園藝附近茶餐廳好多，茶餐廳以外可以試試素食。

吃得肉太多來一個素食午餐。$30有兩個餐選擇，免茶芥不過要收加一。

$33有茶有湯仲送埋碟青瓜俾你。(初時以為要收茶錢，有點後悔入去) 我叫了一碟雪菜肉末豆腐飯，好足料，豆腐唔少。齋肉口感都幾似肉，幾得意，又有好多菇。個汁味道唔會過鹹，剛剛好。成個飯唔會好油，覺得食完個人都健康咗！

湯是紅蘿白粟米雪耳湯，冇肉當然有少少味精，不過都可接受。

環境幾舒服。茶餐廳價錢，素食有咁嘅水準，過得去啦！

一家人吃飯.媽咪鍾意食齋,又是初一,就試下這一間.
哥哥之前已訂了位.去到,發現座位很迫,因他手抱小姪女,嫂嫂的隨身BB百寶袋體積亦不細,剛巧見卡位有兩張枱分別埋單,哥哥便要求換枱.
那位阿姐,非常大聲咁答:冇卡位,留左比人!
然後有一家人入來,係熟客,打晒招呼果種.
跟住,又安排另一家人入來,是在外面等位沒訂枱的.
大家都係四個大人,為何我們先到卻不能換枱呢?況且我們只是剛剛到,還未落單,連茶水都未有.
結果,我阿哥同阿嫂成餐飯輪流手抱住阿B,食得唔安樂.

食到中途,那張坐了卡位的熟客,話熱,要求開大冷氣.
其實,室內的冷氣已經好強勁,吹到枱面的紙巾係咁郁.
擺明又係應熟客要求就乜都得.
免得凍親阿B,阿嫂唯有幫阿B戴帽.店內另有一位BB,那枱的家長都馬上幫BB戴帽.

店內幾位阿姐,都係大大聲講野語氣又倔到死的.
我坐的位好近收銀機,居然聽到以下對話:
X號枱食咁耐架,快D上埋糖水送佢地走啦.
家陣係咩年代呀?如此服務...

論食物,普通啦.
糖醋麵好硬,枝竹煲幾好,南瓜海皇羮好淡.甜酸魚塊凍冰冰.
套餐的糖水,完全沒甜味,同白開水冇分別.
我阿哥話,未曾食過咁難食的糖水.
最後我們一家匆匆忙忙食完,極速離場.

其實地方細小不是問題,而係經營同服務好有問題.
不會再有下一次.

I have ate 3 times in 禾之家 and they were al very good but I will talk about my best 2 experince.

Once I ate it's set lunch and it cost $30. There were 2 options the nodlees and fried rice. I went for the fried rice which inclued a bowl of soup which was very nice. It was a meat fried rice and it tasted like any other meat.

The second time I came with someone else because this was the luch for us before we watch HK vs Canton in Mongkok stadium. We ordered it for take away so we would eat it at the stadium. Both the fried rice and the Sweet an sour pork was delicous .

If you work near here I recommened you to come for a set lunch

入門口至出門口用了不夠35分鐘, 我明知自己唔會坐得耐, 所以19:00交枱無問題, 望過餐牌無加一才入去的, 但埋單先知又要茶錢又要加一 (有點覺得被騙)
1.香茜蕃茄豬扒湯烏冬$38 ~ 豬扒幾好味,蕃茄湯底也好飲,但芫茜算是純素嗎?
2.當歸紅棗浸魚腐$52 ~ 很重當歸味.

尋日唸住同太座去左呢間餐廳食夜晚,先上來check吓咩環境,發現無笑臉想唔去,不過佢話食過幾次都唔覺咁差咁就去試吓
我地叫左個BB筍素魚生,芋絲素鴨同蛋白炒素翅
先講個素魚生,食落都有七分似魚生,其實唔錯,點D青芥茉食仲似魚生,令一D唔食得魚生既人都可以有食魚生既滿足感
芋絲素鴨就普通左少少.個素鴨食落有類似肉類纖維既質感.
但係我幾欣賞個蛋白炒素翅,食落似賽螃蟹(所以我諗一定好多油),又有素蟹柳同素翅加露筍粒,再加少少醋都幾好味,又唔太膩,送飯都幾好
整體來說都算ok,服務都唔可以話太差,價錢合理,比起一般新派素食價錢略便宜.唯樓面略小,都搵地方放個袋都難少少

經朋友推介， 父親節當日走去試下，去到門口，己經有5678個人等緊位，好彩朋友攞左位(不過朋友話本應如果唔夠人唔比入，都唔知點解佢咁叻)
唔知道係咪因為節日關係，枱與枱之間就太窄，我真係可以夾人地張枱d野食，不過張椅都幾舒服!!
我地2人選擇左4 款菜式 (菜名唔係好記得大概咁啦):
(1)白汁茄子焗釀牛肉 – 服務員姐姐一上菜就用刀幫我地每一片都切深D，我想佢係怕我地夾一塊過時成串抽記卦，態度好喎，牛肉味道好似瘦肉囉，圍住茄子焗釀牛肉係好多蕃茄，蕃茄冇咩特別啦。
(2)九製陳皮骨 – 因為本人鍾意食陳皮，加左落個菜式好鬼開胃囉，由於這個菜係用猴頭菇做，咬落去好超好咬口!!
(3) 煎魚扒 – 菜式中間有松子仁，魚扒上面有點甜酸汁，都幾開胃，不過上菜時己經唔係熱囉!!
(4) 酸辣湯 – 個湯夠熱，但係似蕃茄湯多D，一般!!
唔夠15分鐘，d菜上哂，超快，阿服務員姐姐話唔係煮定喎…… 不過我覺得d菜上左都唔係好熱囉…… 所以好快凍哂，唔好囉!!
飯後有糖水送，紫米露，都可以架!!

魚翅南瓜湯OK
素魚生OK (爽口又真有D刺身鮮味，幾得意)
燻魚OK (味道幾好，口感一般)
沙爹牛肉煲OK
素五花腩OK
炒河 無食
白汁方包飯OK (本來賣相幾吸引，但一切開同凍咗就唔掂，D飯都算好味，但舊包真係搵鬼食)
環境OK, 衛生OK, 服務OK, 但平均$85/人OK
不過不失，無驚無喜。

上星期六係齋期, 諗住帶埋女朋友同屋企人一齊去試下太子既禾之家. 因為係齋期, 所以我女朋友預先訂左位. 差不多到預訂既時間, 禾之家打嚟問我地到未. 而我地只不過於相隔不遠既花園街, 當然回答"就到". 點知一去到竟然無哂位, 咁我好奇就問一位束黑髮帶眼鏡既女侍應, 佢竟然話我地未到, 所以讓左位俾其他人. 仲要聲大夾惡話我地唔聽佢電話, 要我地從頭排過隊. 當時我十分氣憤, 想同佢理論一番, 但佢惡劣既態度實在令我覺得咁做只會便宜佢. 所以我奉勸各位如果去呢間鋪食野, 最好要有心理準備俾人罵. 最後個晚我即時打去旺角常悅素食訂位, 去到等左五分鐘就入得. 真係明白哂乜野係良好既服務態度.

食物尚算好吃, 不過太貴了吧, 待我發了達才再去吃吧

星期六同老闆行經素食店..老闆就話不如試下啦作為午餐.....2條友就入左去啦星期六1時多都唔算多人

一坐底就送上小食(芽菜仔)辣辣地出奇地好味...2個人見到d價錢都係幾十元以為份量都唔會太多啦..

所以我地叫左一個竹笙扒莧菜, 上湯炆鴛鴦米同埋手撕雞...點知個小食手撕雞來就知我地一定食唔曬啦..

個小食都幾大下..不過味道認真麻麻...再來個炆米味道都ok唔錯...個菜都ok只係個竹笙係完全無味道...

最後叫左3樣野3樣野都要打包..攪到我地晚上都係在家食埋午餐既送

食野都係一百蚊..但係茶芥就要成$30真係幾貴

第一次去。本來是預備食茶記的, 但見到呢間門面幾得意所以試下。
叫了個128的二人餐。小食點了手撕雞, 味道都幾好, 素肉都幾可亂真! 咸魚豆腐煲都ok, 但我覺得媽媽的蠔油豆腐更有水準... 可能因為豆腐靚啦! 片皮鴨其實都ok的, 但包的薄餅好明顯係叮的, d邊乾晒, 扣分呀!!
但更扣分的是埋單157...!!! 茶芥加一都幾貴!!! 同埋服務麻麻地啦!

前兩日行過,唔知食乜好...見到呢間野門面都OK,諗住入去一試,點知出事喇! D野食比想像中難食,問個侍應辣唔辣既~佢又話:有人覺得好辣,有人覺得唔辣。咁即係冇答過~
總之以後要食齋都唔會再去囉!!!

食物OK, 可惜服務態度有問題...
昨晚我和友人在這裡用膳約一小時(19:30 - 20:30),當我們剛完成甜品既時候,侍應要求我們埋單.當時門外無人等位,隔離張六人枱亦未有人座.侍應仍堅持要我們結帳,服務手法有問題,唔會再去.

我去過這間素食館二次,食物真係不錯,而且仲好特別添!
最愛吃就係冬陰公年糕及炸雲吞,真係好好食!
我看番之前網友評論話服務員不是太好招待,這方面真係不太好,希望它們會有改善。價錢方面我又覺得唔係太貴, 兩次都係兩個人食,每人都係五十幾蚊度ok啦晚餐喎!

昨午與友人到禾之家午膳，叫了一客果仁香芒白皮卷、富豪炒米和雜菌炒糙米。埋單$87元，免加一、免茶芥。

【果仁香芒白皮卷】卷身是威化紙，內裡包裹者生果丁和沙律醬，面頭再加上一粒杏仁，一口咬下白皮卷，感覺很清新，口感不錯，若改以牛油果和腰果打成的醬汁取替沙律醬，味道更佳，營養亦更豐富。唯一要改善的是師傅包卷的方法，夾起時容易變得鬆散，如改以手卷圓錐筒狀的包法，一手拿起就送入口，更棒。

【富豪炒米】個人認為這個菜式未見突出，卻列入「精選小菜」之內，但價錢卻略為「凸出」($42元)。預先汆熟的米粉與甘笋絲、髮菜、鮑魚菇、鮮菇，以素蠔油、醬油快炒，炒埋一碟，色如泥啡，味道與一般炒米無異，沒有什麼驚喜。雖然米粉份量就足夠，但材料略嫌少了一點。

【雜菌炒糙米】這個菜與上次吃的「鮮鳯梨帶子糙米飯」應該出自同一個師傅的鑊鏟。米身飽滿的糙米配以切丁的青豆角、雜菌豆同炒，米粒煙靭，很有嚼勁，口感十足，卻不太油膩，吃出飯粒原有的味道，令人感到值得回味。