6
3
3
開飯介紹
值自助午餐 BUFFET LUNCH \r\n供應時間及價錢: \r\n星期一至五 12-2pm 成人 $60 / 小童 $45 \r\n星期六、日及公眾假期 成人 $70 / 小童 $50\r\n\r\n美味自助晚餐 Buffet Dinner 星期一至四 6:30-9:30PM 成人 $118 / 小童 $45 80 \r\n 星期六、日及公眾假期 成人$128 / 小童 $85
繼續閱讀
營業時間
星期一至日
07:00 - 22:30
以上資料只供參考, 請與餐廳確認詳情
今日明愛搞生日會，選擇了在救世軍卜維廉賓館餐廳吃自助餐。一入到去，並沒有壽司及刺身，有些失望。不過，都不同類的食物：有：魚、炒米紛、炒麵、羅漢齋、菜心、炒蛋、皮蛋瘦肉粥、咖哩雞、燒雞、脆肉瓜及自制格仔餅，湯是西洋菜湯。而最後亦見到有壽司，但只是腸仔及青瓜亦有芝麻糊及生果等。我選了：西洋菜湯、皮蛋瘦肉粥、炒蛋、燒雞、咖哩雞、脆肉瓜、自制格仔餅。吃了少許芝麻糊。其實不錯，咖哩雞、燒雞好滑，皮蛋瘦肉粥都好好味，而炒蛋亦好好味，而脆肉瓜好香瓜味！但芝麻糊則太甜，怕吃了之後會血糖標升！講完食物，則要講服務態度，服務態度卻是九流！有四大罪狀：罪狀一：在第一次拿皮蛋瘦肉粥及弄自制格仔餅時，有個侍應大喝我及其他人：小心危險呀！本來這提醒不是重點，但竟然是危險．為何不留一個侍應在崗位呢？因為有小朋友來吃的！罪狀二：在拿西洋菜湯時，我見湯內的西洋菜已沒有，便同弄格仔餅的那個職員講湯內已沒有西洋菜，誰知那個職員竟無禮貌的說：「是沒有的了，因為好多人在吃！」不叫人放西洋菜下來不單止，竟然這樣對客人說，有沒有搞錯？我立刻跟另一個侍應投訴那個侍應及告知她已沒有西洋菜。罪狀三：喝奶茶時發現不夠奶，便叫附近一個侍應，告知他想加奶，誰知他沒理我便黑面走開了！罪狀四：拿炒麵”不”辣椒醬時，不小心把辣椒醬滴在枱布時，站著隔鄰的那個男侍應刻黑面並把碟子大力掟在枱上！我會給多次機會，下次會和媽媽來試晚上的自助餐！
繼續閱讀
吃東西要嚐味道，但環境也很重要，不是說要有富麗堂皇的裝修，也不是要浪漫的氣氛，感覺舒服是大前題。就如這裡，食物絕對不合格，不過氣氛溫馨，加上收費相宜，最適合一家大細過來。晚上有自助餐，不合心水的話也可以散叫，隨你喜歡。猶豫了一會，還是食Buffet，多試幾款食物。地方甚小，食物款式有限，那當然最基本的冷盤、生蠔、熱葷、燒烤和甜品是有供應的，只是選擇不多。先睇冷盤，火腿是超市的現成貨色，沙律吧的蔬菜、粟米粒、車厘茄等大致新鮮，可以收貨。沙律可以，壽司卻慘不忍睹，不論是什麼材料，那件飯糰總是稔稔的黏埋一舊，難吃得很，想完成一件也有點難度，最後都只是吃了頂頭的三文魚便算；刺身只有三文魚一款，並不甜美。喝個湯暖一暖胃，有羅宋湯和碗仔翅可以選擇，前者有很多洋蔥，卻只得酸味，是低水平的港式產品；碗仔翅則淡而無味，好在沒有取太多回來。飲完湯，侍應話有生蠔吃，馬上拿幾隻回來。生蠔是美國產地，很大隻，賣相吸引，起初還對它有少少期望。吃一口，肉質完全不爽口，質感好差，吃過便算。我都係第一次食自助餐只食一隻生蠔咁大把。熱食有雞、魚柳、薯仔雞球、生炒骨、炒飯和意粉，每樣取一點回來。可惜，雞肉嚡口，魚柳不入味，著仔一夾就散，生炒骨睇見都唔想食，意粉更不會是有嚼勁的，真的淺嚐一口就可以。走出露台，有燒烤食品，是用家庭式的爐具，很是業餘。燒的豬扒牛扒和雞翼腸仔，都像自已去燒野食的制作，大家大概也知道水準如何。甜品方面，芒果布甸正正常常，啫喱賣相最適合逗小朋友，西瓜幾甜，其餘的則可以不吃。用餐途中，突然播放起生日歌，原來幾檯小朋友和一檯老婆婆生日，店方會送一個生日蛋糕，侍應亦會跟主角說Happy Birthday和拍照，感覺是很溫馨很愉快的。所以，即使食物不大好，就是這和諧的氣氛，已足以挽回不少分數。
繼續閱讀
正值星期六的午餐時間，見比例上笑多過喊，以唔抱希望嘅心態去，諗住冇失望就當佢嬴，結果用膳二十分鐘，絕望離場。環境，多人擠迫嘈吵，(拎野食個陣人迫到俾人撞到，跌左野食落地)。食物，真係好似去左買飛食廿幾蚊三餸飯咁，一煲白飯，炒河，蒸魚....火腿炒蛋......苦瓜唔知煮乜...凍火腿....咕嚕肉....薯餅....咖哩雞....仲有羅宋湯....沙律....睇到樣都唔想食嘅聲稱壽，甜品個邊冇睇...唔想睇。味道平凡過平凡，因為只係食左火腿、薯餅、咕嚕肉同咖哩雞，味道屋村酒樓夜晚廿蚊盒餸九成似。服務還可以，講明唔會搭台....，主動問要唔要多杯凍飲，係咁多。總結︰大食而又喜愛港式三餸飯嘅，俾三份三餸飯嘅價錢去狂食佢，應該都回到本。不過我就唔會再俾七十蚊佢使....留番睇兩場戲好過 (即係你會唔會俾七十蚊俾三餸飯檔口食自助餐嘅問題)。食完兩轉，我都仲要去搵過其他似樣嘅野食...
繼續閱讀
年廿九晚諗住酒樓同中菜館一定勁多人，大型集團西式食肆都應該FULL，同女友諗住黎呢度，第一就係近佢返屋企，第二就係諗住呢度冇咩人識黎，點知原來係錯o既。六點半去到已經半滿，七點已經full喇。環境方面真係幾細，連埋出面waiting area加檯，我諗都坐唔到一百人，但係就好warm囉，因為地方細，所以服務可以細心o的，而且周圍都掛左好多聖經金句，對於係基督徒o既我地，好有親切感。首先要讚o既係服務，入到去先俾我地坐一張二人檯，經理見我地要有位放袋，提議我地去坐四人檯，坐左一陣先發覺好凍，因為後面係一扇出去攞燒烤食物o既門，o的人出出入入都好凍(當晚好似得十度)，經理見我地好似好凍咁，又主動提出幫我地轉返去原本o既二人檯，仲俾張chair我放袋。呢o的服務，我諗三四星o既酒店都未必有，就算有~~~都唔係佢主動囉，可能仲會附加jip一聲添。可能呢度係基督教o既地方，所以服務都好好多。耶穌話過要彼此相愛嘛。到食物喇，$128 o既自助餐你想有o的咩？？三文魚刺身？？生蠔？？呢度真係俾到你喎。而且好新鮮，仲好過o個o的韓燒o既魚生。不過每次出o既分量都唔多，要吼住出o既時候，後來發現到，原來可以同經理講，佢就會o係廚房攞一碟五片o既俾你。比例上，沙律o既款式較多，不過冇試，只係食左幾粒車厘茄，都幾新鮮。熱盤就只係得八盤，炒飯同意粉就梗局，有咖哩雞，有菜，有蒸魚，仲有三樣唔記得，不過o個三盤就會轉唔同o既款式，記得o既有青口(攞到兩隻，好好味，不過出得一次)，椒salt瀨尿蝦(女朋友攞o既，隻隻都長過中指，味都就ok啦，唔好抱大期望)，薯餅，九肚魚。燒烤食品得四款：廚師腸(食左好多條，因為both of us都係腸怪)，豬扒，牛扒同雞翼。味道一般啦，不過流量大，時時都食到熱o既野。西湯係羅宋，夠味亦多料，中湯係碗仔翅，女友話正，不過我嫌唔夠熱。生果得西瓜(竟然係甜o既)同菠蘿。糖水係腐竹雞旦，唔會好甜，幾清。冇試o既有甜品(賣相ok，不過因為太飽)、pancake (都係因為太飽)、拉麵(冇咩特色配料)埋單o既時候先知新年加十蚊，有咁o既服務，有咩所謂，而且炒人銀行有九折。走o既時候，我地因為呢間餐廳而得出一個自助餐o既結論，唔係幾百蚊，有幾十款野食o既自助餐先叫好，只要食物對胃口，就算只係得十幾款，再加埋一流o既服務，已經係好值得推介o既自助餐。**飲餐飲o既時候發現墊檯紙上所印o既經文係初信栽培o既時候所背o既金句，又再增加我對呢間餐廳o既親切感。感謝主！！
繼續閱讀
早幾年逛街, 睇到卜維廉餐廳樓下的介紹, 覺得價錢ok, 百零蚊, 唔算貴。琴日同朋友上左去食, 因為好耐無來, 想試下。上到去, 地方唔算大, 不過地方還算舒適(有大枱, 卡位, 電視房間, 露天位)於是同朋友一齊入去食, 個waiter 真係好好禮貌, 佢話因為未夠時間, 叫我地入去座一陣, 仲幫我地斟水,後來我朋友話想買書, waiter話會幫我地留位, 叫我地放低d野先, 好貼心。依d先叫真正服務態度。大約6:30pm到,我同朋友上番去, 開始黎左好多人....食物選擇包括:炒飯, 牛脷, 西蘭花, 魚, 雞, 菜心, 火腿, 乾炒牛河, 粟米沙律, 羅宋湯等等..三文魚同生蠔係必食推介, 一個字~~正!!~~~~~~花園門外(露天位): 有手燒串燒, 豬,牛,雞扒, 三款, 格仔餅牛脷同雞扒好夠味, 好好食, 仲有碗仔翅, yummy!!甜品方面:有布甸, 啫喱糖, 自助刨凍, 芝麻糊其中自助刨凍, 好有小時候的感覺.....個女侍應好有禮貌, 收碟速度快埋單都係$256到, 唔太貴唔好睇佢價錢平地方細, 食物質素同服務態度, 拍得住4至5星級酒店服務方面:主動有禮, 我俾5分
繼續閱讀