約了食友Happy Hr前來飲杯啤放鬆心情，待會豬局時能吃得更盡情，中間道一帶有不少酒吧，客路斯文而氣氛好的酒吧，我還是喜歡這間德國館子。

食物：以德國腸、煙肉為主，亦有炸豬手得送酒菜，重頭作在後，我還是吃得清簡一點，要來煙肉拼盤，火腿、煙燻腸及風乾肉三款，伴以酸瓜，是不錯的送酒組合，火腿擺成玫瑰狀賣相不錯，質感卻不夠軟熟，反而煙燻腸質感雖粗，但燻香味濃，是很對口味送酒小品，伴碟的酸瓜，開胃消膩，正好替大戰前減減膩，吃得滿意。

消費：每晚7:30pm前有Happr Hr價，LO時可落定單繼續享用特價啤酒。

環境衛生：氣氛十足的德國風格館子，一貫「皇冠」集團的味道。

服務：「皇冠」集團的員工，招呼不會好到那裡，全程如吃自助餐。

食友作東，減壓後繼續下場，謝過！

這一班的友人當中,又有一位是同月同日生的,
於是每次也會一起慶祝,和友人影完畢業相後,
6時多就一伙到了這間友人選的德國餐廳去。

上年生日也在這邊吃的我,其實經常都想來喝啤酒的,
要知道有德國生啤提供的餐廳不算太多嘛。
但,這班朋友不喝酒的比較多,於是我和友人就只叫了一升,
還4個人來分,。
友人有COUPON送了個如像臘肉/腸的拼盤,很咸,
該是要來送酒的小食吧。
農夫包+牛肝醬是我的最愛,水準仍然保持到!
脆皮咸豬手仍是好吃,脆皮但內邊軟,送啤酒一流!!
雜錦腸拼盤,我最喜歡白色的腸,好好吃,但很油。
酥炸牛仔柳配薯條,薯條好吃,牛仔柳有點普通
脆蝦柚子沙律,很鮮很清新,不錯吃
意大利粉配海鮮香草汁,creamy,我分到了彈牙的帶子!
薯餅+蕃茄肉丸,蕃茄汁很醒胃,用來點薯餅很好吃!

8時開始侍應開始過來關心我們了,
也吃得差不多了,於是就埋單走人了。
有會員卡,有85折呢!

謝謝友人請吃飯呢!!

2009年10月2日同老公慶祝生日.. 係一個星期前巳經BOOK位了
我地將架車泊左係中間道停車場, 行番過去都好方便.. $50夜泊, 好抵!
由於BOOK位既時候, 個職員問我想食咩時段.. 分別有8點半前同8點半後
我CHOOSE左8點半後, 因為可以食到間SHOP關門都OK

入到去坐左係樓下o個層, D位都okay, 環境好正! 仲有Live band..
個環境真係最suitable一大班朋友黎食飯.. (本人覺得o個到嘈左少少)
Anyway, order左以下既食物..
1. Mushroom soup..好大飽.. 有好香濃既MUSHROOM味, 好正!
2. 德國香腸拼盤（三款）配酸薯仔.. 唔係太特別.. 只係好多肉.. 我欣賞個酸薯仔
3. 脆香燒豬和薯仔.. 咸豬手好香好好味.. 可惜太遲先上菜.. = =" 實在太飽
4. 叫左2杯Juice.. 好Fresh既生果 :]

Overall食左約左$550, 整體上食物質素唔差, 但又唔係特別好味..
我欣賞呢到既環境 :] 真係值得一大班朋友來試試!

Happy birthday to my dearest.

老公的朋友約食飯，選址尖沙咀，最後選了常經過而還未試過的德國餐廳。
之前常經過，看門口好像有點兒高檔，上openrice看過，發現價錢比想像中便宜。
飲品：我點了沒有酒精的kiwikiwi, 味道不錯，酸酸甜甜的，很開胃
老公選了ERDINGER 的黑麥啤，比想像中淡口，很易入口

頭盤：農年飽伴牛肝醬及香草醬，之前未試過牛肝醬，味道可接受，但比起香草醬，我更愛後者，像加入香草的牛油，配外脆內軟的農夫飽最適合不過。

雜腸拼盤：有很多種腸，也分不清那一種，只記得有條很幼的腸內藏芝士味道不錯。最好味反而是伴菜的酸薯仔，很開胃很特別。

德國咸豬手：會先原隻送上，在你身旁切開，很有啅頭。皮雖脆但無奈太咸，食完後整晚都口渴不已。

雞肉夾火腿芝士：可能太飽之故，已不覺有任何特別，且入口有點乾。薯條亦很普通。

這裏的食物比較偏重肉類及很飽滯，故建議多人一齊分享。

此處有歡樂時光，飲品約三十至四十元。並設有露天座位，在這秋涼的天氣坐在樹蔭下，涼風送爽，又另有一番情懷。

一早已計劃好去完海洋公園後就到位於新世界中心地面的King Ludwig Beerhall吃晚飯。事先已訂枱, 分兩段時間,6-8pm及8:30至收舖, 因為不想太趕, 所以book左8:30pm。

入到去地方都幾大, 有live band, 幾嘈吵,想傾偈都不易。無想過早幾日book位都要坐得如此迫呢! 同隔離枱好近, 近到人地說話, 兩張檯之間只夠一個人打側身行呢! 燈光微弱, 漆黑之中看餐單原來幾辛苦的, 幸好事先已找定什麼菜式最受歡迎。

農夫包配芝士醬和牛肝醬$25: 觀乎四周, 幾乎每檯都會點, 麵包不算好脆, 勝在暖暖地,麥味好濃。牛肝醬無腥味,易入口;芝士醬都唔錯, 但芝士味較淡薄。

脆皮咸豬手 $145: 吃德國菜又怎可缺少這道招牌菜呢? 因為見到侍應將豬手切好先上枱, 所以立即話想影相後才分開。看到他們表情怪怪, 但最後還是答應。等了十多分鐘, 豬手終於出場, 但卻放在別人檯上讓我拍照, 加上我又站在通道中間, 那會拍得好呢? 最後都out focus了。伴碟有椰菜絲和炸薯仔,前者酸酸的正好解豬手的肥膩; 後者炸過好香口,外皮帶點煙韌,不會成口油。 想不到平時不好燒乳豬、燒肉的我竟然對這讚口不絕, 不停地吃。皆因豬手皮薄, 燒得太香脆,咬落真係卜卜聲, 不會痴著太多脂肪。豬手肉就偏瘦, 但不鞋口,調味剛好, 不會過咸。

雜錦腸拼盤 $205: 明知兩個人食不完但又不捨得不叫,其實二百幾蚊幾條腸真係不便宜, 一共有五款六條, 粗幼長細顏色不一, 基本上吃過豬手後都有點飽, 所以每條腸都係試了一口,肉味好濃,有些皮還是脆的,但偏咸, 可能預用來送啤酒吧! 細意品嚐之下, 發現每種腸都有不同特質, 當中最喜歡芝士腸, 芝士醬杰杰的, 還加入香草調味; 配菜是薯仔沙律, 好像吃到醋味, 幾酸, 媽媽不太喜歡, 我覺得還可以接受。

餐廳另一角係live band, 有歌手表演, 甚為熱鬧, 如在場人士生日, 還會唱生日歌,整餐飯時間已聽到幾次。
甜品選擇有五至六款, 平均要$50-60, 出面蛋糕櫃有幾款蛋糕。

蘋果酥餅$60: 網上很多人都讚好的, 一塊酥皮包住果仁碎、蘋果粒和提子乾。肉桂味幾突出,伴吉士汁和紅莓醬同食。酥皮不太酥,蘋果無咩甜味,只吃到爽口的感覺,吉士汁又係無咩味道.....是一道幾令人失望的甜品。

本來呢餐預左唔會多過四百蚊, 但最後都超出預算,要$478.5,沒有想過兩個人都吃那麼貴,不過不會太肉赤。下次或者會到赤柱分店試下午茶自助餐, 豬手和腸無限量供應, 於無敵靚景之下用餐, 想必又另一番風味。

King Ludwig, TST

讚:
1. 食物美味
2. 有多種德國啤酒出售, 其他地方冇
3. 有Live band, 可點唱,
4. 帶生日蛋糕去不另收cut cake fee(但卻沒有其他生日優惠)

彈:
服務質素差
1. 或者餐廳太旺場, 前台Reception服務態度你地自己睇啦, 總之佢show俾你睇佢好忙, 唔休做, 冇笑容.,

2. 預約安排混亂,即使預早一星期前預約, 話俾佢聽confirm 7位,但有可能增到十位, 佢都編咗6人卡位再在過道上加枱俾我地, 結果,情況似去到難民營, 不斷有人在我們旁邊不足三呎的走道上往來.

兩三年來我都係去只過三次, 唔算熟客, 但每次都發覺佢地只安排鬼佬在 band stage附近, 可能係我錯覺, 可能佢地個個都book得比我早?

7-8位, 大概每位$300零蚊既收費, 服務質素應有更多選擇..
總括而言, 食物okay, 但服務唔好, 適合大班人gathering, 但又唔適合生日聚會(因為服務質素話唔定, 免破壞氣氛扯火)

今日約左個同行出黎吃飯, 唔係好熟, 所以先去飲杯野, 再吃飯, 地點佢訂, 我都係第一次黎呢度! 呢間餐廳分開兩邊, 一邊飲野, 一邊食飯, 我飲red wine, 佢飲white wine, 都唔錯, 傾左2粒鐘過隔離食野, 佢點菜, 有豬手, 炸蝦柚子沙律, 同埋繼續飲酒...隻豬手真係好食, 燒得唔乾, 好脆, 又唔肥膩, 一級水準! 至於個沙律好正, d蝦好新鮮, 柚子係我最鍾意既沙律材料之一, 加分加分! 兩樣配埋味道好正, 食完都唔夠! 至於d酒質素相當好, 我同朋友食飯都鍾意飲下酒relax下, 呢度d酒真係唔錯! 食完好滿意!

其實一直都好想試下豬手,男朋友終於肯同我黎食!
事先係book左位!

環境氣氛好好 每當有人生日, 都會熄燈同埋隊band會大唱生日歌,
生日果個一定好有feel!

食物方面:
男朋友嗌左個唔知咩云吞
坦白講 我覺得好難食 定唔知我唔識欣賞,
總之每人一碗湯 入面有兩粒云吞 ! 好不值
仲有嗌左一碟腸仔拚盤!諗住可以咩腸都試下
味道ok!可能始終唔係自己食慣口味,都係覺得一般而已
當然少不得招牌菜豬手
都算大隻!兩個人食會嫌多,而且愈食愈覺得'溜' ,再食唔落
但皮係香跪,而同真係好膠質!
舊骨真係好大,好想拎番屋企俾媽媽煲湯!

飲品: 男朋友選了愛爾蘭咖啡
我飲果杯唔記得咩名,但好好飲好清新,係西柚黎

值得一提:我覺得伴碟的薯仔好好食!

埋單$462
每人$200幾 抵唔抵就見人見智啦
我覺得呀! 都算大隻,兩個人

尋晚終於同幾位好朋友去咗呢度食野呀
因為朋友有中銀咭, 我地共有五個人, 所以叫咗個半價 4 人餐
先來了一盤農夫包, 個 dip 都幾香
四個 mushroom soup, 好香濃好好味,
三個頭盤, 驚喜唔大
之後我地又坐下吹下水, 都唔見有 main course 上, 就要催下佢
之後就上咗魚扒, 牛扒, 天使麵同埋豬手, 魚同牛都一般, 但個天使麵真係好驚喜, 來起時見佢好乾咁, 都冇乜期望, 但估唔到入口之後係勁好味, 好濃郁, 豬手都好食, 好香唔太咸
最後有甜品有生果食
仲有時有 live band 伴奏, 氣氛好好, 一定會再同朋友去食, 下次要食佢個德國腸盤架

今天想食西餐,兩個人吃意大利菜吃一個大pizza又好像很多,結果都是來了德國餐廳.

一來到看見有個二人餐,前菜三個,湯,主菜三個,甜品三個成為四百大圓.本來以為是前菜,主菜及甜品各選一個或兩個.點知搵個waiter一問,原來全部都會上哂....哇...超抵...不過兩個人,兼且又正減肥,結果都是散叫好了..

叫了一個豬手,一個腸仔沙律,一個豬肉雲吞

豬肉雲吞先上,好像千層麵,但是汁很少,不夠,雲吞應該是豬肉,但不知為何很像有點鯪魚肉的味道!
腸仔沙律不過不失,可以一試,我很喜歡那個芝士包火箭菜
主菜豬手當然是我的至愛,超級脆皮再加上肉嫩而且又不是太肥膩...簡直是一絕,...份量兩個人吃剛剛好...再加上配菜是酸菜,剛好化解肉的飽滯感覺

為了慶祝友人生日
特意揀選了好評甚多的King Ludwig Beerhall

店裡有live band表演
氣氛很好
侍應們亦好nice地推介食物和加水

而食物方面亦沒有令我們失望，好好味:
農夫包 - 烤得好脆口，配上隨包附上既醬，正!!
德國脆香咸豬手 - 豬手的皮真係好脆，豬手肉亦好"lum"，唔會太dry，不過2個人食真係太多
蛇形德國豬肉腸 - 很彈牙，味道唔錯
另外叫左野菌沙律 & Mango Delight 亦唔錯

由於九月中有兩位友人生日，所以今晚特別約來這裡試菜，看看環境是否合適來個大派對。

餐廳為傳統西式酒廊格局，以木器棕色為主調，加上不同的種類的吊燈，照光偏暗，很有情調。餐廳位置比想像中大，除有二人卡座外，還有能容十多人的長木檯。餐廳正中處為酒吧，而角落位置則有少型舞台。

食物方面，這裡當然主打德國菜及啤酒，再加上其他西餐項目及飲料。我們一行八人當然不會錯過德國三寶：鹹豬手、德國腸及啤酒吧。

脆皮燒豬肘：我們人多，所以點了兩客。原隻豬手烤香，奉上檯前先由店員切開，再配以薯仔及酸椰菜絲。豬手烤得外脆內軟，肥瘦肉比例適中，味道偏鹹，但配以酸椰菜絲伴吃卻不錯。
德國腸拼盤：德國以香腸聞名，這個德國腸拼盤，有數種不同款式的腸；有長有短、有粗有幼、有紅有白，味道各有不同，但都烤得非常惹味，很好。 可惜一碟兩至三人份量要分成八人，每人只有淺嘗一口，有點「吊癮」吧。
薯仔沙律：隨德國腸拼盤附上，單單是薯仔蓉再加少許沙律醬，清淡得來卻不味淡，用於中和油膩的肉食最好。
酥炸牛仔柳配薯條：驟眼看來以為是炸魚柳薯條，直至切開才敢相信是牛柳。牛柳切成薄片，一整塊酥炸後配以薯條。牛柳太薄，再加上炸成吉列狀，口感欠奉；而且味道也不特出，比較遜色的一道。
紐倫堡馬祖林粗豬肉腸：除了德國腸拼盤，我們還點了另一個名字很長的豬肉腸。這個香腸為白香腸，以馬祖林（香料的一種）來調味，腸身燒成微焦，外脆內軟，味道不錯，如果再配以芥末蘸食更佳。
艾丁格小麥啤：分為一公升或半公升，我們點了後者，但也覺得巨型。啤酒不算雪得很冰凍，但麥味較香濃，入口很順滑；反而啤酒味略嫌不足，因此味道也不苦，比較適合不好啤酒的人士吧。

我們被安排坐在舞台附近位置，頭頂還有大型屏幕直播足球，起初也擔心會太嘈吵。但最後就算有表演者演唱，但因為喇叭向上，所以問題不大；反而喜出望外的是外藉表演者居然唱出流利普通話的「童話」哩。

論環境，小弟給予最高的 5 分；而食物方面，如果真正說得上是德國菜，款式就不是太多，但味道卻不錯。身處香港這個美食天堂，當然要試試不同類型的菜式吧，以前 King Ludwig 只有赤柱總店，位置不太方便，現在尖沙咀及灣仔也開了分別，來到附近的朋友可以一試吧。

菜沙律: 蕃茄, 粟米, 雜菜, 青椒, 清甜;

迷你蘑菇包: 很有咬口;

粟米濃湯: 充滿香甜粟米味道, 好好味

脆皮燒豬肘配燒薯仔伴酸椰菜: 侍應會自動把豬肘切件上碟, "擢擢"聲, 真的皮脆肉香

燒羊仔脾配迷迭香蒜茸汁: 肉夠羶;

芝士蛋糕: 賣相漂亮, 每一口都帶著芝士味

雖已光顧過德國餐廳好幾次，但昨日是我第一次到德國餐廳吃下午茶自助餐。一行人共8大1小，持一張《下午茶自助餐一人免費》餐券，加上會員85折優惠，成為大人每位$110，價錢真是很合理！

所有食物也很可口且特別，除了有專人負責燒烤脆皮豬手和香腸外，還有專人煮意粉，烘多士和做pancake甜品。意粉的自選材料主要有煙肉，蝦肉和蜆肉，還有其他菜蔬，意粉則有多款選擇，如spaghetti，蜆殼粉和蝴蝶粉等等；多士是先在一層薄薄的面包上，放上一層火腿和一層芝士，且當中亦夾有少許磨菇，接著放在芝士烤爐下把面層的芝士烘焦。芝士熔後包裹著面包和火腿磨菇，非常特別。其餘食物如熱盤和沙律雖不算多，但味道也很好。熱湯有一款。最喜出望外的是甜品，因甜品算是佔整個自助餐較大比重。甜品種類很多且好味，我最喜歡藍莓蛋糕及麵包布丁，此外，甜品還有不同種類的生果布丁及啫喱，各式小蛋糕則有黑森林及檸檬蛋糕等等。雪糕有朱古力，吃不出是甚麼味的黃色和粉紅色三種。

老實說，用$110有以上的食物質數，份量及種類，是物有所值！ (原價每位$128+10%)
飽到晚上11時也吃不下東西

之前來過兩次, 第一次食晚餐印象, 無什麼特別. 第二次食tea buffet, 還可以, 可能因為預左唔多選擇. 反而無要求.
今次第三次到 ludwig. 同朋友叫一般受歡迎菜. 德國脆香咸豬手拌酸椰菜, 農夫麵包配牛仔肝醬芝士香草, 德國腸, 煙薰腸, 三文魚牛油果沙律,茄汁肉丸.

食物方面, 整體可以, 但令我最難接受,係待應用不同方法提醒我地"交枱"

訂位時已清楚分兩個時段 : 6.00p-8.15p 及8.30p後.

我地訂6:45p, 亦準時到. 好短時間內亦已點菜. 菜亦於好短時間內到. 食到大概80%完成, 進食速度減慢, 我地亦好開心傾計之際.
當時只是7:35p. 待應開始攻勢. 第一次 "需唔需要加其他菜"
10分鐘後, "需唔需要加甜品".
10分鐘後, 待應開始清理部份"吉"碟, 以及餐具. (明明仲有食物),
5分鐘後"需唔需要將餘下食物包起". 8:05p.待應成功清理枱面. 只餘下清水.

原本1.5小時足夠慢慢完成整個餐, 唔明點解要咁趕客. 枱面清理後, 我地先發現隔離枱仲上甜品. 其他食物亦未完成, 仲慢慢食. 原來我地要俾待應趕,係因為我地無加單.
到8.05p, 見有另一批客入座. 趕頭趕命, 原來訂8.30p時段客人提早入座.

如果想在ludwig 好好進餐, 我建議: 分段落單及至少叫一款甜品, 否則, 要訂第二時段(反而有機會提早入座)