唉，一心諗住普普通通食碗拉面頂下肚姐
一進去已有點後悔 因為個女侍應態度差劣,
叫佢執執臺 卻遭串串貢的對待
' 等等啦' 一面不耐煩的樣子
真的令我食慾大減


有個餐 包SALAD & 配菜
OMG, D食物可以再HEA點的其實
求其拿幾條生菜絲擠一條沙律醬 再加一小堆中華沙律 就算.?

個西冷牛扒飯令人想棄餐唔食 埋單走人
D咖哩凍到.... 比我再用一包包即食叮黎食都熱過佢有HEART過佢
很難吃 : ( 拉麵也很不吸引
真的很不甘心 肚子要裝一些沒有心的食物

為什麼一間餐廳 沒有心做食物到這個地步
還可以經營下去,
拜託 既然有資金有好的地理位置 有珍貴的食物材料 便不要浪費
不想幹的便讓給一些真正有心弄好食物給客人吃的店子吧

不要敗壞香港的飲食業！！！

尋日去完金都買野, 見到間店門面佈置唔錯, 又好似幾多人嚮入面食緊野, 諗住呢間餐廳應該okay, 所以就同老公入去食晚飯,........

入到去,侍應生settle我地坐一張靠近好似mcdonald 擺tray收垃圾既架旁邊, 埋邊張sofa仲要有d食物殘渣無人處理........老公息事寧人..... 俾張tissue我抺走佢就算......

之後我叫咗個咖哩薯餅飯.....咖哩要甜既, 老公就叫咗個set, 係咖哩牛排飯....咖哩要辣既.....跟住留意到張餐枱紙寫住機場都有分店喎.....應該食物水準有番咁下下啦........原來大錯特錯.........首先黎既係沙津同前菜.....無下面菲比熊影既咁多喎......係比豉油碟大少少既碗仔....得幾條生菜, ....d蟹子少到幾乎可以count到有幾多粒.....沙津醬好似2條幼白線咁係咁耳"拉"少少嚮面......食落口仲要係......咸既.....好驚.....個前菜仲唔掂, 好乾....好似放咗好耐咁....我同老公都唔敢食....驚食咗會肚痛....

輪到主菜.....d牛排似薄切豚肉多d........而且好鬼"un" ..... 我個咖哩薯餅飯好d.....不過個侍應生送碟飯黎既時候見到佢隻手指"掂"晒落d飯度......仲要黏住膠布, 當堂咩胃口都無晒......想叫佢換又驚加咗料都唔知.........唯有將d佢掂到既飯掃落張餐枱紙就算.........

食飯期間, 個侍應不停嚮個"垃圾架"旁邊開櫃關櫃, 勁騷擾又dirty........仲要黎一招扮"我是茶壺肥又矮"既動作嚮櫃頂度斟水俾人.......隻茶壺手係差幾毫米就批到我老公....我真係好想發火..........佢試下再斟多一次我真係"省"到佢"立立寧" ......

咁既惡劣情況之下....我同老公以9秒9既速度食完就即走, 連個set應該仲有甜品都唔記得.......不過食都又係另一背脊骨落之作........以後都唔會再幫襯......

今天到旺角逛街之後到此寶太郎下午茶, 點了個紫菜炸雞翼拉麵, D雞翼未完全解凍就攞去炸, 好大雪氣味, D豬骨湯又肥膩, D凍檸檬茶又無茶味, 唔怪得呢間餐廳冇乜人, 早知就唔去喇!

9月4日, 8週年前夕~ 去旺角睇波兒出城! 於此在附近搵食~ 印像中好耐之前係黎過… 不過呀比死都話無… 無, 我又點會對佢嘅咖哩飯咁深刻??

::: 昭和雞肉咖哩飯 ::: $50
跟餐有沙律及前菜, 但其實前菜都係中華沙律… 所以其實有2個沙律… d沙律細細兜, 不吃也罷啦~ 至於雞肉咖哩飯呢, 賣相係唔錯的, 一貫日式快餐咖哩嘅樣~ 咖哩與飯各佔半個碟面. 雞柳肉頗多, 但都係雪藏貨色, 唔滑, 亦沒甚雞味, 不過肉質還可以. 飯粒略淋, 不過似係日本米. 咖哩甜辣適中, 係包裝咖哩d味~ ok啦. 成個飯都ok好食. 跟餐的凍檸茶都無乜大問題, 仲送迷你雪糕糯米糍做飯後甜品添!

::: 陶板牛柳飯 ::: $50
一堆牛柳粒, 同加一堆芽菜, 成碟陶板牛柳賣相並不討好… 底下仲有好多油添… 牛柳十分普通, 有少少韌, 讚嘅係醬汁, 有2種… 一樣係柚子汁另一樣唔知係乜, 辣辣地, 柚子汁味道唔錯, 所以撈飯都好味. 白飯就真係冇味, 唔撈d汁會好乾… 整體黎講就都唔係好值…

其實對主打日式飯餐嘅寶太郎要求不嬲都唔高, 而食物講真真係唔可以話係好好, d侍應又好鍾意自己一堆傾計, 不過咖哩飯叫做咁嘅價錢都食得過囉~ 總之從此以後肯定我地已經食過就係啦! 哈哈~

今日同朋友行街,累累地打算食吓飯飲吓嘢啦!見到有間叫寶太郎,門口都幾ok幾日本feel,看$$都合理就是但找個位坐低^^幾個朋友食飯又有妹妹招呼好開心咁多嘢做招呼都算ok,杯水有檸檬味,好清新!叫左個照燒牛肉定食,有個什麼牛柳!!係惡夢嘅開始,~~個照燒牛肉太冇味,得個黑字又牛肉好硬食成碟都係洋蔥,牛柳仲衰,個铁版太好鑊氣,牛柳細粒燒焦晒,食炭咩,D師父傻咖,唔掂啦,最衰個汁又係一樣咸得冇味加燒焦,唔好叫寳太郎啦叫燒炭王啦!食成晚係我地望住發仔嘅咖哩飯,佢話好香,,激死!!可能好肚餓食晒但一定冇下次,真係唔想俾$$$,寶太郎,太唔掂喇,咁嘅出品,轉手吧!

之前經過都好想試下''
結果前排特登過黎食左lunch

叫左個辣既昭和雞肉飯
咖哩真係好好食``唔會淨係一味辣
辣中亦帶點洋蔥呀,蘿蔔既甜``balance返d辣味
好正~@@
而雞肉亦都好多呢@@
好食到我成碟清晒

但fd叫既拉麵就好差
d拉麵林到死``完全唔知食緊乜= =
我聽到隔離台d人都大叫「嘩！d拉麵好難食呀」=_=
可能只係果1造既問題``不過以後都唔敢叫拉麵啦......

仲有1樣唔明``點解凍華田要加$5咁貴!?

同老公唔會食乜好嘛，又走左入呢間野度，諗住試下新野，俾多個機會自己做下食家。點知。。。。。。我地十點九晚上到啦！入面得一枱人，計埋我地有兩枱，佢地已經一班ＷＡＩＴＥＲＳ傾計傾得好開心，我明白就黎放工，應該ＲＥＬＡＸ　Ｄ，但跟住佢地就０係我地落柯打之後，就乜都未黎既時候問我地介唔介意埋張單先！我打左個突，唔係卦，一樣野都未黎，我知佢地想早點收工，但既然接得我地呢枱人，係咪都應該好點服務態度呢？起碼都等野食黎左一半先啦！事實上，連飲茶既茶樓，都會等你Ｄ野黎齊先同你埋單啦！佢地全班妹妹仔根本就唔覺得要有ＳＥＲＶＩＣＥ呢回事！跟住？食物點樣？一般，我叫左日式餃子（完全唔係日式，肥肥大大的中式），燒烤羊架（唔係難食，但絶唔係烤得香），燒鯖魚（肉好鬼厚，食到入面已食唔到燒味，似食鯇魚咁！厚厚無味既肉）。咖喱牛肉飯，呢個係好食既，但味道同０係日本包好左叮熱可以食既實在太相似，只係比包裝既日式咖喱少左Ｄ薯仔。無錯，０係鋪頭呢度既咖喱飯竟然冇薯仔，老公問佢點解冇薯仔，個ＷＡＩＴＥＲ望左一望佢，答佢話可能筆唔到，跟住行開左，我地諗佢會唔會筆番兩舊出黎都好丫！原來答完就算，冇打算理我地！咁樣既服務點頂？我唔會再食！

年廿八食dinner, 度度都咁多人既
岩岩好,去到個度走左2個人,有空位,所以我同bf就入去試下la
叫左個親子飯(雞肉)同一個小食-----雞軟骨
親子飯(雞肉)d汁偏甜,但d雞肉既味就ok好食,個蛋好滑
個雞軟骨係真係幾好食,上到黎熱既,d味係岩岩好,唔咸
但送到上黎個陣,我bf造 聽到個waiter講<<熱死你呀!!>>
咁算係咩意思呀??
我下次唔會去呢間野食嫁la,野食又唔係平wo,仲要咁既態度,野食好食大曬咩
如果大家忍到氣既話,可以試試既.........

次次去親太子都經過，今日終於有機會試下。

十二點幾去到，好少人，連埋我地只有三枱，走架時候都係有四枱到…明明之前次次經過都好多人，可能因為今日係ｗｅｅｋｄａｙ

只有兩個樓面，兩個都係靚妹仔，入到去時佢地都傾緊計。其中一個問完幾多位之後位都冇帶，求其攞左一份餐牌（話明兩個人俾一份餐牌…見佢成疊擺左係到…當時人客又唔多，俾多份都唔洗死掛？）拋係枱上就行左去。（其後見到其他客人入黎，佢地都冇招呼！係客人自己搵位坐…）其中有一個侍應仲要係樓面傾電話，講到鬼咁大聲，兩個人又成日係收銀到傾計，完全唔留意客人，要嗌先應。

講返食物啦。

先來兩杯凍水，有好重架檸檬味，幾清新，的確唔錯。我同朋友各叫左一個餐。朋友見左親子丼（＄３３），我叫左咖哩雞扒飯（＄３５，可選甘口或辛口，我選了辛口），個餐包沙律同埋熱飲，凍飲、汽水都要加錢。

飲品先上，熱咖啡都ｏｋ，唔會太稀好似水咁，屬於多奶，又唔太苦，幾岩我口味。雖然唔係茶餐廳水準，但以一家洋食屋黎講係唔錯！
隨飲品上架係一碗麪豉湯，但只得一碗，完全唔知想點。（結果我地兩個都無視左碗湯）

食物黎啦！
賣相幾吸引，汁同飯架比例係一比一，包唔會要乾啃白飯。飯唔係日本米，亦唔夠熱。不過個咖哩做得真係唔錯，真係幾日本ｆｅｅｌ。汁中紅蘿蔔份量亦多，真材實料。ｄ汁濃味岩岩好，唔會太濃太辣或太咸。
雞扒亦係即叫即煎（煎？炸？），個皮食到最後都係脆架！
伴碟亦有紅酸蘿蔔片，不過冇咩味

朋友係個食都話好味架人。佢冇咩微言，所以好難作準。

其實食完好口渴。飲晒杯水，侍應亦冇黎加。

加一之後＄３８，一家毫無服務可言架餐廳要收加一服務費，唔明。
食物係有日本洋食屋架風味，亦都值ｌｅｅ個價錢，但係咁架服務真係唔得。影衰晒日本食肆。

夜晚行開太子果頭
所以食飯去o左呢間衰都冇朋友o既黑店食o野
叫o左個韓風牛肉飯
但上到枱就點睇都唔似韓風似和風囉
叫個人o黎問佢又o依o依哦哦唔知嗡乜
又話係和風又話係韓風吹到啤一聲
另外叫o左個炭燒羊架咖哩飯
果舊羊架咬入去仲"銀"過隻拖鞋
叫兩杯特飲
拎到埋o黎又係好似唸經咁嘰哩咕嚕唔知嗡乜
好心自己鋪頭賣緊咩o野比人都要知係咩樣o架
今時今日咁o既服務同埋咁o既食物質素
就真係唔汁凹都蝕死佢
收費仲要唔係平價果隻
心諗一定要去 open rice 唱衰佢
但原來一 search 呢間o野已經有拱多人表示不滿
個個都同我o地情況一樣
一肚火都舒暢少少

其實 我唔係第一次去呢間食野! 不過之前食過兩三次都唔係有特別差的地方...今之去食真係慶住走~!!!

今日同bf 兩個人 係tea 時間去食~~~ 其實咩都未食..又平平地咪再食下啦~~
d野食一般架喇..但d 服務態度真係....= =
話說我地2個嗌2個tea set啦~~ 咁當時其實都唔係話full晒人...
有個waitress 係幫我地落野...然後...我地等左好耐..連野飲都唔覺眼....我bf 見到裡面d 廚師係無人做緊野..我已經覺得好奇怪!起碼等左3個字..

跟住 有一個人剛剛入來嗌野都已經有飲品上檯..
於是我地就問 個waitress 有無幫我地落單...佢走左去拎menu比我地囉...
我地話: 我地落左架喇WO!!!
佢好似完全唔知咩事咁走埋去同第2個講囉... 然後又搵一輪...擺明就無落囉..佢仲要問個新人有無幫我地落過單... 但我地明明就係同呢條女落架囉... 已經睇唔過眼...
跟住又重新幫我地落啦...
後來我BF 食晒我 O個份先黎囉..仲要幫我地落錯架囉...我唔明落2個餐係咪咁難囉....

我已經求其食完打算走..係隔離檯4個人..後來 都係有人比錯野囉....
佢地D 人咁樣...唔好話D 野食有幾食啦... 仲要佢D野食已經麻麻...
真係遲早執架咋..|||

我臨走叫 我BF唔好比TIPS...已經加一..咁GE服務唔係仲要比TIPS卦?!!!

叫左果2人SET

鴨胸沙律 ~ OK 鴨胸大大粒, 份量也不少

豬軟骨拉麵 ~ 好恐怖 ! D 拉麵係硬架 ~

炸年糕 ~ 算係全晚最好味的一款 !

薄荷碎朱古力雪糕 ~ 平日冇咩要求既我 ! 連雪糕 都 一般, 但我明白呢 D 係拎貨 ~~



位勁逼, 基本冇位放晒 2 人餐
仲有, 唔叫都唔識俾水客人 !

放左工約女友去食飯諗左好耐唔知食咩好，因為想食飯最後就揀左之前幫過兩之襯既寶太郎啦，之前兩次去食覺得冇咩特別，之不過同區好似冇咩呢style既非壽司既日式食品餐廳，所以食物都尚算放得落口咁啦。佢間餐本身已經行味千咁style既line，冇咩餐又冇咩食物選擇，有餐但都偏貴(2人餐要$138起，但要記住份量好少!!)。
今次真係好離譜，叫左個蝦餅飯，等左一段時間先到，成碟飯有一半係啡色curry汁，賣相大家想像下平時強積金廣告碟擬似太極符號既飯咁，d飯既份量就少得可憐，我估太慨只有一般酒樓裝糖水碗既份量，佢會壓一壓"餅"d飯，等你以為多左，但一用spoon"畢"落去，其實得好淺，我用常速5分鐘，就已經食晒d飯，但係好辛苦咁食既，因為佢太多curry汁浸到d飯好咸，唔知係咪生意手段等係口渴叫野飲，但小人堅持唔想俾佢繼續"略"水，所以寧靜事後再去x記食甜品。而我女友叫左碗蝦魚飯，大大個碗但只得份量亦只得一半，佢成大半碗都冇食，因為d飯落得太多甜豉油，d味好怪又襯唔到d炸物!!我同女友隨即四顧睇下其他食客既份量，都不外乎要叫多一兩碟小食，就算叫定食既，份量都超少!!
overall而言，雖然話日式既係出名份量唔多，但佢呢間都算唔好食得黎又少果野先唔掂!!佢呢份價值$45既飯，食晚餐變相食下午茶咁少份量，真係好唔抵食，論賣相、味道、份量都唔及格，如果食神係度，早已經講左好多句"失敗中既失敗"!!