霸王山莊很有霸氣的名字，打著旗號為麵稱王，
點心稱霸,今天是第七次光顧這裡，
過去光顧的日子裡，(霸王)給我的印象是幾好，
而價錢也不算霸王，食物水準也唔差，
地點清淨，環境唔錯，坐得幾舒服。
(霸王)位處於大廈之三樓，不過上落樓梯，
附近環境就差點了，上樓時靠單程電梯而上，
落樓梯要左轉右轉的往下行，也不甚方便。
不過這裡的下午茶，實在非常抵食。
最重要的是點心是即制，好新鮮！好味道呀！
霸王小籠包：每客有4個，非常之薄皮，用筷子夾時要好
小心，如弄穿外皮，內裡的湯汁破漏掉，那就會失真
啦；咬下時，小心內裡的湯汁燙熱，餡內的湯汁美味而濃郁，
豬肉餡料，肥瘦比例適中，肉質嫩腍而不嚡口，不愧為
招牌小籠包！
蘿蔔絲酥餅：一般表面有著一層層鬆軟的酥皮，這裡與
一般店鋪制法有別，表面還添上很多芝麻，外面炸到金黃
色，咬落鬆脆還帶點芝麻的香味，細嚼蘿蔔絲，感覺到熱
辣辣、甜絲絲、香噴噴，美味非常。
潮州粉果：我最喜愛的點心之一，差不多每次必食，這
裡也有出品，不過外觀比較細隻而呈橢圓形，粉皮厚點，
蒸得幾通透，表面也看到花生與九菜之顏色，咬落彈牙而
不黐牙，餡料有花生、九菜、肉碎、菜甫、沙葛。食落花
生脆口，九菜獨有的菜香，肉碎醃得入味，菜甫的咸而
爽，沙葛的爽與甜，混在嘴嚼中...那是我所最喜愛的味
道，雖無一級水準，但也值一試！
擔擔麵：看上去簡而清，料不多，湯不濃，配料有
蔥花、芝麻、花生醬等等，食落花生香味濃，不太辣，
麵條幼滑而彈牙，好有口感，整體簡單而好味！
桂花糕：賣相很靚，看到晶瑩通透嘅糕身，桂花差不多
平均分佈在糕內，輕輕的一嗅，也感幽香的桂花味，咬落
清甜可口，甜度適中，絕不黏牙，喜歡桂花味者，絕不
能錯過。
雞絲粉皮：青瓜絲，少量雞絲，花生麻醬有顆粒花生，
醬汁非常香濃，粒狀花生有咬口且香，粉皮頗滑，這個
也是必食之選。
豆漿：跟坊間行貨一樣，OK的那種，豆味不濃，甜度
適中，可以一試！

好耐都冇去過荃灣,難得放假就約埋朋友去走走.
原來尖沙咀&荃灣分店,形式好似有點不同.
下午茶時間,感覺似去左酒樓多D.
小籠包:
雖然唔同分店,但依然都保持水準.
皮薄,汁又多,仍然係店中之寶.
蝦餃:
麻麻地,如果皮再薄D會更好味.
蘿蔔絲酥餅:
味道唔差,又香口,形狀又特別.
如果切得更幼細會更好.
涼伴茄子:
保持水準,個汁又好味.
鱔糊炒粗:
雖然係下午茶.但份量都ok
味道都唔差.

PS~唔知係咪下午茶比較忙
竟然多次溜單,要一追再追

我的第一篇食評奉獻左比霸王山莊=]

之前O係霸王山莊都係食晚餐或者一圍個D
又聽聞過霸王山莊宵夜好抵食 (雖然食過TST個間覺得唔太抵)
所以放左學10點幾就仆去食~

原來荃灣呢間係點心紙既形式
好開心!
因為之前食過TST個間係套餐...食得好少款

叫左5碟...同老公仔兩個人分...我勁飽但佢岩岩好

1&2: 夫妻肺片...第一次食呢味餸...都幾辣下!食完之後條利麻左
不過OVERALL其實幾開胃幾好味
3: 小籠包...我既至愛...每次黎霸王山莊都要食...真係好正!
4: 鮮肉餃...冇乜特別...同我煮個D灣仔碼頭好似差唔多
5: 酸辣湯麵...又係我既至愛...幾好味...不過如果可以酸D會更好
略嫌細碗左D
6: 高力豆沙...食上海野必食既甜點...正

埋單$110
其實D野食好抵
最唔抵係收$6茶錢同$10兜前菜

第一次寫食評, 見到好多網友有映左相, 所以我都無映啦~

今晚同家人食, 又當生日飯, 又當中秋團圓飯...
我地Order個 "霸王宴" 半席$1088-

霸王六小碟 不過不失!
霸王小籠包 包內的湯實在太好味了!
翡翠明蝦球 翠玉瓜太淋了, 蝦球都算大隻啦!
鎬蹋帶子 幾好食, 但有d 溜!
紅燒海皇軾 一般
北京片皮鴨 我隻鴨未到台, 聞到隔離台已經好香, 當然好食啦!
碧綠鮑片扒海參 我miss左無食!
糖醋松子魚 味道跟一般生炒骨差不多, 但系我唔食魚我都會開胃食!
: 金華火腿扒雙蔬 味精多左d, 令到菜同湯唔夠清甜!
海皇炒飯 真系好一般炒飯啦!
桂花糕 幾清香, 吃落口又好清甜!
雪城高力豆沙 外脆內軟熟, 豆沙及糖粉又不會太甜, 味道剛剛好!
最後再加order多一碟高力豆沙 $28 / 4個~~~

星期六我冇街去,
同左我家姐出去整頭髮,
(已經想電好耐嫁啦,,hahaha)
下午四點去到,點知原來個師傅好有心機,
一電就電到夜晚十點(攰攰攰攰 x 1000)

原本個plan破壞左,
雖有改去第二個地方食
上nanonavi check番bookmark左既荃灣區餐廳,
原來我都有一段時間冇去霸王山莊啦
拉埋家姐去食

好彩今日唔駛同人share檯,
可以order好多野,
叫左小籠包,紅油抄手,酸辣麵(扁滑),辣涼拌茄子,
四川香辣餃子,蜜桃桂花糕

霸王小籠包($14)
一口氣食兩籠,因為真係好好食,
皮夠薄,肉汁又夠多

紅油抄手($16)
呢個紅油抄手其實好抵食,
因為佢有好多舊,
個汁又好正~~~~甜甜地辣辣地~~

酸辣麵(扁滑) ($16)
我有d後悔order扁滑,因為個面唔好食,
好似0係supermarket買果d上海面咁,
唔彈牙,唔新鮮,
好在個酸辣湯都仲係好正

辣涼拌茄子 ($14)
每次黎到堅持要order的冷盤,
normal hour要成4x一碟,
宵夜時段真係抵食好多~~~
我係最意佢個汁

四川香辣餃子($10)
係因為佢10有4隻所以先order黎試,
但係食左之後..........
唔知點形容,我陣係覺得好重"是拉差"辣椒醬味,
一d都唔似上海野,似印尼野多d
難為佢menu度有thumb up

蜜桃桂花糕($16)
等到最後,我最鍾意食的甜品到左,
一個食多左都唔會覺得內疚的甜品,
因為又唔heavy又小甜~~正!!!

平時好少機會等到十點先食飯,
今次霸王夜宵真係正,
唔知幾時先再有機會食多次霸王夜宵~~

好想食片皮鴨,又唔想去咁遠,所以就去左霸王山莊食喇!!

片皮鴨兩食$188 - 唔錯,唔會太肥!!
+18有個椒絲炒牛肉- 比較多油,同埋都係好細碟囉~~ 可能因為收平左就細碟d
炒鴨絲配燒餅 - 正呀!! d燒餅都好脆
韮黃炒鱔糊$78 - 都幾好
+28有個咕嚕肉 - 比較細碟,但味道唔差,d排骨都係新鮮炸既 !
酸辣湯- 好過出面好多,起碼個味同材料都係啱啱好
水煮牛肉- 錯哂.....好差~~~ 一d麻辣味都無
蔥油餅- 個皮太厚,蔥又不夠香

大致上d野食都ok既...價錢都屬於中等啦~~~

之前試過灣仔店, 令我大失所望, 但你大力推薦荃灣分店, 而我都想試下你認為好味既食店, 所以決定今天前往一試究竟.
七點幾去到, 唔駛等位, 二人坐張四人長枱, 唔會逼, 前菜是一碟蘿蔔絲,青瓜絲撈左的沙律. 少少辣幾開胃, 適合夏天食.
二個人往往食唔到太多野, 唯有選擇大家都啱食又想試既菜式, 最後點了黃金蝦, 加28元要了鳳梨甜酸魚柳, 當然唔少得我們今天到此的目的菜式---小籠包, 另外要了雞絲粉皮同生煎包, 黃金蝦好快到, 一碟都有七八隻, 大大隻的蝦都被金黃色的咸蛋黃包住, 趁熱放入口, 還算合格. 跟住你的至愛--小籠包來到, 你示意我即刻試下如何, SIZE同鼎泰豐一樣細細粒, 夾上手見到皮簿有汁係入面, 放入口咬穿簿簿的外皮, 第一時間嘗到鮮甜的肉汁,味道剛剛好, 再細嚼中間的肉餡, 我剛呑落肚, 你即刻心急的問我意見, 望見你急切的眼神, 我還是要如實話你知, 我覺得一般, 肉餡太鬆散同埋鞋左D. 再來的鳳梨甜酸魚柳份量都幾多, 但如果汁再稀小小就更加美味了, 雞絲粉皮整體黎講算唔錯, 但我都係嫌醬汁太過杰, 生煎包外皮煎得不夠脆, 同埋包身好多油.
整體黎講算唔錯, 下次有機會都會再黎食

根耐冇食上海野啦, 可能看得廣告多, 對霸王這個名子特別敏感, 所以就試左~為了保障, 都係食d聽過同個賣相ok gei 來吃, 於是叫左個上海粗炒, 醉雞, 水晶蝦仁~全部都係水準之上~有上海的風味~不油不太咸~唔算細碟, 兩位剛剛夠食~佢地d菜都好快上檯, 服務都夠恩切, 值得一讚~

前日(26-6-2009Fri)大嫂又話全家返o黎食飯,話二嫂提議出街食,咁我就揀鳳城,點知打去話執o左.啊,咁我o地決定霸王山莊啦.打電話o黎book 8:00pm.

7:45pm我,男友同爸爸先去到,已經有張最入面o既十人枱,真係舒服.

枱上已經有兩個前菜,右邊o既係醃o既津白,辣辣地o既,菜亦爽口.
味道: 4分
而另一碟,男友話好重西芹味,入口時唔辣,但到喉嚨就辣,材料有蘿蔔絲,青瓜絲,都幾新鮮.
味道: 5分

等o左好耐,我家人至到齊,大哥大嫂決定叫侍應sell o既信用咭優惠o既六人套餐,優惠價$999.00,有:

1. 霸王五色拼盤,有:
鎮江餚肉
每件都切得好工整同均勻,味兒鹹淡適中,唔油膩,幾好.
味道: 4.8分

雪花海蜇皮
同普通o既冇乜分別,一樣係爽.
味道: 3分

脆皮素鵝
呢個o係腐皮包住啲木耳絲,食o既時候暖暖地,亦出奇地好食,腐皮仍脆,呢個好快食晒.
味道: 5分

雞絲粉皮
粉皮都幾碎,花生醬唔係咁夠,呢個OK o既.
味道: 3分

千層峰
將幾隻豬耳叠埋一齊後切成一片片,我覺得呢個味道差啲,唔好食.
味道: 1分

4. 紅燒雞燒翅
雖然個煲唔大,但都分到八碗滿滿的,內有幾多竹笙絲,唔錯.
味道: 3.8分

6. 紅燒海參魚肚
份量均勻,唔知係咪太濃,我覺得呢個味道麻麻,
味道: 2.5分

2. 霸王小籠包
由於得六隻,唔夠分,所以我冇食.

3. 黃金蝦球
即係佔上鹹蛋黃o黎炸o既蝦球,蛋黃漿唔太鹹但味道好足,而蝦係大大隻,好爽,但蝦味被蛋黃蓋過o左,不過呢個算唔錯.
味道: 4.8分

5. 糖醋松子魚
好大條,炸過o既魚好脆,但冇乜魚味,只食到酸甜味.
味道: 1.5分

8. 金華火腿扒津白
幾塊金華火腿片舖o係津白面上,食o既時侯,由於津白好淡,淡到真係冇乜味,所以一定要夾住鹹鹹o既金華火腿片同食.
味道: 3分

7. 大漠風沙雞
面上有好多炸過o既蒜茸,雞唔肥,皮又炸得好脆,有少少辣,而雞肉’鞋鞋’地.
味道: 4.3分

9. 霸王炒飯
料有火腿粒,叉燒粒,雞蛋,菜粒,蝦仁,蝦仔同雞絲,呢個傻唔覺得香口,只勝在大碟同料多.
味道: 3分

10. 雪城高力豆沙
一碟六個,顏色淡淡唔太吸引,面上灑o既係糖霜唔係白砂糖,但唔多,食落,微暖o既,蛋白好厚,但豆沙卻好味,係起晒沙,而且甜度適中,好好味.如果蛋白唔係咁厚,呢個一定攞足分.
味道: 3分

環境:
雖未去過尖沙咀o個間,但覺得o個間好似high啲,呢間就唔係.唔知係咪裝修用料問題呢?
張枱有兩位係好窄,唔怪得八個人畀十人枱啦.

服務:
都唔錯o既,盡量做到畀高尚食府o既感覺.

呢餐食到個個都好飽o既晚飯,埋單$1,174.00.

常常去荃灣食晚飯,因為常常食米線的關係,於是看食評見這麼"笑哈哈",便試了。結果,有非常被騙的感覺. . .

一坐下,侍應就送來了冷盤小食,是一些白蘿蔔絲、紅蘿蔔絲、木耳、冬菇用涼拌醬撈的,還有少少凍凍的,有花生醬味,蘿蔔絲也很爽脆,很好吃!!!令我同男友都十分期待之後的菜. . .

選了"霸王絕配 任選+任配=抵"的套餐,因為不知散叫什麼好,又見幾抵,所以就選了:

"任選"的主菜---香酥鴨(半隻),有饅頭伴著吃的,但饅頭一d都唔熱,一d味都冇;說說那個香酥鴨吧...炸的,勁乾,肉質勁"鞋",冇鴨味的,總之好難食!!!因為太dry的關係,我仲將d鴨浸係碗麵的湯裡面~

"任配"的菜---鳳梨魚柳,成餐最好味的菜!!!魚柳很滑,一d都唔腥,個皮好薄,唔會有一大層粉的感覺;鳳梨雖然是罐頭的,但可接受的;個汁也酸甜適中,很好味~~

散叫了:
小籠包---任何一間的上海餐館的小籠包也好食過佢!!!它不是難食的,但真的沒特別!!!!!!

山東川滷麵---差!!!!!真的很難食,而上面有豬肉粒、黃牙白粒、蝦粒、海贂粒、蛋,湯的顏色是滷水,但吃下去一d滷水味都冇,很難食!!很難食!!!


以食物質數來說,我們決定了,從此以後都不會再來!!!!!

星期日一行十二人同朋友慶祝生日，一早响openrice見到佢好多人去，已經早一個星期訂8點鐘既大枱，亞姐姐話逾時不候叫我地準時去攞枱。咁好啦，我地咪7:55pm到，佢話未埋單叫我地等等，竟然等到8:20pm佢仲同我地講上一圍仲「吹緊水」未走，無枱比我地！！！真係火都嚟！！！
1) 我地係有訂枱，你好應該同定上手講佢地要幾點交枱，好多餐廳都會咁做，何況佢地唔係未食完，只係吹緊水，如果佢地吹到9點，我地係咪要等一個鐘？咁咩叫訂枱
2) 等位既大堂又無冷氣，成30度既天氣我地個個等到成身汗，未食已經無晒mood
3) D侍應同個經理服務態度勁差，好似唔憂做你生意咁，「你唔等得咪食囉」既咀瞼

一定唔會再幫襯，未食已經一肚氣！！　

琴日係端午節,所以dayoff可以去遠少少的地方食野,
因為偏愛荃灣分店,(亦都極之唔鍾意灣仔d極差服務態度同尖沙咀店d野唔夠味)
所以住港島都特登搭車過去~
雖然係紅日,但係晚市時間好少人,
可能係未到宵夜優惠時段,
連卡位都坐唔滿,我地順理成章可以坐卡位了~(笑)

Order左韮黃炒鱔糊,火腿絲上湯浸菜,小籠包,韮菜花煎餅,醬燒茄子同埋桂花糕

韮黃炒鱔糊: 好有鑊氣,d鱔控制得好好,唔會煮得太淋~~
火腿絲上湯浸菜: 好似求其左少少,同烚菜冇分別
韮菜花煎餅: 好食過灣仔店十萬九千倍!!本人指定食品!!
醬燒茄子: Super size,我冇正式數過有幾多舊,但係至少十幾舊0係度,雖然好食,但係兩個人食到反眼都未食完~~~如果有細size d就好啦
桂花糕: 最好食的都係荃灣店,不過是日的桂花味唔夠

如果有時間的話,其實等十點宵夜時段最好,因為平d同埋細碟d,可以試多幾味都得

妹妹早前早了此店 vip, 參加成為神秘食客, 數天前收到電話邀請試食, budget $100, 提議最多兩人. 於是我做了食伴一同前往. 完成後5天內是交回10 多頁的問卷呢~

上星期才拿著 $100 coupon 光顧了一次, 想不到一星期後又再來. 7:30pm 到達, 竟然差不多滿座, 店員先安排我入座的是 4人枱(撘枱), 我當然不願意, 最後要求最入的一張二人枱~

事前已先閱讀問卷中的問題, 由店內環境, ,員工服務, 食物質素, etc..所以一坐下就開始留意了. 先講食物:

干貝香蒜炒飯: ($55): 上次食過炒年糕, 感覺不錯, 今次又試試炒飯, 份量不算大, 二人共享是僅足夠而已, 賣相普通, 只有瑤柱, 菜莖, 香蒜, 但驚喜的是, 飯粒炒得分明爽口, 不太有飯癮的我, 都吃下一大碗呢!

當糖醋松子魚 ($9): 4月份的promotion, $9 一條真的便宜得發笑, 原價是 $108的! 但心想, 一定比平日細碟啦, 結果等了20多分鐘, 侍應送上枱的是一大條, 相信是正常份量, 魚身炸得鬆脆, 粉漿不算厚, 魚肉不期望會很滑, 但蘸上甜酸汁很開胃的, 佐飯一流

迷你生煎包 ($28): size 適中, 幾乎可一口一個. 入口是超熱的, 包底煎得金金黃黃,再脆一點更好. 二人皆認為包包內層索了豬肉餡汁變得開始糊化不鬆軟. 期待改善.

**另上星期食過水餃類, 反而很差, 餃皮皺皺的而豬肉似不太新鮮, 即時退回**

服務:
部份侍應可能是新手, 有點呆滯, 又沒有笑客 (問卷很仔細的)

其他:
設有數間vip 房, 不錯 ; 洗手間非常潔淨, 人多時很糟吵

總結:
食物質素平平, 但款式欠新意, 可望再有突破. 中價位而言, 周邊有更多川滬菜可有更多選擇

每星期總要見見徽”S們才算完滿......下午2時多,肚子還未打鼓。踏上一條長電梯轉個彎入到霸王山莊京川滬﹑中菜館和徽”S們享受悠閒餐膳;選定要吃的,馬上落單。不論是喝中茶﹑吃西餐﹑或是精緻日本菜,我們都會慢慢仔細品嚐。

霸王小籠包~~皮薄餡多湯汁,蘸了些薑汁醋一同吃就如畫龍點睛
南瓜叉燒飯~~ 飯一粒粒的爽口而不膩
辣子燜雞麵~~選了寬滑麵,麵條竟然比預期中好,帶少許煙韌，配上微辣加了香料的湯,不錯呀!
蔥油餅~~它──太厚,蔥又不夠香，也不好味，所以這是失敗之作。

2009/3/31晚餐

續上回意粉屋現金劵後，今次再得到霸王山莊的100大元現金劵，多謝OR﹗不過自己好懶又不願出街，到優惠期的最後一天才有動力出去吃返餐。

訂了六時四十五分的位子，和老友都剛好準時到達，真的趕到我氣咳啊，只因訂位時店方說遲到的話是不會留檯的。

到場後只有四成的客人在進餐，可能有訂位吧，我們可以坐在大大的梳化卡位。全埸的色調是淺綠色為主，連杯碟碗都襯返主題顏色，淺綠粉綠的，圖案花紋都很美，好不欣賞。

除了四人六人十二人套餐和近期推廣的恆生二人四人套餐外，還有主菜加$8/18/28多一個小食小菜等，果真多花款，所以我們也考慮了很耐才得出以下結果~~~

小食：小籠包﹑韭菜煎餅以及今期推廣一蚊一碟蒜香金瓜絲
主食：砂窩雲吞雞-半隻，加$28配碟素炒雜綿；香酥鴨-半隻，加$8配碟清炒油麥菜
甜品：OR優惠劵-送桂花小湯丸

點菜後就吃吃那小碟前菜，是醃海帶絲﹑蘿蔔絲等等好多絲，味道甜甜地幾好食的。

上菜速度都幾快，先說小食吧。小籠包皮厚得來軟熟，三分一都是肉汁，豬肉餡鞋了些少；韭菜煎餅外型很美，餅皮很薄煎得很脆，每塊餅夾有大量韭菜粒和少許蛋絲，帶點菜汁加少少辣，既香口又幾好吃；蒜香金瓜絲，蒜味真的夠重，金瓜即是南瓜，切成又長又幼的絲，質感脆脆地像吃米粉似的，加上是凍食，令人胃口大開。

砂窩雲吞雞份量是非常非常的巨，菜肉雲吞有八大粒，皮厚但很軟滑，菜肉餡的肉質都是鞋了少少，吃多幾隻都不覺濟，湯底肉味濃，幾好飲，每人分了四碗啦也喝不完，大量的小棠菜也是吃不完，唯一完全放棄的是那半隻鞋十十的雞；素炒雜綿有西蘭花﹑荀﹑小棠菜等，可惜用上像膳糊一樣的超濃的醬汁去炒，正負得負，越吃越不開胃；香酥鴨的炸層略厚而且有陣油溢味，厚厚的鴨肉去了骨，啖啖肉，但本身對鴨類沒多大興趣，就轉向吃旁邊我至愛的蒸饅頭包包~~~而那碟清炒油麥菜就最受歡迎，哈哈!菜很新解，味道又清甜，果然簡簡單單就最好。

吃到這裡我快要漲爆肚皮了，但既然有免費東西吃都要吃下去! 桂花小湯丸中有大量桂花，糖水欠缺桂花的香味和味道只有一個甜字，不過小湯丸並不是一粒粒的粉團，而是雷沙湯丸!!!是我愛吃的所以就博命地吃，最後連糖水也喝清。吃完用三杯清茶漱口口腔仍是感到有陣甜味。

除高層外，侍應清一色是男生，還以男生實會粗粗魯魯啦，原來我錯了，他們說話態度良好，服務周到，快手快腳又醒目，加茶收碟上菜很快手，我們二人對住一碗甜品也前來問要不要來多一份餐具，夠哂細心。

不得不提這裡的洗手間非常清潔，去都去得放心。