明利的報導在報紙就見得多，但是我和老公就一次都未光顧過‧是日，專程到此店吃粥，幾經辛苦才找到此店，因為何文田邨真的好大‧原以為粥店沒有冷氣，到達時才知有冷氣房，真的好‧我和老公叫了以下食物，都覺得幾好:

牛肉粥：牛肉沒有多大味道，但是很滑‧粥底較杰，合我的老公口味道!
白粥：不知是否加了些腐竹來煮，覺得粥底較杰和味濃一些，都唔錯!
炸兩：油炸鬼仍然脆口，粉皮夠薄，幾好味!
炒麵：麵炒得很好，夠味又乾身，而且芽菜不少，我尤其喜歡!
牛腸：雖然牛肉沒有多大味道，但是粉皮就真的很薄很滑，都ok!

結帳後，老公覺得很滿意，還說他日要再來試試其他粥品呢!

在一個炎熱的下午,我們去了一個久違了的社區(愛民村)因為小時候經常來,阿媽來打麻雀我則同另一些小朋友通街跑打波飲氣水/食紅豆冰,今日看來還是很有以前的影子雖然桃花依舊但已人面全非了,加上近日在OR裏無意中發現了有很多好評的粥店(何文田區得分最高)而本人跟太座向來也喜歡食粥,所以揀了星期六下午來一試印證自己同各位食友的口味是否一致,但那天實在好熱呀,又是一個想熱Q死人的下午,行完愛民街市,找了一個圈找到了這家聞名不如見面的粥店,門庭闊落,有一冷氣巨房即入,內部裝飾簡約全用白色,加上外面陽光普照份外明亮,我們只有兩個人能叫來試的不多, 先來炒麵味道OK但當然跟時下外面的炒麵一樣炒麵就是炒麵配菜不多, 雖然份量算大份的了, 炸兩出現了, 真的是很吸引, 腸皮半透明的內見油條,無論色澤與口感都是超班的了,沒有批評的道理, 只能說一個”好”字,跟隨而來的是及第粥,粥底很杰身味道不錯可惜就是太杰身太飽肚,個人認為不是自己杯茶,純粹個人意見, 當然明白有人喜歡杰身的粥,吃罷已經飽到不行要起身行下路了, 但見口渴在街市見有檔賣荳槳的專門店,買一杯來試下啦, 嘩呢間重掂.荳味濃郁而且很低糖,重好似幾平下架,比起那些食開了名的荳品店這間荳槳店真的是”滄海遺珠”我都唔知自己點解講講下粥店會扯上”荳槳”不過都只是有時有感而發,有時就係咁,原本打算去做某件事但原來旁邊還有另一些更值得發掘的,世事往往如此

早上八時, 4歲的兒子拿著雜誌, 指著小小一幅腸粉的相片說, ママ、これおいしいそう,　食べたい！連れて行って！（媽媽,這個像很美味！　帶我去吃啊！）
好,　立即出發！路痴媽媽只懂乘的士囉.
雖說是冬菇亭熟食檔,明利有冷氣房, 堂食客人不多但街坊外賣客多,要排隊。

點了腸粉x2, 叉燒腸和及第粥
腸粉本來要一碟比仔女share, 點知佢哋話好味爭住食……好失禮, 即刻加多一碟$7
仔: 柔らかくてずるずる,おいしい！（軟綿綿滑雪雪, 好味!)
女：お米の香りする-- 好き！ (有米香, 鍾意!)
仔女鍾意食叉燒先要叉燒腸嘅, 點知佢哋話要集中火力食腸粉唔食叉燒腸嘞。
明利的腸粉的確有米香又滑溜, 但叉燒沒甚麼味道。

及第粥ok啦。

明利的腸粉超讚, 對仔女好開心.

小時在愛民邨長大，唐兄發起到愛民邨酒樓飲茶.. 與母親大人早了到，便到明利食個「下午茶」。食左腸粉同埋炸兩。

腸粉: 好滑，係一般舖頭不能媲美的。同埋佢另一個特別係唔會太黏。而且，佢既腸粉係孖腸，比一般的厚身﹗醬料芝蔴任加，可隨意選擇，正﹗

炸兩: 香脆既油炸鬼被一層簿簿的腸粉皮着，軟綿綿的腸粉包着較硬身的油炸鬼，滋味隨即被提升﹗而佢既油炸鬼香口得黎又唔會好油，值得推介。

很滿足的一頓下午茶，所以抵佢既食評絕大部分均屬正面的哩﹗

繼上次吃過炒麵之後，聽友人說這兒的炸両亦有兩度散手，愛吃炸両的我自然是心痕痕，馬上另外找一個早上再來吃一餐....

天氣太熱，今次就選了坐在冷氣房內吃。炸両還少不了的，再來一碗上次沒有試過的艇仔粥，已是一頓豐富的早餐....

粥底依舊是比普通外面舖頭的綿滑，而且少了一份很重的"師傅"味，吃多幾口也不會覺得口乾。料頭中有現在坊間艇仔粥比較少有的鮮魚片及豬肚絲，是蠻正統的做法。魚片頗鮮甜，豬肚亦很爽沒有異味。這碗粥，依然令人吃得稱心滿意....

專程為它而來的炸両反而沒有甚大驚喜，油條沒有想像般的脆，腸粉皮厚薄適中又不黏口，比油條的水準更突出，豉油不算很鹹，同樣是吃完後不會令人口渴而要灌水的。總體覺得仍是一碟好吃的炸両，但未至於要專程來吃的.....

依舊是令人吃得滿意的不過近來來得次數頻密了一些，是時候到別處尋新的早餐落腳點了...

一直很想吃這裡的粥點，奈何位置不太方便 (雖然小弟家在土記，距離這兒都不算太遠，但要趁早上上班時間前來吃碗粥，之後又要趕回學校，那就有點吃力了)。不過最近工作量沒有之前那樣多，早上要偷一點時間也不算太大問題故此是日就專登坐多一程小巴，來吃一吃這碗"愛心粥"....

朝早這兒是沒有想像般的多人，反而在冬菇亭內其他吃點心或ABC西式早餐的排檔就人頭湧湧，看來下次也要抽個時間來試試才可以....

聽說的炒麵做得很不錯，光顧那天亦是看見每枱也有一碟的。要了一碟試試，色水望落是不算太均勻的，味淡得像是沒有下鹽的，不過炒得很乾身，銀芽份量亦足，算是扯個平手吧....

同場加映的是師傅下一大堆米粉落鑊即炒，看見火光紅紅挺有鑊氣的，應很不錯，不過已吃了炒麵，再來炒米就太多了....

叫多碗下火來送麵。粥底是相當的綿滑，米亦是煲至全然開花的，出色；粥本身味是很淡的，要下些鹽才夠味。皮蛋帶點微黃，味有些澀，絕不是甚麼溏心漏黃的靚貨色，反而切成條狀的瘦肉就真的夠晒鹹香且又入味，好吃....

吃着這"愛心粥"，忽然想起IQ博士內那栗頭老師的招牌"愛心頭槌"，不禁大樂...

中午，同事 Mr AU YEUNG 問我一唔一齊食飯，我最初唔想去，但係忽然想清一清腸胃，諗下食粥都好喎，跟住又急call Mr AU YEUNG，叫佢同我一齊去明利食粥啦．

去到，我地叫咗炒麵，炸腸，Mr AU YEUNG叫了牛肉魚片粥，我自己叫咗一碗艇仔魚片粥，平時唔會叫既豆漿，今日都有叫到，事關想影多ｄ相片俾大家睇．

明利ｄ粥真材實料，雙拼既粥都係收$15,單拼好似收$11,大大碗，又冇乜味精，食完唔會口喝．

而炒米，炒麵堂食收$7,外賣仲抵$8，外賣雖然比堂食貴咗1蚊，但係外賣既麵係比堂食多出半倍左右，所以係好抵食．　

是日食咗$57

2008年11月30日，10:30
在祂的安排下，24Nov晚在鏗鏘集中，得見這店的善行。
便鎖定了這家必需支持的粥店。
在晴朗的週日早上，轉了一次車，化了一小時的交通時間，終於來到了。
善心小店丁財兩旺，好不容易才"攝"到位。

本想要炒麵，阿姐說沽清，便要了及第粥和齋腸。
及第粥：粥底綿、香、滑；配料：肚、肝、腿、肉片…，全未經化學處理，夠咬口和保持食味。
齋腸：即拉貨色，充滿米香和出奇的滑。

吃著吃著，見師父忙著用清水把麵餅泡開，因有傳媒在等他表演炒麵。

付賬時第一鑊炒麵已完成；心裡在咕嚕：賣相好好啊！好夠鑊氣啊！為何不早點炒。
無奈地到街市看花花，敵不過心癮，五分鐘內再到這店，來了份炒麵。

炒麵：色、香、味俱全。
每條麵都披上了醬油外衣；鑊氣十足香氣撲鼻，有蒜香和疑似動物油香；口感極佳，麵條彈牙、銀芽清甜、爽脆。

在吃麵時，同桌兩口子在說：難得艇仔粥用上了鮮魚片，粥很綿，必需向某友人推介這店。
吃到尾聲，又見師父在表演"摩打手炒麵"。

這樣的罕有食店：傳統食味+愛心，教我們如何不支持您

再要向祂說句：謝謝

這裡的生滾粥非常好吃，雞粥和豬潤粥一定要試!
除了材料好、粥底好之外，每次見到師傅煮粥時，都拿起一個玻璃樽，倒少許液體進粥鍋內，究竟是甚麼東西? 我終於忍不住，多口問師傅，原來是他們自製的薑汁酒! 煮生滾粥加少許，辟除腥味!
希望大家都來試一試，支持一下明利，讓老人家繼續有免費粥吃!

世 界 上 無 免 費 嘅 午 餐 ，卻 竟 然 有 免 費 嘅 早 餐 ，傳 媒 爭 相 報 導 何 文 田 愛 民 村 冬 菇 亭 嗰 間「靚 粥 天 天 贈 長 者」嘅 善 心 粥 檔 ，其 實 佢 個 名 叫 明 利 油 器 粥 品 ，有 廿 幾 年 歷 史 啦！免 費 請 長 者 食 早 餐 已 開 始 咗 一 段 時 間

每 朝 7-11 點 ，兩 大 煲 熱 氣 騰 騰 嘅 綿 綿 靚 粥 就 放 喺 大 圓 枱 俾 長 者 任 食 ，一 煲 白 粥 及 一 煲 艇 仔 粥 之 外 ，每 位 長 者 仲 有 一 碟 油 器 送 粥 ，你 可 以 揀 腸 粉 又 得 、炒 麵 亦 得 ，唔 駛 入 息 及 資 產 審 查 架

香 港 有 咁 善 心 嘅 老 闆 ，好 值 得 大 家 遠 一 遠 都 要 嚟 支 持 吓 ，何 況 呢 度 啲 嘢 好 食 且 價 錢 又 經 濟 ，一 般 粥 品 只 係 $10-$14 ，最 貴 嘅 滑 雞 魚 片 粥 亦 只 不 過 $20 咋 ！

呢 度 開 足 24 小 時 架！過 咗 中 午 12 點 仲 有 糖 水 賣 ，每 碗 只 係 $7

銀 芽 炒 麵 用 大 大 個 鑊 去 炒 ，師 傅 力 度 十 足 又 有 心 機，銀 芽 炒 麵 炒 得 夠 乾 身 ，$7 碟 堆 到 成 座 小 山 丘 咁 ，抵 食！.

牛 肉 腸 粉 賣 $9 碟 ，即 叫 即 製 ，所 以 要 等 耐 少 少，免 治 牛 肉 好 鮮 嫩 ，仲 完 全 覆 蓋 喺 腸 粉 上 ，唔 似 出 面 啲 粥 檔 咁 求 其 放 少 少 就 算 ，好 好 味 呀 ！

嚟 到 明 利 又 點 可 以 唔 食 番 碗 出 晒 名 嘅 愛 心 靚 粥 呀？生 滾 牛 肉 粥 大 大 碗 只 係 賣 $17 ，而 且 仲 真 材 實 料 添！ 碗 粥 影 完 6、7 張 相 都 仲 係 咁 熱 辣 辣 ，粥 底 仲 相 當 綿，牛 肉 鮮 嫩 滑 溜 有 肉 味 ，唔 係 切 到 薄 薄 一 片 無 晒 質 感 ，而 係 厚 切 兼 有 好 多 件 喺 粥 度 ，真 係 一 食 上 癮 架！

更 多 內 容 、更 多 靚 相 可 到 我 Blog : http://hk.myblog.yahoo.com/choro-q

I had breakfast this morning in the store and spotted there is a big round table at the corner has a banner written " FREE BREAKFAST for elderly card holder". 二人間有情
Anyway, the foods quality are good with resonable price. Recommend to all who loves the 大排檔 feel..!! Spoke to the storekeeper, there are not many left in Hong Kong and the government has planned to demolish all rather than keep it.!!

no matter which season is it... i love coming to eat here.
The congee is so "cotton"................. and without MSG. I've ate congee with MSG....
i love to eat plain congee with a "ngai nee so" and fried noodles.....

it's cheap and fulfilling!!!

this shop's food brings me warmth esp. in the winter time. and cuz it's a "dai pai dong"!!! my favorite

普通街檔的腸粉，大多數都是由工場大量製造。工場為了控制成本，只會用粉槳製造腸粉(即用麵粉開成漿)。明利採用的是米漿，它的好處是比粉漿更香更滑。由於米漿成本較高，所需功夫較多，所以大部份的食店都不會用米漿。差不多每位明利的顧客都會叫以腸粉製成的食品，一嘗米漿的威力。

明利除了腸粉外，炒米粉更是充滿娛樂性呢。因為老闆每當炒米粉時，都會喪炒，即使炒到天一半地一半亦繼續炒。坐在大鑊附近的食客，偶爾也受到米粉突襲，大家大可一試。

迷上這裡的豬潤粥
絕不比外邊幾十蚊碗的遜色
這裡各種食物非常抵食
特別推介炒麵（大大碟加上杰杰的麻醬超好味）
炸兩（加上甜鼓油實是最住配搭）
當然少不了剛炸起的油炸鬼與牛脷酥
仲有蕃薯糖水（蕃薯多到食唔晒）

經過愛民商場時，乍見麗斯餐廳變成大快活、以前被食環署「抄家」的上海小館變成心粥館…心想：大鑊。

果然，冬菇亭內以前比較喜歡的粥舖已人去樓空，剩下的，只有明利。

依舊要了「牛仔」（生滾牛肉粥）同牛脷酥：牛仔上的時候仲好「fresh」（粥內泛紅的是血水，不是花生…如果叫「粉腸魚腩粥」會點呢…？）；粥舖特製的牛肉很碎很散，而牛肉本身也不是「大醃」- 味道是來自撈免治牛肉的炸米粉絲上；粥很綿，texture 很厚，無乜師傅（味精），又夠火候…還有大地魚絲呢。

牛脷酥更是精彩：新炸的它，不是內裡硬實實的「死硬派」，也不是內裡鬆浮浮的「無料派」…一咬，先是像吃滾砂糖的新炸饅頭，後是煙煙韌韌、很有筋性的口感…是鬆化，但more than 鬆化。

咁至係冬菇亭嘛！