了一點,
即刻買票......兩位唔該....
每位60元,
有四個餸, 湯和白飯任食.

是日四餸包括:
冬菇生菜 - 冬菇很厚身, 不是一般平價貨
蓮藕炆腐竹 - 很夠味, 腐竹入晒味
甜麵豉茄子 - 甜麵豉同茄子很配合
炸春卷和腐皮卷 - 春卷香脆, 但當日的腐皮卷多了d油

白飯我食了四碗
好有家庭feel,
好味....

工作人員雖然很忙碌
但仍然有禮貌對客人,
要加分.

12月7日星期日，一次小手術晌屋企休養兩個多星期後，比自己輕輕運動下，由東涌慢行到羅漢寺，又可享用美食、又可運動，一擧兩得........仲有一次親切的接觸，不枉此行！

五衡湯：味道不錯，如果可以熱d就完美。
菜心冬菇：味道清甜，唔油。
豆腐：ok，食得出係自家製豆腐，質感有d特別。
咖喱雜菜：ok。
春卷、腐皮卷：春卷一般、但腐皮卷味道出色。
白飯、白粥任食：白粥有著好香既白果香味，仲有些小豆類，粥底煮得好好。

總括：不似一般商業味道既齋菜，款式唔花朽，但能帶出素菜本身既鮮甜味道。無味精、唔油膩，有一種 Home Feel。

最初很好奇，點解每個角落既服務人員都笑臉迎人，有講有笑，原來都係義工。寺內有種植小量蔬菜，也會用作食材，有一位叔叔更向我細心解釋田裡各種蔬菜，樂此不疲，令訪客們都能有著一種詳和、親切同温暧既感覺。希望每間寺廟都能夠散佈呢種氣氛就好喇！

Kan Lee

黎左呢度食齋, 可能係太肚餓嘅關係, 平日唔太鍾意食齋嘅我, 都覺得呢度d齋菜幾好味. 我好鍾意個甜麵鼓爆茄子, 加左芝麻好好味. 而個咖哩雜菜用黎撈飯就最啱. 冬菇生菜d冬菇又香又軟. 但我最鍾意係d粥, 加左紅米, 腐竹同少少南瓜, 我食左兩大碗. 仲有最愛嘅山水豆漿, wonderful.

羅漢齋和醬爆茄子用料都是東菇、蘿蔔之類，還有麵筋、木耳等，都算幾特別，好像與坊間的羅漢齋不同。東菇炒生菜雖然很簡單，但是勝在新鮮，另外湯也很鮮甜。羅漢寺的齋菜全部都是少油，味度不太濃烈，比起坊間的出色，服務和環境都很街坊式，但由於宗教關係，個個都很友善，今天去就沒有冷氣的了，越多人就會越多菜選擇，隔離台就有咖哩齋的呢，好像還可以加菜的呢，但是都很得很飽，這裏的粥好像用紅米，都很好味。

http://icuteee.mysinablog.com/index.php?op=ViewArticle&articleId=1381123

每年四月我都會重遊舊地!

每次我都會在這裡吃午餐! $60 位, 非常抵食.

她們煮的素菜很健康, 不油膩.春卷炸得剛剛好,

特別推介豆漿, 好好飲!

年年都會來一兩次..呢度環境清幽~
山水豆漿偏淡,其實不太0岩我,我都係鐘意出面D 甜豆漿.
比笑臉係因為環境好舒服.咁遠黎到咩累都唔記得.

前幾天行山兼到羅漢寺食齋，今趟是六年多以來的舊地重遊日子；記得六年前嘗過他們簡單、認真、味道天然及好味的齋菜，其他坊間素食店實沒法雙提並論，唯一匹敵的算是沙田的惠全寺。今次羅漢寺一行，齋菜說實話是比起多年前較為遜色了，用料方面已不太講究，可能與其寺院經費問題；記得以往他們在蔬菜數量及種類方面多樣化外，腐竹、薄身及厚身腐皮的烹法亦勝人一籌，油小之餘味道亦很深入；但今次的品嘗則較為失色了。但始終比起坊間尤勝，加上情意所在，下次必然再臨。
另外有兩種主食是獲得全場好評，包括遺忘很久的蕃薯絲及腐竹多于米的粥；我較鍾情前者，令想起家母的門鱔、芹菜、蒜仔煮蕃薯絲。