感冒未清，味蕾有一點遲鈍，不過依然食得出口感，所以先敢出呢篇食評。

午餐到此一遊，叫鮮茄牛腩飯加熱奶茶。熱奶茶有一點澀，喜歡茶記應該合何車。鮮茄牛腩飯完全唔見鮮茄，但係d汁有d酸，應該d蕃茄係溶d汁入面；d牛腩係用坑腩，而且係橫紋切，咬落d肉脆得來又好鬆，而且d牛腩有d肥膏，有d牛肉騷味，唔錯！d薯仔係好淋，合我口味。飯份量都唔算少，okay。食物方面無大問題，不過好明顯係碟頭飯做法，但係唔知點解廚房出菜咁慢！

而且佢d杯碟都好多崩，枝奶茶鐵匙又有d生銹，地板白得來又有漬，雖然裝修好modern，但係keep得唔好，就算裝修得再好又有何用！

約半年前在麵檔經歷了一次非一般的難食體驗，近日接二連三有朋友和雜誌大讚此食店，決定和上次有份吃的男友和舊老闆重臨此地，給麵檔一個平反機會。

上次的海南雞和油飯食到男友反胃，今次大膽encore。海南雞加了$6蚊要脾位，雞明顯沒上次的大隻，尚算滑流有雞味，我和男友都覺進步了不少，但舊老闆則認為進步是進步了，仍”below average”。油飯是上次難食體驗之最，今次明顯沒上次漿口，「怪味」比上次輕很多，起碼唔會入唔到口，雖然仍然一啲雞油味都
無。$56蚊食麵檔的海南雞脾+油飯，三人都認為物非所值。

有openricer讚這裡的laksa($42蚊)，便提意舊老闆點嚟試。我和男友都少食此類濃味粉麵，只覺得好大「陣」咖哩味；舊老闆對此laska非常不滿，說一點麻辣味都無，只可說是一碗咖哩麵，和laksa距離甚遠。

青菜要了雞湯黄芽白，黄芽白過份爽脆，未灼熟就上枱，離哂譜！男友點了蕃茄牛腩煲($42蚊)，牛腩算淋，薯仔入味，亦夠熱辣辣，沒什麼出錯，但仍給我們一種粗枝大葉的感覺，食唔出廚師的心機。

其實service唔特別差，無heart就預咗，不過仍希望嗰位女侍應/老闆(坐收銀那位)說話時多番啲尾音，這樣便不會給食客一種好blunt，好唔客氣的感覺。

很可惜，在P、J、舊老闆心中，麵檔仍是一間無回頭的食店，平反不了。

我食左個tea set
肉骨茶湯飯............

唔好食既.........
>.<

馬拉油渣炒麵得到店員極力推介
同另一款印度炒麵既分別就係辣同唔辣
配料以海鮮為主青口土魷魚片同蝦仔
落左大量黑豉油即係老抽
同埋一粒粒炒得好香既油渣
少少硬但係好食
加上用油麵炒比較軟身
整體配合唔錯
四十蚊算幾抵食
青檸梳打完全有如雪碧但收成廿蚊喎咪試

隔離檯食咖喱喇沙
咖喱即係唔正宗
不過咖喱味又勁香勁吸引喎
加上係摻摻雙併麵
價錢亦無其他搶錢喇沙咁貴
下次會試下

勁呀
真係勁戥你開心
有時真係好得意
明明係我撩你一齊報
點知結果我報得無報
你就得左
咦講到好似選港姐咁既?
辛苦咪辛苦囉
最緊要係鍾意
其他野唔係問題啦

行完山之後,肚極餓,口淡淡,加上天氣寒冷,想搵D味濃D o既野食.

叫個咖喱海鮮喇沙,咖喱湯底極濃,只有小小辣,勁香咖喱味,隱約仲有椰汁香味,一流.麵底為油麵及米粉兩溝,油麵夠爽口彈牙,米粉較幼及腍身,口感特別.海鮮有魚片,新鮮蝦,青口,魷魚等,並配以芽菜,豆腐卜等,分量十足.如此質素o既喇沙連飲品o係下午茶時段只係$25!真係超值得離譜.

一向都很喜愛吃喇沙，看見食家介紹這間「麵檔」有喇沙，一定不會錯過。昨晚六時許去到，試他們的下午茶餐。店內並不太大，大約十張檯，頗光猛乾淨，幾舒服。我們叫了咖哩海鮮喇沙，咖哩雞飯，凍咖啡，熱檸茶。

咖哩海鮮喇沙—喇沙來到的時候，賣相非常吸引，有青口、蝦、鮮魷、土魷、魚蛋片、豆腐泡、芽菜，吃下去非常美味，辣味剛好，豆腐泡索了咖喱汁，很有口感，又因為有很多芽菜，一點也不覺「漏」。

咖喱雞飯—如果沒有估錯，貌似薯仔的是番薯，很香甜，與雞和乾蒜等一起煮，很有獨特的咖哩味，不似一般的咖哩，還有加了青瓜，很清甜。

份量很足夠，不會因為是下午茶餐而減少了，服務非常好，那位靚女侍應很有禮貌，又有笑容，藉得加分。

埋單$59，真正抵食，樣樣都很滿意，吃完下午茶餐已不用再吃晚飯，老公話5分都唔夠，要比足6分！

星期二晚同朋友行行下見到呢間野
門面貼晒0野咁, 乜乜物物推介, 好不威風
小小店舖, 叫左兩個麵+ 兩杯野飲.
大大隻碗, 細細份量, 食落味道一般, 都算喇..
埋單$110
貴0的喎大佬, 唔知佢憑咩賣成四十幾蚊一碗麵

食完當然唔飽, 去老麥食個夠本

認識麵檔呢間野，都係拜某雜誌所致。老實講，在登隆街這條小巷...點都唔會發現呢間野。既然有喇沙食，我呢個半個喇沙仔當然要去試試。

下午三時，剛巧有下午茶(其實二點半已經有)，材料份量一樣，但價錢平啲！我叫了咖喱喇沙海鮮湯麵加百花檸檬蜜。都係29...超值啊！

喇沙麵，材料足，有蝦、魷魚、豆腐等...湯底濃濃的，充滿香味，雖說是咖喱，但一點也不辡。相反百花檸檬蜜就差得很了，感覺很像超市某隻百花蜜加檸檬....由於蜜糖太甜，基本上飲唔到檸檬味...失敗。

不過以小鋪來說，很不錯了，希望有空試埋海南雞。

開張冇來黎過一次
覺得d食物都幾OK
上星期再同朋友仔黎食
食左喇唦, 生熟牛肉河
仲叫左個青檸薏米水& 青檸梳打

生熟牛肉河OK
但個喇唦唔夠熱

青檸薏米水& 青檸梳打都係用7-up開的
正宗青檸梳打係青檸+砂糖+梳打水ga ma
佢果杯青檸梳打係一杯7-up(睇住佢倒落去)
仲要連一片青檸都冇
加$4喝杯7-up, 真係唔係幾抵

食完之後仲要返到屋企又疴又嘔
真係貼錢買難受

下次真係唔鬼再幫襯佢

呢篇係女友第二篇操刀的食評, 第一篇佢激讚, 呢一篇就….大家睇睇:

一行5人專登去棒場，友人說這裡的海南雞飯正，特地點了來試，點知失望而回。

雞，確實好大隻，而且係脾位，又去骨，但係又有乜用呢？D 肉完全無雞味，連少少雞獨有嘅甜味都無，唔OK!

Ｄ雞油飯就仲離譜，真係叫白飯都無咁激氣。佢所謂嘅油飯真係非一般咁難食，d 味超怪，仲要有少少張口，飯與飯之間比d 嘢黏住，感覺好似將d 過期發臭的汁”勞”飯食, 連焚化爐兼無飯不歡的男友都頂唔順，好辛苦食左細半最終都放棄。總之就難食啦！

我就叫左碗排毒湯米粉, 個名就夠哂特別, 原來即係雜菜米粉, 普通過唔普通……不過比起男友碗油飯, 算好ga la………男友食野好少咁唔起勁………

中午要了一碗生熟牛肉河粉。碗很大，但同時間粉和其他材料也很多，女孩子可能真的可一兩個人share一碗。

先飲湯，清甜，但個人口味覺得如果再濃一點會更好（我在差不多食完才發現在碗底的炸沖頭，如果早一點發現並把它們搞勻，我相信湯會再鮮甜一點）。

熟牛肉其實是牛腩，不太好，硬而且干；生牛肉就好得多，是打邊爐那種薄片牛肉，有五,六片，味道偏淡（但這是正常的，難道二十多元一碗粉給你雪花神戶牛肉？？？)，但很淋很滑。河粉也不錯。整體來說，食完都幾滿足。

連一杯凍飲都只是$34，在銅鑼灣區算是非常便宜了。另外，負責招呼的那位哥哥態度非常好，而且很有禮貌，在香港的小店來說非常難得，單是這點已經值得一個笑臉!

下次問問他可否淨要生牛肉，希望它可以保持良好的態度啦。。。。

到CWB UA 看電影前先醫肚，因午餐還沒完全消化所以今晚吃得清淡點。阿媽點了怡保雞肉絲湯河紛，我要了生熟牛肉河+薑汁芥蘭。

怡保雞肉絲湯河紛湯底勁正!鮮味十足，o答落食到有熬出來的上湯味。不過無試雞肉同河粉，so no comment.阿媽話都OK o架。

生熟牛肉河湯底一樣勁正!特別欣賞個"乾蔥頭"(福建話是蔥頭油)。實在為碗河生色不少。生`熟牛肉都很"lum"，但就覺得熟牛肉不夠入味，同埋稍為油o左D。And D 生洋蔥太生啦，若改為半生熟會更好味!Otherwise, 都good　o架!但我想講的不一樣是那些熟牛肉(他們好像是用了坑腩)。唔知點解，我一路食到有炭燒的味道!不過因為趕時間所以就無問老闆娘啦。

人在銅鑼灣，原本要會合朋友，但因落幾大雨，唯有自己一個搵食。見呢度新開，幾新淨，又唔算貴，就試一試。店子裝修得幾時尚，播著周杰倫，氣氛都不錯。

主打各式粉麵，亦有飯類如肉骨茶。就要了午市餐牌上排頭位的海鮮喇沙，同杯凍檸茶。海鮮喇沙幾大碗，配料相當豐富，麵底亦夠多，不計味道，是一定能吃飽的。配料有鮮魷、土魷、蝦、青口、豆卜、不少的芽菜等等。先喝口咖哩湯底，都算幾濃郁好味。不過與很正宗的地方比，這裡還差一點，起碼在「廚師」我找到喇沙葉，湯底亦較這裡鮮甜得多。麵底幾多，吃來吃去也有的，是油麵加米粉，即是摻摻，加入咖哩濃湯底齊吃，味道也不錯。

埋單38蚊，以喇沙來說，都算足料抵食。

原本不錯，但吃完去搭車時，舌頭是有點麻痺的感覺，良久不散，會不會是土魷用了過多的崩沙來發呢？我不知道，亦不能確定了。

食完野專登入登龍街尋寶(搵好野下次食),發現喱間野用左openrice尼做宣傳.證明openrice D食家評論得到認同,請各位繼續努力.

恭喜!恭喜!但由於已經食飽左,喱間下次先試.

今日4點系度食tea,呢期向銅鑼灣方向搵食,入到去得一臺客,我諗系新張關係.環境裝潢感覺modern,算四正,唯冷氣不足.

tea time2:30-6:30pm,要左個咖哩海鮮喇沙+凍檸茶$27(凍飲加$2).

咖哩海鮮喇沙---size吾算細,可以當lunch咁食(最後食剩頗多粉麵).湯底咖哩味多過喇沙味,欠缺椰香,但食落都ok!有青口,魷魚,魚片,芽菜,蝦.算系足料!米粉+幼麵就麻麻,似乎煮得過淋.

凍檸茶吾太甜且大杯,合格!

服務一般,$27無加一,抵食!